بقايا الأمس تؤذيني

part 2

الكاتبه "ملكوت 🎀
البارت"الثاني

إنّهُن العِرَاقِيَّات :
كُلّ حُزنُهَّنَ مُخبأ تحتَ ، " الشِيّلة " .
يَفرحنَ بـِ مَجالسِ العَزاء ،
لـِ يُسقطَّنَ ذلِك الحُزن ، تحتَ مُسمىٰ :
" المَيّت عَزِيز " .

"""""""""""""""""""""""""""""""

جدي_لج ساقطه وين ابنج

لحضات اركز وياهم ولحضات وياه امي الي شكلها ابد ما بيه امل انو زمزم بخير روحي داتنعصر مو على اخوي لا لان مصار اسبوع من شفته بعده كلش اصغير وامي ما تخلينا نتقرب اله تخاف نأذيه لان عذبه عمرها 3 سنوات بعدهي ما تفهم واني حك اهز الكاروك بس اذا امي مشغوله

روحي انعصرت على امي وهيه اشوف الخوف و القلق طعن وجها مصار اصفر من الرعب الي هيه بيها وجها صار بنفسجي شفايفها انضربت رصاصي على بياض روحي راحت على امي شلون راح تخلص نفسها من الوحش الي كدامها

الي انتفضو كلهم بالتهجم عليها انو هيه السبب هيه مهمله هيه مابيها خير خلفتها لازم بس بنات الولد مو الها يموت الولد بس يبقى عدها

بين عمتي ومرت عمي الثاني محتارت من سمهن منو بيهن سوت هيج عمتي لو سماهر وحده تباوع الثانيه بشك لان مستحيل اكو منو ينفذ البيبتي و يغلبهن بالسم

ناس تصيح و ناس ترزل وناس تتهم ناس محد انتبهي الي أو شنو حجية لان مستحيل طفله تحرك اخوها

اتقدم جدي بهمه الامي قبل لا يمد ايده عليها داخل أبوي و بيده زمزم نايم و مسبل اديه ايده اليسرى ملفوفه بشاش أبيض و خده الأيسر لهبته النار صاير أحمر دم دخل راسن بدون كلام وبهدوى للغرفه لحكته امي تجر بنفسها رعشت القهر تهز بجسمها

بنفس الحضه الي طلع بيها أبوي من الغرفة دخلت واني وراها اعصر باديه الاثنين

مشت ذبت عباتها و شالها على الجربايه انحنت وكعدت بصف مكان الكاروك المحترك تشهك معقولة هيه بعمر ال 22 معقوله القهر هيج كبرها قاطع تفكير دخول أبوي وهوه يرعد عليها بعد ما شحنو بكلام مسموم

أبوي _ انتي وين جنتي غافله عنه ولج طفل طفل ماكله كاروكه النار

امي_ ب ب ب الحمام اغسل ل عذبه

أبوي _ لج يعني 25 نفر بالبيت محد شاف منو حركه محد يعني هسه اني اذا احرك نفسي محد يشوفني

شاهينه_ انيييييييي حركته

وقف التفكير عندي صار كل همي و مبتغاي افهمهم اني الحركته كل الي اعرفه اني حركته بالغلط مادري بنفسي افكر اني اتعاقب اذا جنت متقصده بس ما تعاقب اذا بالغلط

تقربت امي تزحف على ركبها سحبت ايدي بهدوى وتمسح على وجها ايدها رجفتهن ابد مو طبيعيه من كد ما قويه ايدي تتحرك وياه ايدها

امي _ شاهي مامه انتي جنتي بالغرفه مو شفتي منو دخل اكيد منو حركته

شاهينه_ مامه والله اني حركته مادري والله وحركته