ချီချင်းက ဝူကျိကို တိုက်ရိုက်ပြန်မပြောပဲ ရှဲ့လင်ထံသို့ forward လုပ်၍ ပို့လိုက်သည်။
" ခင်ဗျားသူငယ်ချင်း ခေါင်းတစ်ခုခု ဖြစ်နေလားမသိဘူး"ရှဲ့လင်သည်လဲ ဝူကျိဒီလောက်ထိ ပေါက်ကရ လျှောက်လုပ်လိမ့်မည်ဟု မထင်ထား။ စိတ်ရှိသလို ဆင်ခြေရှာဖို့ပြောလိုက်သော်လဲ တွေ့ကရာဆင်ခြေကို ပေါ့ပေါ့တန်တန် ရှာပစ်လိုက်သည်။ အဖွားအိုကို လမ်းကူးဖို့ ကူနေ၍ အလုပ်နောက်ကျသည်ဟူသော ဆင်ခြေထက် ပိုဆိုးနေသည်။
သို့သော် ဝူကျိနှင့် သူ အသိအကျွမ်းမဟုတ်ဟု ပြန်ပြော၍ မရသည့်အတွက် ဒီအတိုင်းသာ ပြန်ပြောလိုက်ရသည်။
ရှဲ့လင် : " သူ့ခေါင်းတစ်ခုခု ဖြစ်လို့လား"ချီချင်း : " ဆေးခန်းသွားရတော့မယ်နဲ့တူတယ်"
ချီချင်းက နားမလည်နိုင်သော ခေါင်းစဉ်နှင့် ပါတီတက်ရန် စိတ်ကူးမရှိ။ သို့သော် အမှတ်မထင် ကျိမင်ရွေ့နှင့် တွေ့မိတော့ ကျိမင်ရွေ့က ထိုပါတီကို အထူးစိတ်ဝင်စားနေသည်။ ကျန်သူအားလုံးကလဲ ထိုပါတီတက်ရန် တညီတညွတ်ထဲ ဆုံးဖြတ်လိုက်ကြသည့်အတွက် ချီချင်းကိုပါ မရအရ ခေါ်ခဲ့ကြသည်။
ပါတီတက်မည့်သူများက ရဲအရာရှိများ ဖြစ်ကြသည့်အတွက် ဝူကျိက အပြင်အဆင်ကို တော်တော်လေး အားစိုက်ထားသည်။ "နယ်မြေရဲစခန်း" ဟု ဆိုင်းဘုတ်မတပ်ရုံတမယ်သာ။ ချီချင်းနှင့် တခြားသူများ သီးသန့်ခန်းထဲ ဝင်သွားတော့ ပထမဆုံးကြားရသော သီချင်းမှာ "မျှော်လင့်ချက်နယ်မြေထဲမှာ"ဟူ၍ ဖြစ်သည်။
" မျှော်လင့်ချက် နယ်မြေထဲက သူရဲကောင်းကြီးတွေ...."
" ကောက်ပဲသီးနှံများဟာ လယ်သမားများရဲ့ သွေး ချွေးများသာ"
ဝူကျိက ဆိုဖာတွင်ထိုင်ရင်း ရှဲ့လင်ကို တိတ်တဆိတ် စာပို့နေသည်။
" အကုန်လုံး ရောက်နေကြပြီ... ရှဲ့ကော ဘာလို့ ဒီလောက် နောက်ကျနေတာလဲ"ကျိမင်ရွေ့ကတော့ သီချင်းကိုကြည့်၍ လန့်နေသည်။
" ဒီလောက်ထိလဲ မလိုပါ..."ဝူကျိက ဖုန်းချကာ ပြုံးပြသည်။
" ကျွန်တော် သဘောကျလို့ပါဗျာ... အမိမြေကို ဂုဏ်ယူတဲ့ သီချင်းကို ဆိုရင်း ခင်ဗျားတို့ကိုပါ ဂုဏ်ပြုတာ.. ကျွန်တော်တို့ တစ်နယ်လုံး အေးအေးချမ်းချမ်း နေနိုင်တာ ခင်ဗျားတို့အားလုံးရဲ့ ကြိုးစားမှုရလဒ်တွေကြောင့်ပါ"
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...
Chapter 82- နားကပ်
Start from the beginning