خاطفي هو منقذي

البارت الاخير

هلو قلبوشاتي🦋

هذا بارت إضافي لعيونكم..

عرفنا الحبّ وأسراره وكتبنا أجمل أشعاره، وغنينا على أوتاره، وذبنا بالغرام ألحان.
............................
جواد: كلي يا حلو منين الله جابك كلي ياحلو منين الله جابك
خزن جرح كلبي من عذابك كلي وشفت مني أذية كلبك من صخر ماحن علية.....
سمر: كاعد امسح تخم استقبال سمعتة يغني ضلت اضحك.
جواد: شعندة الكمر طالع من صبح.
سمر: احم جواد وخر هسه يجي يامان.
جواد: تقربت اكثر و حضنت خصرها اشتميت عطرها.
سمر: طوقني بحضنة ماكدر اتحرك كام يطبع بوسات بركبتي نزل طرف دشداشة و يبوس كتفي لزمت ايدة الي على خصري و حضنت وجهه بأيدي ثانية جوادد.
جواد: يا عيونة لجواد.
سمر: حبيبي خلي اكمل شغل اليوم عدنا خطار.
جواد: هسه اعوفج بس بليل الي.
سمر: ان شاء الله.
جواد:راح اطلع نحتاج شي للبيت.
سمر: جيب وياك فواكه و كرزات.
جواد: تدلل مرتي يلا حبيبي مع سلامة.
سمر: الله وياك حبيبي هو راح اني ضليت اكمل تنضيف و ترتيب بيت اليوم بيت اهلي و بيت اهل جواد يجون اتصلت على تاليا و بشرة هم يجن علواهس و عزمت اخو جواد و مرتة ولو ما اطيقهه بس عيب ما اعزمهم جنت انضف و سمعت دكة باب لبست حجاب و طلعت فتحت باب شفتها بشرة اجتي.
بشرة: لجج شلونج ياروحييي.
سمر: هلا حبيبتي بخير انتي شلونج تفضلو شلونك خوية سيف.
سيف: الحمدالله خوية بخير وين جواد.
سمر: طلع يشتري كم غرض هسه يرجع تفضلو.
بشرة: دخلنا جوة و كعدنا اجة يامان ابن جواد يلعب وية زينة.
سمر: بعد دقايق تبدي رحمة الله لأن يامان و زينة نار و بانزين.
سيف: ههههه غير ابنج طالع على ابو.
سمر: والله خوية هو علمة شبيدي اني.
بشرة: ههههه جواد هو ما عقل تريدين ابنة يعقل.
سمر: اي والله خية كعدنا نسولف و نحجي شوية و اندك باب مرة ثانية رحت افتحة شفت عمة ام جواد و بسام و مرتة اجوي هليت و رحبت بيهم تفضلو عمة بيت بيتكم.
دعاء: ياعمري انتي.
بسام: شلونج خوية شخبارج.
سمر: بخير بعد اختك على الله.
مرت بسام: هلا شلونج سمر.
سمر: شفتها تسلم من ورة خشمها ما اهتميت رديت سلام و كلتلهم تفضلو جوة.
بشرة: دخلت ام جواد و سلمت عليهه و مرت بسام هم شفت سمر مو على بعضها اترخصت منهم كلت اروح اساعد سمر طلعت من استقبال شفتها كاعد تسوي جاي و تحضر استكانات
-سمر حبيبتي صاير شي احجيلي اشوفج مو على بعضج.
سمر: لا ياروحي ماكو شي ليش كمتي من مكانج انتي حامل لا تعبين.
بشرة: سمر هل كلام مو علية افتهمتي اني حافضتج احجي صاير شي.
سمر: خل يجن سارة و تاليا عود نكعد سوة و اسولفلجن.
بشرة: ان شاء الله حبيبتي.
....................
تاليا: يامان انطيني كلينكس هاي تايا لعبت لعب بملابسي.
يامان: هههه هاج حبيبتي.
تاليا: مسحت ثوبي و تايا بحضني بيدهه مصاصة تباوعلي و تضحك، اي اي ضحكي علية بنت الحلو وصختي ملابسي كامت تباوع على يامان و تضحك.
يامان: لج فديت ضحكة اني بنت كلبي.
تاليا: دير بالك على طريق حبيبي ماتحس كاعد تتغزل هواي.
يامان: اشتم ريحة غيرة.
تاليا: احم لا ليش اغار.
يامان: هههههه يمة بنياتي يمة فديتجن ثنينجن.
تاليا: خليت راسي على كتفة و تايا بدت تصيح، شبيج يمة شبيج ترة زوجي هذا.
تايا:نا ..نا.
تاليا: هاي بنتك صايرة كردية مكضيتهه علية نا نا.
يامان: هههه هذاك يوم شفتها تلعب وية هذا ولد كردي بل مطعم يمكن معلمهه.
تاليا: خل يشوفهه يامان ابن جواد اليوم الا يتوبهه يابوية عندة غيرة ماصايرة.
يامان: ابن كلب يكول اريد بنتك.
تاليا: هههههه خلصنا طريق سوالف وصلنا بيت جواد نزلت من سيارة و كلت
-يامان شيل تايا بس انضف ايدي و ثوب من دبك مصاصة.
يامان: جيبيها بوية.
تاليا: أخذها مني غسلت ايدي و دكينا باب فتحلنا يامان زغير و زينة ركضو على يامان.
زينة: شلونك خالو.
يامان: ياروح خالج بخير انتي شلونج.
زينة: زينة خالة تاليا شلونج.
تاليا: اني زينة ياعمري فدوة لوجهج.
يامان زغير: هلا عمي تفضل انطيني تايا.
يامان: امشي لك مانطيك بنتي.
يامان زغير: خليني محترمك انطيني مرتي.
تاليا: ضليت اضحك رغم عمرة زغير بس كلامة اكبر منة.
يامان: امشي ابني امشي بكد جف ايدي و جاي تحجي.
سمر: يامان مو على باب.
يامان زغير: ماما اجة عمي.
سمر: طلعت للحوش سلمت عليهم تفضلو ليش واكفين.
يامان: ابنج واكف سيطرة على تايا.
سمر: هههههه.
تاليا: رحبت بينة و دخلنا جوة شفنا كل كاعدين سلمنا عليهم و كعدنا ورة دقايق اجة جواد.
جواد: هلااا بيكم هلااا اليوم كلكم تزقنبون من خيري بل عافية.
سيف: امك كاعدة ماكدر احجي والا اكوم اطيح حضك.
دعاء: اني كلت ازوجة يعقل اشو هذا تخبل بل زايد.
يامان: خالة ذيل جلب ما ينعدل حشاج.
جواد: خلف الله عليكم.
سمر: كمنا اني و بشرة و تاليا للمطبخ نتساعد كملنا كل شي عل سريع وصلو بيت اهلي و سارة و هود و عمو عمار و خالة أمنة و زوجها التمينة فرشنا سفرة طويلة و بدينا ننقل بل اكل على سفرة صح تعب بس أصوات ضحكة والسوالف تخبل كعدنا على سفرة وحدة ناكل و نسولف من كملنا انصدمنا بكمية مواعين والله العظيم تبسبسنا بيناتنا احنا بنات و سارة حجت.
سارة: الحياة زوجية مشاركة بين زوج و زوجته لازم يتساعدون و احنا نعرف ازواجنا يحبونا مو صح بنات.
بشرة،سمر، تاليا: اي صح صح.
هود: انطونياهه من اخير لا تلفن وادورن.
سارة: احنة طبختا و رتبناو صبينا و جبنا اما شيلة مواعين و غسلها لازم الزوج يتعاون.
جواد: انجبن بس ناقصنا نغسل مواعين بدالجن.
سارة: سمر استلمي حوبي.
سمر: اي عادي لا تغسل غمزتلة على سهرة بليل ما راح تحصل شي كام من مكانة راح ماعرف وين ورة دقايق رجع شفنا شاد ربطي على راسة يقلدني من اني اربطهه و اشتغل متنا ضحك علي.
جواد: شباب اعذروني اني ربي وصاني على مرتي ماكدر اكسر كلام رب العالمين.
سيف: طا حضك يا حمار بشنو هددتك.
بشرة: احم احم استاذ سيف اني عادي عندي هسه اروح اشيل مواعين و اغسلهن تعرف حامل و اتعب انت هم ضل كاعد.
سيف: هاا لا يمعودة كعدي على شنو تعب اني و جواد نتعاون.
جواد: طاح  حضك وياي لعد.
سارة: هود يحتاج اهدد لو انت حباب تشتغل بدون ما اكولك.
هود: لا على شنو تتعبين نفسج انتي حامل اني وياهم انضف.
يامان: هههههه.
تاليا: فديت ضحكة اني انت هم وياهم حوبي.
يامان: اني كل يوم هذا شغلي شنو جديد.
جواد: اي والله احس غدرناك من زوجناك هاي ام صماخ لا طبخ ولا غسل ولا تنضيف تعرف.
تاليا: زوجي و يساعدني انت شنو غاثك بيبي.
جواد: رجلج بيبي مو اني.
سارة: توتي عوفي هذا ما يعرف بل ثقافات ماي هاني.
هود: منو هانج اليوم اكسر راسة.
سارة: حبيبي ماي هاني يعني يا عسلي بل انكلش.
جواد: مالت عليج انتي والانكلش.
تاليا: شفناهم كفو ردانهم و كامو ينكلون بل مواعين للحوش سوو دائرة يكعدن يغسلون بيهه احنة هم كعدنا بل طرمة نشرب جاي و نضحك عليهم.
جواد: عموري ما تجي تساعدنة لو عاجبك وضع.
عمار: ههههه مرتي تحبني ما ينطيهه كلبهه تتعبني.
جواد: محد ارتاح بزواج غيرك العب عمي العب.
سارة: اجلفو زين اريد مواعين تلمع لمع.
جواد: اني محد غاثني غير سارة يابة بس طلعوهه نرتاح.
هود: فديت مرتي غاثة هواي ناس.
سارة: اعجبك حبيبي.
جواد: حموضة حموضة.
سيف: اكولك يامان اليوم ساكت.
يامان: عادي احنا نشتغللهن هسه و هنة بليل ههههههه.
تاليا: هو كال هيج احنة غطينا بهدومنا ولا يستحون كمنا من مكان فتنا جوة نضحك.
بشرة: رجلج صاير ادبسز.
تاليا: والله ماتوقعت يحجي هيج هو اغلب وقت هادء.
سارة: خافي من هذولة.
سمر: هنة يحجن واني بس ابتسم.
بشرة: اكول سمر كافي احجي شكو شصاير.
تاليا: شصاير ياروحي.
سمر: بنات اني احس ضالمة جواد وياي.
بشرة: شنو هل كلام؟
تاليا: ليش ياروحي شكو؟
سارة: ثواني اسد باب و اجيجن سديتة و كعدنا يلا احجي سمورة.
سمر: قبل كم يوم رحنا على بيت اهل جواد كعدت وية عمتي دعاء و كالو راح يجون بيت خالتهم يعني اهل مرت بسام اني هم ضليت وياهم كاعدة جواد جان طالع وية اصدقائة كلت خل اروح اساعدهن بل مطبخ شفتهن يحجن علية.
مرت بسام: خلي تولي جانت مطلقة و لزكت نفسها بجواد الله يعلم شلون مرخصة نفسها وشكد نايم وياهه قبل زواج.
سوسن: جواد جان ملكي لو ما هاي ماخذته.
مرت بسام: ولا يهمج اني اخلي يرجعلج و يتزوجج بعد.
سمر: هذا كولشي الي صار اني اعرف جواد ما يشوف غيري و يحبني بس ترة مو ذنبي اني جنت مطلقة.
تاليا: شفتهه كامت تبجي حضناهه كلنا و نهديها لا تبجين ياروحي خليهن يعون مادام رجلج يحبج لا تهتمين.
بشرة: مفروض تحجين لجواد ليش ساكتة.
سمر: خية ماريد يصير مشاكل بين اخوان اني اعرف جواد شكد يحب بسام و بسام شكد يموت على جواد ماريد علاقتهم تخرب.تاليا: احنا جنا نحجي و انفتح باب انصدمنا من شفنا جواد الأعصاب و دمارات مبينة.
سمر: جواد حبيبي خل...
جواد: اذا ممكن اطلعو برة اريد ابقة اني و مرتي.
بشرة: احنة طلعنا برة و سمعنا قفل باب كمنا نرجف بس لا يصير شي.
سمر: ضليت على نفس كعدتي اباوع بعيونة صارن حمر من خوفي نزلت دمعتي.
جواد: ليش ماحجيتيلي؟
سمر: حبيبي بس خل افهمك.
جواد: اني غريب عنج ولججج اهلج جانو يأذوج تجين تكوليلي وتحجين ماتضمين علية ليششش تغيرتييي شنو غيرج؟
سمر: ماكدرت احجي و هو أعصاب عندي خوفة من واحد يصيح لزمت راسي بقيت ابجي.
جواد: اتخبلت من شفتهه خايفة مني اني بنتي ما تخاف مني شلون خليتها تخاف تقربت و حضنتها لصدري و تشهك اسف بنيتي والله ما منتبه لتصرفي و صيحت اششش ياروحي كافي حبيبي كافي اهدي و احجيلي كولشي ماريد تضمين حرف علية.
سمر: بعمرة ماصيح ولا عصب علية بس اليوم صيح من حضني ماكدرت الزم نفسي كمت اشهك بل زايد حسيت اريد ارتاح بعدني من حضنة و لزم وجهي يمسح دموعي.
جواد: بنيتي سمري باوعي بعيوني اني جواد اني الي كل ما تضعفين و كل ما عندج مشكلة تتصلين علي علمود تحجيلة ليش تضمين علية والله وعد ماسوي شي بدون رضاتج احجيلي صح اني سمعت بس اريد تحجيلي بلسانج.
سمر: باوعت بعيونة و نزلت دموعي جواد حجي ناس يأذيني مو ذنبي مطلقة شنو ذنبي اني هم اريد اكمل حياتي بأستقرار اريد افرح بزوجي و بيتي جنت زغيرة و زوجوني واطلكت شسوي و أكدر اسكتهم حجيهم يجرحني مو بيدي.
جواد: بس انتي بعيوني احلى بنية بعيوني أطهر بنية ما يهمني ماضي يهمني انتي هسه وياي واني احبج ليش تهتمين لكلامهم واني وياج خليهم يحجون اتذكري اني عالمج.
سمر: سوسن تريد تاخذك مني هي كالت جواد جان ملكي.
جواد: انعل ابهاتهم ولج جواد ما يهوة غيرج يا نضر عينة عيوني اعميهه اذا شافت غيرج وداعت كل دمعة نزلت هسه ادفعهم ثمن غالي مو اني يبجون بنيتة ماجبتج برخص ولج اني جبتج بتعب سنين و سهر ليالي.
سمر: حضنتة كل قوتي و خليت راسي بركبتة لا تعوفني اني ماعندي غيرك.
جواد: اويلي يابة شايفتني مخبل ماعندي عقل اعوفج.
سمر:طبعت بوسة خفيفة على ركبتة و اني حاضنتة.
جواد: لا هنا حدج تتحارشين وما اردهه الج عيب علية.
سمر: دفعني على جرباية صار فوكي جواد مو هسه خطار برة عيب تأخرنا عليهم هسه شيكولون.
جواد: رجال و مرتة شعليهم.
سمر: اييي غير خطار عيب حبيبي.
جواد: بس بوسة اصبر روحي بيهه.
سمر: نزل باس ركبتي و طول بيهه جوادي.
جواد: روح جوادج.
سمر: احبك.
جواد: اموت عليج اوعديني اي شي يصير ما تضمين علية.
سمر: وعد كام هو واني كمت اعدل نفسي و حجابي.
جواد: مرت بسام لا تحجين وياهه خلي تولي.
سمر: مالي دخل بس على كد سلام.
جواد: حتى سلام لا تسلمين.
سمر: عيب.
جواد: مو عيب سوي الي اكلج علي حبيبي.
سمر: ماشي، نزلنا جوة شفت بنات وحدة كاعدة بصف لاخ متوترات ابتسمت و طمنتهن.
ابو سمر: احم احم وليدي جواد مشكورين على عزيمة ماقصرت اني اليوم اجيت بطلب ان شاء الله ما تردني.
جواد: كول عمي طلباتك أوامر.
ابو سمر: بوية اني من اول يوم عجبتني امك و جاي اطلبها منك على سنة الله و رسولة.
سمر: انصدمت من طلبة صحت بابااا.
جواد: عمي غالي اني امي ماتزوج عايشة على ذكرة ابوية الله يرحمة.
دعاء: انت ليش تحجي من كيفك.
جواد: هااااا دعيووووة هاااا اشوفج مكيفة.
دعاء: ها لا شبيك ابني.
ابو سمر: ابني لا توكف بطريقنة اني رايدهه و هي رايدتني.
جواد: دنيا دوارة عمي تذكر من جنت اكول انطيني بنتك ما جنت تقبل ضليت سنين عود قبلت انت هم تعذب شوية دعيوة تستاهل.
يامان و سيف: كوة لازمين ضحكتنا والله جواد مخبل.
ابو سمر: عمار خوية احجي شي.
عمار: ابني جواد هاي مرتك يمك و عايشين الحمدالله ابو سمر خوش رجال كول يا الله و اجمعهم.
جواد: تقربت منة و همس عموري اني قابل بس غير نثكل نفسنا.
عمار: ها ها اي حقك خوية ابو سمر انتظر جواب منة.
ابو سمر: اي عادي انتظر عمر كلة.
سمر: جان يحجي و يباوع على عمتي دعاء هي هم ماخذه وضع خجلانة كلنا كوة لازمين ضحكتنا.
سارة: محد لعبها صح غير دعاء و ابوج سمر.
تاليا: شكد كيوت سوة.
بشرة: هههههه باوعن على مرت بسام مصدومة خطية.
تاليا: ههههههه ضحكت بصوت و انتبهو علية سكتت احم ماكو شي اسفة.
يامان: جريتهه من بنات و حضنت كتفة يلا حبيبي خلي نرجع.
تاليا: تمام ياروحي تايا تعاي ماما البسج حذائج راح نروح.
يامان زغير: وين ماخذين حبيبتي.
يامان: انجب لك احجي عدل.
يامان زغير: غير حبيبتي و من تكبر اتزوجها.
جواد: لك ابني ما لكيت غير هاي فاهية المطفية.
يامان زغير: اخطبلياهه.
يامان: تايا تعاي بابا لا تخافين هذولة عائلة مختلة عقليا.
جواد: خلف الله عليك.
تاليا: عدلت نفسي و سلمنا على كل و طلعنا لنص طريق تايا نامت بحضني لأن تعبانة من لعب و اني هم خليت راسي على جامة ضليت اباوع للطريق هذا طريق يذكرني بكل ذكرياتي وية يامان دوم احب اصورة.
يامان: حبيبي إذا نعسانة نامي على كتفي.
تاليا: لا حبيبي ما نعسانة بس تذكرت ايامنة سوة.
يامان: لزمت ايدهه و بستهه احبج.
تاليا: اني هم احبك.
..................
سارة: رجعنا لبيتنا اني و هود تعبانة من حمل هسة اني بشهر ٦ ذبيت جنطة والحجاب تمددت على جرباية رجلية ماحس بيهن.
هود: تعبانة اميرتي.
سارة: اي والله رجلي ما حس بيهن كعد على جرباية يدلك رجلي شفت شكد مهتم و خايف على تعبي.
هود: نامي ياروحي اليوم لا تكعدين اني اكمل شغل بيت بدالج.
سارة: لا حبيبي هسه ارتاح و اكوم.
هود: ماريد عناد غطيتها و بست راسهه يلا غمضي عيونج يااميرتي.
سارة: غمضت طفة اضوية و طلع اني هم نمت.
هود: طلعت شفت بيت نضيف بس مطبخ يرادلة تنضيف و ترتيب غسلت مواعين وصخة و مسحت كاونتر و الطباخ رتبت كل ماعون بمكانة طلعت برتقال و عصرتة وطلبت العشة من برة كال بعد ساعة يمك رتبت ميز ورة ساعة وصلت طلبية حاسبت ولد طبيت جوة فرغت الأكل بمواعين خليتهن على ميز رحت على غرفة شفتها بعدها نايمة شغلت اضوية و رحت عليهه اكعدها
-ساروشتي حبيبي كومي كافي نوم دنيا مغرب موزين.
سارة: بس شوي حباب نعسانة.
هود: لا عمري انتي موزين يلا كومي غسلي حضرت عشة حتى نتعشة سوة.
سارة: فتحت عيوني كوة رحت غسلت وجهي بدلت و لست تراك رحت للمطبخ شفت محضر ميز و مسويلي عصير حضنتة
ربي لا يحرمني منك حبيبي اليوم تعبتك.
هود: تدللين ام ابني.
سارة: كعدنا نتعشى و يوكلني بيدة لو يشربني عصير كملنا اكل و غسلت مواعين بقة واكف يمي حاضني.
هود: احبج اميرتي.
سارة: ياروحي اني هم احبك كملت مواعين و نشفت ايدي حسيت طفل ضربني هوود جيب ايدك بسرعة حطيت ايدة على بطني و انعادت حركة مرة ثانية.
هود: هاي شنوو يتحرك سارة ابنا فديتك ياروح بابا.
سارة: يمكن يعبر عن فرحتة.
هود: خلي يعيدها يلا بابا عيديها.
سارة: كاعد على ركبة و حاضن بطني ينتظر يتحرك طفل.
هود: يلا بابا يلا اييي اييي اتحرك سارة.
سارة: هههههه.
هود: تعاي يروحي ارتاحي لا تتعبين ابنا.
سارة: رحنا للصالة فتحنا تلفزيون طلعنا فلم و حضنتة نباوع سوة.
..................
تاليا: وصلنا للبيت شلت تايا بين ايدي نايمة صعدت للبيت و يامان يمشي ورانة وصلت للباب انتظرت يامان اجة فتح باب و دخلنا للبيت رحت خليت تايا بمكانها و غطيتها طلعت خاولي اريد اسبح لأن تايا مدمرة ملابسي دخلت للحمام و سبحت من طلعت شفت يامان ما موجود لفيت شعري من تعب بدون ما ابدل ذبيت نفسي و نمت على جرباية.
يامان: طلعت برة لأن اجاني اتصال من مطعم رديت عليهم و اشتريت كم غرض من يم عمو ياسر سلمت علي و رجعت للبيت شفت ماكو اي صوت رحت للغرفة لكيتهه نايمة بروب مال حمام تقربت منهه صدرها مبين رجليهه مبينات مسدت على راسهه.
-تاليا بوية حبيبي كومي ياروحي.
تاليا: عرفت شهرية جايتني كلتلة بطني تأذيني عوفني نايمة.
يامان: كومي بدلي اخذج للمستشفى.
تاليا: احم ما يحتاج هسه شوية و يروح لا تهتم.
يامان: افتهمت عليهه رحت للكنتور طلعتلها تراك و ملابس كومتها هي مغمضة بدلتلها و نشفت شعرها ضفرتة سديت بردات و غطيتها نامي ياروحي اذا احتاجيتي شي اني يمج صيحيلي.
تاليا: هزيت راسي و حسيتة من طلع.
يامان: رحت للمطبخ طلعت عدس و خضراوات سويتلهه شوربة و حميت مي حار ماعرف البنات يخلونة بهذا بطل ماعرف شنو كل مرة اشوفهه خليتلهه و رحت عليهه شلت غطة و خليتلهيا يم بطنها حتى تدفة فتحت بل يوتوب شنو اشياء تقلل الم دورة شهرية شفت اكثر شي كاتبين تاكل شي حلو لو تدفة لو جواريب رجعت للغرفة طلعت جواريب و لبستهه و جنت مشتري نساتل من عمو ياسر حطيتها بصينية و صبيت شوربة وديتلهيا للغرفة-حبيبي تالونة كومي اكلي ياروحي علمود تصحصحين.
تاليا: حسيت شوية خاف الألم كعدت حطلي صينية على جرباية شفت شوربة و نساتل باوعت بعيونة احبك عاشت ايدك.
يامان: الف عافية.
تاليا: ليش ما تاكل وياية.
يامان: لا حبيبي من يوم و جاي لازم ارجع للجم جسمي مخربط.
تاليا: بس شوية هي شوربة.
يامان: لزمت وجناتهه عادي حبيبي انتي اكلي لا تهتمين بست راسهه ضليت كاعد على تلفون و هي تاكل.
تاليا: شفت كمية حنية و اهتمام من يامان خلتني احمد ربي كل ثانية كل حياتنا جانت حلوة بس شي نقص هو صلاتنا اني و يامان ما جنا ملتزمين كلش هواي بل صلاة حبيت احجي ويا مادام كاعدين سوة
-ياماني.
يامان: روحة بوية محتاجة شي.
تاليا: اريد احجي وياك بموضوع.
يامان: اي احجي ياروحي.
تاليا: حبيبي انت تركت تدخين الي جان مضر لصحتك و الحمدالله ربنا رزقنا بتايا و رزقنا نفتح مطعم و الحمدالله احنا هسه سوة حياتنا كولش حلوة بس ناقصها شي انو نلتزم بصلاتنا.
يامان:اني بسبب انشغالي مرات ماكدر اصلي.
تاليا: هذا عذر ياروحي خلينا نوعد بعض مهما يكون شي مهم لازم ما يكون اهم من صلاتنا.
يامان: ان شاء الله ياروحي من هاي لحضة وعد مهما كان شغلي مهم ما افوت صلاتي اشكر ربي لأن رزقني بيج.
تاليا: حضنتة و كلت اني الي محضوضة بيك حبيبي، شلت صينية و رجعت شفتة متمدد على جرباية رحت حضنتة و نمت الصبح ساعة ٤ كعدت على صوت منبه يامان طفا بنفس وقت اذن طلع يامان  ورة شوية شفتة فرش سجادة و يصلي كولش فرحت من شفتة،من بعدها ضلينا ملتزمين بل صلاة.
...........................
بعد مرور ٣ أشهر..
بشرة: هذا شهري اجيب بي لهذا اتصلت على تاليا تكون وياي ماعندي احد سمر ماتكدر تجي بسبب يامان زغير و سارة حامل بشهر ٨ لهذا ماعندي غير تاليا.
-الو شلونج تالونة.
تاليا: هلا حبيبتي بخير انتي شخبارج.
بشرة: بخير ياروحي عندي طلب عنوني.
تاليا: كولي ياروحي عيوني الج.
بشرة: سالمات عيونج هذا شهري راح اجيب ماعندي احد يجي وياي اتصلت على سمر ما تكدر و سارة حامل ماعندي غيرج تجيني.
تاليا:اعذريني يا بشرة اني هم ماكدر تايا ماتكعد راحه.
بشرة: ماشي حبيبتي اسفة تعبتج وياي.
يامان: فتحي باب ام صماخ على كولة جواد.
بشرة: سمعت دكة باب و بسرعة جبت حجابي و طلعت فتحت باب شفت يامان و تاليا.
-ياااا انتو جايين و ما تحجون.
تاليا: مفاجئة حبيبتي.
بشرة: كلل هلا بيكم.
يامان: شلونج ياروحي ان شاء الله بخير.
بشرة: بخير خوية تفضلو.
تاليا: دخلنا جوة اجت زينة تلعب وية تايا ضلينا كاعدين من رجع سيف عفناهم سوة و رحت وية بشرة لغرفتها.
بشرة: تعاي كوليلي شلونج وية يامان.
تاليا: الحمدالله مدللني و ما منقص علية شي حياتنا حلوة.
بشرة: الحمدالله ان شاء الله دوم تضلون هيج.
تاليا: انتي شلونج وية سيف حضرتي شغلات للطفل لو لا.
بشرة: الحمدالله وضعنا زين هذاك اسبوع طلعت ويا للسوك و اشتريت للطفل كم غرض.
تاليا: ان شاء الله تكومين بسلامة.
بشرة: ياروحي الله يسلمج.
تاليا: تغدينا و للعصر اجوي جواد و سمر سلمت على سمر خطية ضعفانة.
سمر: شلونجن بنات.
تاليا:بخير حبيبتي انتي شلونج.
سمر: على الله يامان متعبني هواي كل يوم مشكلة وية جوارين.
تاليا: خل تكبر تايا شوية و تمشيلجيا مسطرة.
سمر: لعد كبريهه بسرعة خية.
بشرة: بنات احس عندي وجع.
تاليا: يا الله ان شاء الله اليوم ولادة.
سمر: هاي ايام يكون وجع عادي يجي و يروح.
تاليا: اليوم تباتين مو؟
سمر: اسألي جواد اني معلية.
بشرة: ليش متعاركين.
سمر: مو صوجي صوجة هو.
تاليا: شصاير؟
سمر: خية بنات خالاتة ما يعوفني نوب هاي سوسن كل ما تشوف جواد تتخبل كل ما نروح على عمتي الكاهه هناك وية مرت بسام عود تضل تفتر ورة جواد اخر مرة لابستلة دشداشة حصر و من قدمت جاي معتمدة تندك علمود يطلع صدرها واحد يحجي حق جواد ما معبرهه بس اني غيرة كاتلتني.
تاليا: شوفي سمر هذا تصرفج انتي الي تخلين جواد يكرهج حقج تغارين من هو يعبرهه بس هو ما معبرهه شكو تخلقين مشاكل بيناتكم و تحققين حلم هذيج تسسس.
بشرة: صح كلام تاليا انتي غلطانة سمر انصحج تفكرين زين.
سمر: هو لهذا اجيتجن ضايعة ماعرف شسوي.
تاليا: غريها مثل ما تغرج من تشوفج انتي و جواد لزمي ايدة بوسي تنعوصي حبيبي و حياتي اضل اعلم.
بشرة: ههههه يمة يمة خبرة.
تاليا: حياة تعلمنا كل شي.
سمر: ان شاء الله.
تاليا: طلعنا من غرفة و رحنا للصالة شباب كاعدين
-جواد اليوم تباتون هنا مو؟
جواد: لا خوية ارجع لأن تعبان.
تاليا: أمانة ضلو جوجي مشتاقة لسمر.
جواد: اعذريني خوية.
يامان: معليج بي اني احلهه يباتون.
سيف: حبيبتي تعاي كعدي لا توكفين مو زين عليج.
بشرة: رحت كعدت بصف سيف و جواد مبين علي تعبان و ضايج طلع برة يدخن اشرنة لسمر تروح ورا.
سمر: طلعت للحديقة شفتة كاعد يدخن و تلفون بيدة مطلع صورتي كعدت بصفة عل مرجوحة راد يكوم لزمت ايدة.
جواد: اتركي ايدي.
سمر: اني اسفة اعرف الي سويتة غلط بس والله اغار اتخيل نفسك مكاني شيصير بيك.
جواد: اذا اخلي نفسي مكانج عندي ثقة بيج اعرف انتي ما تسوينها بس انتي شنو سويتي اسبوع ولج اسبوع اني لا شايفج لا لامسج لا كاعد وياج هاي مو انتي سمر وين سمر الي جانت ما تكدر لحظة بدوني.
سمر: خليت ايدي على وجهي ضليت ابجي محد يفهمني انت افهمني اني ادري انت تحبني و ما تباوع على غيري بس ناااار بكلبي من اشوفهه هيج تسوي كدامك اني لو ما احبك ما اغار.
جواد: ماتحمل بجيها كعدت مقابيلهه وخرت ايديهه ليش هيج تسوين بينا ليش تخلين حياتنا مو حلوة و هي احلى من حلو ولج اني مو بس احبج اني اموت عليج.
سمر: مو بكدي صدكني مو بكدي انت زوجي و حبيبي و اهلي و ابوي و امي و كل دنيتي اخاف احد ياخذك مني ماعيش بدونك افتهم.
جواد: جريتهه لحضني لج مرمرتي كلبي اني شعندي غيرج بنيتي انتي كافي تبجين.
سمر: ضليت ربع ساعة بحضنة بطلت ابجي بس صوت شهكه ناصية.
جواد: تحبين ترجعين وية تاليا و يامان تشوفين اهلج.
سمر: لا ابقى يمك انت اهلي.
جواد: بوية اموت عليج اني.
تاليا: طلعت اشوفهم ليش تأخرو شفتهم حاضنين بعض ايييي تكولون ما نبات شايفتكم ما شاء الله.
جواد: امشي ولج صاير اسبوع محروم منهه خليها اليوم الله هاديهه.
سمر: خجلت وخرت من حضنة احم اي خل نروح نشتري شي اليوم نسهر.
جواد: اني وياج نروح تعاي خلي افررج.
تاليا: اي مو تنسون ببسي.
جواد: ام حلك ادري زوجج ما يوكلج ما يشتريلج.
تاليا: انت معليك بزوجي.
سمر: دفعت جواد لا يناكر وية تاليا رحنا اشترينا جباسة و كرزات و نساتل و ببسي علمود ليل احنا كعدنا بس سيف و بشرة راحو ينامون ضلينا نسولف و نضحك جواد كل ساعة مسوي سالفة تضحك.
تاليا: اروح اجيب غطة احسلي اشو بردت.
يامان: تعاي ادفيج حبيبي.
جواد: ولا يكعد صوبة.
تاليا: غيرانين بعض ناس.
سمر: شلون وية هذولة ثنين.
تاليا: جبت غطة و رجعت كعدت مكاني جنا ناكل و نشرب ببسي ما نحس غير صياح بشرة و سيف نزل خطية من ارتباك و خوف كال راحح اجيب لحكوو جواد سمع هيج طلع ببسي من خشمة ماعرف اركض ماعرف اضحك.
جواد: شلون تجيب يمعود؟
يامان: مو وقتهاااا جيب سيارة بسرعة.
تاليا: صعدت لبستهه عبايتها و حجابهه نزلتهه كوة اخذناها للمستشفى ضلينا ننتضر و كلنا واكفين يمتة تطلع بشرة بعد كل هذا انتضار سمعنا صوت طفل يبجي باوعت على سيف دمعت عيونة من فرح جابو الولد هو ما اخذهه ضل يسأل على بشرة اذا زينة لعد شكد يحبها من طمنو زينة عود شال ولد يضحك و يبجي.
يامان: الف مبروك خوية يتربة بعزكم.
جواد: الف مبروك حبيبي ان شاء الله يطلع سبع مثلك.
تاليا: الف مبروك خوية.
سمر: الف مبروك.
سيف: الله يبارك بيكم تسلمون ما قصرتوا وياي.
تاليا:بشرة صار عدهه ولد و سمو ايمن ضليت اسبوع يمهه اخاف تحتاج شي بعدها بشهر سارة جابت هل مرة سمر بقت يمهه هي هم جابت ولد سمتة حسين اخر شي جواد وافق على زواج خالة دعاء و ابو سمر واليوم كلنا مجتمعين بزواجهم ما رادو زواج و هوسة بس بيناتنا هاي جانت قصة كل واحد منا ان شاءالله عجبتكم.

النهاية...

كلام تاليا لكل بنية...
تاليا: لكل بنية عاشت نفس معاناتي و نفس تحرش و اعتداء حبيباتي انصحجن مو كولشي سكوت لأن السكوت يخليج ضعيفة و المجرم يستقوي عليج اي شي صار وياج احجي لأهلج حتى لو ما صدكوج مهم همه اهلج يحافظون عليج اتمنى كل بنية صار بيهه مثل حالتي الله يعوضها اخر كلامي هواي اشكركم على محبتكم و كلامكم و رسائلكم حلوة بل انستكرام ان شاء الله مستمرين سوة.......

#خاطفي هو منقذي
بقلمي: جوليا.
النهاية و البارت الأخير انتظروني بقصة جديده

انطوني رأيكم بالروايه انا وتاليا راح نقرأ تعليقاتكم 🫶