خاطفي هو منقذي

p28

هلو قلبوشاتي🦋

حبك كالجمرة الكامنة في قلبي تذيب كل همومي وأحزاني ولا يبقى في قلبي سوى جزر لا يسكنها سواك، قد لا يكفي الكلام للتعبير عن حبي الكبير لك.
...........................
سارة: كملت ريوك و حضرت اغراضي جنت ارتب بشعري علمود اطلع للمطار دخل هود للغرفة شفتة بل مراية و التفتت بسرعة اجة حضني بادلتة الحضن.
هود: راح اشتاقلج.
سارة: اني هم راح اشتاقلك بس ماراح أطول كلهه اسبوع و اكمل معاملات ماما و نرجع.
هود: راح انتظرج اني هم كملت فلوس بيت راح اشتري بيت و ان شاء الله ورة سفرتج اتقدملج.
سارة: من كثر فرحي نزلت دمعه حضنتة مرة ثانية همست بأذنة احبك هودي.
هود: احبج يا عطر هيل يلا حبيبتي لا تتأخرين خل نمشي.
سارة:سلمت على خالة أمنة و طلعنا من بيت طول طريق هود لازم ايدي يبوسها من وصلنا للمطار نزل جنطي و باس راسي.
هود: دير بالج على نفسج ياروحي توصلين بسلامة خابريني اذا وصلتي.
سارة: صار حبيبي مع سلامة دير بالك على نفسك.
هود: الله وياج يا عمري.
سارة: مشيت لممر طيارة و دموعي ما وكفت كلها عشر دقايق و طارت طيارة.
.............
جواد: انتظرت تاليا تطلع من غرفة بس طولت كلت يمكن صار شي دكيت باب يامان جاوبني.
يامان: ادخل.
جواد: دخلت للغرفة شفت تاليا نايمة مثل طفلة بحضن يامان مخلية راسهه على مكان اصابة يامان اشرلي اسكت.
يامان: اششش بدون صوت خليها نايمة.
جواد: على كص ركبتي انجبو ثنينكم تتزاعلون وتتصالحون اني الي ابتلي.
يامان: نصي صوتك ابن خر***.
جواد: تاااااليااااا.
تاليا: فزيت من نومي مخترعة على صياح فتحت عيوني شفت يامان.
يامان: ماكو شي بنيتي رجعي نامي فزيتي سودة علية نامي ياروحي.
جواد: والله ماااااخليهه تنام كعدتني من نومي ولكم مرتي من يوم تزوجنا ما شايفة الله و اكبررررر.
يامان: شوف جواد اذا اكعد اربيك وحق عباس ابو فاضل.
تاليا: اسفة جواد.
جواد: انجبي ام صماخ اشاقة.
تاليا: ياماني.
يامان: اووف شكد مشتاق لأسمي من حلكج روحة ليامانج.
تاليا: خجلت منا جواد بهمس كلت عوفني اريد اكوم عيب جواد هنا.
جواد: ابدددد ما سمعت.
يامان: ههههه ماشي بوية براحتج كومي اني هم اريد ارجع للبيت.
تاليا: و جرحك.
جواد: دكتور كال عادي تخرجو بس ما يصير احد ينام و يخلي راسة على صدرة لأن ينزف.
تاليا: اسفة والله ماعرفت يامان توجعت.
يامان: جواااد بس لو الزمك اعرف اداويك، لا حبيبتي ما توجعت بل عكس اني كلي ملكج.
جواد: قيس و ليلى ماسوو مثلكم اروح اكمل أوراق خروج وانتي يل فاهية خلي يكعد و عدلي ملابسة ترة ممرضات هواي ينعجبن بي هسه يشوفن صدرة و عضلات كبل ياخذو منج.
تاليا: هو كال هيج اني جبت جرجف و لفيتة علي لأن شككو تيشيرتة الف بس ماخليت يطلع شي هو ضل يضحك كلتلة شبيك تضحك.
يامان: تغارين؟
تاليا: لاا ويني وين غيرة ليش اغار.
يامان: ههه لعد وخري جرجف ماطلع بي.
تاليا: مو حرام يشوفوك بنات شنو انت ما تستحرم زلم اخر وكت.
يامان: ههههه لا ليش استحرم.
تاليا: من اخير اذا سبع اطلع بدون جرجف شوف شسوي.
يامان: جريتهه من خصرها خليتها بين رجلية هي واكفة واني كاعد على جرباية اتقربت شسوين يا حلوة.
تاليا: يامان هسه يجي جواد عوفني.
يامان:تؤ تؤ الا اعرف شسوين.
تاليا: اموتك اذا تطلع بدون ملابس.
يامان: ليش؟
تاليا: لأن حرام.
يامان: ضغطت على خصرها و اتنفس من أنفاسه من كثر قربي كلتلهه ليش تموتيني كوني صريحة.
تاليا: جسمي قشعر و أنفاسه تلطخ بوجهي مغمض عيونه و يهمس بحجية كلت اغار اذا وحدة شافتك انت بس الي.
يامان: احبج.
تاليا: اني هم احبك.
يامان: تاليا ماكدر اسيطر على نفسي من اكون قريب يمج امنعيني ماريد تاخذين فكرة سيئة مني قبل زواج.
تاليا: ابتعد شوي منة كلت يلا نروح كلبي يدك بسرعة و هو ضل يباوعلي و يبتسم.
يامان: صار حبيبي.
جواد: رجعت للغرفة شفت يامان ملفوف بجرجف ههههههه والله ياخوي تالي وكت صرت دولمة و يلفوك.
يامان: انت انجب امشي يلا لا تضوجهه.
جواد: خلي تولي اصلن زعلان منهه.
تاليا: ليش لازم اني ازعل منك.
جواد: مااا والله اني زعلان و ما تصالح وياج.
تاليا: اي بطكاك اني هم ما اتصالح.
يامان: هههه ولكم خوما جهال انتو امشو للبيت اتفاهمو عيب هنا.
تاليا: مشيت من يم جواد و رجعت شعري ليورة طخ وجهه و طلعت.
جواد: ايا حقيرة ولج اني اكبر منج و مكان اخوج هيج تسوين اني اعلمج ام صماخ.
يامان: ههههه فديت لبوتي.
جواد: انت كافي تتمضحك كلة بسببك اتزاعلنا.
تاليا: امشي يامان خلي نرجع بسرعة للبيت علمود ابلك بعض ناس من جهازي و من حياتي.
جواد:اي علمود اطيح حضج و حض الي وياج هسه.
تاليا: منو حجة وياك انت.
يامان: كضوهه طول طريق مناكرة و اني بس اضحك عليهم ولكممم كافي شبيكم زعاطيط.
تاليا: هو بلش.
جواد: لا والله انتي بلشتي.
تاليا: ماااا انت بلشت.
جواد: وجعا اذني.
يامان: هههههه ولكم كافي لخاطر محمد يلا تصالحوا.
تاليا: اني مو غلطانة هو غلطان هو لازم يعتذر.
جواد: اكلي تبن اني اكبر منج.
تاليا: بل اعتذار ماكو جبير و زغير الي غلطان هو يعتذر.
يامان: يلا جواد.
جواد: اني اسف.
تاليا: اني الي اسفة ياخوية والله اشاقة شلون تعتذر مني.
جواد: كلنا جنا مجبورين نجذب بس والله علمود ما تكون حياتج بخطر.
تاليا: نزلت من سيارة و هو هم نزل كلتلة أكدر احضنك خوية.
جواد: تعاي ام صماخ طاح حضج شكد كلبج طيب.
تاليا: انت اخوي شلون ازعل منك.
يامان: يلااا فضوها كافي.
جواد: ههههه موت من غيرة مووت.
تاليا: ههههه.
يامان: يلا امشو فوتو للبيت.
جواد: لا خوية اني اروح عايف سمر وحدهه هسه يمكن ضل بالهه علية لازم اروح ان شاء الله باجر نجي على غدا اني و سمر سوة.
يامان: براحتك خوية مشكور على كل شي.
جواد: عد عيناك خويي.
تاليا: باي جوجي.
جواد: باي ام صماخ.
تاليا: راح جواد و يامان لزم ايدي.
يامان: يلا نصعد لبيتنا.
تاليا: ضحكت و كلت يلا مشينا وصلنا للبيت فتحت باب و دخلنا جان دنيا ضهر ساعة٢ولا واحد متغدي.
يامان: حبيبي اني اروح اسبح.
تاليا: بس موزين تسبح جرحك يلتهب.
يامان: راح انتبه لازم اسبح مو طايق ريحة مستشفى.
تاليا: ماشي اني هم اشوف شنو عدنا اطبخ بين ما تطلع.
يامان: انتبهي واذا ماعرفتي تسوين عوفي من اطلع.
تاليا: لا لا أعرف انت روح شفتة طب للحمام اني رحت شنو اكو بل ثلاجة فتحتها مابي غير طماطة ثنين و بتيتة وحدة ماعرف شلون باقيات قطعتهن و شغلت طباخ بعد عدة محاولات خليت زيت بعدها طماطة شمرتهه و ابتعدت يبووو شورطني غطيت طاوة و رحت للغرفة طلعت ملابس بدلت و جنت الم شعري دخل يامان ينشف شعرة بدون ما اباوع كبل طلعت برة يبووو نسيت طماطة شلت غطة عنها لكيتهه محتركة كمت اغلط على نفسي و على غبائي عفية تاليا عفية طماطة ماتعرفين تسوين رجال شنو راح ياكل صار مطبخ دخان كمت اكح اجة يامان للمطبخ.
يامان: شصاير هنا.
تاليا: هاا لا ماكو شي بس طماطة استوت زايد.
يامان: شو شوفيني.
تاليا: انصحك ماتشوفهه لأن تغير رأيك بل زواج.
يامان: ههههه شو وخري شلت غطة و شفت حاركة طماطة ضليت اضحك قربت و بست راسهه عادي بوية انتي تتعلمين.
تاليا: بس شنو راح تاكل عندك علاج.
يامان: راح انزل اشتري أغراض للبيت انتي ضلي هنا.
تاليا: لا لا اني اروح انت تعبان.
يامان: لا بوية اني اروح ما اتأخر.
تاليا: اخذني وياك لعد.
يامان: اوف من عنادج امشي لبسي حجاب و تعاي.
تاليا: هههه رايحه.
يامان: طلعت برة اشتم هوا و انتظرها تجي باوعت ماكو دجاجات ورة ثواني طلعت تاليا.
تاليا: اني اجيت يلا نروح.
يامان: وين دجاجات.
تاليا: من رجعت لكيتهن ميتات كلت لجواد يجيبلي غيرهن بس يمكن نسة.
يامان: اني اجيبلج حبيبي ولا يهمج.
تاليا: شكرا يلا نروح.
يامان: لزمت ايدي مثل بنية تريد تطلع وية ابوها فرحانة ابتسمتلها و نزلنا رحنا نتمشى.
تاليا: وصلنا يم عمو ياسر الي اشتري منة كل مرة سلمت علي
-هلو عمو شلونك.
-هلا بنيتي عاش من شافج ليش كطعتي بينا.
تاليا: عمو جنت مشغولة مو هنا رجعت لبغداد.
-ها الله يوفقج.
يامان: انتو تعرفون بعض؟
تاليا: اي جنت كل يوم اشتري منة.
-هلا بأبو طبر شلونك هل مرة طولت غيبة.
يامان: تقدمت بست ايدة و راسة هلا عمي والله تعرف شغلي لهذا غبت شخبارك.
-بخير الحمد لله شنو تصير منك هل فاهية.
تاليا: ما مرجية منك عمو اني فاهية.
-ههههه بنيتي مو بس فاهية مطفية تمشين و توكعين.
يامان: عمو هاي مرتي عن قريب ان شاء الله.
-ان شاءالله وليدي اشوف يوم عرسكم.
يامان: امين اجيت اشتري كم غرض محتاجينة.
-دكان دكانكم اخذو الي تريدونة.
يامان: ما تقصر عمي.
تاليا: عمو راح الكط و انت قيمني اذا متذكرة لو لا.
-هههه اي شوفيني.
يامان: ضليت اسولف وية عمو شفتها شلون تلكط و تضحك على ضحكتها ابتسم.
-تحبها؟
يامان: اموت عليهه لجمة كلبي هاي.
-هي هم تحبك مبين عليهه.
يامان: الله لا يحرمني لا منها ولا من حبها.
-دير بالك عليهه ترة هي جوهرة ماكو منها فطيرة و على نياتها.
يامان: اخليهه بعيوني تعب سنيني هاي عمو.
تاليا: اني كملت عمو تعال شوفهن.
-شو جيبي طماطة زينة و بتيتة هم خل اشوف بيذنجان اي عفية بنيتي معدلة.
تاليا: هههه تعلمت منك.
يامان: بوية اذا تريدين بعد شي اشتري علمود نروح.
تاليا: اشتريت جبس و حلويات علمود ليل و يامان حاسبة بل كوة اخذ فلوس منة لزم ايدي نرجع.
يامان: انطيني أغراض يا عمري ثكال عليج.
تاليا: مااا مااا امشي انت مريض والله مو ثكيلات.
يامان: ههه ماشي بوية براحتج.
تاليا: طلعت نستلة فتحتها أكلها بل طريق و هو يباوعلي قدمتلة كلت اكل.
يامان: عوافي حبيبي ما أكل اكلي انتي.
تاليا: عضة وحدة حباب.
يامان: لخاطرج اكلت عضة و اباوع عليهه فرحانة وعدت نفسي باجر اروح اخطبها ماريد نبقى بعاد.
تاليا: رجعنا للبيت كلت يامان خلي نسوي بيتزا عاجبني.
يامان: اممم خل اجيب تلفوني و نتعلم من يوتوب.
تاليا: راح جاب تلفون و ورة ثواني اجة شالني و خلاني على كاونتر تربعت فتحت تلفونة كتبت تعليم بيتزا في البيت و طلعتلي فيديوهات هوة بصفي طلع طحين و زيت و ملح أغراض اني ضليت اكول خلي هيج و سوي هيج.
يامان: هههه راح استقيل من شغلي و افتح مطعم شنو رأيج.
تاليا: الله اني هم اصير مديرة أعمالك هههه.
يامان: اي ام فليس.
تاليا: ههههههه.
يامان: بستهه من خدها جعل محد غيرج يضحك بوية كملي مقادير.
تاليا: اوكي افرد عجينة وراهه خلي صوص طماطة بعدين خلي بصل و فلفل الوان و زيتون و لحم اخر شي ضيف جبن ندخلهه للفرن و نعوفهه تستوي.
يامان: اي خلصنا صار وقت تنضيف مطبخ.
تاليا: اي اني انضف انت تعبت.
يامان: نشتغل سوة و نتعاون.
تاليا: كمت اغسل مواعين و هوة يمسح كاونتر و طباخ احسه يحب نضافة كولش بين ما كملنا تنضيف و ترتيب بيت جهز بيتزا طلعنا و خلينا سفرة و ببسي و كلاصات خليت شوية مخلل و طرشي كعدنا ناكل جان احلى يوم تغدينا ب ٤ ههههه.
...................
جواد: رجعت للبيت دكيت باب ورا ثواني سمر فتحتليا.
سمر: هلا حبيبي شلونك.
جواد: هلا بنيتي بخير انتي شلونج.
سمر: الحمدالله شبي يامان شصاير.
جواد: جان نايم على جرحة و نازف تاليا رايحه الصبح شايفتة و خافت اتصلت علية مهم اخذتة للمستشفى عقمو جرحة كالو ماكو شي الضهر رجعتة للبيت وية تاليا.
سمر: تصالحوا سوة؟
جواد: ولج يا عمري هذولة يجذبون على بعض ما يكدرون يعيشون بدون بعض اني اعرفهم الله وكيلج نص ساعة انتضرت برة بعدها دخلت شفت متصالحين و تاليا بحضن يامان.
سمر: الحمدالله اتصالحو بقيت بس اني تسامحني اكيد ماخذه بخاطرهه.
جواد: ان شاء الله ماكو شي باجر غدانا عدهم حضري نفسج.
سمر: صدددك هييي هييي حضنتا و بستة من خدة شكراااا راح اشوف هاي ام صماخ.
جواد: لو اعرف بيها حضنات و بوسات جان من زمان اخذتج.
سمر: ههههه على اساس كولش مقصر ابو جوج.
جواد: يااا اصلن اني عاقل ما اسوي شي.
سمر: اي شوف ركبتي كولش عاقل اليوم ماذبيت حجاب ابد.
جواد: شو خل اشوف جريتهه من صدر دشداشة و وكعتهه علية.
سمر: جوااااد مو وكتها كوم غسل و اتغدة.
جواد: تؤ مو جوعان عاجبني اكل شي حلو اتقربت منهه و ابوس بشفايفهه.
سمر: باس شفايفي اني هم حضنتة و كام يتفنن بلمساتة.
...........
بشرة: جنت كاعدة اباوع تلفزيون اتصل يامان علية جاوبتة
-الو ها خوية شلونك شلون صرت.
يامان: هلا حبيبتي بخير الحمد لله انتي شلونج سيف شلونة.
بشرة: كلنا بخير الحمد لله شصار وياكم انت و تاليا تصالحتو؟
يامان: اي تصالحنة الحمدالله بس اريد بعد يومين تحضرين نفسج و نروح نخطبهه.
بشرة: من عيوني هسه اتصل على خالتي و على ام جواد هذني زينات يمشن وياي و اتفق نروح عليهم بس نخطبها من منو؟
يامان: من اخوهه و ابوهه.
بشرة: حبيبي قصدي إذا اني رحت وية منو احجي اذا امهه ما موجودة؟
يامان: وية مربية مالتهه.
بشرة: تمام يا روحي تدلل من عيوني.
يامان: سالمات عيونج خيتي سلميلنا.
بشرة: يوصل ان شاء الله مع سلامة.
يامان: الله وياج.
بشرة: سديت اتصال و رجع سيف هلا حبيبي الله يساعدك.
سيف: و يساعدج ياروحي اشو تضحكين صاير شي.
بشرة: اي اي صاير بس غسل و تعال اسولفلك.
سيف: ان شاء الله خير.
بشرة: سيف راح يسبح اني هم كعدت زينة من نوم لأن راح يصير مغرب مو زين طلعت ملابس لسيف و نزلت فتحت تلفزيون على قرأن بديت اخدر جاي و سويت مخلمة بيض و طماطة حميت خبز و حضرت سفرة حتى نتعشى صحت عليهم سيففف زينةةةة تعالو تعشو.
زينة: ماما اريد بيض عيون.
بشرة: ماما مخلمة طيبة جربيهه اذا ما عجبج اسويلج بيض عيون.
زينة: مو طيبة اريد بيض عيون.
بشرة: طلعت طاوة و سويتلهه بيض عيون تفضلي زينة خانم تأمرين بشي ثاني.
زينة: لا شكرا اذا احتاجيت اكولج.
بشرة: اييي عينييي ايي ترباية جواد انتي وين بعد اكدرلج.
زينة: كولشي ولا جوجي.
بشرة: سيف تعال شوف بنتك. 
سيف: هههه سمعتها والله يا جواد فسدت اخلاق بنية علينه.
بشرة: الله يساعدني.
سيف: الله شكد طيب هل مخلمة عاشت ايدج حبيبتي.
بشرة: بل عافية ياروحي.
سيف: ما خابرج يامان؟
بشرة: هو ردت ابشرك اليوم خابرني العصر كلي تصالحت وية تاليا و يريد بعد يومين من يرجع لبغداد نروح نخطبهه.
سيف: اييي عل خير و البركة.
بشرة: اني هم بعد شوي اتصل على خالتي و على ام جواد علمود يجن وياي اذا رحت.
سيف: زين تسوين ياروحي بس يامان من منو يطلبهه؟
بشرة: سألتة كال من ابوهه و اخوهه.
سيف: ان شاء الله خير اني هم اروح ويا.
بشرة: ان شاء الله.
..................
يامان: تالييي حبيبي وينج.
تاليا: طلعت من حمام كلت ها حبيبي جنت اسبح.
يامان: تعاي اكعدي عندي موضوع وياج.
تاليا: رحت كعدت على جرباية هو كعد بل كاع على ركبة مقابيلي لزم ايدي و باوع بعيوني.
يامان: تالونتي تعرفين اني احبج و هاويج علاقتنا هسه اريد اخليلهه اسم اريد من يكولون شنو تصير منك هاي بنية اكوللهم زوجتي و حبيبتي لزمت وجهه بأيدي و كلت تاليا انتي تقبلين تتزوجين بية و اصير زوجج و ابو بيتج و جهالج تحبين تكونين بيتج و حياتج وياية على حلوة و المرة تحت سقف واحد موافقة انتي بوية؟
تاليا: لزمت ايدة و خليت ايدي ثانية على خدة اي اني موافقة اكون وياك زوجة و حبيبة و رفيقة دربك اقبل اعيش وياك حياتي بل حلوة و المرة.
يامان: ياروحي انتي حضنتها بعد يومين نرجع لبغداد اول شي بشرة اختي و خالتي و ام جواد يجون يخطبوج من مربية مالتج بعدها اني امشي عليج العشيرة كلها الا اخلي هاي مشية كل عراق تحجي بيها.
تاليا:تذكرت اني يمكن مو بنية لأن ماعرف عمي شنو سوة بية جنت زغيرة نزلت راسي و دموعي نزلت.
يامان: ليش تبجين بوية رفعي راسج اشوف عيونج شو عاينيلي.
تاليا: باوعت بعيونة و ابجي.
يامان: احجي بوية شنو بكلبج؟
تاليا: يامان اني ماعرف اذا بنية لو لا جنت زغيرة من عمي ردت اكمل حضني حضنة احس كل اعضامي طقطقت.
يامان: اششش اخر مرة اسمع منج هل كلام اني احبج مثل ما انتي ما يحتاج تتذكرين شي اهدي بوية انتي اششش.
تاليا: حضنتة و كلت شكرا لأنك دوم بجانبي و وياي.
يامان: ماريد تفكرين بل ماضي اوعديني بعد ما تفكرين و تضوجين نفسج.
تاليا: وعد.
يامان: يلا كومي نامي باجر يجي ابو خشم جوادوو يكعدج من صبح.
تاليا: ههههه شحدة.
يامان: فديت ضحكتج بوية.
تاليا: فديتك اني.
يامان: كومي نامي خليني عاقل يمعودة.
تاليا: هههه ماشي كمت فرشت بل كاع و هو عل جرباية لأن مريض.
يامان: اني انام بل كاع.
تاليا: لا أنت فوك اني جوة لأنك مريض.
يامان: لا اني جوة.
تاليا: ماااا الا اني انام جوة يلا طفي ضوة نعسانة.
يامان: عناد عناد.
تاليا: ههههه شفتة طفة ضوة و راح على فراشة تمدد لزمت ايدة و غمضت و نمت.
.....................
سمر: كعدت صبح شفت جواد حاضني و بعدة نايم رفعت راسي شوية جريت شواربة و سويت نفسي نايمة شفتة ما حس رفعت ايدي مرة ثانية جريت شواربة هم شوية عقج وجهه و ما كعد ثالث مرة مديت ايدي اريد اجر شواربة لزم ايدي و كلبني و صار فوكي.
جواد: رجال نايم ليش تتحارشين بي ها.
سمر: هههه جنت اشاقة.
جواد:تشاقين اني هم احب اشاقة بس اني شقاية غير.
سمر: جواد كوم راح نتأخر على تاليا و يامان عيب.
جواد: لا ما اكوم اذا ما اعاقبج.
سمر: ينطيك كلبك.
جواد: بست شفتها و عضيتة علمود تتعلمين.
سمر: مااا والله ارجع نام شوف شسوي بيك.
جواد: جنج عجبج عقاب ترة بل خدمة.
سمر: خجلت كلت كوم فدوة.
جواد: بيش كيلو طماطة يا حلو.
سمر: جواااد.
جواد: ههههه كمت كمت فديت خجلج.
سمر: لفيت جرجف و دخلت للحمام اسبح ورة دقيقة سمعت صوتة.
جواد: سمريي رايح اجيب ريوك و ارجع حبيبي.
سمر: ماااشي ياروحي سبحت و كملت رحت للجنطة طلعت فستان بصلي لبستة ويا حجاب حليبي خليت مرطب لوجهي و تنت و مسكارة جواد ما يحب مكياج كملت نفسي سمعت صوت باب طلعت افتح شفت جواد رجع.
جواد: يبووو يبووو وين اضمج من عيون ناس.
سمر: بكلبك ضمني.
جواد: من زمان انتي بكلبي يا بعد كلبي و دكاتة.
سمر: احم انطيني أغراض خلي احضر ريوك انت هم روح اسبح نسقتلك تيشيرت و بنطرون مثلي علمود نطلع حلوين.
جواد: اييي عفية اريد تاليا و يامان يغارون.
سمر: ههههههه امشي امشي حبيبي شفتة دخل للحمام اني هم حضرت ريوك و رتبتة خدرت جاي و جبت استكانات من كملت اجة جواد اتريكنا سوة يوكلني و اوكلة من كملنا لملمت مواعين و رتبت مطبخ اخذت جنطي و طلعنا قفلنا بيبان و صعدنا بل سيارة توجهنا على بيت تاليا و يامان.
..................
تاليا: كعدت صبح شفت يامان بعدة نايم كلت ما اكعدة خطية مريض و تعبان طلعت برة جو جان حلو بديت اطقطق جسمي و ابتسمت طبيت جوة فتحت شبابيك و باب علمود يتهوة البيت كمت اشيل الفراش و اشرهن برة لزمت مكناسة و بديت اكنس بل بيت لأن زغير بسرعة كملتة رحت جبت وصلة امسح كاونتر و طباخ و غسلت مواعين بارحه و رتبتها اني كاعد ارتب وكع مني كلاص خفت لا يامان يكعد و صارت شفتة اجة ركض للمطبخ.
يامان: جنت نايم سمعت صوت شي انكسر التفتت تاليا مو بمكانها ركضت شفتها بل مطبخ و كلاص مكسور تاليا انتي بخير حبيبتي.
تاليا: مابية شي جنت ارتب و وكع كلاص بل غلط اسفة كعدتك.
يامان: لا ياروحي كومي عوفي اني انضف لا تتعورين.
تاليا: لا اني اشيلة عادي.
يامان: بوية انتي كومي فدوة اروح لطولج.
تاليا: ماشي كمت و عفتة هو راح يلم كزاز اني طلعت برة ارجع فراش و مخدات خليت جرجف جديد على الفراش طلع يخبل و رشيت شوية ريحة لأن ماكو معطر سديت شبابيك و دخلت للغرفة انضف بيهه و مسحت كنتور و جرباية و مراية الي موجودة بعدها رحت على حمامات نضفتهم و عطرتهم صار بيت بي انتعاش.
يامان: فديت نادرة اني فديت.
تاليا: اووف تعبت بس نتيجة واو.
يامان: اي عاشت ايدج كومي سبحي اني اطلب اكل من برة.
تاليا: لا حبيبي هسه تجي سمر اني و وياهه نطبخ سوة عدنا أغراض خلي يخلصن لأن باجر نرجع لبغداد.
يامان: ماشي ياروحي.
تاليا: اخذت ملابسي و طبيت اسبح جان مي بارد سبحت بسرعة و طلعت ارجف صح دنيا صيف بس مي مال جبال ثلج نشفت شعري و مشطة سمعت صوت باب يندك يامان طلع من مطبخ و راح فتح باب.
جواد: سلاااااام عليكمممممم.
يامان: على كيفك لا تصيح وعليكم السلام.
جواد: كلت اذا اكو احد نايم يكعد.
سمر: ههه سلام عليكم خوية شلونك.
يامان: هلا خيتي بخير الحمد لله انتي شلونج.
تاليا: سمعت صوت سمر هواي مشتاقتلهه بس مكسور كلبي منهه طلعت سلمت عليهم ببرود.
سمر: تاليا شلونج.
تاليا: بخير.
سمر: غلغلت دموع بعيوني كلت ما تريدين تحضنيني و تسلمين علية ما مشتاقة لأختج اني اسفة و اعتذر بس جنت مجبورة اضم عليج.
تاليا: باوعت على يامان و جواد و بعدين عليهه نزلت دمعتي و ركضت حضنتها مشتاقتلج ام خشم.
سمر: اني هم ام صماخ.
جواد:هههههه واخيرا تصالحوا.
يامان: تفضلوا جوة ليش واكفين عل باب.
جواد: غير انت قليل ذوق من اولهه ما كلت اتفضلو.
تاليا: ضربة يامان على راسة لزم ياختة و دفعة جوة اني و سمر ضلينا نضحك.
يامان: انت مو مال احترام.
جواد: خلف الله عليك خوية.
تاليا: سمر تعاي نروح نطبخ سوة اني ماعرف وحدي.
سمر: صار ياروحي هسه اعلمج.
جواد: اييي لا تعبين مرتي هواي.
تاليا: انت معليك هاي اختي و مرت اخوي نفس وقت.
سمر: هههه عوفي يمعودة امشي.
يامان: جواد شسويتو بسالفة اسد ما لكيتو؟
جواد: لا والله خوية حتى سارة كاعد تدور علي ماكو.
يامان: اني خايف يسوي شي يغدر هذا يغدر مو رجال و يجي يواجهني اخاف يهجم على نسوانة.
جواد: اني هم نفس احساسك هو حاط عينة على تاليا اخاف يسوي شي.
يامان: اطلع عينة اذا يتقربلها.
جواد: اكول صدك باجر راجعين لبغداد.
يامان: احنا هم راجعين اريد اخطب تاليا.
جواد: ولكم عل خير والبركة الا اركص ركص بعرسك ابد ما صاير.
يامان: هههه ان شاء الله.
سمر: اي تالو شنو وضعكم انتي و يامان؟
تاليا: وضعنا بخير و بارحه طلب ايدي للزواج لهذا باجر راجعين لبغداد علمود يدز اختة و يجون يخطبوني.
سمر: والله مال اطكهه هلهولة.
تاليا: هههه لا مو هسه عود بزواجنا لا تقصرين.
سمر: لج غير تدللون شعندي غيركم.
تاليا: ياروحي انتي ضلينا نحضر غدا سوة و نسولف كل دقيقة جواد يجي ياكل شي و يطلع اخر مرة اجة صيحت جوااااد ايدك يمعود كافي تاكل قبل اكل.
جواد: انجبي جوعان.
تاليا: سمر ما مريكتة لو شنو؟
سمر: لا والله خية متريك بس هو هيج طبعة حتة بل بيت.
تاليا: اذا تاكل بعد اصيح يامان عليك.
جواد: اطيح حضج و حضة.
تاليا: لا تحجي على زوجي.
جواد: بوياااااا بيج كتلة بس اخخ ماكدر اكتل زعاطيط.
يامان: شكو ليش صوتكم عالي.
تاليا: جواد يكولي زعطوطة.
يامان: جواد امشي برة عوفهن يكملن.
جواد: لا يخوي احب اعرف بمنو يحشن.
سمر: ههههه نحش بيك.
جواد: لا لا يا سمر ما توقعتها منج.
تاليا: طلعت سفرة و كلت يلا امشو ثنينكم فرشو سفرة و رتبوها.
جواد: شايف يامان شلون تعاملة مرتك مستقبلية.
يامان: هل مرة اني وياك جواد بعدين ليش احنا نفرش.
تاليا: احنا طبخنا انتو تفرشون سفرة و تساعدونة.
يامان: امشي خوية أمرنا لله.
جواد: تبآ لكم يا نسوااان.
سمر: تندم على كلامك.
جواد: امشي يامان اني مادري شورطني و تزوجت صارت حياتي كلها تهديدات.
تاليا: هههههه عن قريب يامان هم وياك.
يامان: نشوف حبيبي نشوف حجيت و غمزتلها.
تاليا: غمزلي خجلت كملنا اكل و صبينة بمواعين كمنا ننقلة عل سفرة و كعدنا ناكل سوة جنا ناكل و نسولف ما نحس غير شباك انكسر و حجارة دخلت للبيت مغلفة بورقة شالهه يامان و قراهه بصوت.
-حسبالكم اخليكم تفرحون الموت قريب عليكم راح ادمركم واحد واحد بلش عد تنازلي.
سمر: يمااا منو هذا؟
جواد: يامان تفكر مثل ما اني افكر.
يامان: اكيد هذا نفسة هو.
تاليا: كامو جواد و يامان طلعو يدورون برة بيت طولو لحد ما رجعو.
يامان: تاليا حضري نفسج نرجع لبغداد هسه.
تاليا: شصاير فهموني؟
جواد: خوية اني كلتلج على اسد الي هرب من ردنا نلزمة هو هذا نفسة يريد يأذيكم.
سمر: عزااا هذا شبي شنو يريد منكم.
يامان: عوفو كلشي و حضرو نفسكم نرجع لبغداد.
تاليا: حضرت ملابس و جنطي و جوازي و أوراقي لبست جبة و شال على راسي و طلعت.
يامان: جواد انزلو اني اقفل بيبان و اجي.
جواد: ماشي خوية.
تاليا: نزلنا من بيت صعدنا بل سيارة انتضرنا يامان يجي بعد دقايق شفنا اجة صعد سيارة و مشينا طول طريق جواد و يامان ما نزل تلفون من اذنهم صرت اخاف.
سمر: تاليا اني كمت اخاف شفتي شلون كسر شباك.
تاليا: اني هم خايفة شنو هاي بلوة.
سمر: بعد طريق طويل وصلنا بليل لبغداد اول شي وصلو تاليا على بيت اخوها و نزل يامان وياهه.
يامان: بوية ديري بالج على نفسج باجر ادز اختي تجي هي و خالتي و ام جواد يخطبوج لا تفكرين بشي الي صار يوم.
تاليا: بس انت حياتك بخطر.
يامان: لا ياروحي لا تخافين ماكو شي اريدج تفرحين و باجر اريد خالتي تنسحر بأختياري.
تاليا: ان شاء الله.
يامان: بست راسهه يلا بوية دخلي للبيت دير بالج على نفسج اي شي تحتاجي اتصلي.
تاليا: صار انت هم دير بالك على نفسك.
يامان: صار بوية مع سلامة.
تاليا: الله وياكم ماراح لحد ما دخلت للبيت عود راح.
سمر: بطريق كامو يتهامسون بيناتهم ما اسمع شي وصلنا لبيت بشرة نزلنا كلنا و استقبلونا و رحبو بينا شفت يامان و سيف و جواد راحو للغرفة اني و بشرة ضلينا نحجي.
بشرة:شصاير فهميني ليش هيج متوترين
سمر: والله خية شكولج جنا كاعدين نتغدة و ما نحس غير شباك اتكسر من ورة حجارة دخلت حجارة عل سفرة مغلفة بورقة بيضة فتحها يامان و قراهه بصوت عالي ولج تهديد يهددون يقتلون يامان و تاليا.
بشرة: عزاااا منو ورة هذا شي ادري هذولة شرايدين منهم.
سمر: على ما اعتقد هذا تاجر مخدرات اسمة اسد هو ورة هذا شي.
بشرة: الله لا يوفقه.
سمر: امين ياربي جنا نحجي و طلعو شباب.
يامان: بشرة باجر انتي و اختي سمر و خالتي و ام جواد حضرن نفسجن تروحن على بيت تاليا تخطبوهه.
بشرة: تدلل من عيوني.
سمر: بل خدمة خوية.
...................
تاليا: طبيت للبيت شفت هود و ماما أمنة كاعدين يحجون وية سارة كامرة دخلت بنصهم كلت ها يل خاينة ما تسألين عني.
سارة: اي مبين منو خاينة شوفي تلفونج شكد متصلة يطلع مغلق.
تاليا: اي يمكن خلص شحنة.
سارة: خلص شحنة بطلي عيارة سوالفج اعرفهه.
تاليا: انجبي عوفينة من هل حجي يمتة ترجعين.
سارة: هل كم يوم و ارجع كملت شغلي.
تاليا: اي عفية رجعي بسرعة ورانة عرس.
سارة: عرسي لو عرس احم.
تاليا: شكد تافهه صوجي احجي وياج كلت لهود اخذ مرتك مستقبلية ماعرف شلون متحملهه.
هود: شبيها تخبل.
سارة: فوديتك.
تاليا: ولو تعاي ماما بس انتي احبج.
أمنة: هههه صرتو كبار و بعدكم تتناكرون.
تاليا: ماما غير همه اني عاقلة.
هود: كولش كولش.
تاليا: اروح ابدل و انام تعبانة.
أمنة: رحت وراهه اعرف عدهه حجي من عيونها تاليا.
تاليا: ها ماما.
أمنة: عندج شي تكوليليا حبيبتي.
تاليا: اي ماما بس خجلانة.
أمنة: تعاي كعدي يمي و احجيلي لا تخجلين مني.
تاليا: كعدت يمهه و لزمت ايدهه كلت ماما باجر اخت يامان و خالته يجون يطلبوني منج لأن أني كلتلهم انتي امي.
أمنة: كلل هلا بيهم بنيتي ولا يهمج اني امج و اكون وياج ابد لا تتوترين.
تاليا: مو هنا مشكلة يامان راح يطلبني من ابوية.
أمنة: ولا يهمج يمة ربج كريم خليها على الله.
تاليا: حضنتها و نمت من جانت تمسد على شعري حلمت احد يركض وراية و طريق كلة اضلم جام وجهه اسود و يركض كلش سريع اني ركضت كل قوتي و انصدمت بواحد رفعت راسي جان يامان بس معلك بحبل و عادمينة فزيت من حلم مرعوبة........
ترقبوا بارت قادم😚

حسابي الانستا