خاطفي هو منقذي

p17

هلو قلبوشاتي🦋🤍
كلّ ما جيت ابتدي فيك انتهيت، وكلّ ما جيت أنتهي شفتك بداية، إن كتبتك حرف شفتك ألف بيت، وإن كتبتك بيت صرت لي رواية.
.............................
يامان: جوااااد جوااااد اذا تتصرف بعصبية ماراح تتزوج سمر ما راح ينطوكياهه.
جواد: لكككك بنتييييي هاييي بنتي شفت وجهه لو لاااا.
يامان: اعرف يا خوية بس انت سمعت بيهه امل عمها يوافق عليك لا تخرب سالفة بعصبيتك من صارت الك هل وكت اخذ حقك و حقها مربع بس هسه تعال نرجع للبيت خوفت بنات يمعود.
جواد: ياربي صبرني بس خليها تصير من نصيبي الا اراويهم ويل.
تاليا: ضليت يم سمر ترجف بين ايدي دموعها عشرة عشرة سمعنا صوت جواد و يامان كاعد يصعدون سمر كامت على حيلهه شفت جواد اجة بعدة أعصاب عبر على سطح بيت سمر و حضنهه كل قوتة و ثنينهم يبجون اول مرة اشوف جواد يبجي هو دوم يضحك و يضحكنا على صوت بجيهم اني هم نزلت دموعي.
سمر: اسفة كلة بسببي انت كاعد تتعذب لا تكرهني فدوة لا تكرهني.
جواد:اششش بنيتي انتي شو اشوف عيونج لا تبجين حبيبي كافي ماقبل تنزل دموعج.
سمر: يمسح دموعي بحنية خوفة لا اتوجع من ضربات بوجهي كلتلة جواد.
جواد: ها بنيتي.
سمر: احبك اني.
جواد: اني اعشقج حبيبي اعشقجججج.
يامان: هيووو يمعود راح تكعد اهل بيت على كيفك.
تاليا: اني اضحك و ابجي بنفس وقت.
جواد: انجبو غيرانين منة نسيت اليوم شسويت بية انت و هاي ام صماخ.
تاليا: هههه راح اجيب فراش نكعد ثواني.
يامان: هاا هاا بوية وين رايحه.
تاليا: اجيب شي نفرشة و نكعد.
يامان: بوية شباب كلهه جوة اني اجيب.
جواد: اي يغار عيني يغار.
سمر: والله خوية يامان عندي هواي حجي احجيلكيا هههه.
تاليا: سمر تحجي و تغمزلي خجلت بس لا تحجي عن كلامي ببيتهم.
يامان: راجعلكم اريد اعرف شنو حجي.
تاليا: باوعت على يامان يضحك يبوووو فشلة راح يامان يجيب فراش و كلت
جوااااد عوف سمر روح اشتريلنة شي نسهر و ناكل.
جواد: ماشتغل عندج.
سمر: جوجايتي روح اشتريلنة و تعال.
جواد: بوووياااا غير تدللين هسه رايح.
تاليا:اي عيني سمر تكولك بسرعة تنفذ بس اني اختك لا.
جواد: هههه انجبي شنو تريدن اجيبلجن.
سمر: جيب كرزات و ببسي.
تاليا: جيب جبس و حلويات.
جواد: فلوسي منين اجيبهن.
تاليا: من يامان.
يامان: اي مصرف الرافدين اني مو؟
تاليا: فزيت من مكان هااا لاا بس بس هو.
سمر: هههه صارت ما تعرف تحجي.
جواد: ههههه.
يامان: تدللين بوية اطلبي الي تريدينة و اني ادفع.
تاليا: احم شكرا.
جواد: يلا رايح اشتري و ارجع.
سمر: اني هم انزل اجيب كلاصات و اقفل باب غرفتي علمود لا يشكون اني هنا.
تاليا: راحو جواد و سمر ضلينا اني و يامان نفرش فراش و نعدلة.
يامان: تاليا.
تاليا: ها.
يامان: شلون صرتي بوية اخذتي علاجج؟
تاليا: اي اخذت علاج هسه احسن من قبل جر ايدية و كعدني بحضنة و يرجع خصلات شعري ورة اذني.
يامان: تاليا راح أسافر يومين اريدج تنتبهين على نفسج ماشي بوية.
تاليا: رفعت عيوني باوعت بعيونة وين رايح و عايفني وحدي اني ماعرف احد هنا.
يامان: بس يومين ارجع بسرعة عندي شغل مهم بعدين جواد و سمر راح يضلون عندج.
تاليا: ماعرف ليش نزلت دموعي حسيت بأحساس ماعرف شلونة بس ماريدة يروح.
يامان: ليش هاي دموع بوية والله راجعلج ما اتأخر اريد اكمل الشغلة و اطلب ايدج من اخوج هود.
تاليا: باوعت بعيونة و ابتسامة و دموعي اختلطت سوة حضنتة احبك ياماني لا تتأخر علية والله اخاف وحدي.
يامان: اووف يا نور جنتي بعدي عنج غصب عني بس وداعت عيونج حلوة ارجع و من ارجع اريد نزوج لأن ماريد تبقة علاقتنا هيج اني اريدج محتاجج كل مرة كوة لازم نفسي عنج.
تاليا: ابتعدت من حضنة و بست خدة كلتلة راح انتظرك.
يامان: ياروحي انتي تعاي نفتح فلم بين ما يجون هذولة.
تاليا: مكعدني بحضنة مثل طفلة و فتح تلفونة يامانيي اني افتح فلم حباب.
يامان: هاج بوية افتحي الي يعجبج.
تاليا: اخذت تلفون و فتحت مسلسل باب حارة.
يامان: هههه لو يشوف جواد راح ينكلب سوري علينا.
تاليا: هههههه جواد سوري.
جواد: ئيييي بنت عمي سمعتك عم تناديني.
يامان: تفضلي ارتاحيتي.
تاليا: هههههه ابن عمييي ممكن تشوف وين راحت مرتك.
جواد: مرتييي وينج مرتييي.
يامان: كمت لزمت حلكة ولككك اسكت فضحتنا ابن ك*** امشي اكعد هسه تجي.
تاليا: اضحك عليهم ههههه.
جواد: اي ضحكي ضحكي شفتكم ترة.
تاليا: استحيت لأن شافني كاعدة بحضن يامان احمم شنو جواد مافتهمت.
جواد: فاهمتني صح ام صماخ شهل عيارة.
سمر: عوف اختي ولك.
جواد: هااا من يمتى اختج.
سمر: من وكفت بوجه قاسم حقير.
جواد: شمسويات ولجن تعالن سولفلي.
سمر: يبووو لو تشوف شلون لعبت بأعصاب قاسم حجيتلهم شلون تجادلو و وصلت لكلامهه من كالت اني مرت يامان فنك تلمس شعرة مني.
تاليا: خجلت و اكرص بسمر تسكت ما تسكت باوعت على يامان يضحك و يعدك بلحيتة.
جواد: ولج يا فارة طلعتي مو سهلة الله يساعد يامان عليج.
تاليا: اييي يستاهل بكبر ابوي يرد سمر ما يستحي على شيباتة.
يامان: فديت لبوتي هيج اريدج.
سمر: ايي شنو راح نتابع؟
تاليا: اني اختاريت باب حارة لأن كوميدية نغير جو شوية.
سمر: اي والله حلوة.
تاليا: شغلنة باب حارة و ثبتنا جهاز بل مخدة سمر كاعدة يم جواد و اني كعدت يم يامان نباوع و ناكل.
سمر: لج تاليا هسه حلو شوفي.
تاليا: ههههه خلي اقلدها كلهم يباوعون علية غيرت صوتي و رجعت شعري ليورة.
تاليا:دخليكككك انتي على شو شايفة حاليكك بشو مفكرة حاليك احسن مني كلة شوية حنة براب سخن من عند عطار بحطون على راسي بصير شعري احمر لا و بطلع احلى منك لأني بيضاا.
جواد: لككك زودتيهااا هيككك.
تاليا: متنة من ضحك على تقليدنا باوعت على ضحكتهم كلت ياربي لا تحرمني من محبتهم باوعت على يامان كأن يقرة عيوني حضني من كتوفي و خليت راسي على كتفة همست يم اذانة.
-يامان خلي ننزل و نعوف جواد و سمر براحتهم اكيد يردون يحجون.
يامان: تمام، احم تاليا كومي بوية روحي نامي اني هم عندي شغل اكملة جواد انتو ضلو هنا بس دير بالكم لا احد يحس.
جواد: تمام خوية براحتكم.
تاليا: تصبحون على خير ضحكت و غمزت لسمر.
سمر: اكيد هاي خطة من تاليا اني اعلمج.
تاليا: جنت انزل على درج اجة يامان شالني.
يامان: شلون اخلي رجليج تتعب وانتي نعسانة.
تاليا: احب اهتمامك بية.
يامان: اذا بيج ما اهتم بمنو اهتم.
تاليا:باجر راح تروح؟
يامان: اي بوية طالع من صبح.
تاليا: خلاني على جرباية و راد يطلع، ياماني.
يامان: نبض يامانج.
تاليا: عادي تنيمني و تروح.
يامان: ماشي بوية بس ابدل و ارجع.
تاليا: هو راح واني ضليت ابجي شلون راح أضل يومين بدونة وية منو احجي و منو يهتم بية حسيت واحد يفتح باب مسحت دموعي بسرعة و غمضت عيوني.
يامان: اتقربت منهه شفتها نايمة بس رموشها رطبة يعني باجية وخرت الغطة و تمددت شلت راسهه خليتة على صدري و غطيتها.
تاليا: جان يمسد على شعري و يبوس راسي.
يامان: ادري بيج ما نايمة و ادري بجيتي لأن تحسين راح تكونين وحيدة بس والله اذا شغلة مو ضرورية ماعوفج.
تاليا: رفعت راسي و باوعتلة اني ابجي راح اشتاقلك.
يامان: يا لجمة كلبي لا تعذبيني بدموعج.
تاليا: كل ما تنزل دمعة يبوسها.
يامان: كافي بوية لا تبجين.
تاليا: مسحت دموعي كلتلة اذا اشتاقيتلك أكدر اتصل من تلفون جواد.
يامان: اي بوية تكدرين.
تاليا: حضنتة و غمضت عيوني كلتلة قبل لا تروح كعدني مو تنسة.
يامان: صار بوية هسه نامي بنيتي.
تاليا: غمضت عيوني و نمت.
يامان: حسيت انفاسهه ثكلت عرفتها نامت حضنتها شلون أكدر اعوفج و اني عمري كلة كضيتة منتظرج بس شغلة مهمه وداعت عيونج صارلي سنين منتظرهه اريد اخذ حقج و حق اختي و تشوفين شلون راح انتقم على كل دمعة نزلت من عيونج الا اشوفهم نجوم ليل بعز النهار.
............
سمر: ضلينا وحدنا و جواد كل ثواني يتلمس وجهي يباوع على اثار ضرب باوعت بعيونة مبين عليهن خوف و حزن كلتلة جواد.
جواد: ها بنيتي.
سمر: ما بية شي ترة ما يوجعن.
جواد: صح انتي ما تتوجعين بس اني كلبي ينمرد من اشوفج هيج.
سمر: اسم الله عليك ياروحي لا تخاف الله موجود.
تمدد على رجلي و اخذ ايدي كال العبي بشعري اريد انام بحضنج اليوم ضليت امسد على شعرة و على لحيتة اندار راسة على جهه بطني و حضني كزبر جسمي و خجلت كلت جوجويتي.
جواد: همممم.
سمر: اذا نعسان انزل جوة حبيبي.
جواد: رايد قربج رايد اشتم عطرج ما رايد شي.
سمر: ان شاء الله هذا يوم قريب.
جواد: اني تعبان و بس يمج ارتاح سمر لا تعوفيني.
سمر: وياك للموت اضل.
جواد:اني دموعي غالية و ماتنزل بسرعة بس يمج ارخصهن.
سمر: فديت كل دمعة نزلت علمودي.
جواد: احبج يلي طيحتيني بنظرة.
سمر: اني هم احبك.
جواد: يلا بوية كومي نامي ماريد احد يكعد و يشوفنة اخاف عليج ان شاءالله باجر اني جايكم علمود اشوف شنو جاوبهم على زواج.
سمر: اذا ما قبلو.
جواد: اشرد بيج مثل ما يامان شرد بتاليا.
سمر: اهل شردات انتو ما تتحاجون.
جواد:اي عيني هذا موجود يعجبج لو لا.
سمر: بستة بخدة كولشي منك يعجبني.
جواد: اني كوة لازم نفسي و انتي تتحارشين.
سمر: صوجي اني ابوسك.
جواد: اشوو دتعاي عود زعلت.
سمر: جرني وكعني بحضنة لزمني من خصري باس شفتي وراهه خدودي و بعدها نزل لركبتي حسيتة خدر دفعته شوي جواد.
جواد: لا تخافين بس شوي اضل.
سمر: ضل يشتم بركبتي و يطبع بوسات متفرقة بعدها كال. جواد:سمر كومي ماكدر اسيطر بعد.
سمر: شالني و عبرني لسطحنا باس راسي و كال لا تخافين باجر ان شاءالله اقنعهم وانتي من حلالي انتي ملك جواد حضنتة و نزلت من سطح رحت لغرفتي و ضليت اتلمس ركبتي و خدي مكان بوساتة و اضحك صدك مخبلة ههه رحت لفراشي و نمت.
...................
في صباح....
خالد: عمار اليوم عدنا اجتماع وية يامان و اقترح علية نبيع شركة لأن إذا نضل بيهه راح نفلس و مانكدر نرجع ديوننا.
عمار: اني اوافقة رأيي لأن احنا مديونين هواي ما اضن ديونا تنسد بس ببيع شركة.
خالد: انت ليش ما تحجي وية ابو آرون خلي يساعدنا.
عمار: الرجال داخل بشراكة وية شركة TY.
خالد: هو منو الي خلانة نوصل لهذا يوم غير هاي شركة بس اعرف منو صاحبها كدر يقنع كل شركات تتعاون ويا على مشروعة.
عمار: الي سمعتة مدير شركة مسلم الشركة لشخص ثاني هو ما يظهر نفسة لحد الان محد شافة.
خالد: اكو سبب ورا عدم ظهورة بس اشهد كدر يحقق نجاحات بوقت قصير.
عمار: اني رايح قبلك للشركة بأي وقت تجتمعون وية استاذ يامان.
خالد: على ساعة ١١ حضر نفسك.
عمار: تمام.
..............
يامان: كعدت صبح شفتها نايمة بحضني و شعرها على وجهي شلت راسهه رجعتهه على مخدة كمت على كيفي ادري راح تزعلين مني لأن ما كعدتج بس ماريد اشوف عيونج حلوة تبجي لأن أضعف كدامج اكمل مهمتي و ارجعلج وعد بست راسهه و بدلت و شلت جنطة و طلعت شفت جواد منتظرتي.
جواد: راح تروح؟
يامان: اي خوية فدوة عينك على تاليا هاي أمانة أمنتكياهه يومين و ارجع.
جواد: هاي اختي لا توصيني عليهه تروح و ترجع بسلامة.
يامان: بعد روحي حضنتة و ودعتة طول طريق واني افكر شنو راح تسوي من تكعد و ما تلكاني راح تزعل مني لو تتفهمني.
تاليا: كعدت على صوت هوسة شباب بل بيت باوعت يامان ما موجود كمت بسرعة فتحت كنتور شفت جنطتة ما موجودة لاا لاا مستحيل يروح و ما يودعني ما يسويها وكفت يم باب و صحت ياماننن وينكك يامان.
جواد: سمعت تاليا تصح يامان رحت عليهه خوية يامان طلع من صبح اذا محتاجة شي اني موجود
تاليا: فتحت باب و كعدت بل كاع ابجي شلون يروح بدون ما يكلي شلون كدر ما يودعني.
جواد: شفتها تبجي كلت خوية هسه اخابرة احجي ويا بس لا تبجين فدوة.
تاليا: ماريد احجي ويا والله بعد ماحاجي ولا احبة راح بدون ما يكعدني.
جواد: ماعرف شلون اسكتهه اتصلت على سمر و كلت احجي وية تاليا خليها تجي عليج.
سمر: انطيهه تلفون احاجيهه.
جواد: تاليا هاي سمر عل خط تريدج.
تاليا: ها سمر احجي و ابجي.
سمر: ياعمري لا تبجين تعاي يمي محتاجتج.
تاليا: سمر راح بدون ما يكلي شلون كدر يسوي هيج هو مو يكول احبج.
سمر: حبيبتي انتي تعاي هسه افهمج.
تاليا: رجعت جهاز لجواد و مسحت دموعي بس اشهك لبست عباتي و شال و طلعت من فوك سطح لأن البيت كلة شباب.
سمر: ياروحي ليش هيج مسوية بعيونج ترة هو ما كلج علمود لا يشوف دموعج.
تاليا: جان جواد موجود كلتلة راح أضل يومين يم سمر.
جواد: ماشي خوية واذا ردتي تتصلين لو احتاجيتي شي اني موجود.
تاليا: لا ماريد اتصل شكرا نزلت وية سمر لغرفتهه و هي راحت تكمل شغل بيت لأن اليوم هم كعدة ببيتهم يردولهم جواب هي راحت و اني تمددت على فراش تذكرت من رحنا سوة للجبال و تذكرت بيتنا و صوري تذكرت من اعترفلي بحبة صح نزلت دموعي و غمضت ماريد ابقة كاعدة اريد اخلص هاي يومين نوم اريد يمشي وقت.
..............
يامان: ب ١٠ و نص وصلت لبغداد رحت على اختي بشرة دكيت باب فتحلي سيف سلمت علي.
سيف: لك هلااا بضلعي مشتاقلك.
يامان: هلا بيك ياخوية اني هم مشتاقلكم بس تعرف شغل.
سيف: اي اعرف تفضل تفضل اليوم بشرة عدها عيد.
بشرة: جنت اكنس بيت سمعت صوت باب كلت لسيف يفتحة اشو هذا تأخر من رجع كلتلة منو جان بل باب.
سيف: مفاجئة.
بشرة: كلي مفاجئة و ابتعد عن باب شفت يامان ورا عفت كلشي من ايدي و ركضت حضنتة ياماننن اخوية.
يامان: يابعد اخوج انتي شلونج.
بشرة:زينة الحمدالله يروحي ليش هلكد طولت علية ليش ماترد على اتصالاتي.
سيف: حبيبتي اخوج تعبان من طريق خلي يرتاح بعدين بلشي تحقيقج.
يامان: عوفهه ما ترتاح الا تعرف هسه خوية جنت بمهمه ما يسمحون اتصل.
بشرة: هسه خلصت مهمتك؟
يامان: لا بس اجيت ارتاح يومين و بعدها ارجع.
بشرة: يومين قليلات.
سيف: هسه بس خلي يفوت يرتاح يمعودة.
بشرة: فوت حبيبي فوت غسل و ارتاح اروح احضر غدا و اكل الي تحبة.
سيف: اي عيني اي رجع اخوج احنا بعد بيش كيلو.
يامان: هههه ولكم بعدكم تتناكرون.
بشرة: لا تهتم خوية روح ارتاح.
يامان: وينها زينة؟
سيف: يم بيت جيرانة تلعب وية صديقتها شوي و ترجع.
يامان: ماشي اني رايح اسبح شوي و انزل.
سيف و بشرة: اخذ راحتك.
يامان: صعدت فوك لغرفتي اتصلت على جواد.
جواد: هلا يامان وصلت؟
يامان: اي هسه وصلت شلونها تاليا.
جواد: والله شكلك يخوي كعدت من نوم شافتك ماموجود ضلت تبجي و تعاتب بيك ردت اخابرك كالت ماريد احجي ويا على ما اعتقد مرتك زعلت سيادة نقيب.
يامان: اراضيهه بس هل يومين دير بالك عليهه.
جواد: صار بعيوني خوية.
يامان: مع سلامة.
جواد: مع سلامة.
يامان: رحت للحمام سبحت و بدلت بدلة رسمية و ساعة و عطر عدلت شعري نزلت جوة.
بشرة: اللهم صلي على محمد وآل محمد ها خوية وين طالع كل هل كشخة.
يامان: عندي شغلة اخلصها و ارجع ما اتأخر.
بشرة: هسه رجعت وين تريد تروح؟
سيف: بشرة حبيبي عندة شغل عوفي.
يامان: يلا اودعناكم بوية بست راس بشرة و طلعت توجهت لشركة من وصلت نزلت من سيارة و دخلت للشركة كلهم يباوعون لأن اول مرة يشوفوني وصلت لسكرتيرة كلتلها عفوا استاذ خالد موجود؟
-اي موجود منو حضرتك؟
-كوليلة يامان هو يفتهم.
-الو مرحبا استاذ خالد اكو شخص اسمة يامان واكف بل باب تسمحلة بل دخول.
خالد: اي خلي يدخل.
-استاذ يامان تفضل.
يامان: شكرا دخلت شفت خالد و عمار و شفت شاب وياهم عرفتة هذا هود.... مساء خير جميعا.
خالد: اهلا مساء نور استاذ يامان تفضل.
عمار: شرفتنا مساء نور.
هود: نورتنا مساء نور.
يامان: سلمت و كعدت.
خالد: اي استاذ يامان شنو تحب تشرب؟
يامان: مشكور ما حب اشرب شي اصلن مستعجل بس جان هذا اجتماع مهم لهذا اجيت وراية سفر.
خالد: احنا اسفين لأن عطلناك عن سفرك.
يامان: لا عادي اي بخصوص شركة شنو فكرتو؟
خالد: اني فكرت شفت وجهه نظرك حلوة بأن نبيع شركة و نسدد ديون الي علينا بس اريد تتفهمني اني تعبت على هاي شركة صارلي ١٧ سنة ماكدر ابيعهه بسهولة.
عمار: بس اذا ما نبيعها راح نخسر      كل املاكنة من بيوت و  فنادق و عقارات وسيارات.
هود: غلط منكم اشتغلتو وية ناس مو ثقة مثل ابو آرون بأول وكعة من شركة عافكم.
عمار: هود اسكت.
هود: ما حجيت شي غلط.
يامان: احم عندي فكرة اذا تعجبكم.
خالد: تفضل نسمعك.
يامان: شنو رأيكم تبيعون املاكم و فنادق و بيوت علمود تنقذون شركة.
خالد: لا هاي مخاطرة بحد ذاتها.
عمار: الفكرة حلوة لأن لازم نضحي بشي.
يامان: عندي صديق يكدر يشتري منكم بسعر مناسب اذا تريدون احجي ويا واذا ما حبيتو فكرة لازم نبيع شركة.
خالد: احم تمام نبيع أملاك بس مؤقت يعني من نريد نرجعهن لازم يبيعلنيا.
يامان: خوش فكرة راح اتصل علي.
خالد: تمام.
يامان: الو هلا استاذ سيف اي اكو أملاك و كذا عقار و فنادق يبيعون مؤقت تمام تمام ان شاء الله باجر نجتمع و نعقد شكرا الك مع سلامة.
-احم تمت الشغلة ان شاء الله باجر نجتمع ونوقع العقد.
خالد: تمام شكرا لوجودك ويانة استاذ يامان.
يامان: الي شرف باوعت بعيونة كوة لازم نفسي ما اخنكة سلمت و طلعت من شركة صعدت سيارة
جنت بل طريق ارجع للبيت و شغلت راديو طلعت اغنية...