خاطفي هو منقذي

p31

هلو قلبوشاتي🦋

حياة الإنسان تشبه الرواية، حتى آخر صفحة لا تعرف كيف ستنتهي وإلا فإنها لن تكن تستحق القراءة.

.......................
تاليا: كعدت الصبح على صوت سمر و بشرة و سارة فوك راسي يهوسن و يركصن.
سمر: بنات بنات تاليا شنو تكول ليامان.
تاليا: سارة علت دي جي و كامت تصيح زفوني زفوني للغالي ودوني حبيتة حب مجنون لساكن عيوني..
سمر و بشرة: زفوني... زفوني.
تاليا: كوموني وياهن ضليت اركص اني و كفشتي.
أمنة: ولجن مو وكت ركص امشن وصلت ام صالون يلا.
بشرة: تالونة بارحة يامان وصة على فستان بذوقة وصل قبل ساعة كلي خلي تلبسه عاجبني اشوفهه بهذا فستان.
تاليا: ركضت للكنتور شفت فستان مثل سمجة من فوك حصر و من جوة بي نفشة الصدر مفتوح شوية لونة وردي فاتح بناااات يجنننن فستاان.
سارة: يلا بنات ترة تأخرنا خطوبة الضهر و الحنة بليل عريسنا مستعجل.
تاليا: عاااااااااا ولجن وخرن وخرن.
سمر: اجن ام صالون صعدناهن لغرفة تاليا بلشو اول شي بتاليا اختارت مكياج بني على وردي فاتح وتسريحه مثل ضفيرة هندية وياهه تاج نازك طلعت أميرة شكد حلوة ما شاء الله بعدها استلمونا اني و بشرة و سارة لبسنا فساتين سمائي علمود نبين صديقات عروس و اتفقنا وية جواد و سيف و هود يلبسون قاط لونة نيلي و يامان اسود التهينا بل تحضير و سوالف و ركص صارت ب ٢ اتصل جواد.
جواد: سوسي شلونج ياروحي.
سمر: بخير حبيبي وانت.
جواد: اني زين الحمد لله اكول حبيبي بعد شوية نوصل للبيت حضرن حجابات.
سمر: تمام حبيبي.
سارة: منو عل خط.
سمر: هذا جواد.
سارة: كولي مغثة مو جواد.
جواد: غاثثجججج يااا ام صماخخ.
سارة: ما اعكر مزاجي علمودك.
جواد: هود اعذرني بس راح انزل عل ترابي وية مرتك.
هود: هههه لك شبيك وياهه غير تخبل.
سارة: فديتك حوب حوب.
جواد: ايييع صدك ايييع.
سمر: ههههه جنكم جهال يلا حبيبي اني راح اروح باي هسه.
جواد: دير بالج على نفسج لا تعبين نفسج انتي لا تنسين حامل.
سمر: حاضر.
جواد: باي حبيبي.
سمر: سديت اتصال و نزلت جوة ردت اساعد خالة أمنة ما خلتني كالت كعدي انتي حامل.
بشرة: جنت ارتب بل ذهب و اشوف تحضيرات شلونها  سمعنا هوسة اغاني و سيارات برة عرفنا وصلو طلعت اني و سارة نرحب بيهم و نصور دخل يامان بكشختة و جماعتة يهوسولة جواد ذب لحم ضلو يركصون بل حوش بعدها دخلو للصالة جانت جبيرة مخلين كوشة و مزينين مكان بورود تقرب سيف من عندي و كال.
سيف: شنو طالع يا حلو.
بشرة: خجلت من كلامة دفعت بأيدي شوية كلت سيف عيب منا ناس استحي.
سيف: مرتي انتي اتغزل بيج براحتي.
بشرة: بس مو هنا كدام كل هل ناس.
سيف: فديت خجلج اني اليوم شنو يخلص مني اليوم يومي.
بشرة: ضربتة اقوة كلت سييييف و ضحكت.
سيف: روح سيف هههه.
بشرة: خلي اروح اشوف تاليا و ارجع.
سيف: تهربي تهربي ههههه.
بشرة: صعدت درج اصيح تاليا ضليت اتذكر كلامة و اضحك.
سمر: ها هااا بشيرة اشو ابتسامات و عيون تلمع.
بشرة: جنت مفكرة بس جواد مستخف بس عداج انتي هم اشوفج استخفيتي.
سمر: ههههه الله يساعد قلب سيف على هل جمال.
بشرة: امشي لج خل نشوف تاليا بطلي سوالفج صايرة ما تستحين.
سمر: ههههه امشي خية امشي.
بشرة: رحنا على غرفة تاليا طالعة أميرة والله نزاكتهه و جمالها اللهم صلي على محمد وآل محمد ربي يحرسج من كل عين.
تاليا: بنات كولش متوترة شلون انزل.
سارة: يبووو اني بعد وراية هذا شعور.
سمر: وفرن شعورجن ليلة زفة.
تاليا: سمررررر.
سمر: هههههه.
بشرة: لا تسمعين من هاي صايرة فد مرة ادبسز امشي حبيبتي ترة يامان كاعد ينتظر عيب.
تاليا: لبست كعب و خطفت نضرة على نفسي بل مراية لأخر مرة اخذت نفس عميق و طلعت من غرفة.
يامان: جنت منتضر هذا اليوم بفارغ صبر الي حبيتها راح تكون الي جنت ما رافع عيوني لأن صالة كلهه نسوان بس من سمعت بنات و نسوان كامن يصلن على نبي و اسمعهن يكولن ما شاء الله شكد حلوة رفعت نظراتي و شفتها تنزل من درج مثل أميرات طالعة كمر ماكدرت اشيل عيوني عنهه كمت من مكاني وكفت صافن عليهه لحد ما صارت مقابيلي تقربت و بست راسهه شنو هذا جمال بوية كلبي شيصبرة اليوم.
تاليا: انت هم طالع حلو.
يامان: مو بجمالج ياروحي.
تاليا: لزم ايدي و بشرة جابت حلقات جنت كولش متوترة احس برجفة بجسمي طلع محبس و لبسنيا ايدي ترجف باس ايدي بعدها اني اخذت محبس من بشرة و ماكدر اتحكم برجفة إيدي احتاريت شلو البسة باوعت علي لزم ايدية.
يامان: اهدي بوية اهدي شكو متوترة على كيفج لزمت ايدهه و ساعدتهه تلبسني حلقة بست ايدهه و بعدها ترجف حضنتها لصدري و بست راسهه فديت رجفتج يا رجفة كلبي.
تاليا: بعدها بشرة جابت ذهب و كام يلبسني و اسمع نسوان يحجن.
-مبين يحبها كولش لهذا ذهبها هواي الله يديمهم كولش حلوين.
تاليا: اول شي لبسني ٤ حلقات باوعتلة حط عيونة بعيوني و حجه.
يامان: شرع حلل أربعة و انتي اربعتهن.
تاليا: ابتسمت بعدها لبسني أسوار و باس ايدي لبسني كلادة تقرب باس ركبتي لبسني تراجي باس خدي بعدها سارة و سمر جابو كيك كالو كطعو علمود نصوركم حط ايدة على ايدي و لزمت سجينة كطعنة كيك و مصورة تصورنا أخذنا كم لقطة حلوة الباقيات كلتلهه خليها عفوية من كملنا تصوير يامان استأذن طلع برة لأن شباب مسوين هوسة برة اني و سمر و بشرة و سارة ضلينا نركص لحد ما تعبنا سلمت على كرايبنا كلهم و صعدت لغرفتي ساعة ٥ عصر فحطانة من تعب.
سمر: ولكم والله مابية حيل اجلو حنة لباجر.
سارة: والله يامان أكد اليوم بليل لأن اشترو دشاديش راح يدبجون عيني.
بشرة: كومن ولجن لا تتكاسلن بس غيرن فساتين و عدلن مكياج ماكو شي صعب.
تاليا: جنا متمددين على جرباية و دخل جواد هدادة كوة جريت شال غطيت نفسي.
جواد: سمرررررييي جبتلج حليب حوبي تعاي اشربي مفيد للطفل.
سارة: انت شلون تدخل غرفة بنات بدون ما تدك باب.
جواد: رجعت يم باب دكيتة و طبيت سمرررر يلااا اشربي.
سمر: جواد بيك شي مصخن حبيبي تريدني اشرب حليب بهل صيف.
سارة: مو طبيعي هذا ابد.
جواد: تشربينا لو اني اشربج بطريقتي.
بشرة: تخبل الولد.
سمر: جواد والله ماريد اشرب يمعود استفرغ هسه.
جواد: عادي يروحي مفيد مفيد شو فتحي حلكج.
سمر: كوة خلاني اشرب كلاص كلة جواااااد.
جواد: يا عيونة.
سمر: اطلع نريد نبدل ورانة حنة.
جواد: انتي شعليج بل حنة هسه اطلب عشة و تعشي لا حنة ولا بطيخ ماريد تتعبين.
تاليا: جوااااادووووو هاي حنتي لازم سمر موجودة.
جواد: اي بس ركص ماكو.
سمر: تشاقة وياي.
جواد: لا والله اني اركص بدالج بس كعدي.
بشرة: ههههههه اتخيلو جواد يربط شال و يركص.
سمر: اي تجي بين نسوان علمود بنات يشوفنك.
جواد: ما اجي بس ما تركصين لأن ماريد ابني ينغض ببطنج و يروح يمين و يسار.
سارة:هذا فقد عقلة خل اخابر هود يجي ياخذة تأخرنا.
جواد: أم صماخ شكد اكرهجج.
سارة: ما تشوفني ميتة عليك.
سمر: ههههه لج لا تحجين على ريلي.
جواد: فديتج ام جهالي.
سمر: احم روح نريد نبدل.
جواد: بستهه من خدهه و كلت دير بالجن عليهه ولجن اموتجن اذا تعبت.
تاليا: يا اخي بس اطلع.
جواد: عابت عابت اوووي.
تاليا: طلع و ضلينا نضحك و نغمز لسمر باسهه كدامنة.
سمر: مستهترات امشن بدلن يلا.
تاليا:غيرنا ملابسنه و الجو مخبوص سمعنا دكت باب ادخل.
يامان: بوية جبتلجن عشة اتعشن انتي هم وراج علاج.
تاليا: ماعرف شلون اضم نفسي فستاني بي فتحه جبيرة لزمت فتحة و تقدمت اخذت العشى و كلت شكرا حبيبي تعبناك.
يامان: تعبكم راحة حبيبي يلا اني نازل سدو بردات لأن زلم كلهه جوة راح تدبج.
تاليا: تمام هو راح اني سديت باب هففف توتر يمعودات.
بشرة: هههههه بس صراحة تنكرطون ثنينكم.
سمر: اتفق وياج.
تاليا: كعدنا نتعشى و صار صوت دبجة برة فتحت شوية من بردات كلت اشوفهم شفت يامان و هود و جواد و سيف وية كومة شباب كاعد يدبجون صورتهم بدون ما ينتبهون عود احنا هم نزلنا شغلنا دي جي و بدينا نركص.
سمر: حرااام عليكم حرااام اريد اركص.
أمنة: هههه يمة بنيتي صفكي احسلج جواد منبهني بس تكومين اتصل علي.
سمر: حتى انتي خالة حتى انتي.
أمنة: غير نحبج و نخاف عليج.
سمر: ياروحي لعد اضل اصورهن احسلي.
سارة: جنت واكفة يم دي جي اني اشغل اغاني فتحت اغنية
وين دورهه و لكاهه..
فصوص روبه يا كفاها..
وين دورهه و لكاهه..
بشرة: وين دورهه و لكاهه.
سمر: جان صاحبها و خذاها.
سارة: جان عاشكها و خذاها.
تاليا: خجلت من كامن يهوسن و نسوان يباوعن.
بشرة: بنات عريسها راح يدخل يحنيها سون مجال.
سارة: نصيت دي جي كمنا نهلهل. 
بشرة: الف صلاة و سلام عليك يا حبيب الله محمد.
سمر،سارة: كلوووووووشششش.
تاليا: دخل يامان لابس دشداشة و عكال خجلان اكثر مني تقرب باس راسي و همس.
يامان: كلبي رجيج يا بنت ناس بهداي على كلبي ترة ما تحمل.
تاليا: انصبغ لوني احمر من كثر خجل و مستحة كعدنا و بشرة جابت حنة.
بشرة: يلا خوية حني عروستك.
تاليا: اخذ حنة و حنة ايدية و بشرة شدتهن بورد سمر و سارة و بشرة يصيحن حبها ولككك حبهااا لا تخاف من امها باوعت بعيونة تقرب باس طرف شفتي غطيت بهدومي نسوان يضحكن.
سارة: خدها طماطة لا تكول محمرة.
سمر: عروستنا جكليتة حامض حلو باكيتة.
بشرة: تاليا بس كولي بلي بيج خير و دللي.
خالة يامان: يا أهل قوط ذبو قوط يامان لبس قاطة.
تاليا: ضلو يهوسون بعدين كومونة نركص بل نص هو خجلان اني ضليت اركص و افتر داير مدايرة هو يضحك على ضحكتي.
يامان: بعمري ما شفتها هلكد فرحانة ضحكة طالعة من كلبها جانت تركص رافعة ايدهه بيها حنة جريتها و حضنتها بست راسهه يلا بوية اني طالع عيب من زلم كلها برة.
تاليا: ماشي حبيبي احبك.
يامان: اموت عليج يا لجمتي.
تاليا: طلع يامان و احنه كملنا ركص لحد ما تعبنا بعدها النسوان بدن يروحن شوي شوي صعدنا اني و بنات فوك علمود نسبح و نبدل سمعت دكت باب ادخل.
أمنة: يمة تالو يردوج بل استقبال.
تاليا: منو يمة؟
أمنة: انزلي تعرفين حبيبتي.
تاليا: باوعت على بنات مستغربة خليت حجاب على شعري و لبست جبة لأن فستان مفتوح للفخذ و نزلت جوة مديت ايدي فتحت باب استقبال ياريت ما فتحتة شفت اكثر انسانة أنانية كاعدة و ابوية و هود و يامان موجودين.
عمار: بنتي تعاي كعدي يمي.
تاليا: ما سمعت اي شي رجلية اخذتني عليهه وكفت مقابيلهه
انتي شسوين هنا ليش اجيتي شتريدين مني؟
مارلين: بنتي اني....
تاليا: لاااااا تكوووليييين بنتيييي افتهمتييي.
يامان: تاليا اهدي ياروحي اتفاهمو ما يصير هيج.
تاليا: شلووون اتفاااهم ولكممم هاي نفسها الي جانت تشوف بنتها بأيد عمها يلعب بيهه لعبببببب.
هود: تاليا حبيبتي اعصابج لا يصير بيج شي.
مارلين: اني امج حبيبتي اسفة جاية اعتذر منج سامحيني.
تاليا: لو بدال هاي دموع تبجين دم ما اسامحج افتهمتييييي ماااااا اسااااامحجججج ياا خاااااينةةة اناااانيةةةة حقوووودةةة بدونننن احساسسس اطلعيييييي برةةةةةة ماااااريدد اشووووفج كل جسمي يرجف و نفسي ضاق حسيت را اوكع رجعت ليورة.
يامان: تاااليا بويةةة لااا وين بخاخهه هود بسرعة بسرعةةة.
هود: ركضت على درج شفت بنات واكفات يبجن على صوت تاليا صعدت بسرعة جبت بخاخهه و نزلت انطيتة ليامان.
يامان: تالي فتحي حلكج بوية اخذي نفس يلااا حبيبتي.
تاليا: اخذت نفس من بخاخ حسيت هدئت شوية باوعت على يامان عيوني مدمعة يامان طلعها منا فدوة طلعوهاااااا.
يامان: صار ياروحي بس على كيفج اهدي اششش خلص اخذي نفس ثاني يلا عمري انتي.
تاليا: اخذت نفس ثاني من بخاخ وابوية طردها برة حضنت يامان كل قوتي ضليت ابجي.
يامان: اشش بوية ليش تبجين اني يمج ماعوفج.
هود: بابا خل نطلع احنا طلعنا من استقبال و عفناهم وحدهم كسرت كلبي تاليا من حجت بحركة دم لعد شكد مجروحة من امي.
تاليا:ماوخرت من حضنة حسيت بهدوء و سكون بس أنفاسي عالية تنسمع هو يمسد على شعري.
يامان: لجمة كلبي.
تاليا: هممم.
يامان:شلون صرتي تحسين بشي اخذج للمستشفى.
تاليا: لا ماريد.
يامان: شو باوعيلي.
تاليا: وخرت راسي من صدرة و باوعتلة.
يامان: اي شي انتي تكولي يتنفذ انتي ماتريدينهه تجي بعرسج ماتريدين تسامحيهه؟
تاليا: ماريد ماريد.
يامان: خلص الي تكولي يتنفذ مهم ماشوف دموعج بوية تجوي كلبي دموعج.
تاليا: ما ابجي بعد ما تستاهل انزل دموعي عليهه.
يامان: اكول ماتحسين اليوم لعبتي لعب بكلبي على هل جمال ردت أغير موضوع ما تضل تفكر و تنقهر.
تاليا: انت هم طالع حلو.
يامان: صدك شنو حلو بية.
تاليا: عيونك حواجبك لحيتك شواربك كلشي بيك حلو.
يامان: على هل مدح تستاهلين بوسة.
تاليا: هههه عوفني خل اروح اسبح تعبت اليوم من ركص.
يامان: اكيد ما قصرتي هههه روحي ارتاحي باجر وراج تعب اكثر.
تاليا: يحجي و يغمز ضربت صدرة و كمت من حضنة خجلانة جر ايدي و سندني عل حايط.
يامان: شلون تتوقعين اخليج تروحين و ما ضايك هل عسل هذا.
تاليا: ما خلاني احجي اخذ شفايفي بحركة سريعة ابتعد مني من حس راح اختنك.
يامان: اليوم هم اصبر بس باجر بين احضاني و اني اتصرف.
تاليا: نزلت راسي احم خلي اروح عيب من أهلك و اهلي.
يامان: روحي بوية ماريدج تفكرين نامي و ارتاحي.
تاليا: تصبح على خير حبيبي.
يامان: انتي خيري يا عمري.
تاليا: فتحت باب استقبال وطلعت شفتهم كلهم كاعدين و ينتظروني.
عمار: شلون صرتي بنيتي.
تاليا: اني بخير بس ماريد هاي مرة ترجع.
عمار: ماترجع وعد.
تاليا: ردت امشي شفت ماما أمنة رحت حضنتها ضلت تبجي كلتلهه ماكو احد ياخذ مكانج انتي امي.
أمنة: يا روحي بنيتي.
تاليا: بست خدها و صعدت فوك طبيت للحمام سبحت و طلعت لكيت سارة بل غرفة سألتها عن سمر و بشرة.
سارة:راحن لبيتهم باجر يجون زفة همه اهل عريس.
تاليا: ماشي لعد خل انام اليوم تعبت هواي.
سارة: اني هم نعست.
تاليا: نمنا و ثاني يوم صبح كعدنا من وكت هل مرة رحنا للصالون جواد وصلنا و نبهونا ما نطلع الا من نكمل و نتصل عليهم اول شي بلشنا تنضيف بشرة و ردت اصبغ شعري بس يامان يحب لو شعري لهذا ما صبغت سويت تنضيف للجسم و حمام مغربي بعدها لبست بدلة عرسي و كعدت بلشو يمكيجوني و اختاريت مكياج بسيط و تسريحة مثل سندريلا سارة و سمر و بشرة اختارن نفس لون فستان ازرق فاتح بس كصاتهن مختلفة سمر و بشرة تحجبن بس سارة سوت تسريحة كملنا كل شي و ضلينا نصور لو نركص ام صالون تخبلت علينا كلبنالهه صالون ملهى سوينة جو بل صالون عروسات كامن يركصن ويانة بعدين بشرة لبستني بركع و غطتني زين كالت وصل يامان شعوري خوف وتوتر و فرح كلهن مختلطات هنة يهلهلن و اني امشي وياهن ماشوف شي حسيت يامان من لزم ايدي راد يشيل بركع كلت لاااا ماخليك تشوفني لحد ما نوصل للقاعة.
يامان: ليشش ولج حتى بهاي تبخلين.
بشرة: هههههه اصبر اصبر طالعة ملاك.
يامان: شيصبرني امشي بوية امشي.
تاليا: بشرة و سارة ساعدوني اصعد سيارة و يامان بصفي و سيارة جواد و سيف ورانة كومو سيارات كلهم أصدقاء يامان بل شغل و كرايبة سدو سير مشينا مسافة و وكفو سيارات نزلو اصدقائة و جواد كلهم معلين صوت اغاني و يركصون بل شارع.
-لعب نلعب لعب بعرسك يلذهب..
غير انت نفس معزتك بل قلب..
اجو كلهم اجو لأبو طول حلو..
منك ونعم و يل تسوة تعب..
تاليا: شالو يامان على كتوفهم و يركصون و شفت يامان يركص وياهم صورتهم فرحانة.
جواد: شباااب شباااب ردو وراي جاااان صاحبهاااا و خذاهااا.
الكل: ويننن دورهاا و لكااااهااا جانننن صاحبها وخذاهاااا.
تاليا: انفضحنا كدام ناس كلهم عرفو عن حب ناس تباوعلهم و اكو بيهم عل واهس اجو يركصون ورة شوية رجعو لسياراتهم و يامان رجع لزم ايدي كلي فرحانة.
-عرسي شلون ما افرح.
يامان: اليوم راح تصيرين ملكي.
تاليا: اني من زمان ملكك.
يامان: خل اشوفج يمعودة.
تاليا: نو نو بيبي امشي يلا كاعد ينتظرونا بل قاعة.
يامان: اووف صبر ربي صبرر.
تاليا: كمت اضحك علي ورة صعوبات و ازدحامات وصلنا للقاعة نزلت يامان ساعدني و سارة اجتي علية كلتلهه سوسي تعرفين شلون نسوي دخولية وين بابا.
سارة: هسه اصيحلة بس انتي روحي للغرفة انتظار.
تاليا: ماشي رحت لغرفة انتظار و يامان راح يشوف تحضيرات و مصورة.
سارة: هود وين عمو عمار.
هود: جان وية امج هسه اشوفة انتي دخلي جوة منا شباب.
سارة: رحت على يامان و المصورة كلتلهم على دخولية.
يامان: يعني ابوهه يسلمنياهه.
سارة: اي.
يامان: ماشي اني اروح أرحب بل ضيوف.
سارة: اني هم رحت على تاليا جان فستانها من فوك بس ايدهه مبينات غطيناهن بل طرحه عدلت شعرها و مكياجهه و فات عمو عمار شاف تاليا دمعت عيونة كام يبجي.
تاليا: بابا لا تبجي.
عمار: بنتي زغيرة كبرت و راح تتزوج طالعة احلى عروسة حبيبتي.
تاليا: حضنتة و دمعت عيوني سارة عاطت.
سارة: تالياا اموتج اذا تبجين المكياج يوليييي.
عمار: هههه لا تبجين خلص.
تاليا: كمت اضحك سارة فهمت بابا عن دخولية و قوص ايدة و كال يلا اميرتي.
تاليا: لزمت ايدة و طلعنا من غرفة وكفنا باب قاعة علمود من تنفتح ندخل و مصورة تصورنا و تصور ردت فعل يامان و يشوفني جنت كولش متوترة اخذت نفس و ابوية يمسد على ضهري انفتح باب ابتسمت و دخلت جوة شفتة واكف بل نص و ينتظرني من اجة إضائة علية بلشت اغنية.
ادخلي عمري بخطواتك اليمين..
اضوي أيامي و عتمات سنين..
شفت يامان رفع راسة مايريد دموعة تنزل من وصلنا اني بابا يمة سلم على ابوية.
عمار: انطيتك قطعة من روحي ماوصيك عليهه.
يامان: بنتك يا عمي بعيوني و بكلبي اخليهه مو رجال إذا خليتها ينزل دمعة من عيونها بسببي.
عمار: كفو منك وليدي خليت ايد تاليا بأيدة و مشيت.
يامان: باوعت عليهه كأن هي أعظم انتصاراتي ماكدرت الزم دموعي حضنتها و نزلت دموعي من فرحي الي حبيتها اليوم كدامي لابسة ابيض اسمها على اسمي راح اكمل حياتي وياهه.
تاليا: ضل يبجي واني دموعي نزلت حضنتة كل قوتي بعدين بعدتة امسح بدموعة لا تبجي ياعمري.
يامان: صرتي الي بوية اليوم ما ينوصف فرحي بوية دموع فرح خليها تنزل.
تاليا: شغلو اغنية سلو لزم خصري و جبينة على جبيني مغمض عيونة ايدي على صدرة احس بدكات كلبة سريعة همس.
يامان: احبج لأخر نفس بية.
تاليا: هايمة بيك اني كلت هيج و حضني كل قوتة و رفعني يفرني حضنت ركبتة و غمضت عيوني اضحك.
سمر: شكد طالعين حلوين فديتهم.
جواد: هواي تعبو الحمدالله صارو لبعض.
سمر: الحمدالله.
جواد: يامان ولا يهدهه خطية طاكة جفاف خل اروح افتح دي جي هذولة مطولين.
سمر: هههه ولك تعال يمعود ما سمع مني و راح شغل ديجي لزم ميكرفون يحجي.
جواد: يابة الله بل خير كلكم اسفين نعستو على هل موسيقى هادئة بس ولا يهمكم جواد راح يغير مودكم.
تاليا: تخبل ولد.
يامان: لج من بارحه لليوم بس يركص.
تاليا: راح فتح اغنية كام يرد وراهه بل مايكرفون و يركص يم ديجي.
جواد: اليوم العب لعب و اكلبها للدنيا..
ابد ماكول صعبة و حيل مابية..
جابلنة كمر ما جابلة بنية..
مو بس بهاية احنا وياك بكلهه..
الكل: مو بس بهاية احنا وياك بكلهه.
تاليا: صارو يركصون كلهن و يهوسون اني اضحك و اركص بل نص وية بنات و يامان وية شباب جواد لعب لعب بل ركص و هوسات اجة بل نص شد شال و كام يركص و احنا نركص على ركصة متنا ضحك اني و يامان صرنا مقابيل واحد و نركص جان احلى يوم بحياتي بعد تعب ركص ضيوف كعدو احنا هم كعدنا بل كوشة و كل ساعة يامان يعدل طرحة على كتوفي لا ايدي يبين جنا ناخذ صور و طبو جواد و سيف و أصدقاء يامان كلهم سرة طويلة بيدهم شريط فلوس كلهه خمسينات يمشون و يغنون سوة تقدم يامان كل واحد يجي يلبسة و يحضنهم و يسلم عليهم
وراهه كطعنة كيك و ضيوف اكلو بعدها الي يجي يتصور و يروح لو يسلمون و يرحون بل اخير بقينا بي احنا عائلة كاملة.
سيف: الف مبروك خوية شايفين كل خير.
يامان و تاليا: الله يبارك بيك تسلم.
جواد: الف مبروك ضلعي الف مبروك ام صماخ.
يامان: ما قصرت ابو شباب.
تاليا: الله يبارك بيك خوية.
بشرة: الف مبروك حبيباتي.
يامان: الله يبارك بيج بعد اخوج.
تاليا: الله يبارك بيج عمرييي.
سمر و سارة: الف مبروك تستاهلون كل خير.
تاليا و يامان: الله يبارك بيكم.
أمنة: الف مبروك بنيتي الف مبروك ابني أمانة هاي ها ديربالك عليهه.
يامان: بعيوني.
تاليا: حضنتها و نزلت دموعي ماما احبج.
أمنة: بنيتي حلوة شايفة كل خير اني هم احبج.
هود: الف مبروك الكم.
تاليا: الله يبارك بيك حبيبي يوم الك.
يامان: الله يبارك بيك خوية.
ام سارة و عمار: الف مبروك شايفين كل خير.
تاليا: الله يبارك بيج خالة.
يامان: الله يبارك بيكم عمي.
تاليا: يامان جان مقرر نروح لبيتنا بسليمانية شكد حاولو نروح لفندق هنا ما قبل سلمنا عليهم و طلعنا ضليت ابجي على ماما أمنة بس يامان حضني يهدي بية صعدنا بسيارتنة كاللهم لحد يجي و يتعب نفسة ما قصرتو اروح وحدي طريق طويل لا تزحمون على نفسكم و طلعنا توجهنا لسليمانية يامان لازم ايدي و يسوق قبل لا نوصل للسيطرة وكف سيارة و نزع جاكيتة و لبسنيا ضليت صافنة علي و هو يبتسم.
يامان: هيج احسن.
تاليا: اي، وصلنا للسيطرة سلمو علي و باركولة فتحت اغنية
بروحي فتاة و خليت راسي على متونة و لزمت ايدة تذكرت كل ايامي الي كضيتها بهذا طريق من خطفني وهسه اني رايحة ويا بأرادتي ماعرف شلون نمت.
يامان: حسيتها من نامت ما كعدتها اكيد تعبانة ورة طريق طويل وصلنا للبيت رجعت راسهه عل كشن مال سيارة و نزلت رحت لجهتهه فتحت باب و شلتها بين ايدي و سديت باب سيارة برجلي صعدتها للبيت اريد افتح باب مال بيت ماكدر لإن شايلهه مرة مرتين حاولت ماكو فزت من نوم اسم الله بوسة اسف كعدتج.
تاليا: لا حبيبي نزلني.
يامان: نزلتها و فتحت باب.
تاليا: فتح باب جان دنيا ليل راح شغل فانوس شفت البيت متغير اساسة و ديكورة كاع كلهه ورود التفتت باوعت علي
-شوكت لحكت تسوي كل هذا.
يامان: كولشي يهون لعيونج ان شاء الله يعجبج بيتج جديد.
تاليا: من فرحي حضنتة شكراا لأن دخلت حياتي شكرا لأن نقذتني من حياة الي جنت راح ادمر نفسي بيهه.
يامان: لجمة كلبي انتي تعب سنيني.
تاليا: احبك ياماني.
يامان: عاشكج اني بوية.
تاليا: باسني من خدي.
يامان: جبت عشة وياي بطريق روحي بدلي اني هم أحضر عشه.
تاليا: هزيت راسي اي و رحت للغرفة شفت كلها ورود و جرباية مزينة توتر عندي الف فتحت شعري و مسحت مكياج ردت افتح سحاب بدلة ما تنفتح صحت ياماان.
يامان: جنت بل مطبخ سمعت صوتها ها بوية اجيت.
تاليا: ورة شوية اجة كلتلتة يامان سحاب ماكاعد ينفتح.
يامان: شو انداري بوية.
تاليا: انداريت و يحاول يفتحة لحد ما انفتح توتر و خجل عندي عابر حدودة ماعرف عندي خوف بس اكول يامان مو مثلهم يامان يحبني احم اروح اسبح.
يامان: عرفتها خايفة من رجفة ايديها كلتلهه ماشي روحي سبحي اني هم اكمل شغلي.
تاليا: طبيت للحمام سبحت و استخدمت معطرات و مرطبات ماعرف منو من بنات مخليات سيت نوم احمر بل حمام من شفتة خجلت شلون البس هذا  واطلع بعدين ضربت راسي كلت بعد بعد لازم يشوفج كلج غير رجلج لبست سيت نوم و ضليت اجر جر بي و طلعت ماكو كهرباء انشف شعري لفيتة بخاولي.
يامان: طلعت من مطبخ بيدي صينية عشة اوديهه للغرفة شفتها باب غرفة و لابسة سيت نوم قصير تجر بي كوة لزمت نفسي صرت اعرك كلتلهه تعاي تعشي حبيبي.
تاليا: رحت للغرفة كعدنا نتعشة سوة هو ياكل و يسويلي لفة اخر شي شبعت ردت اشيل صينية ماقبل.
يامان: اني اشيلهه حبيبي عوفيها.
تاليا: شال صينية و راح اني هم وكفت امشط شعري كدام مراية ورة ثواني حسيتة من حضن خصري و خلى راسة بركبتي قشعر جسمي من حسيتة كاعد يضغط على خصري و يتنفس بسرعة وانفاسة بركبتي كلت يامان ما خلاني احجي فتح روب و نزعني من كتوفي باس كتفي و  شالني يباوعلي بهيام خلاني على جرباية اول شي باس عيوني ثنينهن بعدين خدي يبوسني و ايدة تتفنن بلمسات جسمي نزل باس شفتي اني ما اعرف ابوس بس حركت شفتي ويا فتح عيونة متفاجئ ضل يبوسني بلهف و شوق و لمساتة قوت همس.
يامان: ماتحمل تاليا اريدج لا تخافين مني اعرفج خايفة بس تذكري اني يامانج ما اذيج مستحيل ااذيج بوية انتي.
تاليا: عيونة ذبلانة و يحجي وياي حضنت ركبتة ياماني اني ملكك افتهمت ملكك تقرب مني و كل لمسة يرجف و يتأسف صدمة جانت عرفت اني بعدني بنية نزلت دموعي و هو يهدي بية  بليلتها حسيت اختياري ليامان جان أصح قرار بحياتي نيمني على صدرة ضليت العب بخدة و لحيتة هو يدخن ياماني.
يامان: روحة بوية روحة.
تاليا: ليش تدخن.
يامان: إدمان.
تاليا: سامعه اذا احد عندة حزن لو بعيد عن شخص يحبة يدخن.
يامان: تعلمت تدخين من ماتت امي و ماكدرت اعوفة.
تاليا: اذا اطلب منك تعوفة راح تعوفة.
يامان: جانت جكارة بيدي باوعت بعيونهه انتي تريديني ما دخنهه.
تاليا: اي لا دخنهه كبل طفهه و ذبهه.
يامان: ما راح ادخنهه لأن صارت عندي جكارة طعمها أطيب.
تاليا: يحجي و يلمس شفايفي تقربت بستة بشفتة و رجعت نمت على صدرة.
يامان:نامت واني ضليت لصبح صافن عليهه ما مصدك هي بحضني طلع صبح ضليت العب برموشهه طوال كامت تتحرك و حضنتني اكثر تالونة حبيبي.
تاليا: هممم.
يامان: كافي نوم كعدي خل اشوف عيونج.
تاليا: فتحت عيوني و شفتة صباح الخير حبيبي.
يامان: يارب كون كل يوم صباح وجهج.
تاليا: خجلت غطيت راسي بل لحاف.
يامان: ههههه كومي بوية اني نازل اشتري شي ناكلة للريوك.
تاليا: ماشي هو طلع من غرفة اني هم رحت للحمام سبحت و غيرت جراجف و عزلت غرفة والبيت مشطت شعري و ضفرتة سمعتة رجع.
يامان: تاليا بوية.
تاليا: ها حبيبي.
يامان: تعاي حبيبي جبت كيمر و كاهي من يم عمو يسار و يباركلنة بل زواج كلي اسلم عليج.
تاليا: الله يسلمة فديتة شكد كيوت.
يامان: منو كيوت ولج.
تاليا: عمو ياسر.
يامان: لا تكوليهه كدامي.
تاليا: غيور.
يامان: اممم.
تاليا: تغار.
يامان: اممم.
تاليا: رحت حضنتة من ورة جان يصب جاي و يحضر هو أطول مني حضنت بطنة كلت شدعوه هلكد طويل حتة اذا اريد ابوسك ماكدر.
يامان: رفعتها من خصرها و صدرها طبك على صدري ايي تاليا ما سمعت تريدين تبوسيني.
تاليا: احم هو اسمع لا قصدي اي اهووو.
يامان: عاجبني اجرب بوستج.
تاليا: مو كل يوم تبوسني.
يامان: قصدي انتي تبوسيني مو اني.
تاليا: احم ها اي اكول جعت مو جوعان.
يامان: البوسة تاليا.
تاليا: ماشي بس غمض حباب.
يامان: غمضت.
تاليا: اتقربت سويت مثل ماهو يسوي كل مرة حسيت رخة جسمة و ايدة شوي شوي نزلني و هو نزل راسة لمستواي غلغل ايدة بين شعري كام يبوسني ورة ثواني ابتعد باوع علية يضحك.
يامان: بوستج كيوت.
تاليا: اشو تضحك؟
يامان: عجبتني.
تاليا: عبالي.
يامان: يلا خل نتريك.
تاليا: كعدنا نتريك و نسولف مرت ايامنة بهدوء و كلهه حب
.........................................
بعد مرور سنة و نص....
بشرة: ولج تاليا اشو انتي بشهر تاسع و بطنج ما مبينة.
تاليا: شسوي خية بنتي زغيرة ما تبين.
سمر: ولك ياماننن اكعد ابني شبيك.
تاليا: ساعة سودة الي زوجج سمة ابنكم يامان.
جواد: هههههه والله لو تسمعين سمر هذاك يوم تكولة طا حضك يامان.
يامان: هههههه خلف الله عليج خوية مو صوجج صوج زوجج العار.
سمر: اعذرني خوية ابني بشنو اصيحه غير بأسمة.
جواد: اذا اجاني ولد ثاني اسمي سيف ضلي اغلطي و سبي بكيفج.
سيف: ايا نعالل.
بشرة: مخبل هذا ولد احلف بل قرأن.
سمر: اكول اشو سارة و هود ما اجو.
تاليا: كالو على اساس اليوم راجعين من تركيا جانو مسافرين يغيرون جو.
يامان: عمي وياهم.
تاليا: اي طلع شهر عسل وية خالة ام سارة.
جواد: بس عماااار فاهم حياة.
سيف: هههه عينك يمعود.
تاليا: جنا نسولف و نضحك خابرني هود.
هود: شلونج تالونتي.
تاليا: بخير انت شلونك حبيبي وصلتو لو لا.
هود: اي وصلنا بس نسبح و نبدل نجيكم انتو بيت جواد لو سيف.
تاليا: لا بيت سيف تعالو هنا.
هود: ماشي بس نكمل نجي مع سلامة.
تاليا: مع سلامة ياروحي سديت اتصال باوعت على يامان يخنزر كلتلة شبيك.
يامان: تاليا هاي تصرفات ما تعجبني ابد.
تاليا: اي غير افهم شمسوية؟
بشرة: لا تكولين لغيرة حبيبي بس هو.
تاليا: بس هود اخوية.
سمر: خية غيرة ما تعرف اخ اخت اب ام.
تاليا: ما تنعاد ياماني.
يامان: ماشي بوية راح اطلع محتاجة شي.
تاليا: حابة شي حامض جيب وياك.
يامان: بعيوني.
جواد: انتي لهسه تتوحمين.
تاليا: انت شعليك.
جواد: ذكرتيني بسمر تتوحم على زاهي ادري بوية ماعون انتي.
سمر: غير حامل و اتوحم خوما بيدي.
تاليا: طلع يامان و سيف يجيبون أغراض للبيت احنة بنات كعدنا نسولف شفنا جواد جاب ماعون حب شمس و كعد بنصنا.
جواد: مو حلوة تحشون بل ناس بدوني اي بلشو.
تاليا: بنات و كاعدات انت شكووو.
جواد: والله ماكوم يلااا حشو.
بشرة: احجيلنة موضوع تاليا بارحه من كلتيلنة عل تلفون متنا فضول.
تاليا: هذيج فترة الي جنت مريضة بيهه و يامان جان عندة دوام و شغل يكملة بل مطعم لهذا وصة هود يجيب ماما أمنة عدنا.
جواد: ايي كملي.
تاليا: اي ضلت يمي يومين خلص أغراض بيت نزلت وياهه لدكان عمو ياسر.
سمر: اييي بس لا الي بالي.
تاليا: اي عمو ياسر معجب بماما أمنة و اليوم اجينا اني و يامان نحجي وياهه.
جواد: اموووت على عرس.
بشرة: والله اتمنة تقبل لأن هي وحدها بقت بل بيت خطية.
تاليا: ان شاء الله.
زينة: مااامااا اجت خالة سارة.
بشرة: اي ماما افتحي باب خلي يدخلون.
تاليا: كوة كمت من مكاني و جواد يقلدني ضربتة و طلعت اسلم على سارة و هود و بابا و خالة ام سارة.
سارة: هلاو حبيباتي فستقاتي شلونجن.
سمر: هلا بل كاطعة.
سارة: غير شغل.
بشرة: على غيرنا هل كلاوات هود ما عايفج.
سارة: هههه امشن ولجن.
جواد: هلا بيكم نورتو تفضل عمي تفضل صاير حلو بعد زواج.
عمار: ههه هلا بيك حبيبي.
تاليا: كعدو و البيت صار هوسة و ضحك و سوالف رجعو سيف و يامان يسلمون على ابوية طلعت للمطبخ اشرب مي جانو زينة و يامان ابن جواد يلعبون طوبة ابن جواد كولش وكح ماحس غير ضرب طوبة و اجت بطني حسيت بألم بعمر ما حاستة صرخت كل صوتي ياااامااان.
يامان: سمعت صرخة تاليا كمت من مكاني و ركضت عليهه شفت غركانة بل دم و تصرخ تاليااا بوية شصاررر بشرة حجاب و عباية بسرعةةة جواااد شغل سيارة.
تاليا: يامان بنتي يامان.
يامان: ماكو شي بوية ان شاء الله خير اهدي ياروحي اهدي.
بشرة: هاك خوية.
يامان: لبستهه عباية و شال و شلتها بين ايدي ركضت بيهه للمستشفى صوت صرخاتهه بكلبي اهدي بيهه بس اني ارجف.
تاليا: وجع كولش قوي ماكدر اتحملة اجتي دكتورة كالت بسرعة للعمليات حضروهه قبل ما ادخل كلت يامان بنتي أمانة عندك.
يامان: لا تكولين هيج بوية لا تحجين هيج ان شاء الله تكومين بسلامة و ترجعيلي.
تاليا: وصلوني لغرفة عمليات و سألتني عندج ربو كلتلهه اي خدروني و خلولي جهاز تنفس غمضت بعد ما حسيت بشي.
يامان: ضليت واكف بل باب غرفة عمليات و كل جسمي يرجف جواد و بشرة و سمر و سيف و هود و سارة كلهم اجوي ضلينا ننتضر ورة ساعة سمعنا صوت طفل يبجي كمزت من مكاني طلعت ممرضة بيدهه بنتي لافتهه تبجي شلتها اول مرة اشيل طفل دمعت عيوني و بجيت بنتي حبيبتي فرحة بيتي و قرة عيني نورتي ياروحي ابوس بيهه الممرضة كالت
-لازم تبات الليلة بل خدج بعدها زغيرة لصحتهه.
يامان: تمام اخذتهه من ايدي و راحت طلعت دكتورة و سألتها دكتورة شلونها مرتي.
-بخير جانت عملية صعبة لأن عدها ضيق بل تنفس بس هي بخير تكدرون باجر تخرجوهه.
يامان: مشكورين دكتورة ورة شوية طلعوهه تون
تاليا: يا..ماا..ن.
يامان: روحة حبيبي روحة اني يمج وصلوهه للغرفة بعد ساعة و نص فكت من بنج و فتحت عيونها.
تاليا: فتحت عيوني مكان كلة ابيض مو واضح شوي شوي بدت صورة توضح و شفت يامان و كل اهلي موجودين يامان وين بنتي.
يامان: الحمدالله على سلامتج ياروحي بنتنا بخير خلوها بل خدج الليلة علمود صحتها بعدها زغيرة.
عمار و ام سارة: الحمدالله على السلامه الف مبروك.
تاليا: الله يسلمكم.
سمر و جواد و بشرة و سيف: الحمدالله على السلامه يتربة بعزكم.
تاليا: تسلمون يا غالين.
سارة: شنو راح تسمون بنية؟
تاليا: ابوهه يختار اسم.
يامان: راح اسميهه تايا.
جواد: شنو معناها؟
يامان: تا من اسم تاليا و يا من اسم يامان تايا.
جواد: كلكم رومانسية واو صدك واو.
تاليا: جانت احلى لمة و بعدين جابو بنتي ارضعهه دمعت عيوني من شلتها همست بأذنهه اي شي امي ما سوت و قدمتليا وعد اقدملجيا بنتي حبيبت امها.
يامان: ثمرة فوأدي.
جواد: اموووت و اعرف منين تجيب هل مصطلحات.
سيف: يقرة كتب.
جواد: اي عيني اييي مو مثلنا.
تاليا: بقيت يوم بل مستشفى و ثاني يوم رحت على بيت ماما أمنة و حجيت وياهه على موضوع عمو ياسر قنعتهه وافقت ضليت اسبوع بغداد بعدها رجعنا اني و يامان لأن شغل بناء مطعم ما خلصان بنينا مطعم قريب من جبل للسواح اذا يجون و يامان راح يكون يدليهم على أماكن و اني اشرف على مطعم بس بعد باقي شغل بل مطعم رجعنا للبيت و صعدنا لبيتنا نيمت تايا و شفت يامان فتح جنطة فلوس علمود يدفع للعمال و اكو أغراض يشتريهن للمطعم ها حبيبي فلوس تكفي.
يامان: لازم على سلفة جاية عود نشتري أغراض مطعم هذا فلوس راح ادفع للعمال.
تاليا: رحت للغرفة جبت طخم ذهب الي اشتراليا ما البسة بس بوقتهه ما كسرت بخاطرة خليتة كدامة و لزمت ايدة حبيبي بيع هذني صدكني ما البسهن.
يامان: تاليا شيليهن ذهبج ما ابيعة.
تاليا: انت لا تبيعة اني ابيعة.
يامان: تاليا لا تعصبيني.
تاليا: كل مرة اني اسمع منك و ماكسر بخاطرك هل مرة انت اسمع مني والله اذا صار عندك عادي اشتريلي بس هسه هذني ما البسهن بل كوة قنعته حتى يبيعهن و صدك باعهن و كمل نواقص مطعم بعد مرور ٣ أشهر خلص شغل مطعم و سمينا حب جبل لأن قصتنا بدت على جبل خلال هل فترة ماما أمنة و عمو ياسر تزوجو و سارة حامل بشهر ثاني جواد و سمر بقو بس على يامان زغير يكولون هذا كافي و بشرة حامل بشهر ٣ ابوية و ام سارة عوضو بعض عن حب وحنان الي ماحصلو علي من زواجهم اول اني و يامان كل يوم حبنا يكبر و يامان حيل اتعلق بتايا كملنا حياتنا بين بيت و بين مطعم لو كل صيف يجون سواح و يامان يطلع وياهم بيوم جنت كاعدة اني و يامان و اتصلت علية صديقتي كالت عاجبني اصير كاتبة و اول قصة احب اكتبها قصتكم اني هم استأذنت من يامان وافق  حجينا قصتنا الهه سوة ان شاء الله عجبتكم قصتنا لهنا تنتهي قصة يمكم بس راح تبلش قصة حياتنا...

النهاية..
بقلمي:جوليا.
#خاطفي هو منقذي.
حسابي انستا  juleiy4.a@
حساب تالياtalya_1y@

تاليا

يامان

بنتهم

النهايه........