خاطفي هو منقذي

البارت الرابع

هلو قلبوشاتي🤍
............
تاليا: فتحت باب اريد انزل شفت عمي خالد واكف بل باب يمكن ينتظرني من طلعت باوعلي متعجب كلت نعم تفضل شرايد.
خالد: شبسرعة كبرتي بارحة جنتي بكد ايدي اجيبلج حلويات.
تاليا: لزمت اذني ماريد اسمع كلامة لأن اتقزز منه كلت وخر عن طريقي ناس منتظرتني.
خالد: تاليا لأخر مرة انصحج رفضي هل زواج لا تشوفين شي ما يعجبج.
تاليا: رفعت رجلي و اشرت على الكعب كلت كلامك وهذا القندرة نفس شي يعني ما يهمني الي تسوي دفعته و نزلت.
خالد: بسيطة اني اعلمج.
تاليا: نزلت و هود و ماما أمنة جانو بل مطبخ شافوني انصدمو.
هود: خالة أمنة شو كرصيني منو هاي الي كدامي.
أمنة: اللهم صلي على محمد وآل محمد شهل جمال بنيتي.
تاليا: جمال عيونج ماماتي ممح خلي انطيج دورة بل فستان افتريت و شعري طويل افتر وياي.
أمنة: ربي يحفظج طالعة ملاك ياروحي.
تاليا: عمري ماماتي شفت هود بعدة على نفس صدمتة كلت شبيك مصدوم ترة اني اختك.
هود: خالة أمنة بس فهميني جبار شلون صار لعابة بوية مكياج شيسوي بل ناس.
تاليا: ضربتة على كتفة كلت والله مامخلية مكياج هواي ليش هيج تحجي يعني اني موحلوة سويت نفسي زعلانة.
هود: حضنتها و كلت اشاقة ياروح اخوج تجننين هو وين اكو منج الف مبروك كبرتي و راح اشوفج عروسة.
تاليا: حضنتة ياروح اختك يوم اشوفك عريس ان شاء الله كاعد نحجي و دخلت امي كالت تاليا تعاي ام آرون تريدج ما درتلهه بال كلت ماما أمنة انطيني العصير خل اخذه.
أمنة: لا حبيبتي اني أخذه روحي وية أمج.
تاليا: اي هو راح اروح وياج ماماتي شعندي غيرج.
مارلين: تاليا امشي كدامي و لا تعصبيني.
تاليا:خطوة ما امشي وياج يل ما تتسمين أم اصلن كلمة أم حرام ينكال عليج عفتها و دخلت للصالة بيدي العصير ضيفتهم و كعدت يم أم آرون.
نجلاء: اللهم صلي على محمد وعلى آل محمد شهل جمال و هل نزاكة حبيبتي ابني محضوض بيج.
تاليا: تسلمين خالة كلج ذوق.
حيدر: ابو هود تعرف احنا أصدقاء من زمان و انت معزتك جبيرة عندي سبب زيارتنا عليكم ان شاء الله خير اجينا نطلب ايد بنتك تاليا لأبني آرون على سنة الله ورسوله و نقرب علاقتنا و نصير أقرباء فشنو قراركم؟
عمار: كلل هلا بيكم و جيتكم على راسي اني من ناحيتي موافق و قرار باقي يم بنتي راح اسألها كدامك و سمعو جوابها بابا تاليا انتي سمعتي الحجي شنو قرارج انتي موافقة آرون يكون شريك حياتج و تصيرين زوجتة على سنة الله ورسوله؟
تاليا: خجلت ماعرف اجاوب جان هود قريب يمي كال.
هود: كولي موافقة بصوت محاسن.
تاليا: كرصتة كرصة هو وقت شقة يشاقة.
عمار: ها بابا شنو قرارج؟
تاليا: رفعت راسي شفت عمي خالد يباوع بغضب باوعتلة بتحدي كلت موافقة بابا.
خالد: الف مبروك
حيدر: الف مبروك
تاليا: أم آرون كامت تبوسني و تباركلي و شفت آرون يبوس ايد بابا و ايد ابو كلت لازم اسوي هذا شي تقدمت بست ايد بابا و بست ايد ابو آرون باركولي بقو يمنا شوية و راحو بليل آرون اتصل علية.
آرون: الو شلونج تالونة كلبي.
تاليا: استغربت من كلامة كلت بخير الحمد لله انت شلونك.
آرون: دومج حبيبتي اني بخير بوجودج شكاعد تسوين.
تاليا: دومك بخير والله ماسوي شي كاعدة.
آرون: باجر راح نروح نختار محابس حضري نفسج.
تاليا: هيجي بسرعة.
آرون: بس اريد اخطبج هسه ما نستعجل عل زواج.
تاليا: تمام براحتك.
آرون: تمام حبيبتي اني راح اروح انام نعسان باجر انتضرج بل باب.
تاليا: نوم العوافي تمام راح احضر نفسي تصبح على خير باي.
آرون: انتي بخير باي حبي.
تاليا: اجة صبح و اختارينة محابس و قررو بعد اسبوع خطوبة مر اسبوع اني محبوسة بسبب قرار ابوية ما لازم اطلع بليل اتصلت على آرون كلتلة
آرون شلونك.
آرون: هلا حبيبي بخير و انتي.
تاليا: دومك اني بخير بس شوية ضايجة من بيت تجي تاخذني نفتر شوية ما نبتعد عن بيت بس اشتم هوة و اطلع شوية.
آرون: حبيبي تدللين بس اخاف ابوج ما يقبل.
تاليا: ترة ما طالعة وية غريب انت راح تصير زوجي ثاني شي ما نبتعد.
آرون: تمام حضري نفسج دقايق و جايج.
تاليا: حاضر باي.
آرون: باي.
تاليا: كمت حضرت نفسي لبست بنطرون و تيشيرت فوكا جاكيت
حطيت شال على كتوفي للحاجة ثواني و سمعت تلفوني يرن شفت آرون كبل نزلت جان منتضرني بل باب.
آرون: تاليا ما نبعد حبيبي بس أفرج شوية و نرجع.
تاليا: تمام ماكو مشكلة صعدنا بل سيارة كلتلة روح على طريق سريع مابي احد أمان.
آرون: تمام حبي.
......................
يامان: الو جواد وينك دبرت الي كلتلك علي؟
جواد: اي يماني دبرت و كولشي تحت سيطرة بس إشارة منك نتحرك.
يامان: شفتهم قبل شوية طلعو من بيتهم متوجهين لطريق سريع على ما اعتقد جيب الي كلتلك علي و تعال بس انت.
جواد: تمام خيو.
يامان: راح اشوفكم نجوم ليل بعز النهار مو يامان الي يسكت عن حقة، عشر دقايق و جواد وصل يمي و جان جايب شاحنة جبيرة.
جواد: شو رايك ابن عمي بعجبك ولا لا.
يامان: عاشت ايدك بس عدل حلكك.
جواد:ئيي روء يمان روء شو بنا.
يامان: استغفرالله واتوب اليه غلط مني خليتك وياي بهل مهمة.
جواد:خلص راح اركز وياك زين شنو راح تسوي.
يمان: راح اخطفها.
جواد: يهبل تفكيرك يهبل.
...........
تاليا: جنا نمشي عادي و سألت آرون انت صدك تحبني شفت تخربطت ملامحة.
آرون: اي ليش هل سوأل.
تاليا: لا مجرد سوأل.
آرون: يلا حبي لازم نرجع كافي اليوم.
تاليا: تمام ولو جنت احب نفتر أكثر بس خليها غير يوم جنا نمشي و شفت شاحنة جبيرة طبكت علينا كلت آرون انتبه ماشفت شكلهم لأن ملثمين و لابسين اسود بس شفت بيدهم سلاح خفت كلت آرون منو هذولة صيح علية.
آرون: مو كلتلج ما نطلع دنيا مو أمااااان ما تسمعين شلون بلوة و ورطوني بيج يا اخي ماريدج بس شسوي اهلي قافلين.
تاليا: انصدمت من كلامة كلت يعني انت ماتحبني و تريد نتزوج لأن اهلك هيج يريدون؟
آرون: ولجججج يا حببب يا بطيخ خرب ساعة سودة الي عرفتج بيها.
تاليا: حسيت باب سيارة انفتح و اجه شخص طويل ملثم نزلني و جرني من ايدي كال لصاحبة اربط ايدها و حلكها.
تاليا: ربط ايدي و حلكي اني بحالة صدمة بعدني شفت هذا طويل كال عوف هل جلب يروح ما نحتاجة.
آرون: اي اني مالي دخل ما اعرفها.
تاليا: نزلت دموعي واني اسمع كلامة.
جواد: بروح خوة بينة بس خلي اضربة جلاق و اعوفة.
يامان:اهوووو جوجو مو وقتك ماردت يعرفون اسمنة لهذا كلت جوجو.
جواد: يا بعد جوجو بس جلاق.
يامان: يلا فضهه.
جواد: حبيبي لو سمحت ممكن تلف علمود اضربك و اروح وراية طريق.
آرون: قصدك علية شبيك انت.
جواد: لا على الي وراك شفتة التفت و ضربتة جلاق جان طالع من كل كلبي عوافي حبيبي يلا مع السلامه.
آرون: راح تندم لأن ضربتني.
يامان: ردت اروح اضربة ركض للسيارة و راح بسرعة.
جواد: مو رجال لو رجال جان ما راح.
يامان: يلا مشينا و جيب هاي وياك ذبهه ليورة.
تاليا: باوعت بعيون هذا طويل جان عيونة مخزرة و حمرة رموشة طوال اريد احجي بس حلكي مربط لزمني صديقة و كال.
جواد: يلا ام صماخ مشي وياي نعسان اريد انام.
تاليا: مشيت ويا ذبني ورة شاحنة و سدو باب صارت ضلمة واني بعدني بصدمة رجع بتفكيري لأول يوم تقدملي آرون رجعتلي ذكريات من ابوية كال عائلة آرون ورقة رابحة النا ماهتم لمشاعري لو امي الي مامنهه اي فايدة قبل لا تمشي سيارة ضربت على باب شاحنة برجلي سمعت اجة احد.
يامان: جانت تباوع بعيوني و عيونها كلها دموع عيون زرق و الدموع مندمجين طالع مثل لؤلؤ
اخذهه جواد ليورة ردت امشي سمعت دكت باب ورة جواد كوم شوف شبيهه.
جواد: ليك ولا ما بشتغل عندك بدي نام ئوم لحالك ناس بلا زوء.
يامان: اووووف اوووف نزلت و رحت عليهه فتحت باب ورة و شفتهه تأشر براسهه افتح حلكهه فتحتة و بلعت ريك و حجت.
تاليا: اشرتلة يفتح حلكي من فتحة بلعت ريك من عطش كلتلة ماعرف انت منو و ليش تخطفني بس اكو تلفون بجيب بنطلوني طلعة و اكسرة لو طفي ماريد احد يعرف مكاني احجي و اني ابجي.
يامان: انصدمت من كلامهه شلون تعترف عدها تلفون يعني هي راضية تنخطف، قربت منهه و كلت وين تلفون كالت بجيبي الورة تقدمت رفعت نفسها علمود اخذ تلفون عطر شعرها وداني غير عالم بس تذكرت اني بمهمه اخذت تلفون و ابتعدت.
تاليا: قرب مني و اخذ تلفون من ابتعد شفتة متوتر كلتلة حباب بس اريد ماي والله عطشانة ماطلع صوت وداعت ماما أمنة.
يامان: كلتلهه ماكو مي هسه لا تأخريني ربطت حلكهه و طلعت سمعت صوت شهكاتهه مشيت بل سيارة لحد مكان مجهول بعيد عن بغداد طلع صبح شفت جواد كعد.
جواد: يا لها من صباح جميل صباح خير حبيبي.
يامان: انجب امشي اشتري مي و اكل علمود نتزقنب.
جواد: يالك من شخص شرير و قاسي لا أفهم لماذا تعاملني هكذا.
يامان: ضربتة على حلكة كلت عدل حلكك كوم اشتري يلا.
جواد: قاسي قاسيييي اروح أمري لله.
يامان: راح جواد و اني نزلت رحت افتح باب ورة فتحتة و شفتها نايمة و شعرها اصفر على وجهه لازك بسبب دموعها رموشها رطبة دغيتهه أكثر من مرة ما كعدت حركتها ماكو اجة جواد بيدة مي كلتلة انطيني بطل.
جواد: شكو شصاير.
يامان: يمكن مغمي عليهه انطاني المي و رشيتة مرة مرتين و فتحت عيونها الزرق.
تاليا: وين اني؟
جواد: انتي هسه وية احلى شاب بل دنيا جوجو.
يامان: جواد بلا خرابيط كافي يلا كومي اتريكي يمكن هابط ضغطج.
تاليا: كعدت كلت ماريد اكل بس مي عطشانة.
يامان: انطيتهه مي و شربتة كلة.
تاليا: شكرا.
جواد: اي هسه شنو نسوي يامو.
يامان: ان شاء الله اليوم بليل نتوجه..............

يتبع.....

انتظرو بارت قادم😁

لاتنسون التصويت والتعليق بين الفقرات
تابعو حسابي الانستا