خاطفي هو منقذي

البارت التاسع

هلو قلبوشاتي🤍🦋
.........................
يامان: صعدو ثنين علمود يفتشون الصدمة جان واكع كواني ثنين يمكن واكع على راسهه خفت عليهه هواي بس ماكدر اسوي شي هذولة كاعد يفتشون.
-سيدي ماكو شي بس طحين.
-تمام تكدرون تمشون.
يامان: كلت شكرا صعدت بشاحنة ابتعد عن مكان وكفت شاحنة كلت جواد انت سوق شفت كواني واكعات يمكن على راس تاليا.
جواد: لاااااا ياربيييي لااااا.
يامان: هيووو شبيك تصيح؟
جواد: ولك هي جانت فاهية و مو بعقلها اذا واكع على راسهه شي هنا كملت.
يامان: ضربتة سوق شاحنة لا اسوقك ابو راس.
جواد: ماشي دير بالك على مرت اخوي.
يامان: فار دمي كلت مو مرت اخوك.
جواد: اي نشوف نشوف امشي يلا ورانة طريق.
يامان: نزلت فتحت باب الورة ركضت اشوفها خاتلة بين كواني راسهه و ملابسها كلها طحين اجتني ضحكة بي لزمت نفسي.
جوليا: كعدت اني و ساكتة بس حسيت الشاحنة وكفت و لزم بريك بقوة وكع علية كواني ثنين طحين على راسي يبووو وقتج توكعين على اساس اني كولش صاحية سمعت ثنين يفتشون ماسويت صوت ابد حتى نفس كطعته وراهه راحو حسيت اتحركت سيارة بعدها بمدة وكفت سمعت صوت فتحة باب شاحنة صعد ابو عيون دكم صافن على وضعي حسيتة يريد يضحك أشرت بعيوني علمود يفتح حلكي.
يامان: فتحت حلكهه شفايفها يابسات.
تاليا:ابو عيون دكم عطشانة و جوعانة.
يامان: كل ماتكول ابو عيون دكم اضحك كلتلهه هاج مي وهاي علاكة الج كعدي اكلي براحتج.
تاليا: يمتة نوصل وين رايحين.
يامان: لا تسألين هواي كعدت تاكل و تحجي كأنها طفلة.
تاليا: لا والله من حقي اعرف ليش خطفتني و وين رايحين.
يامان:جان اكو جرجف فرشتة بين كواني تمددت كلتلهه اكلي و نامي تعبان مالي خلك حجي.
تاليا: عفتة وحدة انطيتة ضهري كعدت افكر و ابجي وحدي هذا ابدا مو وضع.
يامان: حسيتها تبجي انداريت عليهه منطيتني ضهرها و عايفة أكلها كلت تاليا كملي اكلج.
تاليا: شبعت عاشت ايدك.
يامان: كلتلج اكلي لا بطريقتي.
تاليا: رجعت اكل و كل لكمة اشهك بيهه بل اخير كلت ماكدر اكللل.
يامان: هي تشهك و اني اريد اموت كلتلهه شبيج تبجين منو وياج.
تاليا: انت وياي وخر روح ماريد اشوفك.
يامان: اني شنو مسويلج مو عايفج براحتج.
تاليا: كمت اصيح كلتلة اني مخطوفة و ماعرف شنو سبب ماعرف رادو يتعدون علية بعدني ما تخطيت موضوع نوب طلعنا ماعرف وين رايحين اني شنو مستقبلي لحد يمتة اضل هيج فقدت بس اصيح بل اخير حسيت بدوخة ردت اوكع لزمني كلتلة لا تلزمنييي انت بذات اكرهك ما تتوقع شكد اكرهك برودك هذا كتلني اكول يلا احترمة بس انت مو مال احترام لأن ماتحترم مقابيلك ردت اوكع لزمت نفسي بل باب مال شاحنه.
يامان: تحجي و تصيح شفت بعيونهه لوم و كره كالتلي اكرهك صح ضجت بس ما بينت شفت وضعها مو تمام كلت امشي صعدي ويانة لكدام يلا.
تاليا: نضفت نفسي من طحين و ربطت شعري شلون ما جان نزلت اني و دايخة لازمة شاحنة و امشي ماردت يساعدني هذا غثيث.
يامان: شكد حاولت اساعدها بس ما تقبل صعدت كدام و بدون ما تحجي بعدين سمعتهه تحجي وية جواد.
تاليا: خوية جواد ممكن اطلب منك طلب.
جواد: اي خوة كولي محتاجة شي.
تاليا: اي اريد ملابس ملابسي مشككات و وصخات.
جواد: صار تدللين بس خل نوصل لسوك طلبي الي تريدينة تأمرين عيوني الج خوية.
تاليا: تسلم خوية اكتفيت بل سكوت ضليت اباوع لطريق و غطيت نفسي بجرجف ماحسيت بنفسي من نمت.
يامان: معقولة كرهتني ما تطلب مني طلبت من جواد ضليت افكر شفتها نامت و حطت راسهه على كتف جواد هي كاعدة بل نص و اني من جهه و جواد من جهه جواد يسوق و اني كاعد اووف شكو نايمة على كتفة جريتهه و حطيت راسهه على كتفي.
جواد: ليش ولك خاف تكعد خليها نايمة.
يامان: لا مو انت تسوق اخاف تسوي حادث عوفهه هيج.
جواد: عرفتة غيران ابو خشم كلت خلي اقهرة بل زايد احمم يامان يمكن باسم هم بسليمانية
بارحة اتصلت علي كال طالع وية أصدقائي سياحه للسليمانية شنو رأيك نخليهم يلتقون؟
يامان: منو يلتقون؟
جواد: هاي ام صماخ و اخوية.
يامان: فار دمي جاوبته جواد احنا ما جايين نلعب سد هذا موضوع.
جواد: هو منو كلك نلعب رايدهه لأخوية على سنة الله ورسوله هي خوش بنية و حلوة و حبابة.
يامان: جواااد اني صيحت هي فزت من نوم اسف بوية رجعي نامي رجعي.
تاليا: فزيت من نوم على صوت هذا غثيث كلي رجعي نامي ماحبيت اجاوبة كلت اخوية جواد ما وصلنا لسوك؟
جواد: مابقة شي شوية و نوصل.
يامان: تجاهلت كلامي ماتريد تحجي وياي عفتها براحتها.
.....................
خالد: اااخ بنتك نزلت روسنا ولك طالعين من مستشفى محد يعرف وين راحو فص ملح و ذاب.
عمار: بنت**** شلون تسوي هيج اني بس خلي الزمهه ازوعهه العافية دوروهه خلي رجالك يضلون وراهه.
خالد: كاعد يدورون خوية والله كاعد يدورون.
هود: كلة بسببكم لو ما خانكيهه بتحكمكم ماجانت تفكر بهل خطوة.
مارلين: هود بدال ما توكف وية حجي ابوك تعارضة ولك سوايت اختك هاي عليهه قتل بسس اخخ ابوك و عمك كلبهم طيب.
هود: اني اريد افتهم انتي صدك أم ولج شنو من كلب عندج هاي بنتج بنتتتتتج.
عمار: لا تعلي صوتك لكك لسانك اكصة اني خلي الكاهه لأختك اعلمهه.
هود: ضلو ضلو يجي يوم اني هم اهج من هذا بيت عفتهم و طلعت.
أمنة: وضع بيت متكهرب محد يكدر يحجي بأسم تاليا كبل يكبون علي وينج بنيتي وينج ليش هيج سويتي بنفسج.
.............
تاليا:وصلنا لسوك كلت جوجو اجي وياك اشتري.
يامان: لااا ماتنزلين.
تاليا: ليش؟؟؟
يامان: بكيفي نازلة انتي و شعرج وين حجابج؟
تاليا: ترة اني مو محجبة تمام بعدين ما طلبت منك اني طلبت من اخوية انت لا تدخل.
يامان: عصبتني ردت اضربهه راشدي جواد لزمني كلت عوفني خلي اكص هذا لسان طويل.
تاليا: جواد راح انزل قبلك.
يامان: تاليا رجعي لمكانج لا تشوفين شي ما يعجبج.
تاليا: كلت معليككك.
جواد: يمعودين جهال خوما جهال خوية استهدي بل رحمان اني اروح وياهه بس تشتري و نرجع لا يضل بالك.
يامان: اوووف اووف امشو بسرعة همه راحو نزلت ادخن اباوعلهه شعرها الأصفر واصل لحد ضهرها لو عيونها زرق ضحكتها الي تردلي عافية بدون ما ادري طلعت تلفوني و صورتها.
جواد: أم صماخ اريد منج شغلة تساعديني بيهه.
تاليا: كول جوجو غرد انت تدلل.
جواد: اريد اسوي مقلب بهذا ابو خشم.
تاليا: قصدك هذا الغثيث.
جواد:والله لو يسمعج يشوفج حمزة لابس قاط.
تاليا: ترة ماخاف اكول حلو هذا فستان.
جواد: اي حلو هسه احجي لو لا.
تاليا: احجي خوية احجي.
جواد: اني كايل لهذا ابو خشم عندي اخ اريد ازوجه لتاليا هو يضوج من هذا شي انتي مو تحبين تضوجينة هاي فرصتج ضلي كولي بسومي بسامي زوجي مستقبلي هو يضوج من كيفة.
تاليا: والله اذا يضوجة اسوي كولشي.
جواد: حسيت راح تنجح خطة ايييي لك كفو جوجو لو العراق بي ١٠ مثلك جان هسه العراق غيررر.
تاليا: جوجو اخذت فساتين ثنين و بنطرون و بلوز و راح اخذ كم شغلة من جوة لا تدخل.
جواد: اخذي خيتي قصدي مرت اخي العزيزة.
تاليا: ضحكت على كلامة اخذت كم لبسة و تراك و ملابس داخلية استحيت جواد يدخل مهم كملت و جواد حاسب اتشكرت منة رجعنا للشاحنة صعدنا و صعد هذا غثيث هم.
يامان: ها رجعتو.
تاليا: لا بعدنا بل طريق.
جواد: هههههه مرت اخي طلعت تمزح حتى بسام يحب مزح.
تاليا: صدك جوجو بسام حلو؟
جواد: يخبل يطك بل كاع خية صاك.
يامان:جواد انزل اني اسوق اذا نبقى عليك مانوصل.
تاليا: اي جوجو تعال سولفي عن بسام احسن خلي هو يسوق.
يامان: شنو قصدج هو هذا هو عندة اسم.
تاليا: اي شنو اسمك حجيتهه و رفعت تك حاجب.
يامان: معليج لا تدخلين مشيت جنت مأجر بيت صاحبي بل سليمانية كل مرة وقت عطلة نروح هناك نتجمع.
جواد: مابقة شي هاي وصلنا.
تاليا: الله هذا مكان شكد حلووو.
جواد: انتي مخطوفة عزيزتي اذكرج يا فاهية.
يامان: عوفهه ماتعرف شنو منتضرهه.
تاليا: نزلت راسي اتذكرت الفرح مامكتوب الي ما لازم افرح دمعت عيوني كلت اريد اسبح ماراح تفتحون باب.
يامان: شفتها دمعت ماعرف ليش تندمت لأن حجيت هيج فتحت باب بيت و لكينا نضيف مابي شي رادت تسبح كلتلها ترة المي بارد.
تاليا: ما يهمني دليني حمام.
جواد: هنا خوية تعاي مناك حمام اخذي راحتج.
تاليا: رحت للحمام فتحت مي جان ثلج لأن منطقة الي بيهه كلها جبال جو بارد و مي بارد ما اهتميت مهم اسبح لأن وصخة جنت مشترية شامبو و صابون غسولات نزعت ملابسي ذبيت مي على نفسي كمزت من مكاني يمااااااا بارد شاااااا شااااا...
يامان:جواد راح يجيب حطب علمود نشغل صوبة سمعت تاليا صيحت ركضت دكيت باب حمام تاليا انتي بخير؟
تاليا: بخير ماكو شي روح.
يامان: متأكدة.
تاليا: اي متأكدة كملت سبح واني اكمز من برودة مي غسلت شعري و جسمي جانت اكو مراية زغيرة بل حمام باوعت لوجهي اصفر نزلت نظري لركبتي شفت اثار بي كمت ابجي كمت افرك بيهه كل قوتي اصيح روحييي روحيييي كسرت مراية بيدي كامت ايدي تنزف سمعت صوت باب يندك ما جاوبت بدلت لبست تراك فتحت باب شفتة كدامي.
يامان: سمعت صوت تكسير بل حمام و صياحهه كلتلهه فتحي باب ما جاوبت ردت اكسر باب طلعت هي شفت مزلخه ركبتها و ايدها تنزف جريت ايدها كلت شنووووو سويييتييي مخبلة انتي تعاي وياي خلي اشدهه.
تاليا: شفتة شلون يصيح و خايف علية كلتلة مادام هيج تخاف علية ليش عفتني و خليت هذا يسوي هيج بية انت شفت ركبتي خلي تروح يلا أريدها تروووووووح وخرهه راح اختنك حسيت نفسي ذاق اباوعلة و انفاسي ضيقة وخرة حباب وخرة كمت ابجي.
يامان: شفتها فاقدة وضعهه مو تمام ماتكدر تتنفس كلتلهه والله ماعرفت هيج يصير والا ماعوفج والله اششش كافي لا تبجين دموعج تأذيني جريتهه لحضني كافي تعاي اضمد ايدج لا تلتهب وعد مني اخذ حقج وعد زلم.
تاليا: صدك تاخذ حقي كول والله راح تاخذ حقي احجي و ابجي.
يامان: وحق كل دمعة نزلت من عيونج الا اشوفهم نجوم الليل بل نهار وعد زلمة اخذيهه من هل شارب.
تاليا: انطيتة ايدي كلت توجعني.
يامان: فاهية لعد من ضربتيهه ما فكرتي.
تاليا: لا والله.
يامان: فتحت عيوني على فهاوتهه دورت على اسعافات أولية لكيتهه اجيت اضمد ايدها.
تاليا: على كيفك حباب.
يامان: تمام باوعيلي لا تباوعين للجرح.
تاليا: باوعت بعيونة هو هم صفن بعيوني.
يامان: ضلت تباوع بعيوني و اني عاشك هل عيون كملت ضماد ايدها و لفيتة كلت كملنا.
تاليا: صحيت على نفسي كلت شكرا.
يامان: احم قربي اعقم جرحج ثاني.
تاليا: وين بس جرحت ايدي.
يامان: فاهية ركبتج زالختهه.
تاليا: ما يحتاج عوفهه.
يامان:جريت ايدها و كعدتهه قريب مني وخرت شعرها كفخني عطرهه جبت كطن و معقم عقمت جرح الي بركبتهه و اشتم بريحتها.
تاليا:حسيت انفاسة قريبة علية توترت كلت ابو عيون دكم كملت؟
يامان: هااا اي اي كملت خلي اخليلها لاصق حطيتلها و كلت نشفي شعرج لا تتمرضين.
تاليا: نعسانة مابية.
يامان:ردت احجي اجه جواد.
جواد: الله يطيح حض زمايل اي والله حاطيني اني اشتغل و انتو كاعدين.
تاليا: جوجو وعد بس انام و اكعد اطبخلك أطيب اكل.
جواد: انجبي اريد اشوف منو ينام كومي يلا.
تاليا: لا فدوة والله تعبانة.
يامان: عوفهه خلي تنام جواد.
جواد: تمام بس اكعدج بعد ساعتين.
تاليا: عادي عادي.
يامان: شفتها نامت بدون ما تنشف شعرها و لا غطت نفسها جبتلها بطانية و شغلت صوبة.
جواد: تحبها؟
يامان: التفتت على جواد منو قصدك؟
جواد: تعرف قصدي كولش زين اقصد تحبها لتاليا؟
يامان: انت شكاعد تخربط يا حب يا بطيخ اني بمهمه.
جواد: شفتة جاوب بأرتباك اتأكدت الف بل مية عاشكهه تمام خوية اني بليل اروح اجيب باسم لأن موجود هنا يبقى اليوم و باجر يروح.
يامان: من عرفت باسم يجي فار دمي شكووو جاي؟
جواد: ماعندة مكان يبات ليلة و يروح.
يامان: تمام.
تاليا: صار العصر و كعدت ماشفت احد بل بيت سمعت صوت باب فتحتة شفت بنية بعمري بيدهه ماعون دولمة كلتلهه تفضلي.
سمر: هلو يا حلوة شلونج.
تاليا: هلا حبيبتي بخير انتي شلونج تفضلي ليش واكفة بل باب.
سمر: لا والله عمري لازم اروح اخواني بل بيت ماريد اتأخر بي احنا جيرانكم سطح بسطح.
تاليا: مشكورة حبيبتي كلل هلا بيج بأي وقت احنا جنا نحجي و اجة...............

ترقبوا بارت قادم😂
حسابي الانستا