小甜A誰不喜歡？( မြန်မာဘာသာပြန် )( Unicode )

အပိုင်း၄-၃+၄-၄

လူငယ်လေး သူ့ရဲ့လည်ဂုတ်ကို တတိတိကိုက်ရင်းကြိတ်ချေနေတာကိုခံစားရင်း စု့ချန်းခေါင်းထဲမှာအတွေးတစ်ခု ပေါ်လို့လာတယ်။

သူ (စူးယွီကျုံး)သူ့(စု့ချန်း)ကို ယာယီအမှတ်အသားပြုတာလောက်တော့ ရလောက်ပါတယ်.....

သူ့အတွေးတွေကို သူပြန်သတိထားမိတော့ ရုတ်တရက်ကြောင်သွားတယ်။နောက်ဆက်တွဲအနေနဲ့ကတော့ မျက်လုံးတွေကချက်ချင်းနီရဲလာပြီး ဒေါသနဲ့ မကျေမချမ်းဖြစ်မှုတွေက မျက်လုံးထဲမှာဆက်တိုက်ကိုပြည့်နှက်လို့လာတယ်။

သူတကယ်ကြီးကိုအလျော့ပေးလိုက်တယ်​!

ဖယ်ရိုမုန်းတွေရဲ့ ထိန်းချုပ်မှုအောက်မှာ သူရဲ့ အောက်ဆုံးလိုင်းကိုကျော်ပြီး ယာယီအမှတ်အသားပေးတာကိုလက်ခံမိလုနီးပါးပင်၊ နောက်ပြီးအဲ့လူက တွေ့တာနှစ်ခါပဲရှိသေးတဲ့ လုံးဝသူစိမ်းအယ်လ်ဖာတစ်ယောက်လေ။

ယာယီအမှတ်အသားပင်ဖြစ်လင့်ကစား ဒီလိုမျိုးပျော့ညံ့လွန်းစွာနဲ့ အညံ့ခံလိုလိုက်တဲ့သူရဲ့ အတွေးတွေက သည်းမခံနိုင်လောက်တဲ့ထိကိုအရှက်ရဒေါသထွက်စေတယ်။

စူးယွီကျုံးတစ်ယောက် စု့ချန်းရဲ့ ဒေါသနဲ့ စိတ်ပျက်မှုတွေကိုလုံးလုံးမှသတိမထားမိပေ။သူ(စု့ချန်း)ရဲ့ မတည်မငြိမ်ဖြစ်နေတဲ့ ဒေါသလှိုင်းတွေကြောင့် သူ့(စူးယွီကျုံး)ကို ဆွဲဆောင်နေတဲ့ သစ်အယ်သီးရနံ့က ပိုလို့တောင်ချိုမွှေးပြီး အရသာရှိလို့ လာတယ်လို့သာ ခံစားနေရလေတယ်။

ဒီအချိန်မှာတော သူရဲ့အခြေခံကျင့်ဝတ်တွေဘာတွေဟာ အသိစိတ်ကနေပြီး လုံးဝကိုထိန်းချုပ်မှုလွတ်ထွက်သွားပြီဖြစ်တယ်။

Dominant Omegaပိုင်ဆိုင်ထားတဲ့ ဖယ်ရိုမုန်းများရဲ့ မှာ စူးယွီကျုံးရဲ့ Rutကာလဟာ ပိုပြီးစောစောဝင်ရောက်လာခဲ့တယ်။

အဝင်ဝမှာရှိနေတဲ့ အသံအာရုံခံစနစ်နဲ့ မီးသီးများက ပိတ်လိုက်ပွင့်လိုက်၊ ပွင့်လိုက်ပိတ်လိုက်နဲ့။ တိတ်ဆိတ်နေတဲ့ညအမှောင်ထဲမှာ အင်္ကျီကိုစုတ်ဖြဲလိုက်လို့ထွက်လာတဲ့အသံများကို ရှင်းရှင်းလင်းလင်းကိုကြားလို့နေရတယ်။