နောက်ဆုံးတွင်တော့ တောအုပ်ငယ်လေးထဲ သူတို့ ဘာတစ်ခုကိုမှ မတွေ့ခဲ့ရ။
တွင်းငယ်လေးများ နေရာစုံတွင် တူးဖော်ထားသည်။ တူးနိုင်သမျှ နေရာစုံ တူးခဲ့ကြသော်လဲ ကြွက်သေတစ်ကောင်နှစ်ကောင်မှ လွဲ၍ ဘာမှထွက်မလာ။ ထိုဆရာဝန်ပြောသည့် ပလတ်စတစ်အိတ်အဟောင်းနှင့် ထည့်ထားသော သန္ဓေသားအလောင်းကို အရိပ်အယောင်ပင် မတွေ့ခဲ့ရ။
" ရှာမတွေ့ဘူးဗျို့"
တစ်စုံတစ်ယောက်က လှမ်းအော်သည်။
" ဒီမှာလဲ မရှိဘူးဗျို့"
နောက်တစ်ယောက်က ဆက်အော်သည်။
" ဟုတ်တယ်... ဒီမှာလဲ ပလတ်စတစ်အိတ်တော့တွေ့တယ်... ဒါပေမဲ့ အမှိုက်ဟောင်းတွေပဲ ထည့်ထားတာ"
တတိယတစ်ယောက်က လှမ်းပြောသည်။
"..."
ဆေးရုံစောင့်မှာ တောအုပ်အဝင်ဝတွင် တစ်ယောက်ထဲ စောင့်ကာ ကျန်ခဲ့သည်။ အေးလဲအေး ကြောက်လဲကြောက်နှင့် လက်နှစ်ဖက်ကို ပွတ်ကာ တစ်ချိန်လုံး နာရီကို ငုံ့ငုံ့ကြည့်နေသည်။
ရှဲ့လင် : " ပြန်ရအောင်... ကိုယ်တို့လဲ ဒီဘက်မှာ ဘာမှမတွေ့ဘူး.. ဆေးရုံစောင့်ကြီးကို အကျိုးအကြောင်း သွားပြောရအောင်"
ဆေးရုံစောင့်လဲ သူတို့ထွက်လာသည်ကို မြင်တော့ အလုပ်ဆင်းရတော့မည်ဟုတွက်ဆကာ စိတ်မရှည်စွာ ပြောလိုက်သည်။
" တွေ့ခဲ့လား"
" ဦးလေးပြောပါတယ်.. ဘာမှမရှိပါဘူးဆို... မင်းတို့မယုံရင် နောက်နေ့ ထပ်လာခဲ့ပါဦး"
" ဟုတ်ပါ့ဗျာ... ကျွန်တော်လဲ သူတို့ကို ပြောပါတယ်.. ဒီအချိန်အထိ ကျွန်တော်တို့ကို စောင့်နေရတာ အားနာလိုက်တာဗျာ"
ရှဲ့လင်က အေးဆေးစွာပင် ကျန်သူများထံ လွှဲချနေသည့်ပုံစံက လွန်ခဲ့သော နှစ်နာရီခန့်က ဒီအထိ လာရှာကြရန် အကြံပြုခဲ့သူမှာ သူမဟုတ်သည့်အလား။
ထိုစကားကြောင့် ဆေးရုံစောင့်ကြီး၏ မျက်နှာအမူအရာ ပျော့ပျောင်းလာသည်။
ရှဲ့လင်က အချိန်ကိုက် ဝင်ပြောလိုက်သည်။
" ဆရာကြီး... ဒီမှာ အလုပ်လုပ်နေတာ ဘယ်လောက်ကြာပြီလဲဗျ"
" အနှစ်နှစ်ဆယ်နီးပါးရှိပြီ... ဒီဆေးရုံ စဖွင့်ထဲက ဆိုပါတော့"
BINABASA MO ANG
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...
Chapter 68- ဓာတ်ပုံဘောင်
Magsimula sa umpisa
