ကီလိုမီတာတစ်ထောင်ကျော်လောက်ကို အသွားအပြန်လုပ်၍ လူသတ်မှုကျူးလွန်လောက်ရအောင် သူမတွင် စူပါပါဝါ ရှိမနေနိုင်။
ထို့အပြင် သူမနှင့် တွဲနေသည့် ပါတနာကို သတ်ရလောက်သည့် အကြောင်းရင်းမရှိ။ ထိုကိစ္စက ခွင့်ပြုချက်မရှိပဲ ကိုယ်ဝန်ဖျက်ချသည်ထက် ပို၍ အမှုကြီးသော ပြဿနာဖြစ်၏။
ရှဲ့လင် : " လော့ယွီရဲ့ အကြောင်းကိုရော စုံစမ်းပြီးပြီလား"
ဝူကျီပင်း : " ယင်းဝမ်ရူပြောပြီးထဲက ငါတို့ သူ့အကြောင်း စုံစမ်းပြီးပြီ.. သူက ယင်းဝမ်ရူထက် ခြောက်နှစ်ငယ်တယ်.. ကုမ္ပဏီကို စဝင်တာ နှစ်နှစ်တောင် မပြည့်သေးဘူး.. ရုပ်လေးချောလို့ ယင်းဝမ်ရူကိုယ်တိုင် စပြီး တွဲဖို့ ကမ်းလှမ်းခဲ့တာ.. သူတို့နှစ်ယောက်လုံး တိတ်တိတ်လေး တွဲခဲ့ကြတယ်... ကုမ္ပဏီကလဲ လော့ယွီကို အိုင်ဒေါအဖြစ် ပွဲဦးထွက်ဖို့ စီစဉ်ခဲ့ပြီးသား.. ဒါပေမဲ့ ကိစ္စတစ်ခု ဖြစ်လာခဲ့တယ်"
မျက်နှာအရေခွံဆုတ်ခံလိုက်ရသည်ကို ပြန်တွေးကြည့်ရင်း ရှဲ့လင်အတွက် ကြိုးစတစ်ခု လှမ်းဆုတ်မိသွားသလိုပင်။
" ရုပ်ချောတယ်???"
ဝူကျီပင်းလဲ စောစောကမှ ရထားသည့် လော့ယွီ၏ ဓာတ်ပုံကို ပြသည်။
ပုံထဲမှလူမှာ တော်တော်လေးချောသည်။ တကယ်တော့ လူလို့ပြောရမည်ထက် ကောင်လေးဟု ပြောသည်က ပိုမှန်လိမ့်မည်။ ထိုကောင်လေးမှာ ဆယ်ကျော်သက်တွင်းသာ ရှိသေး၍ မျက်ခုံးကောင်းကောင်းနှင့် ချောမော သွက်လက်ပုံရသည်။ ကျောင်းတက်နေသည့်အချိန်ဆို တစ်ကျောင်းလုံးတွင် နာမည်ကြီးသော ကျောင်းသားလေးတစ်ယောက် ဖြစ်လောက်သည်။
"မဆိုးပါဘူး"
ရှဲ့လင်က ပြောလိုက်သည်။
ဝူကျီပင်းအမြင်တွင် ထိုကျောင်းသားလေးကို အတော်လေးချောသည်ဟု ယူဆထား၏။
" ဒီလောက်ချောတာကို မဆိုးပါဘူးလို့ ပြောလို့ရလို့လား"
ရှဲ့လင် : "အဲ့ဒါ သူ့အပြစ်တွေလေ"
ရှဲ့လင်က ချီချင်းကို လက်ညိုးထိုးနေသည်။
ချီချင်းကတော့ လက်ထဲမှ ဇွန်းချကာ ဓာတ်ပုံများကို ကြည့်ရင်း 'ငါနဲ့ ဘာဆိုင်လို့လဲ' ဟူသော အကြည့်နှင့် ခပ်စောင်းစောင်း ကြည့်သည်။
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...
Chapter 67- သန္ဓေသား
Start from the beginning
