احفاد جدنا كلنا في الحب ابتلينا وانصبنا ♡ وحب صباء ولد عمتنا سكن قلبه واتلفه.

part 8

////////////////////////////////////
البارت الثامن
/////////////////////////////////

قبل لا نبدا فيه ودي اقلكم شي
ياحبيباتي
انا كاتبه مبتدئه
مثلي مثل غيري
اقل شي منكم يبسطني
فتكفون
النجمه اللي في اخر الصفحه على اليمين
اكبسون عليها
يوصلني انكم صوطون للبارت بمعنى عجبكم
فلا تنسوها لنها تسعدني
وتساعد البنات اللي توهم ما ابتدو في روايتي يعرفونها اذا حلوه او لا "كل ما زاد عدد الاصوات عرفو انها حلوى"
فلا تنسوها لنها تسعدني

وانا اشكر كل اللي يصوطون
واللي ما صوطون او نسون لو سمحتو ارجعو سوطون واسعدوني

وعاد كل اللي تابعوني انا اشكركم لنكم تحفزوني اني اكمل
وانا كذا او كذا مكمله مكمله
لن الكتابه بالنسبه لي هوايه 
وعالم يناسبني واقدر اعيش فيه بحب لحياتي ورضى
بس عاد ما يخالف تحفزوني بمتابعتكم وتصويطاتكم
لنها تحفزني اسرع بالتنزيل واطول البارتات

وحنا صح في رمضان تخلفنا
بس الحين خلص
وجاء العيد
وكل عام وانتو بخير
ومن العايدين
وانا ان شاء الله رح ارجع التزم كل جمعه
بارت
فحتروني الجمعه الجايه بالبارت التاسع
واتمنا ما تنسون النجمه والمتابعه فدوه
واللي عنده انستجرام او تك توك
يمه شكثر فدوه الها لو تتابعني
وشكرا وشكرا

ادري طولت عليكم بالبارت
ويله تعالو الحين نبدا فيه
والبارت التاسع
ان شاء الله
الجمعه
👍🏻👍🏻👍🏻👍🏻

بتركم مع البارت 😘
👇🏻👇🏻👇🏻👇🏻👇🏻👇🏻

؛
يا فخر راشد وعينه وقلبه
لو تسمحين لا تاخذي عليّ موقف ثقيل لني كتبت لك ع الورق
احساس فيني غريب شوي، بس يجرني اكتب لك قصايد على جدران كل بيت
ودي بكلمه وطلب منك واحد
ولو تسمحين
لا ترديه وترديني خايب
تكفين لا تتغيبين انا ما حمل غيابك
ترى لا انا ولا مرائتي مبسوطين بغيابك
جينا نناظر مقعدك لقيناه فارغ
زرع فينا تناهيد ما يفرجها الا وجوديك
ورحمة الاحد الواحد
تكفين لا تتغيبين عني انا ما حمل غيابك
طلبتك لا تغيبين والله ما حمل غيابك
وبعد شي واحد ابيه لا جات عيني في عينيك
لا تصدين
خلني اناظرها ترى قلبي يهواء وصال عيني لعينيك
ياسمين
لا تتغيبين انا ما حمل غيابك
لا تتغيبين انا ما حمل غيابك

➖➖➖
ياسمين اللي رفعت عيونها تناظر عيون محمود في مراته اللي اتقت بعيونه وكانت نظراتها كلها دهشه وذوهول ومن تحت برقعها شاقه البسمه وهمست تحاكي عمرها: واااااي وناسه نجرب حب الغريب، بس ياترى ذا الحرامي صادق اكيد يقصد بس انه يطلعني عن طوري ويتسلا معاي بس مارح تغلبني وانا بنت راشد بن سعود والله لطلع عينك
بسيطه انتو حبو ويش عليكم وانا بعلمكم شلون يكره الادمي شي اسمه حب وتعلق "ورجعت تسند ظهرها بالكرسي وتصد بعيونها عن محمود وتناظر الشارع"..... ياسر ومحمود وشوله يعترفون بكل ذي الجرائه وبوقت مررره قريب من بعض
ياسر امس واليوم محمود
رجوني الله يرجهم،  بس لصدق انا متونسه بهالشي مررره وناسه وعاد لو يعتروفون في وجه بعض وتصير دراما
وهواش يااااااااي
محمود اللي كان مبسوط من نظراتها له بس صد بضيق يوم انها صدت ووخرت عيونها عنه: حشى ولا كاني موصيها لا تصد بنظرها عني
" وهنا كملو الطريق عادي محمود محتر من ياسمين وياسمين تستقصد تحره. ويوم وصلها مدرستها نزلت وما خذت معاها رسالته ووردته وتركتهم ع الكرسي
وهالشي استفز محمود وابتدا يسب ثقلها في نفسه بس رغم كلشي خلااص هو من يوم غابت تاكد انه يحبها وثقلها وثقتها بنفسها تزيده حب وتقوي تمسك قلبه بحبها
......................
ريم وهي تركض : اركضي اركضي مس الاحياء صارت بالصف
ياسمين: مو كنه بدري
ريم: يقلك قاعده تفتش عن البحث اللي طلبته مننا يوم الثلاثاء
ياسمين: ياويلي ويلاه ماكتبته يوم اني تغيبت امس
ريم: على اساس حنا كتبناه اركضي بس وهيا سارعي لتوبيخ يافتاة
ياسمين: جدتك مسويتيلي فيها عربيه فصحه
ريم: توها تنافخ اقول امشين "وسحبتها من يدها وركضو لصف"
المس: هاتو دفاتركم
ريم: ما سويت البحث ماله داعي تتعبين عمريك
المس: ماعليه ابيه حتى لو فاضي، بسرعه طلعي دفتر بحوثاتيك واذا مسويته على جهازيك فهاتيه يله
ريم اللي مدت لها بدفترها: انا فقيره منتفه تنتيف ماعندي اجهزه عندي بس هالدفتر وبالعافيه ابوي قدر يجيبه
وازيدك من الشعر بيت
امس يوم جيت بكتب البحث خلص الحبر وابوي ماعنده حتى ريال واحد
المس تصارخ: ريييييم ادخلي وبطلي هالكذب ترى سائلت عن ابوك وقلولي اكبر تاجر في المملكه
ريم تصارخ: مين قال هالحكي؟  مين الكذاب عشان اقص لسانه؟ ترى ابوي مشغول الحين يكنس بالشوارع ويلم الزباله
ابو ريم اللي كان واقف وراها عند الباب: احم احم
ريم اللي توهقت حييل ولفت تناظر وراها: وعليكم السلام يبه
البنات: هههههه
ياسمين بهمس: ساعه البنات يلمحون لك انهم كلهم مسترين في الصف ماتفهمين
ريم بهمس: ماانتبهت
ابو ريم: تعالي ابيك
ريم: يبه في مس بالصف ماتستحي انت عشان تطلعني
ابو ريم ياشر للمس : نستاذن ثواني
المس: طبعاً
ريم : حشى ترى ابي انتبه ع الدرس ماانيب طالعه
ابو ريم : ريم ياريم قومي قدامي اطلعين
ريم بصوت مايل لصياح: يببببه
ابو ريم: تعالي مارح اسوي فيك شي
ريم: احلف
ابو ريم: والله ترى بنيتي وحيدتي قومي بس اطلعي
ريم اللي رفعت راسها وركضت تحظنه: فديتك يا ازين اب انت
ابو ريم: ما وديك تدرسين انتي؟!
ريم: اي والله
ابو ريم : زين لا تكملين
البنات: لاااااااا
ابو ريم متوهق: ويش دخلكم انتو
البنات: الصف مب زين بدونها
ابو ريم: اجل ليه ما تقنعونها تدرس زين
ياسمين: ترى هي اقنعتنا نفطس بالدراسه شفنا كلنا فشله
ابو ريم: زين نخلصكم منها مارح تكمل دراستها
ريم: يبه اعطيني وعد الحين
ابو ريم: على شنو
ريم: تصير تعطيني خبر اذا ودك تجي المدرسه من قبل اسبوع عشان احسن علاقاتي مع كل مس بالمدرسه ويوم تجينا يسمعونك  كلام زين عني، ويقولون ذكيه، مهتمه، وكل شي زين
ابو ريم: زين اعتبري اني ما جيت وموعدنا يوم الخميس الجاي
ريم متوهقه: من صدقك عاد
ابو ريم: اييه، والمهم عندي تتوفقين بحياتيك ومدرستيك هي اول الطريق لنجاح فلا تستهترين فيها
ريم: وتسامحني على الحكي اللي قلته في حقك والكذب
ابو ريم اللي قرب وقرص اذنها: بس ماينعاد
ريم اللي تبسمت وهي تمسك يده عشانه مايقرصها ويشد القرصه اكثر: ابشر ابشر وبعدين ترى السالفه انكشفت والمس درت انك تاجر ولك مكانه في المملكه لا تشبها عاد
ابو ريم اللي تبسم: زين يله انا رايح الحين وموعدنا الخميس الجاي
ريم: اوكيه "وهنا طلع ابو ريم ومارح الا يوم انه مر المديره يبهذلها ويسبسب كل مس بالمدرسه ليه مايعرفون يتعاملون مع الطلاب ويحببون المواد لقلوبهم وبعدها مشى وبالسياره حط بجدوال اعماله موعد لبنته في كل خميس
عساها تهتم من جد وتصير تدرس زين"
ـــــــــــــــــــــــــــــــــــــــــــــــ
"وفي الصف"
المس: ياسمين انا ادري انتي غير عن للكل ومهتمه بدراستيك
البنات بهمس: ومن متى ومس الاحياء تفتش بحوثاتها ترى ملينا من يوم انها توصينا نسوي بحوث وما تشوفه
ياسمين: مشكوره يامس انا اشكر ملاحظتيك على مستواي
المس: اييه انا اثق انيك مسويه البحث ولن الكل ما سواه ابيه ولا كان ما طلبته بس الحين لازم يشوفونيك عشانهم بعد يهتمون ترى ولا وحده فيهم مسويته
ياسمين متوهقه: ايييه طبعاً لازم يشوفونه، بس انا... انا كنت تعبانه حدي بالامس فما ـــــــــــــــ
المس قاطعتها: ماعليه حتى لو مب متكامل وبعدين انا اثق بابداعيك
ياسمين: زين مثل ما تبين الحين اطلعه "وفتحت شنطتها تفتش عنه وتوهقت وهي تشوف شنطتها مرتبه وكل كراس مرتب على جدول يوم الخميس وهي كانت في يوم الثلاثاء في حاله يرثى لها~" طبعاً سمير كان مرتبها يوم جات عندهم رفيف على جدول يوم الخميس بسبب غلط منه لنه ماكان يدري ان الغد اربعاء او انها رح تتغب عنه "
ياسمين اللي مدت لها بالدفتر وراحت تقعد عند ريم وغطت وجهها وهي تحتري الفشيله اللي بتجيها يوم المس تفتح الكراس وهي متامله في ياسمين خير وما تلاقي شي"
المس متوهقه: ما شاء الله خطك تحسن حيييل
ياسمين متوهقه: ترى خطي من زمان زين
المس: لا زاد الحين وبعدين ما شاء البحث متكامل ومررره زين  وانتي قاعده تهذرفين وتقولين مب زين لنك تعبانه
ياسمين: هاااه!!!!
البنات: مسويتيه يالخاينه
المس: بنات ابستاذنكم خذو راحتكم بصف شوي لن هالبحث يستاهل التكريم "وركضت وطلعت من الصف وراحت للمديره تعلمها بان ياسمين ابدعت مررره والبنات قعدو يشبونها في ياسمين ليه تسويه وما تنبهم او تسربه لهم... وبعد دقايق رجعت المس ومعاها المديره ووقعت لياسمين على بحثها ومدحتها حيييل وشكرتها وصارت تشجعها ووعدتها ان حافظت على مستواها رح تختار لها ارقى المنحات... اما ياسمين فهي بس تناظرهم بذهول وماتدري من وين جاء هالبحث اللي هم قاعدين يمدحون فيه كل هالمدح
وبعد دقايق طلعت المديره ورجعت المس لدرسها وهي بس تشق البسمه كل ما ناظرت ياسمين
لنها رح ترفع راسها بمعلوماتها
ورح يمدح الكل المس مثل مارح يمدحون ياسمين وذكائها
وكل من رح يشوف بحوثات ياسمين رح يقول الفضل للمس
ـــــــــــــــــــــــــــــــــ
وفي ارض البلفرد
عند فهد
فهد: ويش السوات الحين وين راحت سيارتهم معقول يوم مر جسار خذها... يليتني ما بعثت سيارت سعود لدبي وتاخرت شوي... ويش ياخذني الحين لجده وانا مفلس ولا حتى ريال واحد
ابو هتان: ياولد امين
فهد اللي لف يناظره وتوهق يوم شافه وي بنته فجر: امر
ابو هتان: وين العيال
فهد: والله مدري صحيت ولا لقيت لهم حس حتى موقف السيارات فاضي، يمكن شدو الرحيل لجده
ابو هتان: وانت وين متورك "متورك= سيارتك"
فهد: عطيته صديق يومين ويرجعه
ابو هتان: اجل وشلون رح تروح جده طياره
فهد: لالا بر، بشوف لي اي ادمي  يوصل ركاب واطلع معاه
ابو هتان: اجل  انت بالمكان الصح ولقيت هالادمي اللي ياخذ ركاب ويوصلهم على طريقه، تعال يله ترى مافي مجال لرفض
فهد اللي ابتسم وهو يشوف ابو هتان ماشي ولا احترى رده او اعتراضه: جابك الله وهو دايم كريم، يارب بس ذيك الادميه اكفيني شرها انت الحافظ ولا احداً سواك يارب العالمين "وراح لابو هتان وابو هتان قعده جمبه وبنته وراء وكانت طول الطريق تناظر فهد وما شالت عيونها ابد عنه......"
ـــــــــــــــــــــــــــــــــــــــــــــــــــــــــ
اما في جده
فيوم ان الساعه صارت عشره ونص طلع ياسر لطابق الخامس يجيب نديم اللي نايم من شعره
والعمام طلعو كلن لسيارته "عدا مطلق طبعاً بالشركه ما رد ".... وخذو البنات وياهم
وام نزار وام سعود وام نديم 
وياسر خذ نديم وياه بسيارته وسعد طلع وياهم بعد
وعزالدين وسيف طلعو سوى وياهم بسيارة عزالدين
وراحو لبيت ابو سابر
والعمام يدرون انه رجل اعمال ويصحى بدري
وتربى في الدير وفيقت الصبح للحين ترافقه ويمشيها على كل اهل بيته
فكانو مررره يدرون ان هالتوقيت مررره مناسب
وراحو له ووصلو وسابر استقبلهم وفتح لهم الحوش ودخلهم مجلسهم
والحريم والبنات دخلو البيت واستقبلتهم رفيف اللي كانت متغيبه عن المدرسه من ورا وجع رجلها اثرطيحت امس، ونادت لامها اللي جاتهم ركض  واستقبلتهم ودخلتهم  مجلس الحريم وقعدو يسولفون"
ام سعود: الا شلون رجليك يارفو
رفيف: زينه الحمد الله
ام رفيف اللي تنهدت: الطيش احياناً يغلب
ام سعود اللي توهقت من حكيها وطرا في بالها انها درت بالسالفه: ايييه وانتي الصادقه طيش العيال ما يخلص تقولين كبرو اثر المصايب فيهم تكبر اكثر واكثر
ام نزار اللي بعد طرا في بالها نفس اللي طرا في بال ام سعوده وهو ان ام رفيف درت بالسالفه رغم انها ما كانت تدري بالسالفه الحقيقه وكانت رفيف معلمتها انهم كانو يلعبون غميضه وطاحت وهي تركض: لا تشيلين على قلبيك هم خطى ويتصلح وحنا جينا نصلح فيه الحين
ام سابر متوهقه: ويش تصلحون ترى ما انكسرت رجلها
ام نديم: يليت السالفه بس كسر الرجل فيها قلة دين وكرامه
رفيف اللي رفعت عيونها تناظرهم وهي توها تصحى على عمره وابتدت تحس ان السالفه رح تنكشف عند امها: ويش تهذرفون
ام سابر: ويش فيكم ويش اللي قلة دين وكرامه
العنود: لصدق ياخالتي ولد عمى ماهو بمخطي لحاله ترى بنتيك بعد اخطت يوم حنا نعلمها لا تمشين ورا ياسمين ومشت
ام سابر متوهقه حدها وابتدا قلبها يدقق صدرها حيييل: ويش في ويش السالفه يابنات ورفيف بويش اخطت، وبعدين من صدق انتو ليه هنا ويش السالفه اللي جابتكم لين هنا وويش؟
رفيف: يمه لا تصدقين اي حكي ينقال اللي قلته لك هو الصح
ام سعود في خاطرها: ياويلها من امها ماعلمتها وحنا فضحنا السالفه
ام سابر: قولو ويش في!
نديم* بهمس: تكفين يالعنود لا تزودينها بالحيل
العنود اللي نغزتها بكوعها تسكتها: اسمعي السالفه
ام سابر: قولي
العنود: ماقصدي الاسائه بس بنتيك رفيف مسختها امس قلنا لها لا تطلعين الطابق الرابع ولا تمشي ورا ياسمين الداشره بس عيّت تسمع لنا ومشت وراها وطلعو وصارو يضحكون قريب من غرفت العيال ونديم ولد عمي شوي غيور ويحسب اننا حنا قام طلع يبي يسكتنا وتوهق يوم شاف اغراب وبنيتك كان المفروض تتخبى بس ما صار ومسختها عنده وحاولت تغريه وكان رح يصير ما لا يرضينا ولا يرضي الله لو لا دخلنا حنا وعمتنا ام سعود، اسائليها ان كان ما تصدقين
رفيف اللي كان بيدها كوب قهوتها فخذته تتطشر القهوه في وجه العنود وهي معصبه حدها: ما صار هالحكي
العنود اللي وقفت وطبعاً استفزتها حركت رفيف يوم كبت القهوه عليها: هذي الحقيقه بغيتي تصدقي او ما بغيتي الحقيقه ما تتغير
رفيف اللي نزلت كوب القهوه من يدها وودها تهاوش العنود وتصفقها: يالماتستحين "وتخطت الطاول عشان توصل لها ووقفها صوت امها"
ام سابر: رفيف غرفتك
رفيف موصله معاها: يمه لا تصدقينها
ام سابر تصارخ: غرفتك
رفيف اللي تنهدت بظيق: حاظر "وراحت وطبقت الباب وراها بقوه"
ام سابر: ابي السماحه منكم ماعليه تسامحينا يابنيتي
العنود: لالاعادي
ام سعود اللي همست لسلمى اللي كانت عندها: متى صار الحكي اللي قالته العنود
سلمى بهمس: حنا ماكنا ندري انكم كفو ورح تخطبون البنت عشان كذا ماكان ودنا نخرب سمعتها ونقول انها داشره بالنهايه هي اخت وصديقه وترى الحكي اللي قالته العنود صادق هي اغرته
ام سعود في نفسها: وحنا حملنا نديم كل المسؤليه ياويلي قلبي عليه
ام سابر: الحين انا مب فاهمه وش السالفه
ام سعود: كل السالفه ياام سابر ان العيال مالو لبعض
العنود: ولقيناهم حاظنين بعض
نديم*اللي نغزتها بكوعها وهمست: خلاص اسكتي
ام سعود: لا تعصبين ولا نعصب هم مالو والشيطان يغلب وحنا لحقنا عليهم فتعاوني واجمعي بين قلبين بالحلال احسن ما بكره تصير لقائات وسوالف تذبح الحي
ام نديم: استري على عيالنا بالحلال ياام سابر قبل لا الحرام يغلب
ام نزار: جينا نطلبها بسنة الله ورسوله قولي تم والباقي يحله رب العالمين
ام سعود: خلينا نعفهم ونسترهم ازين ما ذيل الشيطان بينهم يكبر
ام سابر اللي غلبها التفكير وصوت سابر ولدها قاطعها وهو ينادي: يمه، تعالي ابيك
ام سابر اللي فزت وركضت له تبي تعرف ويش وراه: هااا يمه سم سابر اللي وقف يعدل شماغه: ويش اللي سمعته انا من شوي
ام سابر متوهقه: ويش سمعت
سابر بحده: علمي كل اللي داخل يوخرون عن الطريق ابدخل لرفيف
ام سابر: مارح يوخرون استحي على عمرك وقلي ويش اللي سمعته
سابربحده: سمعت اللي قلتوه وعرفت ويش اللي هببت فيه بنتيك
ام سابر: مارح يوخرون واختك انا امها وانا اعرف اتفاهم معاها
سابر: زين ما يصير الا اللي تبينه، يله سلام عليكم "ولف عشان يروح ووقفته امه يوم مسكت يده"
ام سابر: انت جيت تتنسط علينا ولا في شي جابك!
سابر: لا في شي جابني
ام سابر: وويش هو؟
سابر:  هذا يمه عيال سعود زملائ ابوي بالشغل وكذا
ام سابر: اييييه «يعني استعجل»
سابر: هم بالمجلس عندنا يقلك يبون القرب مننا لولدهم نديم عشان نعطي رفيف حقه
ام سابر: ايي ويش قالو ليه هو نديم يبيها
سابر اللي وقف يقلد حكي ابو سعود: لا ابد بس قال واحد من الشايبين، هذا ولدنا معدل وكفو دكتور مختبرات طالب القرب منك ومثل ماهو طالبه حنا نطلبه اكثر منه نبي تزيد علاقتنا تماسك مب بس اجتماعات وشراكات خلنا نقرب العوايل ونتلم وما نترك فرصه للعواذل تفرقنا
ام سابر اللي طقته على كتفه: احكي زين واوقف زين ويش ابي انا برجال تقلده
سابر: اقول انقل لك الخبر من اصل الحدث
ام سابر: قلي الحين ابوك ويش قال هو موافق
سابر: ابوي شاريهم وشاري اصلهم يمه ولو لا انه خايف من رفيف وزعلها كان وافق من دون لا يوصيني استشيرك واستشيرها
ام سابر: يعني موافق
سابر: مرحب فيهم قد قطرات المطر وازود
ام سابر: زين ترجع لبوك وتقله موافقين
سابر:  ابشري، ويمه ترى يبون ملكه اليوم
ام سابر متوهقه: ويش هو
سابر: ايي يقولون اذا ممكن وان كان مافي اعتراض الحين ملكه والعرس في العيد ثلاثه شهور باقي وتعرس بنتيك ذي المهبوله فااذا مب موافقين قولو
ام سابر غلبها التفكير: مو كنه بدري
سابر: بدري من عمريك وعمرها ترى ماعادت بزره وانتي تدري وانا ادري انها تخلفت عن المدرسه سنتين يوم سافرنا بره
ام سابر ايه: بس ١٩ مب كثير وبعدين انا ما احكي عن عمرها اقول ثلاث شهور يمدينا نجهزها فيها
سابر: مدري انتي ويش تشوفين اقلهم رافضين
ام سابر اللي طقت كتفه: انت اشبك مصر على كلمة رافضين لا تطمن موافقين وبنزوجها
سابر: يمه تكفين تطلعينها تدخلين خدامه
ام سابر اللي قامت تضحك: اقول ويش شاغل حسه، لا تحاتي ابطبخ انا مب انت
سابر: ايه وبعدين ياسابر السلطه ياسابر ما يمديني اخلص سوي الكبسه ياولدي جهز السفره ياولدي ياولدي ياولدي ترى حافظيك لا غابت رفيف يوم شبيتيها فيني
ام سابر: لا تخاف نزوجها ونزوجك
سابر: سلامات حد قالك اني ابي، وبعدين انا مرتي ابيها تمشي ع الغيم كذا بس تداري ظفره لا يبتل مويه، ابيها بس تقعد وحتى الكاسه لا تشيلها
ام سابر: حكي فاضي انا ادري بعدين تقول ويش عندها تقوم تشوف لها شي يشغلها
سابر: لا والله
ام سابر: اقول رح لابوك يله كثر الحكي ماله داعي
سابر: ابشري وانتي بكيفك بغيتي تجيبين خدامه او تتعبين بروحك المهم انا لاتزوجت بدخل مرتي ومعاها خدامه
ام سابر :اجل نزوجك خدامه ويش رايك
سابر: ماعندنا حريم بعد ما تعرس تستمر بوضيفتها ترجع اميره عندي وان كانت من قبل خدامه
ام سابر: هالله هالله
سابر: ايييه ترى حتى ان كانت خدامه اجيب لها عشر خدامات وادلعها وتصير اميره
ام سابر اللي حنت ظهرها تاخذ نعال ابو سابر اللي كان عند الباب: انتي ما يبيلك الا بذا.... وين راح.. سابر.. سابر "طبعاً  اول مانزلت تاخذ النعال سابر ركض وماعد لقت اثره..... وكذا سابر راح لابوه وام سابر دخلت وهي مستحيه ما تدري وين تودي وجهها من الفشيله قدام عمات نديم وبناتهم وقعدت ام سعود تسولف معاها تحاول تطلعها من جوها وفشلتها قدامهم وتعلمها ان هالسوالف تصير والشيطان يلعب،... وبنص الجلسه قررو البنات يدخلون لرفيف فتركتهم ام رفيف لحالهم وقعدو البنات يعتذرون لها  يعطوها اعذار بايخه ورفيف بس تنافخ في وجههم"
نديم*: كذا تصدين عني وانا اللي حبيتيك وبغيتيك تكونين نصيب اخوي وحلاله
رفيف موصله معاها: لا والله تحبيني تقومين تخربين بيتي تقلعي بس يله وانتو بعد مابي اشوف خلقتكم
العنود: شبيتها ترى ما صار الا العافيه ارضو بالاقدار
رفيف: مانيب موافقه مارح اعرس
سلمى اللي شدت رفيف من شعرها: نرفزتيني يابنت حنا بغيناك وخلاص انتهت السالفه انتي مرت نديم فاهمه
رفيف منصدمه من تصرف سلمى: ويش السالفه بكيفكم
سلمى: ايييه غصباً عنيك وعنه واذا تبينا نشيل كل الوسخ اللي قلناه في حقكم فبعد ما تتزوجون حنا رح نعترف ونبيكم تمشون ويانا كذا خط مستقيم لا تسويلي منحنيات لا احني ظهوركم فاهمه اي شي اقوله لك بس لبيه وتامري امر كان الحين او بعدين وانتي في بيتتا
رفيف اللي دفتها: وخررري بس جايه تتامر ترى مارح البيكم لو تنطبق الارض على السماء
سلمى موصله معاها: تدفني
العنود اللي مسكتها: مهبوله لا تظهبلين ويش بتسوين ترى ظيوف عندهم
سلمى: ايي صح ولا كان علمتك الادب اقول امشو وراي يابنات عمامي لن هاي البنت ماينحكى معاها قومن يله
البنات: يله "وطلعو وبقت نديم اللى قربت من رفيف تستسمح منها"
نديم*: رفيف انا اعتذر لك صح كلنا اخطينا في حقيك بس والله نحبك وما سوينا اللي سوينه الا عن محبه
رفيف تصارخ في وجهها: بررررره
نديم*: رفيف تكفين لا تسوين كذا واقبلي بخوي وحنا نوعدك اذا صار وتزوجتو كشفنا السالفه والله لاعترف للكل
رفيف: اقول بررره ويش ابي بالبراءه بعد ما انقضت مدت السجن كلها
نديم*: ترجع الكرامه
رفيف: سمعت البنت مثل الزجاج لا تكسرت مستحيل ترجع وحتى لو اعترفتي حزتها يكون الوقت فات وان قبلت فيه انا كذا اجرح كبريائي فنقلعين يكون ازين يله بره بره بررره
نديم *: زين زين بكيفك انا طالعه وانتي دام في راس العنود تزوجكم يعني بتعرسين بتعرسين
رفيف اللي رمتها بالمشط: برررررره،"وهنا نديم طلعت ركض وقعدت برره عند البنات والعمات يحترون رد العيال والعمام وقعدين يفكرون ياترى ويش بيصير معاهم "
ــــــــــــــــــــــــــــــــــــــــــــــ
في مجلس الرجال
سيف اللي كان مستند على كتف نديم محتري سابر يرجع بالرد وقام يهمس: تهقاهم يوافقون
نديم بهمس: لا والله
سيف بهمس: اقول ويش اللي مخليك رايق
ياسر اللي سدح سيف وهمس: اشبك ما بقاء الا تنام عدل قعدتك
سيف اللي لزم الصمت لثواني بعد الطقه: ياخي صدق من قال مطرقه
ياسر: تف علي لا اطقك مره ثانيه
سيف: وخر بس "وعدل قعدته"
سعد بهمس: خلاص اسكتو والله لادرون انكم قاعدين تهمسون وتسولفون براحتكم وكن المجلس فاضي ليتوطو في بطنكم فسكتو يكون ازين 
سيف ونديم وياسر بهمس: زين زين
سعود اللي كان بعيد شوي عنهم قام يهمس: ياعزالدين
عزالدين اللي قرب  منه وهمس: سم
سعود اللي ابتسم وهمس : عقبالك ان شاء الله باكر تعرس
عزالدين اللي همس له: وانت بعد عقبال الثانيه
سعود بهمس:
اذا الاوله عيني وقلبي ويش تكون الثانيه
خلني مكتفي باللي عندي ياولد عمي
وحبي للاوله مستحيل يلقى في الدرب فنا
عزالدين بهمس: لا تبالغ ترى اذا الاوله عين وقلب
الثانيه
روح ونور تنور الدرب
والثالثه
ثابته ولازم ما تجيبها اذا جبت اثنين
والرابعه
بلسم دواء
زين وحلا
ومسك الختام دايماً شي ينقال فيه زينه
وبالحيل فاتنه
تنسيك ان الدنيا فانيه
وتعيش تهيم بزينها وبس
سعود بهمس: كلهم جوري فلا تحاول
عزالدين اللي ابتسم وصد عن الحكي معاه يوم شاف سابر جاء ودخل المجلس: سلام عليكم
الكل: وعليكم السلام
ابو سابر: قول ياولدي ويش قالو في ما بعثتك فيه
سابر: يقولون من بعد شورك يبه  مافي شور ودامك موافق الام وبنتها موافقين
ابو سابر: اجل نقول بالبركه مبروك عليكم بنتي بعد قلبي ومبروك لبنيتي في ولدكم واصلكم يااولاد سعود
ياسر اللي وقف: بروح اجيب المِمِلك
سابر: وانا معاك "وطلعو ثنينهم وقعدو الرجال يباركون في بعض وحكي شاييبين من حق العزايم والخطبه والملكه وسعود وعزالدين كانو يناظرون بهدوء وابتسامه طفيفه اما نديم وسيف فكلاً عاقد حاجبيه اكثر من الثاني وكلن فاتح عينه من كبر الصدمه اللي هم فيها وكلن يناظر الثاني بفكر شارد"
سيف بهمس وحواجب مررره قريبين من بعض: وافقون
نديم في خاطره: لا يارب صح نبي نعرس بس مب ذا الشكل لا يارب مابي هالنااس، وبعدين هي شلون توافق شلون ويش ذي ماعندها كرامه شلون توافق شلووون
سيف اللي كان شايف عيون نديم وشايف شكثر هو متواهق وخيبت اماله واضحه على وجهه لنه مرره كان متااكد انها رح ترفض بس صار العكس: ابسائلك
نديم مفهي:........
سيف بهمس: نديم بصدق صراحني تحب بنت انت وودك فيها غير ذي اللي رح تنجبر عليها الحين
نديم اللي رفع عيونه يحطها في عين سيف وجاوبه بالصمط لنه للحين متوهق ومب مصدق ان رفيف وافقت:........
سيف اللي وقف وهو يعدل شماغه: ويش بكم تباركون لابو نديم ويش بكم ياعمامي مكذبين على اهل البنت بانكم رح تزوجون بنتهم دكتور مختبرات وانا اللي شاري اصلهم وبغيت اعرس منهم
العمام اللي لفو ييناظرون وابو سابر بعد وكلهم قامو يضحكون: انت خلك بعالم حنين بس
سيف موصله معاه: ترى من صدقي احكي انا اللي ابيها مب ذا "وياشر على نديم"
نديم اللي وقف في وجه سيف وهو مبتسم له وقام يحظنه وظمه اكثر وهو يسمع حكيه : رح شوف يانديم حبيبتك وين واترك محمود وبنته ان اشتري اصلهم
نديم اللي ضمه وهو مبتسم وقام يهمس: وحنينك اللي دوختنا فيها كل هالسنين
سيف بهمس: مجرد طموح اني اوفي لها بوعد وهو وعد بزارين وهي نسيته وانا بنساه الحين
نديم بهمس: سيف لا تثقل حيييل ترى والله ما تاخذ غير حنين حق الازعاج اللي زعجتنا فيه بسمها طول ذيك السنين، ولو عليّ انا والله لا احب ولا لي معرفه لا بالحب ولا بدروب المحبين
سيف بهمس: لا ترقع ادري تحب غير هالبنت
نديم اللي دفه وقعده: مافي شي من هالحكي ياسيف قسم بالله مافي
سيف اللي صد وهو يشيل شماغه ويحشر راسه في حظن سعد ويحط الشماغ على وجهه كنه بينام : اجل عقلك براسك تعرف خلاصك ان بغيتني اوقع ع الورق صحيني زين
نديم اللي ابتسم وهو يقعد: لا عادي غيرك شهود كثير
عزالدين: ويش السالفه الحين
سعد اللي ظم سيف لحظنه بقوه وهو اساساً مدخل راسه وكتافه في حظنه: لا مافي شي بس مشتاق لحنين
الكل: ههههههههه
نديم: ترى حب يسوي جو لا اكثر ولا اقل وانتو تعرفون سيف
ابو سابر: عقبالك ياولد عامر
سيف: يارب امين وانا ادري هو دايم كريم
ابو سابر وهو يضحك: الله يكرمك ويقربك من حنين
الكل: اميين
سابر: جينا
الكل: اهلا وسلها تعالو تعالو "وهنا اجاء المملك وابتدا يكتب ملكة نديم ورفيف وهالمملك ما كان من النوع اللي يطلب راي البنت الا يبي يسمع صوت موافقتها لا كان من النوع اللي يتعامل مع الاب والمعرس وبس وفعلاً خلاهم يوقعون وابو سابر الا بغى بنته هي توقع فراح سابر ياخذ لها الورقه واصر انه يدخل لها فدخلته امه لغرفتها ودخلت معاه وسابر بغى يكففها لنه للحين يحس الحكي اللي سمعه من عمات نديم والبنات عن رفيف ينعاد في اذنه بس تمالك نفسه وحط الورقه قدام رفيف وامرها توقع بس رفيف عيّت توقت وصدت بوجهها عنه وامها تستلطفها وتترجاها توقع عشان مصلحتها ورفيف ابد ما تنازلت حتى تسمعها وسابر مابقى فيه صبر وبعد ماكان يناظرها بنص عين مد يده وشدها من شعرها وحط القلم في يدها وصار يامرها توقع وكل ماعيّت يشد اكثر على شعرها وهو يسبسب فيها ويعلمها باللي سمعه من البنات وعماتهم وهي قامت تصارخ في وجهه وتحاول تفهمه بالصراخ انه كذب بس هالاسلوب بالنسبه لسابر مرررره مستفز فعطاها كف سكتها ورجع يبي يكفففها بس امه مسكت يده ومنعته وقعدت تتترجاه يتركها بالنهايه مثل هالسوالف مب اجبار وزواج مازواج لازم توافق عليه بكل قوتها العقليه والفكريه لن وراها مستقبل وامومه لازم تكون موافقه عن رضى مب عن اجبار فتعيش كل حياتها متحسسه من اللي صار  بسسسس رفيق احترّت من ضرب سابر لها  ونظراته عنها فمسكت بالقلم تبي توقع من قهر وحرت قلب مب عن رضى وموافقه، وحقيقي رفيف وقعت وصدت بعدها عن شوفتهم وعطت سابر ظهرها وسابر خذ الورق وراح لابوه وهو يحاول يهدي عصيبته ويرجع لون وجهه طبيعي بعد ما كان منخطف من زود العصبه....اما العمات فهم طبعاً درو عن اللي صار وسمعو وشافو من وراءالباب وزعلون من اللي صار بس رجعو يهدون في ام رفيف ويعلمونها ان كل شي مع الايام رح يزين ورح يصير كل شي تمام والبنات قامو يزغرطون ويحاولون يطلعون ام سابر شوي من كئابتها...اما رفيف فهي في غرفتها ومقضيتها صياح..... وبالنسبه لسابر فهو رجع ل الرجال وكملو الملكه وصار يقول المملك الحكي وابو سابر وراه" زوجتوك ابنتي الوحيده.. وكذا" وبعدين رجع يقول حكي ونديم يقول وراه "وانا قبلت بابنتك الوحيده رفيف على شرع الله وسنة رسوله... وكذا"...... وحقيقي تمت الملكه ورفيف صارت مرت نديم بسنة الله ورسوله وما بقاء الا عرس علناً وكان هالموعد في العيد............ وبعدها تودعو والعمات اعتذرو ع التقصير ما جابون هدايا لرفيف ولا سوّن ملكه محترمه وحفله وهالشي كان بناء على طلب ابو رفيف لنه منشغل حده ووراه سفره فقرر ياجلها وبالعرس يسوّن حفله وعساه خيير... وهنا تمت الملكه وتودعو الاهلين وخلاص صارو نسايب ورجع نديم للبيت وهو ماسك على راسه توه يستوعب انه اعرس ورفيف وافقت وقعد كل ما تذكر موافقتها يسبسب فيها ويقول عنها بنت بدون كرامه وهو مستحيل يقبل بمثل هالاشكال بس النصيب جره.
وبالنسبه لسيف وعزالدين فهم طلعو من بيت ابو سابر مباشره يشدو الرحال عشان يسافرون يشوفون المحلات؟.
والباقين رجعو البيت..........."
وطبعاً ابو سابر مادرى عن السالفه الحقيقيه وراء هالزواج ولا كان رفض وعلم رفيف ع الويل.
وسابر كتم لنه يدري مارح يكون من وراء معرفة ابوه بالسالفه الا البلاوي_وكذا هم البداوي _بهالسوالف يغلب طبعهم على التطبع ولو مهما عاشو بين الحظريين وتقاليدهم يضل لهم عروق بدويه والعصبه هي هي نفسها وبهالمواقف موقفهم واحد وعصبتهم وحده وتفكيرهم واحد لو مهما اختلفت ثقافت الاسر  "
ــــــــــــــــــــــــــــــــــــــــــــــــــــــــ
"وبعد الدوام"
احفاد سعود وعياله
رجعو للبيت
وتغدو كلهم ع السفره الا مطلق بالشركه ومنشغل حده
وسيف وعزالدين لنهم مسافرين
وعماد بعد وهو كان عند تركي وما داوم اليوم
وياسر وصله خبر تغيبه عن المدرسه  وكان محتري بس متى يشوفه ويلعن خيره
...
وقعدو يتغدون بهدوء
وبعد الغداء سحب سعود نديم واخذه للمشفى ووصله للمدير ووقع على موافقته بان سعود يستلم الراتب عنه وفوق كلشي موضفين نديم في  نوبتين عمل يعني يداوم مرتين
ثمن ساعات الدوام الاصلي
بس نديم صار
يداوم ستت عشر ساعه
وهالشي كعقاب وبنفس الوقت يشد حيييله ويحس بالمسىؤليه ويعرف انه مقبل على اسره وزواج ونديم بقلت حييله انخضع لامرهم وقبل بساعات دوامه ورضى بظلمه وراح على شغله مع زملائه الجدد اللي حتى ما قال لهم السلام عليكم ولا ناظرهم ولا هم بعد ارتاحو له فكانو كل واحد من طريق
وسعود طبعاً رجع للبيت دامه في اجازه وراح لغرفته ولقاء جوري منخمده نوم من يوم انهم طلعو يشدو الرحيل لبيت ابو سابر وللحين  فراح يغير ثيابه وانسدح عندها ونام هو بعد دامهم من امس مب نايمين
واما سمير فهو بعد صاحب دوام وبعد ما تريح شوي بالبيت فز للمشفى يروح دوامه واعمامه انشبو فيه وامروه يراقب نديم دام سعود في اجازه وجبروه الا يقعد بالمشفى لين نديم يخلص ويرجعون وي بعض وسمير ما حب يرفض ويفشلهم ويزعلون منه وعلمهم انه موافق وانه رح يقعد بالمشفى للوقت اللي يخلص فيه نديم ويرجعون وي بعض
وبعدها انصرف من عندهم وراح للمشفى وبسرعه على مكتب المدير وكثر نوبات عمله
والمدير استحسن هالشي من سمير وهو كان يحتري اليوم اللي سمير يداوم فيه ساعات دوام متكامله مثل الكل
وترك المدير حرية اختيار ساعات العمل لسمير فختار من اربعه العصر لين نص اليل
والمدير وقع وهو موافق وشاق البسمه لن سمير رح يصير يدوام تسع ساعات بدل ما كان اربع
وشغل سميرصدق مررره زين
وهو كان من قبل يداوم بس اربع ساعات يستقبل بس اربعه مرضه لنه يقعد مع المريض ساعه واحياناً اكثر وما يطلعه الا وهو متاكد من صحته بالكامل
وهالشي معروف عن سمير بكل المشفى والكل يمدح فيه
ودايماً الناس تتسارع عشان تحجز عنده