احفاد جدنا كلنا في الحب ابتلينا وانصبنا ♡ وحب صباء ولد عمتنا سكن قلبه واتلفه.

part7

البارت السابع
//////////////////////////////////////

.............. "وحظنه وقام يصيح بحظنه وهو يحط اذنه على قلبه يبي يسمع شي يطمنه يبي دقته تهديه بس ووووين يسمع وهو يصيح وكل شوي يتنهد من قلب قلبه والتركيز عنده مررره صغير اكيد مارح يسمع نبض وخصوصن نبص عماد اللي بالحيل ضعيف"
نزار بصياح وصراخ وهو يهز وجهه يبي يصحيه: عمااااااااااااااااااااااااااااااااااااااااااااااااااااااااااااااااااااد
ياخوي......
عماااااااااااااااااااااااااااااااااااااااااااااااااااااااااااااد
المشرفه بخرعه: الله يستر، بس وين المساعدات للحين ما وصلت
نزار يصارخ: عماااد ورا ماترد قوم يله قوم عماااد "وقام يبي يجرب يحمله بسس وووين يحمله وهو كل عضو فيه يرجف وكل ما شد العزم انه بيشيله مشاعره تغلبه  وينهار وما يقدر ابد انه يشيله وهالشي كان وده يجننه لنه مادرى شلون يسيطر على نفسه ولا درى ويش يسوي عشان عماد اللي اذا شفته ما تصدق ان توه  حي وما مات"
المشرفه وبكل تردد انها تدخل له فوقفت عند الباب : هاته طلعه خلنا نلحقه للمشفى
نزار بهمس وصياح :ماقدر، ماقدرت اشيله،اخوي ماقدرت اشيله بس اناظره وماقدر اشيـــــــــــ"وقطع عليه صراخ المشرفه "
المشرفه: آآآآآآه من ذول؟؟ "وتاشر عليهم وهم ذاتهم اللي كفخو عماد كانو متخفين بالحمامات(اعزكم الله) "
رعد اللي دفها وسكر الباب: يله شف لنا طريق
رعدي: وين اشوف لكم ترى اكيد رح يعلمون الشرطه ويش مفكرين هالمدرسه حكوميه تدخل وتخرج فيها براحتك ترى هذي مدرسه مرره زينه واهليه ويستحيل يمرقون اللي صار
باسل: تعالو ننط من هالشباك
رعد: يله
نزار: من،  من تكون انت وياه؟!
باسل اللي قرب منه وشال لثامه: ماعرفتني انا ذاك اللي مسكت فيه تبي تكفخه بس صلاح تدخل وطلب يصفقني عنك
نزار بحره: انتو اللي سويتو بعماد كل ذا
رعدي: ايييه حنا عشانكم تتعلمون ويش يعني تصفقون خوياي
رعد: وتونا ما انتهينا ترى القادم اجمل يابعد عيني انت
نزار اللي كان وده يكففهم بس وين وهو بس يرجف وده يعصب ويصارخ بس مشاعره تكبته وتسكته ماهو بقادر يقول شي وقلبه بالحيل يعوره وكل جزء فيه يدعيه يعصب بس ما يقدر لنه اكثر انسان حنون من احفاد سعود وضعيف بمثل هالمواقف "وسعد بعد مثله"
بس نزار ظل يقاوم ضعفه وقام عن عماد يبي يكفخ باسل بس رعد تدخل ودفه ع الارض ونزار بس يسبسب عمره ويدعي على نفسه ليه كذا بالوقت اللي كان لازم يستقوي فيه على الظالم كان بالحيل ظعيف: ياربي كان خذتني قبل لا شوف هالشي كان خذتني
باسل متوهق: وش به ذا ليه كذا ما يقاوم
رعد يهمس: وانا اللي توهقت يوم شفته جاء تراني شفته شلون كان يصفق العصابه اللي جبتها كان حيييل قوي
باسل اللي نزل لمستوى نزار اللي كان طايح جمب عماد: عساك مب قادر توقف بس لن هالادمي متصفق بذا الشكل اتمنا اني ما كون جرحت مشاعرك  يوم مردغته
نزار اللي ركله برجله: يعني تجرح قلبي بخوي وترجع تتفلسف عندي ترى لو يصير عليه شيء ما سامحكم والله للعن خامسكم
باسل اللي ابتسم بخبث : اييه درينا بتلعن خامسنا شف شف وجهك ويدينك كنك بزر وبس ترجف خوف قلي تخاف مني؟
نزار معصب وصرخ بوجهه بحره: خايف يصير شي لخوي، قيم بالله ماسامحكم
باسل اللي شد عماد من شعره ورفع راسه من ورا شدته له: تخاف على هالادمي "وهنا عماد فتح عيونه شوي وابتسم لنزار يوم شافه في وجهه بس رجع يسكر عيونه بسرعه لا اراديه وداخ "
نزار وهو شاق الفرحه: عماد توه صاحي اي والله صاحي
رعد: هالعماد واحد انا شايل منه حيل ابعرف بس ليه كل ما داخ رجع يصحى مستفز  "وخذ العصه اللي كان باسل جايبها معاه وطقه براسه بقوه ومن ورا هالطقه طلع دم حييل من فم عماد وانفه ونزار توهق ما درى ويش يسوي وسحب خنجر باسل من يده وفز يبي يكفخ رعد بس رعد تصد له وطقه بالعصه بنص راسه بس نزار وصل له وانجرح شوي على خده اليسار وهنا باسل فز يبي يلحق على ولد عمه رعد ومسك في نزار ورعد حالف الا يطقه بعد اخوه بسس قطع عليهم صوت الشرطه عند الباب"
بدر: هااا ويش صاير بهالمدرسه مشرفه فاشله وينك عن البزارين، الا وين الولد
المشرفه بخرعه: طلعو اثنين متلثمين ودفوني وسكرو الباب
بدر ياشر لعساكره:ويش بك ويش ناطر قم اكسره
الشرطي: ايييه
رعد بخرشه: قم ننط من الشباك اللي هناك "وياشر عليه"
باسل متخرش: يله "وفعلاً ركضو لشباك ونطو منه ونزار ابد ما منعهم وراح لعماد ويوم ان العيال نطو من الشباك لقو بره اثنين من رجال الشرطه ومحمد اخو بدر وياهم  فالقو القبض عليهم"
"وبعد ما انكسر الباب"
بدر بعد ما وصله خبر ان رجاله مسكو ثلاثه بره: شف ويش عندها"يقصد المشرفه " وسجل حكيها
الشرطي: ايييه
نزار: بدر تعال شيله
بدر متوهق: ويش تسوي هنا
نزار: تعال شيله خلنا نسعفه
بدر اللي استند بالباب: خله شوي الحين المساعدات رح توصل صارت ع الطريق
نزار يصارخ: اقول شيله ترى المساعدات تاخرت
بدر: لا تصارخ ترى طبيعي يتاخرون ماتدري انت وين هالمدرسه ووين المشفى اللي بعث المساعدات فيه
محمد اللي جاء يركض: هااا وينه
المشرفه تاشر للحمام(اعزكم الله): هناك
محمد اللي مسك على راسه : عماااد ياويلي ويلاه وينكم عنه ويش كل ذا "وركض له"
بدر بعد وقف احترام لاخوه مثل ما كل العساكر اللي معاه مسوين: خلك منه شوي وتوصل المساعدات
محمد بحده: قم انت وياه انزل خذ اللي سوّن فيه كل ذا للمخفر وخذ ذي تقدم افادتها "ياشر للمشرفه"  ..... يله تقلع
العساكر بعد ما ظربو برجولهم ع الارض ورفعو ايدينهم عند جبهتهم احترام: ابشر "وركضو"
محمد: ورا ماتروح انت
بدر اللي للحين مستند بالباب: تراني اكبر منك ياخوي
محمد اللي وقف عنده وحط عينه في عين اخوه: اسمع زين، انت اخوي في البيت وابشر بكل اللي تبيه بس هنا انا ظابط اكبر منك وانت تمشي وراي وكل اللي ابيه لبيه فتقلع لا تشوف مني شي ما يعجبك
بدر بالا مبالاه: ياخي اعقل عني ترى السالفه مب مستاهله مننا كل هالجهد
محمد اللي شد على شارت بدر العسكريه "اللي تنحط ع الكتف": اذا شلتها عنك اعتبر انك موقف لست شهور
بدر اللي وخر يد محمد عن شارته وظربله احترام برجله بعد ما رفع يده عند جبهته: اعتبر اوامرك صارت من الحين" وركض بررره عند باقي العساكر "... انا مدري من وين يجيب هالثقل بساعات الدوام احسه مب محمد اللي اعرفه في البيت ترى في البيت لو العّن خيره وسبسب فيه او اطلب منه طلبات حييل دايم لبيه وابشر
المشرفه: وين اطلع انا
بدر: وين مدير المدرسه
المشرفه: توه ما جاء
بدر: زين اطلعي هنا عندي" وطلعها بسيارته ولحق خوياه "
محمد بقلة صبر: وين المساعدات للحين، اقول قم نشيله
نزار: ياريت تراني ماقدرت علليه مرره ثقيل
محمد: دايخ اكيد يزيد وزنه، قم بس تعال وياي "وحمله وركض ونزار ركض وراه وطلعو ثنينهم بالسياره واتجهو لاقرب مشفى"
نزار اللي يحاكي عمره وهو حاظن عماد اللي مب قادر يسوي له شي: يقلع اليوم اللي دخلت فيه كلية الشريعة والقانون، يليت واني دكتور كان الحين قدرت اساعدك، ويش يعرفني ويش يسوّن يابعد كلي ياخوي، تكفى انا لي بقلبي بس حبك فلا تخوفني عليك وقوم اصحى قبل لا اصيح بكل مايمديني من قوه، قوم حاكيني انا ماتحمل اشوفك نايم بكل ذا التعب والعناء
محمد اللي قطع عليه فهوته: اطلع يله وصلنا  "وحمل عماد وركض فيه للمشفى والممرضين يركضون وراه ويدلونه على الغرفه اللي المفروض يحطونه فيها بس نزار ما يقدر يركض ويلحقهم رغم كل المحاولات ويوم وصل عندهم لقاء محمد في الانتظار فجلس عنده"
نزار: وينه
محمد: دخلو فيه لهالغرفه
صوت جوال نزار اللي كان يرن بصوت نغم عادي يعني مب مسوي اغنيه:هاااه
ياسر:ويش صاير وي عماد
نزار: تصفق لين داخ ويليت جراحه قليله
ياسر: داخ قاعد تستظرف صح شلون يدوخ وهو ظرب عيال بزارين بصف سادس ما يوصلون لطوله ومستواه
نزار: مب بزارين ياياسر هذا رعد وخوياه
ياسر اللي فز من مكانه :باسل معاه
نزار: ايييه وجاء بدر وخذهم للمخفر
ياسر اللي رجع يقد: زين زين
نزار: ويش اللي زين وهم متوطين بعماد حييل
ياسر: تاذا حيل
نزار: حيييل وميل
ياسر: الحين عمي مطلق بيجيك
نزار: ياريت لني مب قادر حتى اوقف
ياسر: ايه احتريه ثواني ويصير عندك "وسكر الخط وعلم مطلق ومطلق ركض للسياره وراح للمشفى وهو متخرع على عماد عكس ياسر اللي كان متساهل بحالته وابد ما شدته همه ولو صغيره ان يفكر فيه لنه للحين كل فكره خيله وباسل اللي خذه والحظيره اللي انحرقت"
محمد اللي طلع جواله يتصل على ادمي حي: سمير ماعليه اببعثلك عنوان وتجينا
سمير: عنوان ليه عسى مافي شر
محمد: عماد في ثلاثه توطو في بطنه وسيحو دمه والمستشفى اللي جيناه الحين خارج عن ساعات الدوام وكل اللي يهتمون بعماد مجرد ممرضين
سمير: زين زين الحين بجيكم "وداس بنزين حيل عشان يلحق عليهم والتقو هو ومطلق عند الباب وركضو بعد ما سأل سمير محمد عن رقم الغرفه وسمير ركض لها بعد ما لبس كل شي يعطيه قدره كطبيب ودخل الغرفه مكان عماد فيه ولقاء الممرضات يعقومون في جراحه ويحاولون يقطعون مجرا الدم وكانو مسوين له فحوصات وكل شي جاهز وسمير اول ما شاف نسبة دمه اللي بالحيل قليلة شهق  وطلب دم بسرعه"
سمير: نبي دم بسرعه A-
الممرضه: اظن في عندنا ابجيبه "وقبل لا تركض وقفها ممرض"
الممرض: مهبوله كذا بسرعه تلبين ترى الدم اللي في مخازين الدم بالمستشفى بس للحالات اللي تجينا في وقت ما نلاقي فيه متبرعين
الممرضه: يس المريض بحاجة دم ولازم نلبيه
الممرض: تعالي ندور له متبرع
الممرضه: بس لا حزتها ممكن لا سمح الله نفقده
الممرض : قدر واراده من رب العالمين ويش نسويله يعني
سمير اللي عصب من حكي الممرض واخذ من ايدينه كيس الدم اللي كان رح يروح يطلب فيه دم من متبرع وحشر الابره في وريده لنه يدري ان زبرة دمه مثل عماد "
الممرضه: دكتور ويش تسوي
سمير: اتبرع له ويش اسوي، يله قومي شيلي عنه هالملابس شوفي شي نقدر نعقم جروحه من خلاله
الممرضه بتردد : ويش  ، بسـ
سمير معصب: ويش اللي ويش دخلتي هالمجال ليه اذا بتستحين
الممرض اللي فز لمعاد: خلاص انا بسويها خلي عنك هالعصبه
"وهنا ابتداء الممرض يقوم بشغل هو من الاساس مب شغله والمفروض المسؤل عن ملابس المريض شخص ثاني بس ويش حيلتهم دام سمير مررره مسيطر ويتحكم بالكل حتى لو انهم اول مرره يعرفونه.........
وبعد ما طلع سمير من دمه للكيس قام يوصله لعماد عبر وريده وابتداء يطلع زجاج كان داخل جرح راسه وسوى له غرزتين خياط وهالجرح كان من سبت اول ظربه تعرض لها من رعد يوم انه مسك في شعره وظرب راسه بالمراء"
وبعدين ابتداء يشف باقي جروحه ويعالج فيها ويسويله كل الازم عشان يتحسن ويطيب وسمير دايم في شغله دقيقي واي مريض يدخل عنده ما يطلعه الا وهو مسويله فحوصات من ساسه لين راسه، يفحص كل شيء فيه ويعطيه تقرير متاكامل عن كل مرض او صحى زينه فيه وهذا هو نفسه اللي سواه مع عماد بعد ما انتهى من كل الجروح اللي فيه وعاد بعد ما طمن نزار ومطلق عليه "
سمير اللي طلع لهم بعد اربع ساعات
مطلق: وينك عننا ليه تاخرت علمنا شلون صار الحين
سمير: توه ما صحى بس ان شاء الله زين
نزار: زين من صدق عشان اعلم امي عن اللي صار ولا اسكت
سمير: اصبر لين يصحى يكون ازين عشان ما يقلق حد من الشايبين عليه
نزار اللي انسدح في حظن مطلق: قلبي احسه حيييل يدقدق صدري
مطلق: لا تخاف تراه عماد ومارح يصير عليه شي
نزار: ترى قلبي ما يدق الا لنه عماد تراه غالي عليّ ما قدر اشوفه كذا
محمد اللي للحين واقف على نفس وقفته اللي وقفها قبل اربع ساعات وتوها مستديمه للحين: الحين ليه شباب بعمرك يانزار يكفخون عماد ويش وراكم
نزار: شفت صلاح ولد صابر
محمد: اييه
نزار: زهمنا نلبيه عشان نكفخ ءادمي تعدا حدوده ويهدد اخته واسمه باسل  وحنا لبينا وتهاوشنا من دشر لدشر باسل كان وي خوياه وحنا مع صلاح وكفخناهم فباسل شال علينا حقد ورعد اكثر لن عماد هو اللي توطى فيه بالحييييل لنه عصبه واستفزه وشوفه الحين لقاء جزاته حق التعصيب "
محمد: ايييه
مطلق: كان تستحقونها كلكم مب بس هو ليه تهاوشون ءاوادم ما تعرفونها
نزار: قلنا نلبي النداء ولو اني دريت ان النتيجه كسر ايديني بخوي كان لا رحت ولا تركته يرح لهم
سمير اللي ابتسم: كني بصدقك ترى كلنا ما صدقنا على الله لقينا هواش فركضنا نلبي ندائه
الممرضه اللي جات وبيدينها عصير وتقدمت عند سمير: دكتور اتفضل
سمير: ويش ذا
الممرضه: عصير دام توك متبرع بدم عساه يعوض ما فقدت
سمير اللي قبله: مشكوره
الممرضه: اهلا وسهلا "ورجعت تكمل شغلها"
مطلق بعد ما شهق: ليه تتبرع بدم يعني عماد بالحيل تاذا
سمير: تاذا بس مب حيييل واعمق جرح فيه هو بكتفه  اليسار والزجاج كان متكسر فيه والحمد الله طلع وعاد في كان اورده انقطعت فطرينا نخيطها وطبعاً لازم نعقم الخياط ما نبي عدم التزام وتوسيخ ياعمه فجيبه للمشفاء ولا تهملون صحته
مطلق: والله خوياي وكلوك انت بصحتنا فدبر عمرك
سمير: اقول يعني دامني طالب تصرفو معاه
مطلق: ولا احداً له فيه غيرك
سمير اللي قعد وسحب معاه محمد يقعد لنه شافه على نفس وقفته من يوم انه جاء المشفى وللحين: هون على رجلك ياخي ساعه واقف
محمد: عادي، المهم الحين عماد زين
سمير: ان شاء الله
نزار: كنت خايف يطلع شريانه انقطع لن الجراح كانت في رقبته حيل
سمير: اييه كان مره قريب بس الحمد الله جات سليمه وكلها اورده
الكل: الحمد الله
نزار: والاورده يعني ما تعور ليه تتساهل فيها
سمير: ماهي بخطورت الشريان ياولد عمي، اما بالنسبه للوجع واذا تعور فكل خدش يصيبك لازم يعورك فشلون وريد وخياط ما قول غير ربي يعينه ويرعاه
الكل: امين "وهنا الكل سند ظهره على كرسيه (كراسي الانتظار قدام باب الغرفه) بهدوء ... وبعد ثواني قليله فجاء صرخو كلهم من كبيرهم لين صغيرهم يوم انهم شافون عماد واقف عند الباب وهو حتى عينه ما يقدر يفتحها زين وكان يحاول يشد الشاش اللي ملتف على راسه لنه بالحيل ظاغط عليه وزاعجه، ويوم ان العيال قربو منه اللي يصارخ واللي يلوم فيه ليه ترك سريره عماد كان يناظرهم وهو بس يشوف فمهم يتحرك ومب سامع شيء من اصواتهم  وكل اللي قاعد يسمعه اصوات غريبه في اذنه ووجع حرفياً كان وده يجننه من شدته فرجع للغرفه ورا سمير اللي سحبه ورجعه لسرير، وتسطح  وهم يظغط على اذنينه الثنتين ويحس ان وده يصيح"
نزار يهز كتفه: عماد ويش بك ويش تحس
سمير: عساء مافيك شر
عماد اللي قام يظرب على راسه: خلاص من وين هالاصوات
سمير:؟!!!
محمد: اكيد فيه شي دبره
سمير اللي شد ادين عماد وخله بالقوه ينتبه له: ويش بك
عماد اللي حس انه يسائله برغم انه مب سامع كلامه وكل اللي قاعد يسمعه كان مررره غريب ما ينوصف: اذني ياجماعه مب قادر اسمعكم
نزار اللي مسك على قلبه: ويش تصنف هالشي ياسمير
سمير اللي فتح ملف اوراق كل الفحوصات اللي سواها لعماد: مافيه شيي
عماد وهو يضرب على راسه: خلاص اعقل عني ياذا الصوت
نزار: تهقا طق العصا اثر على سمعه انا شفته باسل ظربه على راسه
سمير: ياخي سويت له فحص كل اجزاء الدماغ زينه ما تظررت اكيد الخلل في اذنه لازم يطلع فيها شي "ولف يناظر اذا في حولهم ممرض ولقاء واحد قاعد عند مريض غير عماد بنفس الغرفه".... هااي في عندكم دكتور تخصصه ب الاذن والانف والحنجره
الممرض اللي قام يناظر ساعة يده: ايييه دوامه الحين ممكن يبتدي
سمير: فز ناديه الله يقويك
الممرض: ابشر" وراح ركض وتاخر عشر دقايق وهو يحتريه وخمس دقايق فوق العشر وهو يجيبه وبهالوقت كان عماد حرفياً بيجن من ورا اذنه اللي بالحيل شدت عليه وجعها وكان شوي يقعد وشوي يقوم وشوي ينسدح ويرجع يقوم لين جاء دكتور الاذن وسطحه عشان يفحصه وابتدا يفحص فيه واكتشف ان في ماء حيييل باذنه وملوث وكله دم  وقرر يشفطه وينظف اذنه وفعلاً ابتدا بشغله وعماد وجعه مع كل حركه يزيد ووده يصيح بس مب قادر وكلشي فيه تلخبط مادرى من ويش يصيح وجع جسمه ولا كتفه اللي الدكتور كان ظاغك عليه وهو ينظف اذنه وهو مايدي انه فيه متاذي وعاد عماد كل ما حرك رقبته تلاقي غرزات الخيط اللي فيها تعوره "مكان الوريدين اللي انقطعو منه " وعاد اذنه وراسه اللي من وجعه يحسه بينفجر وعاد الدوار اللي كاسس فيه بغى من وراه ينتحر.................