/////////////////////////////////
" البارت الثالث "
////////////////////////
واول ما خلصت ياسمين رقص وانتهت الغنيه البنات صدو غيرانين والشايبات يصفقون والمطقطه ما قصرت بالمدح لام الفستان الاسود اما جوري فماهي بعروسه وماخذه راحتها للاخير وكل ثانيه وهي بمكان وتاركه الكرسي للبنات يقعدون فيه "
ياسمين: روحي قعدي ياشيخه
جوري : تعالي وياي
ياسمين: حسبي الله على ابليسيك يله مشينا تراكي بتعرسين فالهدوئ والعقل والثقل ظروري
جوري: زين زين فهمنا
ياسمين : ايه وحنا ما شاء الله شفنا انو حظرتيك فهمتي كلامنا
جوري: بتشوفون اصبرو بس يوم يجي سعود ياخذني وبثقل حيل
ياسمين: ما نبي تثقلين كل اللي عليك توزني طوليك وتقايسين حركاتيك مب مثل البزارين لبسو فستان ابيض حوسو فيه كل الصاله
جوري: مللل يبنت ملل وبعدين ظهري حاسه انه انكسر خلاص وجعني من القعده
ياسمين: تعالي قالت انكسر يله قعدي "وقعدو والبنات كملو رقص وجوري منشبه في ياسمين وما فكتها والبنات فالينها مشروبات وصراخ وصفير ورقص ودلع لين جاء المساء ووقت الزفه بدا وبيدخل المعرس للمعازيم ويشوفنهم يطلعون وي بعض وطبعاً كل بنات الصالون تحجبو والعمات بعد الا ام سيف اللي هم كلهم خوانها وعيالهم وكمان بنات العمات ما تحجبو لانهم بالعاده ما يسونها وماحد من العمات اعترضت على تصرفهم فجلسو بكشخاتهم ودلعهم وكلشي عادي وطبعاً نزلت ياسمين عن المنصه وبدو العمام يدخلون واحد وراء الثاني وع الدرج ينزلون ببطئ والمصوره تصورهم وبعد العمام كان سعود وبعده كانو جيش بني حبيش مره وحده وياسر في الاخير كان قاعد يربط حبل جزمته"
نزار: علمو من في الصاله يسمو بالله لا تجينا عين حسوده على هالجيش الاستراتيجي
فايز: افاااااا ذيك الخبيثه ما ازينها
فهد: اي والله متسنعه زين
سمير: هش لا يسمعكم ياسر ويلعن خيركم
سعد: ناظرون شعرها وين هو فيه مب مثل البنات كلهم قاصينه
نديم: ايه والله ياسمين شعرها للخصر وازود وهذول ما يستر حتى رقبتهم
نزار: صدقت
عبد الله: يازين نور شهالعنان بالله ويش هالكشخه وويش هالطله الزينه
عماد: هش هش عز الدين ورانا
عز الدين: كن البنات ما درو ان حنا فيه؟
سعد: ليه؟
عز الدين: اثرهم مالبسو ولا تسترو
سعد: لا ياولد عمي هذول كذا دايم ما يتحجبون مننا مثل الاخوه حنا ودامهم تربو معنا من زمان صرنا شي واحد والحجاب هذا ابد ما يلبسونه الا يومنك جيت تسترو يومين وبعدها ملو مثل مانت شايف الحين
عز الدين: هااا اخوه قلتلي طيب وذا البزر اللي قدامي من شوي انا سامعه يتغزل بنور
عبد الله والخرعه مليون: شنو لا ابد
نزار: ياخي هذا حب بزارين يكبر وينسى ماهو بصادق
عز الدين: بزارين هاا ترى عمره ٧١
سعد: بزر ياولد عمي اصبر عليه باكر بيعقل عنها
عز الدين: نشوف اخرتها وين
نديم: ايه لا تخربون الفرحه علينا الحين ويله توكلنا
سمير: ايه صح
فايز: يله ياخوي الحق
ياسر: الحين ما بقا غير هالحبل "وربطها ووقف واول من صادت عينه كانت ياسمين وعجز يبعد عينه عن زينها فرفع ايده وحطها على عنانه لجل انه ما يناظرها"
ياسر: الله شهالزين ياربي والله اغار من عيني عليها وبعدين هي ليه ما تسترت دام العيال فيه بسيطه حسابيك عندي يايسمين "وراح للعيال وعينه بالغصب ماسكها عشانه ما يبي يشوف ياسمين بهالزين اللي يهبل بالحيل...... اما سعود واللي هو معرسنا اليوم كان بالحيل متشفق لشوفت جوري ويوم شافها ما شال عينه عنها ابد ونظراته كانت تذبح بجد بس ماحد منتبه له غير العيال اللي ما شالو عينهم عنه ابد ويراقبون كل تصرفاته... اما جوري فطول عمرها مهبوله واخر من يركز"
ياسمين: شهالنظرات اففف راحت فيها جوري ههههه
ام عز الدين: تكلمين منو يالمجنونه انتي قومي روحي لبسي يله
ياسمين: البنات ما لبسو
ام عز الدين: وهم من زمان ما يلبسون بس انتي انا علمتيك ع الادب فيله روحي البسي
ياسمين: يله ثانيه بس: وراحت تركض لجوري
جوري: خير شفيك خربتي الصور وخري كذا ابوي جاي
ياسمين: بقليك شي مهم وركزي معاي
جوري: قولي
ياسمين تهمس لها وتلحن كلامها بعد كانها تغني: ٣٢ سنه محروم.. اه ياقلبي المغروم لو كان ما حبيته "وراحت ركض"
YOU ARE READING
احفاد جدنا كلنا في الحب ابتلينا وانصبنا ♡ وحب صباء ولد عمتنا سكن قلبه واتلفه.
Randomاحفاد جد في بيت واحد يجتمعون الله يعين كل من هو في هواء حبيبه مفتون ♥♥🌹 الكاتبه: عشق الدوسري 💦 لا احلل النقل❌ 🚫او الاقتباس🤨🚫 لهجة الروايه سعوديه
