"اللهم صلي وسلم وبارك على سيدنا محمد وعلى اله وصحبه وسلم"
"سبحان الله وبحمده عدد خلقه ورضى نفسه وزنت عرشه ومداد لكلماته"
/////////////////////////////////////
" البارت الخامس "
//////////////////////////
اتمنا من الجميع متابعتي
والتصويت
للاستمرار
👇🏻👇🏻👇🏻
"وبعد ساعات السفر وصلو الباحه
وسيف كان يحاول يتذكر وين البيت فيه وقضو نص ساعه يدورون
المكان وبعدها سيف واخيراً تذكر اماكن لعبهم وبيتهم ودل عز الدين ع البيت وفعلا ً وقفو قدامها ونزلو من السياره وقعدو يتاملون المكان وسيف يناظر البزارين يلعبون مكانه المفضل حق زمان وبدت الذكريات ترجعله اكثر واكثر فراح طب على باب البيت ودق الباب"
سيف اللي قام يشعر :
في رحلت الشوق إلى حنين
طرقت الباب في وقت الشروق فلم تجيب
انتابني حزنا ً، اين هي؟
اولم تشتاق لي؟
ايعقل انها خذلتني هنا ا!!!
ام ان عقلي هو من خذل بنسيانِ بيت الحبيب ولم يصب
عز الدين: دامهم مب فيه اكيد بالشرقيه تعال نروح لهم
سيف: دقيقه ابفلها مع هالبزارين كره "وراح يلعب"
عز الدين وهو يضحك: انتبه لا تطيح واحد مافيني حيل اراضي بزارين
سيف: هذول دير ما يصيحون ولا يبونك تراضيهم
عز الدين وهو يضحك: ماهم بزارين يعني ولا شنو
سيف: تعال العب بس
عز الدين: مابي، العب انت وانا بشجعك يله
سيف: ياشباب العب وياكم
البزارين: وشهو!!!
سيف: لا تسؤون فيها ما تسمعون ابلعب كره وخر انت وياه
بزر: شف طولك وين تلعب انت
سيف: اشبه طولي تراني قصير وقت العب وطويل وقت الجد
بزر: ياولد عمي اكيد هذا قانون نيوتن للعيش
سيف: اقول لاتسويلي فيها نار منشبه وخر ابلعب ارمي هالكره وخررر
بزر: دامك مصر حنا موافين بس ننقسم فريقين ونلعب
سيف: يله تقسمو يله
بزر راح لعز الدين: تعال العب معانا ونخسر هالطويل دامك طويل مثله لا تردني بالله ياعم لا ترد منهو طالب منك العون
عز الدين: زين زين ابلعب يله تعال "وراحو للبقيه وحظراتهم كانو متجهزين ومتقسمين فريقين "
سيف: راح تلعب
عز الدين: اجل وشلون اتركك تخسر هالبزارين
سيف: زين يله ابشوف مهاراتك
عز الدين: مايمديك تشوف ياحباب اركل هالكره "واول ما جات عنده سجل هدف"
سيف متوهق: تتوه ماقلنا انطلاق
عز الدين: ليه حظرتك حكم مافي حكم هنا هااااي يالفريق سجلت هدف
البزارين يشجعون: هااااااي عاش الاسمر عاااااش
بزر: شسمك انت
عز الدين: الاسمر
الكل: هههههههههه
سيف: لا تهبل عاد ترى بيصدقون
عز الدين: اسمي عز الدين
سيف: ويش ذا مين هالمزعج اللي يدق بوري كذا "ولفو يناظرون وكانت سياره جيب مسرعه وقدامها ناقه "
البزارين يصارخون: ناقه ناقه اهربو اهربو
عز الدين: لا تخافو الناقه بعيده
بزر بصياح: هجت الناقه الحين بتقتلنا
بزر ثاني بصياح: رح ترفسنا
سيف: تعال انت وياه "وحمل هالاثنين اللي كانو اصغر البزارين واخذهم لسيارة عز الدين اللي كانت قريبه ودخل معاهم لانه بعد خايف، وبنسبه للبزارين الباقين فهم ركضو قريب البيت وكانو مستعدين انه لا قربت الناقه رح يدخلون اول بيت يشوفونها قدامهم بغض النظر عن بيت مين رح تكون..... اما عز الدين فلاحظ ان في سياره جيب (يعني فيها كرسي السواق واللي جمبه والباقي مفتوح) تحاول تلحق الناقه فركض عشانه يبي يلحق الناقه ويحاول يوقفها رغم انه المتعارف عليه ان الناقه لا هجت ما توقف الا مع حد تالف له بس عز الدين ما اهتم بهالسالفه وكل همه كان انه يوقفها قبل لا تروح عند البزارين وتخوفهم ويوم ان الناقه تركض بخط مستقيم عز الدين ما كان يركض من وراها او قدامها لا جاء لها من ناحية اليسار والناقه مب منتبهه له واول شي سواه عز الدين انه رما نفسه بكل ما يمديه من قوه على بطن الناقه والناقه المسكينه توهقت لانها ماحست فيه وهو يركض ناحيتها وطاحة ع الارض وماقدرت تتحكم بتوازنها وتشقلبت بالارض مرتين وبعدها وقفت بسرعه وهي بحالة ارتياع من اللي صار وعز الدين مسكها من زمامها فعجزت تهرب منه"
عبد الحميد »عساكم مانسيتوه»: مشكور ياخوي ماقصرت
زيد وهو يضحك»عرفتو بعد زيد منو»: الناقه انهبلت تقول ويش صار انا كنت اركض بس وين وصلت
عز الدين: ههه وانت الصادق بس ابي اعرف اشبها ويش اللي خلها تهج بذا الشكل وانتو وراها بسياره
عبد الحميد: كنا بننحرها وقبل لا ناخذها للمكان المطلوب ولد ذا النشبه "وسدح زيد بشويش" راح مطلع السكين ويحدها قدامها ويهددها ويتحلف وقرب منها وحنا مادرينا الا نشوفه راكض والسكين بدينه والناقيه وراه
زيد وهويضحك: ويش اسويله تراه مغامر وتصرفاته شيطانيه ياخي انا وانا بعمره واكبر بعد كان ابوي يكففني بس عشان ادخل معاه العزبه ويوم ادخل معاها اقضي يومي كله صياح حتى وانا نايم بنص اليل اصيح
عز الدين وهو يضحك: اثره ترك ابوه على جنب وشاف جده عشان يطلع له
عبد الحميد: بعيد عن كل شي انا احس اني اعرفك من قبل بس قاعد اقلب بصورك بعقلي ولا دريت وين شفتك
عز الدين: افاا وانا اللي اقول انه ذكرني بس ماصار
عبد الحميد: بالله من انت ذكرني
عز الدين: شوف انا انسى عمري ولا انسى زباين تعاملت معاهم تراك شايفني مرتين مره بالرياض ومره بالشرقيه
عبد الحميد اللي ضرب على راسه: اييي ذكرتك عز الدين صح
عز الدين: ايه
عبد الحميد : شوف انا ما نسيت يوم اني عزمتك وانت رفضت وقلت لي لا شفتني مره ثانيه حزتها بجيك ورجلي على راسي
عز الدين وهو يضحك:قلت كذا لني تركت الشغل ماهقيت القاك من ثاني
عبد الحميد : شوفني مسكتك الحين يله معاي نروح ننحر هالحيوانه اللي خلصت البنزين بالسياره ترى من العزبه لين هالمكان وانا وراها سايق
ولد زيد اللي نزل من السياره واسمه رائد: يبه يبه ابغى ماما رغد يله نرح لها
زيد اللي قرص اذنه: انا كم مره علمتك تقول ماما بس
رائد بلهفه: مسكتو الناقه دقيقه بجيب السكين "وهرب من ابوه وراح لسياره"
عبد الحميد : يا صادق الحق على ولد زيد لا تتركه ياخذ السكين
صادق»ولد عبد الحميد »: مسكته يبا لا تشيل هم تراني مخبي السكين عليه بس هالبزر مهبول اثره قام يصيح ويبي امه رغد
عبد الحميد : ماعليك منه
عز الدين: مسوي انك شاطر وهو المهبول يعني
صادق بعصبه لن عز الدين استفزه: اييي انا شاطر ماقول اسم امي كل ما بكيت ولا اقل لبوي ابغى ماما نجلا
عز الدين اللي ضرب على راسه: ويش هالبرائه اقل نسمة هواء تهزه
عبد الحميد : فشيله
زيد: مسوي ولدك رجال توه قال اسم امه
عز الدين: ماعليه بزارين باكر يكبرون ويعقلون عن هالسوالف
عبد الحميد : زين يله تعال معانا ترى اليوم عمي فيه بيتغدا وبعيدن بيطلع المدينه وحنا ابطينا وحنا نركض ورى هالناقه يله مشينا اشبك واقف
عز الدين: تراني مب وحدي معاي ولد عمي وياي
زيد: اهلا وسهلا تعال انت وياه على العين والراس
عبد الحميد : تعالو الاثنين ياهلا فيكم
عز الدين: ماقصرتو والله، ياعبد الحميد ابسالك
عبد المحيد: سم
عز الدين: هالبيت المسكر حق فيصل فؤاد
عبد الحميد : اييي حقه بس بعد المشكله مع ذاك جدك ابو عبد الرحمن وعبد الرحمن نفسه
عز الدين: وانا بعد
عبد الحميد وهو يضحك: اييي غير بيته بعيده شوي عن هنا بس مايقعد فيها حيل الا اذا بغى يزور اهله وخوانه ولا تلقاه دايم بالشرقيه خلاص كره هالديره باللي فيها
عز الدين: اييي شوف انا ودي اطلبك بطلب
عبد الحميد : امر
عز الدين: هو صار يدري اني كنت مامور يوم هددته وطلبت منه السماح وسامحني بس مدري ليه مانيب حاسس انه سامحني من قلبه وودي منك تلقاني فيه من ثاني
عبد الحميد : اكيد سامحك تراه طيب وطلبك على راسي الحين نروح نتغداء وتشوفه
عز الدين: بتاخذني له يعني
عبد الحميد : اييي يله بس الحقنا بسيارتك ، وانت امسك الناقه زين واطلع بالجيب من وراء عشان تمسكها زين
زيد: زين زين
عز الدين: يله "وتفرقو كلن لسيارته"
سيف: خلاص لا تبكون الناقه مب فيه لا تخافون
البزر بصياح: راح ترفسنا
عز الدين يصارخ: انزل انت وياه
وهنا البزارين الاثنين نزلو ركض برعب ووقفو يناظرونه ويش بيقول: تقلعو يله كلن يروح حظن امه
سيف: بشويش عليهم تراهم خايفين
عز الدين: ترى الناقه مب فيه خلاص لا تخافون يله قم انت وياه روحو البيت وهناك تقدرون تخافون براحتكم يله يله
سيف يهمس: انتبه لا تكون ام بزر من هالبزرين تناظرك من الدريشه والله لتطلع تنثر ظلوعك او راح ترميك بالزبيريات من الدريشه ورح تسبك بعد
عز الدين: ليه بس تراني ما كفختهم
سيف بهمس وهو يضحك : هذول دير مايتفاهمون رح تلعن خامسك وبعدين تقلك اي شي الا ولدي
عز الدين: الله يقلعك قم قم تقلع اقعد وراء يله قبل لا تهب علي الزبيريات
البزارين اللي كانو هاربين من الناقه والحين ردو: شفتو شفتو الاسمر شلون قلب الناقه
بزر: قلبها مرتين
سيف: متى صار ت هالسالفه
عز الدين: اترك السالفه لصحابه واسمع اللي عرفتة عن ابو حنين فيصل
سيف: قول فديتك ويش عرفت
عز الدين: هم نقلو من هالبيت لبيت ثاني بعيد شوي....والحين بنروح نتغدا مع واحد صديق لي وبعدين هالصديق بيدلني على فيصل وبيته
سيف: لازم الغداء يعني
عز الدين: ايييه لنه من زمان عازمني ولازم اروحله عشان يدلني على فيصل
سيف: ايييي طب انا عندي اقتراح
عز الدين: قول
سيف: شوف هالبيت "وياشر عليه"
عز الدين: بيت فيصل القديم
سيف: ايه واللي جمبه كان بيتي انا وامي وابوي الله يرحمه
عز الدين: الله يرحمه
سيف: واللي جمبه بيت جدي ابو عامر واكون قليل اصل دامني جيت عنده ومادخلت اشوفه تراني من زمان عنه
عز الدين: اييه ويش هو اقتراحك
سيف: اقول لو تروح انت تتغدا عند صديقك وانا ادخل اتغداء بيت جدي واتفقد احاوله ويوم تخلصون انت وصديقك مرلي قبل لا تروح لعمي فيصل
عز الدين: مب شين هالاقتراح بس يمديك تقعد مع جدك بس لين وقت الغداء
سيف: المهم امرله طريق وبوعده اني بجيه مره ثانيه
عز الدين: زين مثل ما تبي يله رحله ولا تضيع الوقت وانا بروح اتغداء وجيك
سيف: زين يله فمان الله
عز الدين: فمان الكريم "وتفرقو عز الدين لحق عبد الحميد وسيف راح يدق باب جده بحيا وهو مايدري شلون بيقابله وشلون رح تكون ردت فعله"
بز: وين داخل انت
سيف: هذا بيت ابو عامر صح ولا اني اخطيت
البزر: الالا بيته وهو جدي
سيف: اجل شسمك انت
البزر: عامر
سيف: احلف
عامر: ليه بس احلف
سيف: ابد بس هالاسم غالي علي
عامر: زين وخر ابدخل بيتنا
سيف: زين ماعليه تقل لجدك ان في حد بره يبيه
عامر: منو انت مين اقله
سيف: قله يطلع بس وانا بقله مين انا
عامر: مارح ادخل الا ان قلت من انت
سيف: زين قله في واحد بره اسمه سيف وطالبك تطلع له
عامر: زين يله "ودخل البيت من الباب اللي كان مفتوح وسيف كان واقف يحتريه"
ابو عامر: بلاك تركض
عامر: ياجدي في واحد بره يبيك واسمه سيف
ابو عامر اللي فز: شسمه
عامر: سيف
ابو عامر: شلون شكله بزر ولا شب ولا شايب
عامر: رجال مشنب
ام عامر: رح شوفه ويش يبي منك ولا يروح حسك بعيد تراه غاب فتره مستحيل يقوم يذكرنا الحين
ابو عامر: ابشوفه ياام عامر وان شاء الله هالولد هو ريحت عامر ولدي وذكر ان له اهل ومحبين "وطلع له بخطوات متسارعه وعامر البزر راح معلم الكل وكلهم كانو يناظرون من الدريشه عشانهم يبون يتاكدون"
ابو عامر: هلا امر ويش بغيت
سيف: يازين الزين توك مثل ما انت لا عجزت ولا تغيرت
ابو عامر متوهق: منو انت
سيف: سيف ولد عامر اسمحلي ابوس راسك من بعد اذنك ورضاك لني اخطيت يوم ابطيت بالصده
ابو عامر: يااولد ولدي وراك راجع لبوك خذت الطول والرزه عافيه عليك يارغد ما قصرت وكبرتك
سيف: اييي امي رغد تبي تجيكم وتسلم عليكم بس ما تقدر ولا خوالي سمحو لها انها تجي وانا احتريت يوم اني عرفت الطريق وجيتك
ابو عامرالي حظنه: ياهلا فيك متى ما بغيت تعال ادخل البيت كله يرحب فيك
سيف اللي نزل يبوس ركبة جده: يخليك لي ياجدي واتمنى تسامحني على كل تقصير
ابو عامر: اسامحك شلون ما سامح وانت الغالي ولد الغالي تعال تعال "وطق كتف سيف بفخر ودخلو ثنينهم وكل عمام سيف وعماته رحبو فيه وعيال عمامه بعد وقعدو يسالونه عن حياته وشغله ودراسته وهو يرد عليهم وهو سعيد من سعدهم وقلبه حن لايام زمان والطلعات اللي كان يطلعها مع جده وحيات الدير وايامه اللي كانت كلها حنين حبه ومرته بلعب البزارين.......
وبنسبه لعز الدين فهو لحق عبد الحميد وزيد ولقاهم متوهقين ولا قدرو يتصرفون مع الناقه"
عبد الحميد : اشبك امسكها زين
زيد: ياخي ماهي موافقه تقرب عشان اربطها
عبد الحميد : امسك زمامها يالنشبه
زيد: ناظر شلون لفته على رقبتها ولا جيت باخذه تهددني هااا ناظر شلون تبي تعض يدي
عبد الحميد: على اساس اول مره ننحر ناقه بسرعه تصرف
زيد: ليه انت ما تتصرف ولا انت شيخ يعرف يامر بس
عبد الحميد : تعرفني من زمان عن الديره وهالسوالف
زيد: اجل انا اللي قاعد بديره وكل يوم انحر ناقه ترى حالي من حالك وشغلي الشاغل كله بالرياض
عبد الحميد: والسوات
عز الدين اللي جاء وهو رابط اسفل ثوبه بخصره وشال زمام الناقه الملفوف عن رقبتها والناقه ركلته بشويش في رجل فقام عطاها كف بين عيونها عماها لثوان وشتت انتباهها عنه وهو شدها وربطها بالشجره ورجع يقيدها ويجهزها لنحر وزيد وعبد الحميد مكتفين ادينهم يناظرونه وتاركين كل شي عليه وهو فعلا ً نحرها ورجعو بعد النحر يساعدونه ويجهزون اللحم وطبخوه ثلاثتهم بالعزبه وخذوه جاهز لبيت فيصل وقعدو بالمجلس يحترون فيصل وخوياه يجون عشانهم بيتقطعون الجوع من بعد هالعذاب والركض اللي صار من وراء الناقه "
عز الدين: اعمل حسابك بتاخذني لفيصل بعد الغداء
زيد: يالسبيكه فيصل هنا بيتغداء معانا
عز الدين: لا تهبل عاد
عبد الحميد : ايي ترى فيصل عمي
عز الدين: وشهو الحين فيصل فؤاد هو ذاته عمك
عبد الحميد : ايييه
ابو زيد: السلام عليكم "وهنا ثلاثتهم فزو وقامو يسلمون على ابو زيد اللي جاء ووراه كان فيصل ابوحنين ونجلا وزيد هو ولد عم حنين يعني ابو زيد وفيصل اخوه"
عز الدين في نفسه: هذاء هو نفسه شفناه بجده وهو ذاته عم عبد الحميد يليتك ياسيف جيت وياي ولا قمت تسويلي مقترحات وسوالف قلت اصل
فيصل: عز الدين ياهلا والله
عز الدين: هلا فيك يا عم "وفز يسلم عليه"
ابو زيد: بقا حد تحترونه
زيد: حتى لو بقا والله يبه جوعان حدي
عبد الحميد : اصبر ترى خلاص كلنا اجتمعنا وما بقا حد
فيصل: زين زين يله سم بالله وكلو ياعيال يله تفصلو
العيال: زاد فضلك "وتمائدو وابتدو ياكلون بعد ما سمو بالله"
عبد الحميد: ياسندس تقلعي كلي مع الحريم
سندس( بنيته): ابغى اكل هنا لن فيه لحم كثير
عبد الحميد : تصدقي الشرهه مب عليك الشرهه علي انا اللي ربيتيك تقلعي يله
صادق اللي قام وحملها وحملها كان سهل عليه دامه ١١سنه وهي ٤ سنوات: خلاص يبه ابتصرف معاها
سندس: اتركني يالنشبه وخررر
صادق: ماما مسويه شي يطير العقل عشانتس تاكلينه بروحيك روحي شوفينها "وحطها باخر المجلس عند الباب وهي طلعت تركض وهي تنادي بكل صوتها"
سندس: نجلا وين الغداء يانجلااااااا
عبد الحميد اللي اختنق: قححححح قححححح "وجاته سدحتين على ظهره وحده من عز الدين والثانيه من زيد: صحه
عبد الحميد : اااففف اليوم اختنقت وباكر بنجلط اكيد
ابو زيد: هون على نفسك باكر يعقلون عن هالسوالف
صادق: اروح اكفخها يبوي
عبد الحميد : لالا بس اقعد كل انت
صادق: لبيه" وقعد يكمل اكله "
رائد: هذا منو الجديد
زيد: من الادب لا تحكي وانت تاكل كم مره قلتلك
رائد: هاااتااااا صح ذكرت ما قصرت يبه كذا ابيك دايم تذكرني
زيد في نفسه: هالولد بينحرني
سندس اللي رجعت : يبه وين نجلا
عبد الحميد : ماتتت
سندس اللي شهقت: تقول كذا عن نجلا بسيطه بعلمها
فيصل: شوفينها بغرفة خالتك اركضي يله
سندس: ماهي بغرفتها الحنين شفتها
صادق: اجل بالمطبخ
سندس: صح ما شفت" ورجعت تركض وهي تنادي بسمها "..... نجلااااا
زيد: خلفه تشيب الراس
عبد الحميد: وانت الصادق
زيد اللي طق عز الدين بشويش: عقبال ما تجيك هالخلفه من بنت الحلال الا قلي للحين ماعندك ولد" وهنا عز الدين توهق ماهقا منه هالكلام واختنق بلقمته والوقت ما امدها يقول بس لف لوراه وبدا يقح باختناق وقام يركض لحمام المجلس وعبد الحميد لحقه بماي ركض "
زيد:عساي ماقلت شي يستاهل
ابو زيد: يعلم الله خله يرد ونستفهم منه "وشوي ورجع عبد الحميد وهو يسحب عز الدين من ايده ويحلف انه يدخل"
عز الدين: والله كفو ياعبد الحميد بس خلاص شبعت
عبد الحميد : يله عاد تراني حلفت بتقعد يعني بتقعد ترك توك ماكل بس لقمتين"وبعد نقاش وحلف من فيصل وابو زيد رجع قعد يكمل اكله وهو ميت حيا من اللي صار"
ابو زيد: عاد لا تستحي هالسوالف تصير دايم
زيد: اييه بس ابعرف ليه يوم اني سالت اختنقت غلطت بشي
عز الدين: لا بس توهقت ماهقيت ذيك الكلمات منك
عبد الحميد : توه مب معرس عشان يطلع له خلفه تشيب الراس يالسبيكه
زيد وهو يضحك: زين عادي غلط يصير دايم
عز الدين بحيا: اي صح بس مدري شلون صار
رائد: يبه تحملتك كثير صح من شوي تقلي لا تحكي وانت تاكل
زيد: خلاص سكتنا
فيصل وهو يضحك: اييي علم ابوك وفهمه شاطر يارائد
زيد: ياعم لا تزيد تقويه وتشجعه والله جلطني
صادق اللي نزل لقمته من يده بغضب وابوه انتبه عليه: شبعت
عبد الحميد: لالا اقعد خلاص والله بنسكت
صادق: ساعه ما سكتو تلوعون الكبد
عبد الحميد: خلاص سكتنا لا تشبها "ورجع صادق ياكل وعز الدين منصدم من هالدلال اللي هالعيال فيه فطلعت منه جمله بهمس طلعت بنفس الوقت من زيد وعبد الحميد: انتو اللي تلوعون الكبد بزارين اخر زمن والله" وهنا كلن من زيد وعبد الحميد وعز الدين ناظرو بعض وابتسمو ورجعو يكملون اكل بهدوء وبعد الاكل ماخلت القعده من الظيافات والسوالف اللي كان زيد يحكيها عن اللي صار مع الناقه والكل منفطر ضحك من سوالفه وبعد ماخلص زيد يحكيلهم هالسالفه وهم صارو منفطرين من زود الضحك قام فيصل عشانه كان مجهز لسفر وعلم عبد الحميد يطلع يجهز السياره ويشيل الشنط وعبد الحميد وزيد راحو يشيلون الشنط وهم للحين يضحكون على اللي صار معاهم وعز الدين شال شنطه معاهم بس عبد الحميد حلف ما يزيد يحمل ورجعو دخلو هو وزيد عشان يجيبون الشنط الباقين وعز الدين ما صدق على الله انه لقاء فرصه وراح طالع بسيارته وداس بنزين عشانه يبي سيف يلحق على فيصل... وعبد الحميد وزيد توهقو يوم طلعو وما لقوه بس فيصل لهاهم عن التفكير فيه وانشغلو بتوديعه.......... وعز الدين راح لبيت جد سيف وناده من بره وسيف بهالوقت كان يتغدا وكل الاهل حوله بس يوم انه سمع صوت عز الدين نزل لقمته بعجل وطلع ركض والشي الوحيد اللي قاله..:.. بالعافيه عليكم انا شوي وراجع "وركض لعز الدين وعز الدين خذه بسياره وفهمه كل السالفه ع الطريق ويوم انهم وصلو كان سيارت فيصل مب فيه وما لحقو عليه وعز الدين عصب بالحيل وظرب يده بسيارته"
عز الدين: ليه بس لييييه
سيف: حشى ابطيت يعني
عز الدين: بس ماعليه بنروحله لشرقيه باكر عبد الحميد بيلحقه وانا بخليه يعلمنا وين بيته بالتحديد ويعزمنا عنده
سيف ينافخ: طريقك ياالباحه ما جمعنا عسى الشرقيه لها في جمعتنا قسمه، بس ياولد عمي ويش بيصير اذا عبد الحميد ضيعناه بعد فيصل حزتها ويش يعرفنا وين بيت حنين ووين هي فيه من الشرقيه بكبرها
عز الدين اللي تنهد: اذكر الله ترى عساه خير وان شاء الله اللي قلته ما يصير وعبد الحميد يستحيل يضيعنا..... الحين تعال نرجع جده وبعدها نتفاهم
سيف: ابروح اودع جدي واجيك
عز الدين: زين خذ السياره وانا بطلع مشي للطريق الرئيسي ونلتقى فيه
سيف: اللي تبي
نجلا اللي واقفه عند الدريشه: مين هالاثنين انا اول مره اشوفهم بهالديره
رغد اللي فزت وركضة تناظرهم: وايييي زينين
نجلا طقتها بشويش: اكسري عينتس لا تصيبينهم عين واكتفي بزيد رجلتس يالمهبوله
رغد بدلع: فديته بعد قلبي راجلي بس انا ما قصدت بكلامي غير ان اشكال هالاثنين مب ديرين ناظري الطول والاثواب الزرقه وماهم بمشمغين ناظري البياض اللي في ذاك اللي مسوي سبايكي والسماره الزينه في صاحبه
نجلا: يمكن يكون كلامتس صح وممكن لا
رغد: اييي اكيد بس تصدقين ويش اللي فكرت فيه يوم سالتيني عن هالاثنين اللي واقفين بره
نجلا: ويش فكرتي
رغد: راح فكري لسيف ولد عامر جارنا القديم وفكرت انه رد يدور حنين حب عمره وبعد قلبه القديم
نجلا: ويش اللي سيف يالمهبوله هذاك بالمدينه متنعم وعايش حياه ابوي بكبره ما عاشها لو تشوفين البيت اللي راح سكن فيها بجده تنهبلين من كبرها وزينها
رغد اللي طقتها : ويش علاقة البيت بحبه يالنعجه
نجلا: اقول يعني اكيد حبله والحين تلقينه متزوج وبحظنه بزرين ثلاثه
رغد: عبد الحميد بكبره ما عنده الا ولدين اثنين وشوله سيف يصير عنده ثلاثه
نجلا: اقول يمكن تزوج اثنين
غدير اللي دخلت عليهم: حشى ويش مذكركم بسيف يعني حنين بكبرها تنساه تجون انتو وتذكرونه
ساره: وبعدين ويش موقفكم عند الدريشه تعالو اقعدو ترى في ضيف غريب تغداء مع العيال بره
غزيل: يله سكرو الدريشه لا اعلم ازواجكم باللي تسونه
عبير: تناظرون الخلايق ويش يسؤون وتاركين السفره لمين
رغد: تراتي حامل ماقدر
غزيل: اقول ويش موقفك عند الدريشه بطولها
رغد: بغيت اشم هواء والحين خلاص بقعد بس ابيكم تجون وتشوفون هالولد الابيض الطويل تراني يوم شفته ذكرت سيف ولد عامر جارنا القديم مدري ليه
ساره: وشهو سيف ولد عامر "وركضو كلهم يبون يناظرونه ولحقونه باخر لحظه قبل لا يطلع السياره"
غزيل: حشى ويش اللي سيف ناظري طوله اذكر سيف كان قصير وحنين اطول منه
نجلا: وانتي الصادقه
عبير: يمكن المدينه تزيد طول الحي وتزيده زين وحلا
نجلا: يعني ما بقاء بهالعالم الا سيف اقول اعقلو عن سوالف رغد اللي ما اشتريها ولا حتى بريال واحد
رغد: اثريك ما تفهمين
غزيل اللي هزت ساره: اشبيك وين رحتي ليه مفهيه
نجلا ورغد: اثره الطويل سرق قلبها
غزيل بمزح: وخرو وسعو الطرقات ابنزل اخطبه لختي
الكل: هههههههههه
عبير : تراها مخطوبه خلاص ولد خالتها اشتراها ما تقدرون تخطبونها لهالزين
غزيل بذيق: الا نقدر اذا مابغته
رغد: لالا خلاص حقته
غزيل في نفسها: حشى تعبت من كثر ما لمحت لكم اني احبه بس انتو ما تفهمون المهم ساره واقفه معاي واكيد بترفضه
ساره في نفسها: والله اني ما حكيت شيء ويش جابه لا يكون يبي يسوي فيني شي مثل ماهددني قبل "تقصد عز الدين يوم هددها بحوش بيتها اللي في جده"
عبير: ساره قولي شي
ساره: اعقلو عني بس تراني لا ابي ذاك اللي مسمينه خطيبي ولاذا اللي بره
غدير: يله عاد استقري على شي
ساره: اعقلو عني بس
غزيل: شوفو الولد شكله بيروح
رغد: سيارته زينه
نجلا: حق زوجي ازين
عبير اللي سكرت الدريشه: اقول تقلعو يله كلن تشوف لها كنب تجلس عليه يله يادشر
رغد: كنا ويش سوينا ترى ناظرنا بس
ـــــــــــــــــــــــــــــــــــــــــــــــــــــــــ
سيف اللي طلع سيارته: سلام عليكم
عز الدين: وعليكم السلام
سيف اللي طلع بسياره وعز الدين ما شاف من وراه الا الغبار اللي كان طالع من السرعه لانه داس بنزين حيل وقام يشعر :
يا بعد الحا عن السين ويابعد جده عن الديره
لكن قلبي اقربله من اخياله وهناني اليوم جيته
ابعرف وين باب بيته
انا اعرف انه قبالي بس ماهو فيه يوم جيته
ابعرف وين تثبيته
ابعرف ليه هج وتركني لحالي ...
ولا احترى واحترم وعدي باجيتي له
🎼🎼
" وراح يودع جده ويعتذر منه ووعده انه بيرجع باقرب فرصه وطلع من البيت واهل بيت ابو عامر كانو شايلين ع الخاطر من سبت قعدت سيف اللي ما طالت عندهم، وسيف طلع عشانه يبي يطلع الخط الرئيسي ويحتري عز الدين فيه "
زيد: ياعبد الحميد عز الدين بره توني شفته من الدريشه "وفزو اثنينهم وطلعو له وقعدو يهاوشونه بره ليه اختفى فجئه وبالنهايه قلهم انه بيسافر وحلفو الا يوصلونه للخط الرئيسي عشان يكمل مع صديقه"
صادق: يمه ابوي راح وتركني
ساره: وين راح تراني بطلع معاه الشرقيه مستحيل اترك حنين بهالفتره ترى وراها امتحانات قربت
نجلا: تراه مستحيل يطلع الشرقيه وانا هنا حنا اتفقنا باكر نلحق ابوي وانتي معانا
ساره: زين زين
رائد: اي يمه حتى ابوي طلع معاه
نجلا: تقولين وين راحو
صادق: راح يوصل ذاك عز الدين رفيقه
ساره اللي شهقت: رفيقه
غزيل: ويش فيك اذكري الله خرعتيني
ساره : اسفه ما قصدت اخرعك
صادق: اييي رفيقه بس يمه والله انه كفو تخيلي يوم هجت الناقه نط لين بطنها وطيحها ارض وتشقلبت الناقه مرتين وهو واقف بشخصيته وهيبته ولا كنه طيح شي كبير والناقه قامت بعد الطيحه ومادرت وين تروح وهو مسكها من الزمام وسلمها لبوي وبعد يوم ان ابوي وابو رائد ماقدرون ينحرونها جاء هو وقيدها ونحرها بكل بساطه
ساره: زين زين درينا انه قوي بس اعقل عن سوالفه وروح العب يله
صادق: لبيه" وراح يركض لرائد"
غزيل: ساره وراك صرتي تخفين شي علي قولي فضفضي لنا حنا كلنا روح وحده قولي ويش اللي مخليك تفهين كل ثانيه
ساره اللي حكت لهم عن تهديد عز الدين: عشان كذا صرت افكر واعيد ليه هو فيه لانه صدق خوفني حقيقي
غزيل: دامه نط من البلكون اكيد يقدر يطيح ناقه مب بعيده
نجلا: انا خفت عليكم والله وابوي شلون يتركم بالبيت لحالكم
ساره: ما سوى شي بس هددني اني ما اقول
نجلا: لا تهتمين له مايقدر يسوي شي كله كلام فاضي
ساره: اييي ادري بس مدري شلون فكرت قبل
غزيل: الحين تعالو ننظف المطبخ عسى بالنا يهدى ونرجع نقعد وي بعض
البنات: اييي يله "وتفرقو ينضفون البيت والمطبخ"
ـــــــــــــــــــــــــــــــــــــــــــــــــــــــــــــــ
عز الدين: وقف هنا هناك سيارتي وسيف فيه
عبد الحميد : ولد عمك اسمه سيف
عز الدين: ايه
عبد الحميد: اسمه زين يعيد لك الذكره بناس تغليها
سيف اللي نزل من السياره وجاهم ودق شباك السياره من ناحية عبد الحميد : ياهلا والله
عبد الحميد اللي طلع يسلم عليه: يامرحبا بولد عم عز الدين
سيف: تدري انك ما تغيرت
عبد الحميد: ليه حنا شفنا بعض قبل الحين
سيف اللي طقه بشويش: انا سيف ولد عامر يالسبيكه
عبد الحميد: يالنشبه من زمان عنك "وحظنه"
زيد اللي نزل يحظنه: ياهلا والله
سيف اللي غمزله: هلا والله بالعاشق
زيد: ويش اللي عاشق تراني تزوجت وصار وراي بزر
سيف: يالخسيس وانا اللي مفكرك تذكر الوعد اللي قلته لي انك مارح تتزوج الا معاي يالنشبه
زيد: تدري اني وصلت لمرحله انسي فيها اسمي شلون بذكر اللي صار قبل عشر سنوات
سيف: ١٢ سنه وشهرين احسبها صح يالنشبه
عز الدين اللي سحب سيف من شعره: اقول لا تسؤون فيها عشاق وما تخلصون ترى ورانا سفر نبي نطلع قبل لا يجي اليل
عبد الحميد: شوفو انا ابي اعزمكم لازم اشوفكم مره ثانيه ابي اقعد مع ذا النشبه
زيد: ياخي كبر بسرعه صار اطول مني
سيف: وين اطول منك هم كم شبر
زيد اللي طقه بشويش: اجل وهالكم شبر ويش يعني
سيف: مايفرق الا اذ كان بيني وبينك متر
زيد: ويش اللي متر وين تبي تروح انت يكفيك طول ترى بتصير عمود كهرباء
عبد الحميد: لا تسؤون فيها بزارين ويله توكلو قبل اليل ياعيال يكون ازين
سيف: ايي يله شباب فمان الله
عبد الحميد وزيد: فمان الكريم
عز الدين: يله مشينا
عبد الحميد: برن عليك نبي موعد هاااا لا تنسى
عز الدين: ترى حنا مسافرين الشرقيه بهالاسبوع متى تكون فيه انت
عبد الحميد: انا باكر مسافر اول ما اوصل برن عليكم واشوف وين انتو فيه بالله لا تردوني واقبلو عزيمتي زين
سيف اللي غمز له: اففاااا ويش نردك هذا غداء ويريته غداء عاي لا ترى مرت الغالي مسويته
عبد الحميد: اقول تقلع بس تقلع اثر المدن تقلل بالحياء في الاوادم
سيف: اشبك شبيتها ترى ماقصدي شي بس اشتقت لاكلها والله
عبد الحميد: اييي اهلا وسهلا اشبك صدقت تراني امزح
سيف: كم ولد صار عندك
عبد الحميد: بنت وولد
سيف: ماشاء الله
عز الدين: حشى يوم نلتقى اسئله يله قدامي
سيف وهو يضحك: يله شباب سلام عليكم "ومشو هو عز الدين وطلعو بسيارتهم"
زيد: زاد طول وجمال
عبد الحميد: تراها ١٢ سنه مب قليله
زيد: وانت الصادق اقول يله سرينا "ورجعو البيت"
ــــــــــــــــــــــــــــــــــــــــــــــــــــــــــ
في بيت احفاد سعود
نزار: ياسمين يكفيك ترقيع قولي منو تحبينه
ياسمين: ماحب حد يالنشبه تكفى فكني جوعانه حدي لا تزيدها علي
فايز: تدري ان في آيه تقول ان الخبيثه ماتاخذ الا خبيث فانا اشوف ان ياسر وانتي متناسبين لن سدحاته ماشاء الله راس الخبث
ياسمين: فكره حلوه بس اقول شرايك اخذك انت عشان اعلمك شلون الخبث على اصوله
فايز: معاذ الله اي شيء الا الخبيثين من امثاليك" وهنا ياسمين شالت صندلها وهي تضحك ورميته فيه وهو مسكه بيده يعني ماجات فيه "
ياسمين: اسمع شوف هالمره قدرت توقفه بس المره الثانيه اكسر خشمك هاه
فايز يطنز: قلت انك خبيثه وهالشيء اقدر اهقاه منك وكسر الخشم منيك قليل
ياسمين: حشى لا تعصبني ترى بقوم انحرك
فايز: جربي فديتك ترى حنا جوعانين وبسويك محشي وبتغداك
ياسمين: مارح انزل مستوك فلا تحاول تعصبني
فايز: اجل شفنا الصندل اللي طار من شوي
ياسمين: اي صح لنه يناسب مستواك بصراحه يعني
فايز: وشهو "وراح لها ورفسها فوق الكنب"
ياسمين: وجع يدي اه خلاص ماعيدها
فايز: اعتذري
ياسمين وهي تضحك: اثره يناسب مستواك حقيقي
فايز: يالنعجه اقول اعتذري
ياسمين: ياسر ياسر وراك "وهنا كل من هو بالغرفه فز وياسمين انفجرت ضحك لنها كانت مزحه ورجع فايز يرفسها ويطقها بشويش"
صوت جوال عماد: سمعنا بقصة الرجال هذاك اللي رفضه الحال..... "قطع الغنيه برده"
عماد: هااااه
سعود يطنز: هااااه...... ترى الناس تقول هلا او سم وانت هاااااه
عماد: وشبها يعني تراها عادي.... قلي ويش تبي مالك بالعاده ترن علي
سعود: اتصلت على عزالدين وسيف اخذو اذن كلو انتو بالعافيه عليكم هم رح يتاخرون شوي
عماد: ليه وين هم فيه
سعود: راحو الديره بس اكيد يوم يجون نعاقبهم لنهم تاخرو
عماد: ايه سنع تعحبني ابيلهم عقاب زين يوزن الجوع والمجاعه اللي خلونا فيها ولا اتصلو يعلمونا انهم متاخرين
سعود: ماعليه علم الكل الحين وتغدو
عماد: زين زين يله
سعود: شلونها جوري
عماد: لونها مريول المدرسه للحينها ما شالته كسوله بالحيل بس تعرف تنسدح وبسسس
سعود وهو يضحك: ماعليه خلها تكسل وتثقل براحتها المهم انها ماتتغير لاني مره احب شخصيتها
عماد: اقول تقلع تراني ماطيق اسمع كلام حب صادق احس بقشعريره
سعود: زين زين سكر اثره عندك فوبيا من الحب الصادق اما الرقمي والفسبكي عادي
عماد وهو يضحك:ايييه جبتها والله.... يله فمان الله
سعود: فمان الكريم
فايز: من كان ع الخط
عماد: سعود
الكل: ويش قال
عماد: يقول تغدو عز الدين وسيف متاخرين ولهم عقاب يوم يرجعون
العيال: وناسه من زمان على عقابات سعود الشديده
جوري: قلتله اني منسدحه صح وما شلت مريول المدرسه
عماد: لا ماقصدتك هذا قلي وين حبيبتك وان قلت ذاك الكلام مب انتي
جوري: هاااه احسب
عماد: افااا وانتي بنت عمي اروح اعلم عليك لا ابد ماتصير دامني حي
جوري: سنع
نزار: قبل لا ننزل تفضلي يانور
نور: ويش ذا
نزار: افتحيه
ياسمين: الا صدق ويش هو علمني ترى توها تفتحه وانا ما عندي صبر
نزار: عبايتها ونقابها الجديد ترى بتصير تلبسه من اليوم فصاعدن
نور اللي طلعت العبايه: ما شاء الله زينه
ياسمين: والله طلع لك ذوق زين
نزار: كان تبد الله يبيها نفيسه بس انا طنشته كذا زينه وعاد كان يبيها هادئه ومافيها اي زينه فقمت انا مصور له عبايه غيير واشتريت وحده غير عنها
نور اللي طقت كتفه بفخر: كفو
ياسمين اللي قعدت عنده: نزار وانا بنت عمك خذلي بعد مثلها
نزار: يالمصلحجيه ترى انا ما شريتها الا عشان اخوي
ياسمين: يله عاد ترى حبيتها
نزار: اعقلي عني بس ترى ماني مليونير وبعدين اذا قمت اخذلك نرجس رح تنشب فيني
العنود: وانا بعد راح اشبها بس ما رح اسويها لن ذوقك بالمره ما عجبني
نرجس: وانا بعد
ياسمين: زين دامهم ما يبون اشتريلي تكفى لا تخجلني
نزار: زين ابشري
ياسمين: تبشر بالجنه ان شاء الله
فايز: انسانه مصلحجيه وخبيثه وععع
ياسمين: انت اعقل عني بس
جوري: نزار وانا بعد اشتري لي مثلهم عشان نكون ثلاثي متنقب ولنا نفس العبايه
نزار: ابشري بس اباخذ فلوس من سعود لنك مرته
جوري: لالا خذ من فايز اخوي واكتم السالفه عن سعود لنه مارح يرضى اخذ عبايه مزينه كذا
فايز: خلاص يانزار خذلها والفلوس انا بعطيك حقها
جوري: ازين اخو والله
فايز: عاد انتي الغاليه
ياسمين: دامني خلاص ظمنت عبايه جديديه من المحامي حقتنا ابعترفلكم اني انا بموت جوع سلام عليكم لا تحلمون احتريكم ترى رح اكل كلشي "ونزلت ركض لغرفة الطعام وجيش بني حبيش كله يركض وراها وتجمعو كلهم وتغدو مع العمام بعد ماعلمونهم ان عز الدين وسيف رح يتاخرون...... وكذا هم تغدو وشبعو والبنات دخلو ينظفون المطبخ كونهم ماطبخو وبعدها جاهم نزار بالعبايات وجوري وياسمين مرره منبسطين فيهم لنهم نفس الشكل وبعدها قعدو كلهم بنات وعيال ينشبون في ياسمين ويطنزون عليها وعلى حجابها فهربت منهم ونزلت عند عمامها والعمام وابوها بعد قامو ينشبوب فيها وهي حرفين حست انها بتجن من هالضغوطات فطلعت غرفتها وعمامها كان قصدهم يطنزون لا اكثر وما كان ودهم ياسمين تشيل حجابها ابد ومادرو ان كلامهم اثر على ياسمين بالحيل وخصوصن انه دام من وقت الغداء لين قبل وقت العشاء فشالت طرحتها ولبست بجامه واسعه جداً لانها مرره تستحي وخصوصاً انها مب متعوده عكس البنات اللي اخر همهم العيال وتفكيرهم بلبسهم اذا ضيق ... ونزلت للعشاء ببجامتها وكله توهق والعيال اختنقو بنص العشاء من كثر ماهم مفهين وماهم مصدقين ان ياسمين سوتها وحطمت امالهم واثبتت انها ماتحب اي واحد فيهم بالمره"
فايز: ياسمين ويش سويتي
ياسمين: العصير اللي عندك ابيه
عماد اللي عطاها: اقول اشبك عساكي بخير قوليلي وين نسيتي طرحتيك اروح اجيبها
ياسمين: لا مانسيت شي اقعد كل بس
ام عز الدين: يمه انا ويش قلت لك
ياسمين: مثلي مثلهم انا ويش معليني عليهم
مطلق: تستاهلون كلكم ظغطو عليها وهذي ثمرت اعمالكم
العنود: ايه انتو السبب
ابو ياسر: كله من ورانا ما منعنى حد انه يطنز عليها
ابو سعود: ويش عرفنا صراحه انا كنت اعاملها كنها كبيره ماهقيتها تنهبل مثلهم
ياسمين: صار اللي صار وماحد غلطان بنهايه انا ودي اسوي مثل اختي الكبيره عادي
سمير: هقيت صبريك يدوم اكثر
ياسمين: خلاص اسكتو لاحد يكلمني اسوي اللي ابيه انا حره
عماد: خطيه ويش اللي حره جعل ربي يجيب عليك ذره
ياسمين: ياهلا فيها ان شاء الله اربع مب بس وحده
الكل: ههههههههههههه
سعود: سلام عليكم
الكل: وعليكم السلام
ام سعود: ياهلا بولدي تعال يله كل معانا اثرك جيت بالوقت المناسب
سعود: يله بغسل يدي واجيك"ودخل المطبخ"
جوري اللى قامت عن السفره ولحقته: غسلها زين مره ومرتين وثلاثه عسى دم الخلايق ينظف من هاليد اللي دايم تذبحهم
سعود: ما بقاء الا ترفعين علي قضيه وتدخليني السجن اعقلي عن هالسوالف
جوري كلما ذكرت الدم احس اني راح اطلع كل شي ببطني
سعود: يابنت الحلال حاولي تنسين وانا والله تبت وهذيك اول مره وان شاء الله اخر مره وعد مني مازيد ادخليك وياي غرفة العمليات
جوري: اييي زين بس بالله زيد بعد غسل مره يدك
سعود: ترى نظفتها بالمستشفى والحين مرتين ولعيونك الثالثه زين كذا "وقلم يغسل يده للمره الثالثه"
جوري: ماعليه
سعود: حشى كل هذا ماعليه تعالي تعالي ناكل تراني جوعان حدي
جوري: اييي يله "وراحو وقعدو مع الكل بالسفره"
عماد: كان سلمي عليه قدامنا عادي
سعود: لا حنا نبي نترمسس براحتنى ما نترك بزارين تشوف
فايز: هلا والله
جوري: الا صح ما سلمت عليك "وقامت وباست راسه وخده"
سعود: ايي دايم ذكرها ياعماد
فايز: سوال يطرح نفسه
سعود: قول
فايز: ان كان ماسلمتو على بعض هناك اجل ويش كنتو تسوين
سعود: هذي الدفره مسويه دكتورة نظافه وتعلمني شلون اغسل ايديني بعد العمليات وسوالفها
سمير: تراه يلبس جلافس ويزيد يغسل ايدنه بالمشفى
سعود: اجل فهمها تراها مب راضيه تفهم ومسوي مني قتال خلايقك مانيب منقذها
جوري: لا والله ماقصدت اقول عنك كذا بس الدم يلوع الكبد بصراحه
نرجس: اقول اسكتي لا تلوعين كبدي ترى توني جوعانه
ياسمين: سعود تقدر تاخذني معاك وتدخلني غرقة عمليات واناظر شلون تسؤون
فايز: شفتو انها خبيثه غيرها خايف من الدم وحظرتها تبي تشوفه
سعود: اخذيك ايه ليه لا.. بس المشكله ان جدول العمليات مايجيني الا بشكل طارئ من غير فكره مسبقه فصعب تجين وياي فهمتيني
ياسمين: اييي
سعود: وين ياسر وعز الدين وسيف
عماد: عزالدين وسيف للحينهم ما رجعو اما ياسر قال انه قرب يوصل
سعود: فكرو بعقاب لسيف وعزالدين
الكل: ان شاء الله
ابو سعود: ياسمين ماوديك تروحين الخطبه حق صديقتيك
ياسمين: الا الا يله سلام عليكم ابطلع اجهز عمري
ابو عز الدين: اييي روحي "وطلعت ياسمين غرفتها"
ياسر اللي توه وصل واتجه بسرعه للمطبخ: سلام عليكم
الكل: وعليكم السلام
سعود: ياسر وين كنت ومن متى
فايز: تراه بعد ماتغداء معانا ومثل شوفت عينك توه الحين جاء
ياسر اللي جاهم بعد ماغسل يده وسحب له كرسي عشان يقعد وقبل لايقعد وصله مسج ففتحه بسرعه وكان من فايز وفايز قاله عن ياسمين وشيلتها للحجاب فرجع ياسر الكرسي حقته مثل ما كان : ماعليه اعذروني تاخرت بسس...... افففق نسيت اقول سلام عليكم ماودي اكل ابطلع الحظيره ويمكن ما ارجع
ام سعود: زين كل شوي وبعدين اطلع
ياسر: لالامستعجل ابغير ثوبي واطلع... يله انا استأذن الحين ابروح لخليل تراه محتريني تحت عشان نروح مع بعض الحظيره
ام سعود وام ياسر : الله معاك
ياسر: تامريني بشي يمه
ام ياسر: سلامتك
ياسر: شباب قبل لا روح حد يعرف وين جوالي الايفن ١٣ برو
سعد: ولي معاك وشهو
ياسر: هذا ١٤ برو
عماد: يالشايب متى شريته
فهد: اكيد مانت بصاحي تراه من زمان معاه
فايز: اكيد بغرفتك من زمان مانيب شايفه
ياسر: زين ابطلع اشوفه ومنها البس ثياب الرياضه احسن من ذا الثوب.. يله سلام عليكم
العيال: وعليكم السلام "وطلع لطابق الخامس لان فيه غرفتة الخاصه"
ــــــــــــــــــــــــــــــــــــــــــــــــــــــــــ
في الطابق الخامس
ياسمين: وين راحت جزمتي
نور اللي توها جات: وشوله الجزمه الحين ادخلين الحمام خذي شور والبسين وبعدين تعالي شوفي الجزمه
ياسمين: زين سكري الباب وراك
نور: زين زين ادخلين الحمام وانا بسكره
ياسمين: يله "وركضة للحمام ونور دفت الباب وسكرته"
نور: ابدور هالجزمه علميني ويش لونها
ياسمين: ابيض وفيه كعب
نور: اثريك مهبوله تراها هنا قدامي
ياسمين: من صدقيك عاد
نور: انا وعدت عمتي ما زيد اكذب
ياسمين: زين زين ابطلع الحين
نور: اتحداك تطلعين من الحمام بخمس دقايق
ياسمين: اذا صار
نور: اعطيك اللي تبينه
ياسمين: زين ابطلع الحين
نور: ما صدق
ياسمين: تراني وعدت عمتي مازيد اكذب
نور: يله ابشوف
ياسمين اللي طلعت: ترااااا
نور بعد ماشهقت: لالا مستحيل بهالسرعه اخذتي شور تراني اهقيها من اي حد الا ياسمين
ياسمين: ويش اللي شور يالنعجه تراني بس لبست الفستان اخذت شور من بدري قبل لا انزل العشاء معاكم
نور: اقول وراك طلعتي بسرعه..... زين يله البسي اكسسوراتيك يله
ياسمين: زين عطيني الجزمه
نور: خذينها... على فكره فستانيك مره هادئ بس انيق
ياسمين: يعني طالعه زينه
نور: ويش اللي زينه تخبلين
ياسمين: يله عاد اسكتي تراني استحي
نور: يا زين االزين يوم زاده ربي فوق الجمال حيا... ههه هذي دايم عبد الله كان يقولها لي .... الا ياسمين من هالبنت اللي رايحه عندها ومن متى صايره صديقتيك
ياسمين: معاي بالصف
نور: شسمها
ياسمين: رفيف محمود
نور: ومرره تحبون بعض
ياسمين: يعني زملا واليوم خطبتها وعزمتني
نور: اييي
ياسمين: تبين تجين معاي
نور: مسموح
ياسمين: مسموح ولد سموح ترى تنورين ياسنعه يله يله روحي تسنعي بسرعه
نور: يله دقايق واجيك "وراحت ركض"
ياسمين: ياعمري شلون زينه فرحتها الله يجمعها مع عبد الله على خير "ورجعت تتكشخ وتسوي ميكب ونور نزلت غرفت البنات الجماعيه لن ملابسها فيه وكانو كل البنات خالصين من العشاء وقاعدين فيه"
نور: بنات حد شاف فستاني الاحمر
نديم *: وليه الفستان
نور: ابروح وي ياسمين حفلة رفيف صديقتها
نديم*: وليه تروح لصديقتها بهالوقت اكيد انهبلو عمامي
العنود: رفيف هذي بنت شريك عمامي وابوي بالشركه واليوم خطبتها وهي زميلت ياسمين فعزمتها
نرجس: ليه ما علمتينا من قبل كان رحنا
العنود: انو مالي خلق للاحتفالات فقلت ماله داعي الروحه
نديم *: وليه تقررين عنا ياالمحشومه كان ودي اغير جو
نور: زين اذا يمديك تلبسين فتعالي
نديم *: نرجس يله رحنا
نرجس: البس الحين لالا تراني ابي فكره مسبقه عن السالفه عشان اكشخ زين وبعدين حنا نبي نقعد نفكر ونشوف حل لسالفه المصاريف والازمه هذي
سلمى اللي تصيح: السبعين الف كلها تبخرت ياويل قلبي ويل
العنود: ياربي ويش ذا البخل اللي فيك تراها لأميك يالنشبه وخلاص انسينها ترى اللي فات مات
سلمى بصياح: مستحييييل
نديم *: بنات ماعليه ابتركم تفكرون واروح انا احتفل واشوف ذي البنت رفيفو وابشوف بعد ديكورات الحفل وشلونها
نرجس: زين زين روحي ويوم تردين اعطينا الاخبار بالتفصيل عن كل اللي صار
نديم *: زين زين ابروح اكشخ "وراحت ركض"
العنود: مب لازم الاحمر البسين الاسود يانور
نور: هذا من عبد الله ما ودي اوسخه
العنود: البسينه وحافظي عليه لا توسخينه
نور : وانتي الصادقه يله ابروح "وركضة الحمام"
خليل يصارخ من بره: ياسر يااااااسر ياكبتن "خليل صديق ياسر اللي جاء معاه وكان يحتريه بره عشان ياسر قله من قبل يحتريه وانه رح يرجع معاه "
ياسر اللي رد عليه من بلكونة غرفته الخاصه: الحين نازل
خليل: ياخي بسرعه
ياسر: باقي البنطلون بس
خليل: كان بالثوب زين ليه غيرت ملابسك
ياسر: اخاف اطيح من فوق الخيل
خليل: يطيح اكبر لاعب فروسيه لكن انت ما تطيح
ياسر: وليه يعني مانيب كفو
خليل: ويش اللي منت بكفو يليتك بس تسجل بالمسابقات يطلع اسمك النبر وان في البطولات الفروسيه
ياسر: ويش ابي بالبطوله انا اقول اعقل عن هالمسابقات بس
خليل: ايي بعقل بس ماعليه تعلمني ويش تسوي الحين بالبلكون انزل يله
ياسروهو يضحك : يله بس زرار القميص
خليل متوهق: تلبس بالبلكون ياكبتن
ياسر: اجل وشلون دام معاي وحد مثلك ان مارديت عليه راح يشبها فيني
خليل: من صدقك عاد
ياسر: اي من صدقي بس اسكت لا تفضحنا
بدر من بلكونة بيتهم: ماله داعي الستر خلاص حتى العراق درت فينا
ياسر وهو يضحك:ليه بس بهالسرعه سمعت فيني يالنشبه
بدر: مابيدي حيله دام المكبر مفتوح والاعبين سمعو "يقصدت مكرفون لعبة البوبحي"
ياسر: اييييي ما عليه خلهم يسمعون
بدر: هلا والله خليل وشلونك
خليل: زين الحمد الله
بدر: انا بدر جار ذا النشبه ياسر
خليل: تشرفت فيك والله
بدر: وانا بعد
محمد: يابدر شفت جوالي .... الله هالله من ذا الزين
بدر: وين
محمد: ذا اللي بره "وياشر على خليل"
بدر: خمن من ذا ولا دريت لك مني اللي تبيه
محمد: اكيد اكيد واحد من عيال خوال ياسر احسه يشبهه ناظر حتى وقفته مثله
بدر: غلط
محمد: ليه بس
ياسر: صديق صديق يامحمدوه ماهو بقريب
محمد اللي سدح بدر: اجل وانا شلون بعرفه ياحيوان ليه بس تقلي خمن
بدر: يالنشبه كان ودي اعصبك وبعدين مب بطال الصديق يشبه صديقه من زود العشره عاد
خليل: ياكبتن ما خلصت
محمد: ليه تناديه ياكبتن
خليل: هو مدربنا وهو المشرف علينا بحظيرة الخيلان
محمد: كم خيل عنده
خليل: ثلاثه
بدر: ما شاء الله كلها له
خليل: ايه
محمد: وش لون كل واحد فيها
خليل: اسود وابيض وبني
محمد: اي واحد تحس ياسر مره متعلق به وينجذب له
خليل: راكو
محمد: راكو!!
خليل: ايه الاسود
محمد: اييييي
نزار اللي كان نازل يجيب جواله من سيارته وسمع صوت خليل وفتح له باب الحوش: ياعيبتاه وشوله الوقفه بره تعال ادخل
خليل: ما قصرت يانزار بس مالها داعي الدخله دامني بطلع الحين مع ياسر
نزار: وياسر للحين ماطلع معقول ما لقاء جواله
خليل: قال يغير ملابسه ونازل
بدر: ايه ويلبس البنطلون بالبلكون
نزار وهو يضحك: يقلعك من جار ما يستر مثل هالسوالف
محمد: ويش فيها يعني لا لبس بنطلونه بالبلكون
نزار: ولا شي
خليل: وبعدين بلكونة ياسر مصففه بحجر ما شفنا غير راسه
نزار: هذا بدر يدور له سوالف فاضيه مثله
بدر: والله لنط اكفخك
نزار: جمع انتباهك ع البوبجي لا تموت
بدر: وانت الصادق ترى شريكتي بالعبه متامله فيني خير اثرها مبتدئه
محمد: زينه
بدر: مدري ما شفتها والله
محمد: خمن خمن
بدر: انقلع
نزار يصارخ: ياااسر خلصت ولا ناخذ خليل معانا
ياسر: الا الا الحين احتريني ابنزل له
نزار وخليل: يله
ياسر في نفسه : حشى ياسمين ويش سوت شالت طرحتها اففففف ولا كني لمحت لها ما تشيل ليه هالبنت ماتفهم انها تهمني ليه، والله ماقعدت بهالبيت الا اذا تحجبت اخاف يصدو عني ويحرموني منها ابروح لخليل وانام معاه بالحظيره ولا اقعد هنا........ العطر وينه .... اي هذاه يله يله "وتعطر وطلع من غرفته".... عساه خير ليه باب غرفة ياسمين مفتوح.... اكيد فتحه الهواء.. زين ابسكره......... " وقرب من الباب اللي كان شوي منه مفتوح عشان يسكره بس في شي بالغرفه مره جذبه كان شي مئلوف بالنسبه له بس هالمره كان غير لدرجة ان ياسر عجز يشيل عينه عنه كان وده يروح عنه بس ماقدر ومررررره كان مفتون فيه...........................
ياسر في نفسه: يااسمين
.................
YOU ARE READING
احفاد جدنا كلنا في الحب ابتلينا وانصبنا ♡ وحب صباء ولد عمتنا سكن قلبه واتلفه.
Randomلا احلل النقل❌🚫 او الاقتباس🤨🤨🚫 **: احفاد جد في بيت واحد يجتمعون الله يعين كل من هو في هواء حبيبه مفتوح ♥♥🌹 لهجة الروايه سعوديه الكاتبه: عشق الدوسري 💦
