/////////////////////
البارت السادس
/////////////////////////////
سيف اللي توهق يوم شاف اسم حنين بالرساله ورفع راسه يبي يشوف ان كانت فيه بس ما لقاء لها اثر فقام يركض يبي يلحق امجد اللي كانت الرساله له وقضوها ركض سيف يركض بحره من حنين ورسالتها وامجد كل اللي كان يبيه انه ينفذ حزتها "
فيصل اللي شاف امجد يركض: وين رايح
امجد: ابغير ثوبي واجيك "وكمل ركض"
فيصل اللي وقف في طريق سيف وما تركه يكمل ركض عند امجد: عساء مافي شر ويش بك انت وياه
سيف اللي شال لثامه عن وجهه وقال بحده: تعرفه" وياشر على امجد"
فيصل متوهق: لا ماعرفه ويش تبي منه
سيف: اجل ليه سائلته وين رايح وليه قال انه راح يجيك
فيصل: كان ودي اكسبه زبون عندي
سيف وللحينه مب مصدق: زين دامه بيغير ثوبه يعني بيته قريب تعرف وين بيته
فيصل: لا مدري عنه
سيف:اجل وخر عني ابلحقه
فيصل اللي مسك يد سيف: ليه بس تركض وتتعب عمرك وراه تعال ادخل عندي وان جاء صلحنا بينكم
سيف: وان ماجاء
فيصل: اكيد رح يغير ثوبه ويجيني دامه قال بيجيني
سيف: اييه وين ادخل
فيصل: تعال تعال
سيف: يله "ودخله محله"
فيصل: من وين انت
سيف: جده
فيصل: جده وجيت لشرقيه تركض وراء هالادمي
سيف: انا ماكنت اقصده بس جاء بطريق مقصدي واللي سواه مب قليل ويستحيل امرقها له
فيصل: ان كان هو مب مقصدك اجل مين مقصدك بهالشرقيه
سيف: الحين انت فيصل بن فؤاد
فيصل: اييه انا
سيف: لك بنتين وحده فيهم للحين ماعرست
فيصل متوهق: ايه
سيف: انا جيت وقاصدك وابي اتقدم ليد بنتك الصغيره واتزوجها على سنة الله ورسوله
فيصل متوهق ولا دراء ويش يرد: بنتي انا!!
سيف: ايه انت وانا بغيت اطلبها منك على سنة الله ورسوله وان كان شي فيني مخوفك صارحني واسال عني وابشر انا لك مجيب عن سؤلك وان كان تبي تسأل عني الغير تفضل روح اسائل عن ولد عامر
فيصل: افاا لالا ويش اللي مخوفني ترى الرجوله باينه من سلوكك وطريقة جلوسك
سيف: اجل ويش اللي موترك
فيصل: انو انا بنتي توها صغيره وانا اسائل عني الملا يقولون فيصل بناته وبنات خوياه مايرضى عليهم يتزوجون الا بعد الثانوي
سيف: بس بنتك الحين هذي اخر سنه لها
فيصل: ايه بس توها ماخلصت وانا ما ودي اعلمها عن سوالف خطبه ولخابيط وتوها ماخلصت فان صار وخلصت هالسنه الدراسيه تعال وابشر لك مابغيت ونشدت
سيف اللي فز يبوس راسه : زين انا برجع اجيك وابيك تعلم كل من جاء يبيها ان حد قبله جاء وخطبها
فيصل:ابشر وماعليك حقتك بالحفظ والصون
سيف:جزاك ربي كل خير اسمحلي الحين ابستاذن منك وابشق طريقي لجده وابشر من دلني عليك انك قبلت واني لك ولد وزوج بنت ان شاء الله
فيصل:ان شاء الله
سيف:يله سلام عليكم
فيصل:وعليكم السلام "ويوم ان سيف بيطلع جاء امجد للمحل وتوهق يوم شاف سيف قدامه"
امجد في نفسه:ياويلي ويلاه احس هذا نفسه الغريب اللي كان يركض وراي الطول والجسم ما اختلف كنه هو
سيف اللي قطع عليه:بويش تفكر ياترى بيعرفني وانا مب متلثم
امجد متوهق:ويش يهذرف ذا
سيف:ترى عيونك في عيوني رسمتهن واني اعديلك اللي صار هذا مستحيل
امجد: اقول اعقل عني بس ترى روحي تلفت حدها
سيف اللي قرب منه: اعرف ان حلمك مستحيل وحبك هذا اللي اتلفك يستحيل يصير لك نصيب، وسوالف دريشات وورق ومكاتيب مب زينه اعقل عن سوالف دشر واعقل عن حنيني وفؤادي وحب عمري وخطيبتي بعد لن ابوها قبل فيني وانت للاسف تاخرت وفوق كلشي مسوي سوالف مهينه في حقها وحق ابوها
امجد اللي قام يناظر فيصل: ياعم ترى هذا مهبول مدري ويش يهذرف وانا من الاساس ما اعرفه
سيف اللي لف وحط عينه في عين فيصل: عيالك بهالمحل ماهي بأمينه يستحسن تغيره دامه نكر جميلك وتحفظ بنتك قبل لا تصير هينه "ورح له وحط الورقه اللي رمتها حنين لامجد بدينه ورجع طلع من المحل وطلع بسيارة اجره(تاكسي) "
امجد اللي ما انتبه بالمره ان الورقه وقعت بدين سيف من قبل وما انتبه بعد ان سيف عطاها لفيصل: ياعم تراه مجنون معقول صدقته
فيصل: ويش اصدقه ما تشوفه انت سكران مدري شارب مخدرات تراني سايسته بس عشان لا يقلب المحل باللي فيه علينا
امجد: اقول يمكن صدقته بس الحين تطمنت
فيصل: شكله مايبشر بالخير والحمد الله عقل عنا وتقلع
امجد: ايه
فيصل: يله انت كمل شغل هنا انا ابطلع استريح شوي وقيس ظغطي لني احسه ارتفع
امجد: اييه اتفضل ولا تشيل هم المحل
فيصل: كفو ياولدي يله فمان الله
امجد: فمان الكريم "وطلع فيصل من المحل وراح للمحل الثاني اللي فيه درج توصله لطابق الثاني دام بيته فيه وقبل لا يدق الباب فتح الورقه اللي عطاها له سيف وتوهق يوم قراها ويوم عرف خط بنته حنين فدق الباب بقوه وفتحت له مرته لطيفه واستقبلته وابتدت تهديه عساه يهداء ويعرف يفهمها السالفه اللي معصبته كل هالتعصيب ولا درت عنها"
فيصل: ماكان ناقصني غير سكران يكشف بنتي مكلمه حبيبها عند الدريشه وتبعث له مكاتيب
لطيف: ويش اللي سكران ؟ وويش سوت بنتك ؟
فيصل اللي عطاها الورقه: شوفي بنتيس ويش تكتب سوالف تشيب الراس
لطيفه اللى شهقت: منو امجد هذا اللي يشتغل معاك
فيصل: ايه هو بس حظرتها وينها ما بغت تسمع ترى اليوم ياانا ياهي واكيد بكفخها شاب راسي من وراء راسها اليابس
لطيفه: قبل لا تعصب يابو البنات علمني شلون وصلت هالورقه لك
فيصل: السكران عطاني هي وانا اللي ماكنت مصدقه ومصدق امجد الحيوان
لطيفه: منو هالسكران وشلون يحكي دامه سكران اكيد مجنون لا تصدقه
فيصل: الخط لحنين يالطيفه
لطيفه: يمكن ساحر وجاب خطها
فيصل: شكله مب ساحر بس ولد داشر مثله مثل عيال هالايام اللي يشربون مخدرات وسوالف تشيب الراس
لطيفه: ايه ومن وين جاء
فيصل: من جده، جاء من هناك عشان يخطب حنين لن في حد دله عليها ويوم جاء لقاها مسويه فيها شاعره وتكتب احاسيس ع الورق وما عابها لا قال يبيها احسه رزين وعاقل
لطيفه: الحين هو سكران ولا رزين وعاقل
فيصل: كل الخصال فيه كلها
لطيفه: اجل من دله على حنين وهو شسمه احكيلي عنه
فيصل: ما سالته تراني ماصدقت متى افتك منه اقول سكران ابرضيه احسن لا يشبها فيني وبكل منهم بالمحل
لطيفه اللي شهقت: يعني وافقت عليه
فيصل: قلت له اذا صار وخلصت مدرسه يصير خير
حنين اللي طلعت لهم وهي تصارخ: يعني موافق على اغراب
فيصل: اقول سكران تقول يعني موافق ويش هالعقول اللي عندكم
حنين: اسمع يبه هالرساله ايه انا كتبتها وامجد ايه احبه ومارح اعرس الا له
فيصل الل فز يبي يكفخها بعصاته بس لطيفه وقفت بطريقه : وخري يالطيفه ابعلمها شلون الناس يحكون
لطيفه: يابو البنات هدي عمرك وابشر انا بعلمها تعقل عنه وبكفخها بعد
فيصل: كني بصدق انتس بتسوينها اقول وخري
حنين: يبه تبي تكفخني اكفخني بس لغير امجد لا تزوجني
فيصل: شلون عطيتيه هالرساله
حنين: رميتها من الدريشه يبه
فيصل يصارخ: وانتي ماتدرين عن بنتيس ويش قاعده تسوي ووين هي فيه
لطيفه: اثرها مب متربيه تعالي ابربيتس "وسحبتها من يدها واخذتها غرفتها وفيصل بره على احر من النار ومايدري ويش يسوي معها"
لطيفه تهمس: تحبين ولا تعلميني
حنين: خفت تعصبين علي
لطيفه اللي طقتها بشويش: افاا ومن متى وانا الحكي معاي يخوف قولي استحيت بصدق بس خوف ماظنيت ابد
حنين: يمه فديت امتس بالله دبري ابوي خليه يزوجني امجد
لطيفه: وبعدين معاتس انتي ليه اخترتي امجد كان سالم ازين منه واثقل منه واكبر منه
حنين: يمه لا تعصبيني تراني احبه ويش ابي بسالم
لطيفه: اقول ذاك توه بزر ٣٢ توه مب قد مسؤليه
حنين: احبه
لطيفه: زين زين بس انا كان ودي افرح فيك مع سالم شوفينه ثقيل ورزين ودايم يمسك شغل ابوتس كله وبعد عمره ٨٢ وكلشي فيه زين
حنين موصله معاها: يمه لا تعصبيني قلت لتس احبه وخلاص واذا انتو ماتبونه انا ابيه وبهرب معاه
لطيفه اللي رمتها بالمخده: اسكتي لا يسمعتس ابوتس ترى بيذبحنا
حنين تتمسكن: يمه انتي مرته وحبيبته كلمينه وتدللي عنده ابيك تخلينه يشوف امجد شي عظيم بعينه
لطيفه: حد يستعظم الخروف ياالعنزه انتي
حنين: ماعليه خروف وعنزه مناسبين انتو بس زوجونا
لطيفه: وانا اللي حسبت انتس اثقل من نجلا بس شوفي اخرتها نجلا ازين منتس وكانت تكابر وما تقول عن حبها لعبد الحميد بس انتي بعد تكتبين له مكاتيب
حنين: يمه لا تقارنيني فيها هي نجلا وانا حنين ويش ذمبي ان كان حنيني مال لأمجد يمه تكفين دبريني عند ابوي يمه
لطيفه: امجد توه بزر وان كان تحبينه بتصبرين سنه سنتين او ثلاث سنين
حنين: لييه يمه ويش كل ذا عسى عمره ١١ وانا عنه مادريت
لطيفه: انقلعي بس ترى عيال اليوم يوم يتخطون العشرين كنه تخطى العشر وتوه بدا يكبر ويثقل
حنين: اجل ليه ما تزوجينا بعد ما راسه يشيب مب ازين من مجرد ثلاث سنين
لطيفه: لو بديني اسويها
حنين اللي انشبت فيها: تكفين يمه دبري ابوي وابشري بكل اللي تبيه بس خلينه يزوجنا هالسنه بعد ماخلص الثانوي
لطيفه: مستعجله على شنو ابعرف بس
حنين تنافخ: يمه بتدبريه ولا تحبين اطلع له وانكفخ منه
لطيفه: اطلعي ان كان تبين تنكفخين وبعدين الشرهه مب عليتس الشرهه علي دامني سلمتيس من عصاته وتركته بره معصب
حنين تتميلح عندها: انتي امي لطيفه الطف كائن على وجه الارض اكيد ماترضين بنتيس صغيرتيس مدللتيس تنكفخ قدامتس وما تدخلين
لطيفه: اعقلي عني بس
حنين: بتطلعين
لطيفه: ايه ابطلع وين اروح بروحي عاد من الفشيله قدام ابوتس
حنين: فديت عمرتس وما عاش من يفشل امي، وبعدين تراه حب عادي ما يستحق تقولين اني جبت لتس مصيبه
لطيفه: الحين الحب صار عادي
حنين: ايه ويش به عساه حرام ولا عيب
لطيفه: العيب مب فيتس ولا فيه لا تراها بهالمكاتيب اللي قاعده توصلينها له
حنين: يله عاد لا تشبينها
لطيفه: حنين ان كان تبين اني انا اطلع لابوتس وافهمه يقبل بأمجد فابي منتس توعديني والحين انتس ابد مارح تكلمينه ولا تبعثين له مكاتيب وان حاول يتعرض لتس ويجذب الانتباه تجاهلينه وابد لا تعطيه عين
حنين: ابشري المهم ابوي يوافق ان أمجد يخطبني وكلشي رح يصير مثل ماتبين
لطيفه: زين يله خذي كتاب واقرين فيه وسوالف أمجد وحب وخطبه ولخابيط اتركينها علي انا بحلها
حنين: ابشر "وراحت لكتابها وامها طلعت لفيصل تبي تشوف وين هو فيه بس ما لقته لانه طلع من البيت بعد ما سمع نص الحكي اللي دار بين حنين وامها وذاق خلقه من القعده في البيت فقرر ينزل المحل ويوم انه نزل المحل شاف أمجد قاعد يكتب شي فراح له بهدوء ومن غير لا يحس قراء ويش اللي كان قاعد يكتبه ويوم قراه فيصل شبت في داخله نار وطلع حرته في أمجد وكفخه حيل وقرر يطرده من شغله ومابغى يشوف له حس عنده بالمحل وفعلاً بعد هواش طويل طرده من عنده وامر كل من في المحل انهم اذا صار ورجع امجد يكفخونه ويطردونه لنه ما يبي يشوف حسه ابد وفعلاً الكل كان مستعد يسويها اذا صار ورجع بس أمجد ما رجع وقعد يراقب احوالهم من بعيد.... اما فيصل فكان معصب حييل شوي يمشي يسار وشوي يمين وهو يحكي وي نفسه ويوم شاف ان كل من في المحل يناظره وتارك شغله طلع للطيفه وهو ينافخ وخرب كل ترتيب البيت وهو يصارخ ولطيفه تركض وراه وهي تحاول تهديه وهو مستمر بالتعصيب وراح يسكر كل الدريشات وحرم حنين من اي طلعه خارج البيت من دونه حتى المدرسه.... اما حنين فكان اخر همها ابوها وكل فكرها كان أمجد ووين هو فيه..... اما لطيفه فكانت ترافق فيصل بسرحاته وروحاته بالبيت وهي تعد الثواني بقلت صبر وهي تحتري وصول نجلا وعبد الحميد عسى عبدالحميد يهدي فيصل ونجلا تقعد وي حنين "
أنت تقرأ
احفاد جدنا كلنا في الحب ابتلينا وانصبنا ♡ وحب صباء ولد عمتنا سكن قلبه واتلفه.
Randomاحفاد جد في بيت واحد يجتمعون الله يعين كل من هو في هواء حبيبه مفتون ♥♥🌹 الكاتبه: عشق الدوسري 💦 لا احلل النقل❌ 🚫او الاقتباس🤨🚫 لهجة الروايه سعوديه
