ماينسيني صبري وشقاي الا شوفتك

102

عند وسن:-
وسن: بنات اخخ تعبت لي ساعتين ادور جوالي ما لقيته
مها: دورتي بل مطبخ؟!
وسن: ايي دورت بلبيت كلهه
هيام: شكلك وديتيه معك المجلس
تذكرت وسن انها منجد اخذته معها للمجلس لكن وش تسوي الحين هناك كل العيال راحت كانت بتروح عند امها لكن امها بدورهم وهي عند هيام ومالها حيل تطلع راحت عند هيام تنطق: هيامي عادي تدقين على تركي يشوف لي جوالي بل مجلس وانا بروح الحمام
هيام توترت تنطق: ايي عادي
وسن: حلو
اخذت هيام جوالها تدق

عند تركي:-
كان يسولف مع العيال ويضحكون وباسطينها وشاهي وحركات
لف يسمع جواله يدق يخرجه من جيبه ينذهل من الاسك ويتوتر ويدق قلبه بشكل سريعع جداً ياخذها يفز ينطق: بطلع اكلم
العيال مستغربين من ردة فعله كنه واحد مهم جداً
مشى للحوش يطلع يفك المكالمه ويحطها باذنه لعلى يسمع صوتهااا يتمنىى مشتاق وواجد ينطق: هيامم
هيام بتوتر: تركيي
تركيي انفتن بصوتها الرقيق والناعم والواضح فيه التوتر والحينه ينطق: عروق قلبه سميي
توترت  يحمر وجها خجل وحب اول مكالمه بينهم ابتسمت تحاول تخفي توترها وخجلها : اذا ما عليك امر ابي تشوف جوال وسن ضايع بل مجلس
تركيي بحب يتمنى تدوم هل مكالمه لساعات طويله برغم انه بكرا بتصيز زوجته الا انه مو قادر يصبر اكثر ابتسم ينطق: ابشري
اكتفت تبتسم بصوت خفيف ولكن يسمعه تركي وقفلت جلست بباله ضحكتها وكيف اخذت قلبه يحاول يعدل وقفته وهيبته لن لو يشوفه احد يقوب ذا مو تركي من كثر انه ذايب عدل وقفته ونحنح ومشى للمجلس مبتسم مو قادر يخفيها يروح للعيال الي لاحظو ابتسامت وليه لاحظو لان تركي من النوع المكشر طول وقته ما يبتسم الا نادر
نطق سلطان: قدر عليك الي خلاك تبتسم اهنيه
اوس: والله شكل عنده قدره خراقه مو عندنا
ايوان ابتسم لانه يعرف اكيد انها هيام او شي يطري هيام لانه مجربب وطايح زيهه يبتسم وينطق: خلوه يتهنى
ابتسم تركي ينطق: يعيال شفتو لي جوال هنا؟
العيال كلهم حتى اوس الي عارف انه لوسن وفين مكانه رفض معهم  يطنق تركي: محد دور او لقاه؟ضعيت وحده من البنات جوالها
الكل: لا ابد
تركي هز راسه بل ايجاب يوقف يدور بل مجلس فزو العيال يساعدوه دورو وراح كل واحد يجهه اوس راح عند الجوال يدور واخذه ونطق: تركيي هذا؟
رفع الجوال عشان يقدر يشوفه تركي نطق تركي: ايي هذا هو
تقدم بابتسامه اوس يمد الجوال لتركي ينطق: خذ
تركي ابتسم يمد يده ياخذ الجوال ينطق: تسلم
العيال رجعو اماكنهم يرجعون يسولفون بعد ما شكرهم تركي طلع تركي الحوش مستانس ان هيام مبلكته وياخذه عذر عشان يدق عليها فتح جواله يدق على هيام

عند هيام:-
كانت بل مطبخ هي وسن بعد ما طلعت من الحمام تركت جوالها على الطاوله تروح تسوي شاهي لها وللبنات ولجمانه وشوق الي بيجون دق جوالها تلف تصغر عيونها عشان تشوف الاسم وشافت انه تركي تنطق: وسن
وسن لفت لها تنطق: عيونها
ابتسمت هيام تنطق: ردي على تركيي
راحت وسن تاخذ جوال هيام وترد وتحطه سبيكر وتتركه على الطاول وتسوي لها قهوه مقطره ينطق تركي: هيامم
وسن بتغنج: عيون هيام
كشر وجهه تركي من ميز انه صوت وسن نطق: وسن؟
وسن بضحك: ليه معجبك يكون انا
تركي: تعالي لجوالك يحماره
وسن بضحك هي وهيام:ههههه فين انت؟!
تركي وهو مكشر: هذاني بل حوش
وسن: الحين اجيك
تركي قفل مكشر كان مستانس يبي هيام نطق لنفسه: والله العظيم من اليوم يا تركيي تثقل فاهم
وهو كان جاد منجده راح يثقل ويسيطر على نفسه تطلع وسن وهي مبتسمه تنطق: جيت
تركي مد الجوال لها ينطق: خذي جوالك الخرده ذا
وسن: لونك اخ كفو شريت لي ايفون ١٥
تركي: هذا جوالك ايفون ١٤ وش عد تبين
وسن: مو توك تقول خرده
تركي: اكيد اطقطق
وسن تضحك: تمام خلاص احس بتنفجر فيني
تركي: كيف حطيتيه بل مجلس؟!
وسن: رحت ارتب واشيك ونسيته هناك فين لقيته
تركي: لقاه اوس
توترت وانخرشت ليكون شاف الخلفيه واساسا بمجرد ذكره فز قلبها يدق بسرعه
تركي: بروح
هزت راسها بل ايجاب وراح تركي للمجلس

عند حسام والبنات:-
كان طول الوقت حسام ساكت ما يتكلم وشوق ما تدري ليه هي حاسه فيه تحس فيه ضيقه ومحتاج احد بجانبه تفضل انها تسكت احسن من تزيد عليه الضيقه
جمانه: حساميي وقف لي السوبر هناك اخذ للبنات اشياء
لف وقف عند السوبر ينطق: تبين انزل معك؟
جمانه: لا عاديي بنزل وحدي بسرعه واجيي
شوق: بنزل معك
جمانه: لا احس خليك ارسلي لي وش تبين اذا تبين شي لان احس بنتاخر باقي ساعه وتصير ١٢ بليل لازم نسرع
شوق متوتره تقعد لحالها مع حسام سكتت ورجعت تعدل جلستا وتجلس،،نزلت جمانه السوبر تاخذ لهم اشياء هي والبنات
حسام سند راسه على المقود هاجد وهدوء المكان وشوق كان تدور سماعتها بشنطتها من دق جوالها رقم غريب حطته سبيكر وتركته وتنطق: مين؟!!
كانت تدوري بشنطتهاا ومو قادر تلاقيها وصامله تبيها ينطق: انتي شوق؟!
عقد حاجبه حسام لانه رجال ونطق باسمها بعد شد على يده بغيره يسكت وترد شوق: ايي مين معيي؟!!
يوسف: انا يوسف تذكريني

(اللهم لا تجعل روايتي تشغل عبادك عن ذكرك)
(اسفين تاخرت)