ماينسيني صبري وشقاي الا شوفتك

62

مروان: هلا بعروستنا هلا يبنتي ابيكم كلكم بل مجلس الثاني عندي لكم شور تعالو
اريام استغربت وتنطق: تمام نجيك الحين
مروان: تمام انتظركم
تركت الجوال وراحت عند هيام ونادتها قدام البنات : هيام بابا يبينا بل مجلس عنده شور
البنات استغربو واستغربت هيام تنطق: غريبه تمام يلا نروح
راحو لامهم ونادوها ودخلو ولقو ابوهم واوس
امنه: السلام عليكم
مروان واوس: وعليكم السلام
مروان: يا هلا بل اهل يا هلا
امنه: الله اشبك مروق ومستانس ملاحضه عليك
اوس : تلومونا خبر حلو وان شاءالله يكتب الله الي فيه الخير
اريام: اخلصو انطقو تحمست
مروان: هيام بنتي جاك خاطب يبيض الوجه
هيام تضرب على راسها: توني رفضت واحد امس
مروان ضحك: لكن يبنتي هذا استغيري وفكري من قلب
امنه: من الولد
مروان: تركي ال خليفه
نطق اسمه وجت هيام صدمه ونفس الوقت فرحهه مو قادره تستوعب انه منجده سواها
مروان قاطع تفكيرها:ونطق الولد يبي رد اخر الليل مو قادر يصبر
هيام: رايك يا ابوي انت و اوس وش؟
اوس: والله الرجال ما يفوت
مروان: والله يا بنتي الشور شورك ان ارتحتي وافي وان ما ارتحتي لا توافقين واما اذا عن رايي اشوفه رجال يناسبك ورجال كفو وشيم ودين وشغل واخلاق وجمال وكامل والله الكامل
اريام: احس مو قادره اوقف ابتسامه
هيام: ان شاءالله اليوم استخير وارد لكم خبر
مروان : زين يابنتي يلا اوس نستاذنكم بنرجع عند الرجاجيل
امنه بفرحه وناسه: استودعكم الله
طلعو وراحت اريام تحضن هيام وتنطق: ادري بترتاحين لا تفوتيه
امنه ترح تحضنهم ثنيناتهم وتنطق: ماصدق بناتي بيتزوجون ويتركوني
بعدتهم هيام وتنطق: خير وش ذي الثقه اني بوافق
امنه ضربت راسها وتنطق: اعرف بنتي تبيه
هيام توهقت وتنطق: لا رجال عادي بستخير واشوف اذا ارتحت او لا
اريام: محا اتركك ماما والله اجيك يومياً مقدر بدونك
امنه: اتمنى صدق ما تسحبون علي
هيام: افا نسحب على الكل الا انتي
امنه حضنتهم وطلعو كلهم مبتسم كل البنات الامهات شافوهم واستغربو من النور الي بوجهم
البنات: وش وش صار
هيام بتفاخر قدام دلال: خطبني احد
وسن تضرب على راسها وتهمس: الله يصبر تركي
ترفع راسها وتنطق: مين؟
اريام: تركي ال خليفه
دلال فزت توقف من مكانها: كيف؟!! من؟!!!
هيام: ت ر كيي ال خليفه عندك مانع
دلال دفتها تنطق: ما تستحين على وجهك تاخذين خطيبي ونتي تعرفين
هيام بقهر: هيه لا تمدين يدكك وبعد من قال انه خطيبك
دلال دفت هيام بقوه مرا ثانيه تنطق بصوت عالي: ما تستحين على وجهك انتي اساسا من انتي وكيف تحشرين نفسك بعايله ما تعرفينها هاه
الامهات لاحضو وراحو يشوفون وش صاير
هيام: اذا جاني على سنة الله ورسوله ما اعتبر حشرت نفسي بعايله ما اعرفها وبعلكس عايلته احفضها واصمها
راحت دلال تمسك شعر هيام وتشده بقوه والبنات يحاولون يوقفونها ودالال تنطق: انتي مغريته تطلعين قدامه وتسوين بلغلط وتتحرشين فيه
هيام وهي تتالم من شدها لشعرها وانقهرت من كلامها دفتها بقوه وضربتها كف صرخو كل البنات والعيال فزو يسمعون صراخ يعم البيت مروان يدق الباب وينطق بصوت عالي جداً: امنه وشو صاير
هيام ترد على كلام دلال: مدري من الي تطلع له عساس بلغلط ومدري مين تكشخ يومياً عشانه وتجلس ببيتهم عشانه
الرجال كانو يسمعون كلامهم وتركي عرف ان دلال سوت مشكله بس ماسك نفسه ما يدخل
دلال تنطق بصوت عالي وتدف هيام: خطيبي خطيبي ما تفهمين
هيام تالمت من دفتها دلال فزت وسن تنطق بصوت عالي وبقهر: والله يا دلال ان تمدين يدك مرا ثانيه عليها لا اعطيك كف تماديتي قلنا تحبيه لكن مو لدرجه ما ترضين انه يحب غيرك مو غصب يحبك وياخذك ما يبيك هو تمام اما هيام والله لونتي بنت خالتي وقلت لك تتعدين على هيام ما يصير خير انقلعي
امنه راحت تحضن هيام الي ماسكه صيحتها من الالم لن ما تبي تشوفها دلال تبكي
راحت اريام عند الباب الرجال متجمعين تنطق: ارجعو المجلس بنحل الوضع بينا
تركي تكلم وتنطق: هيام جاها شي؟؟؟!
اريام: يعني مو ذاك شوي تالمت لكنها قويه
تركي: طمنونا عليها
لف تركي على مروان ونطق: اسف بس ماقدر
مروان هز راسه بل ايجاب: معليك انت خطيبها
ابتسم تركي ونطق هاشم: ارجعو يلا خلوهم سوالف حريم
تركي يحك يده بتوتر خايف على هيام ومو قادر يصبر يبي يتطمن عليها

عند البنات:-
فرقو بينهم وكل واحد وجلسو وهجدو
هيام: بطلع غرفتي ارتاح وارجع انزل
البنات : تمام
طلعت هيام واريام وسن وشوق قلبهم عليها طلعت هيام تصلي وتستعيذ من الشيطان وتستخير عدل شعرها الكشه بسبب دلال وعدلت وجها وتوضت وراحت تصلي الاستخارة تسلمت وقرت لها قران شويي وانسدحت على السجاده وتفكر تهمس:هيام انتي مرتاحه بس ما تدرين اذا ذا حب ويروح ولا حب حقيقي وبعد بقوللك هيام شي عناد لدلال وافقي عليه اقهريها وبعد ابوك واخوك يبونه
جلست تفكر بعدها وقفت وراحت على سريرها تمسك جوالها وتتصل على ابوها
مروان شاف جواله يتصل وكانت هيام رده: هلا بهيامي انا
هيام ابتسمت وحست براحه شوي تنطق: بابا
مروان: عيون ابوك
هيام: استخرت
مروان: بشري يابنتي هاه كيف
هيام: موافقه
مروان بفرحهه وقف ونطق: يارب لك الحمدالله الله يسعدك يابنتي ويتمم لكم على خير
تركي لاحظ وقوف مروان المفاجئ وهو يضحك استغربو كل الي بل مجلس الا اوس عرف ان اخته وافقت
هيام: امين يارب يلا استاذنك
مروان: هيام بنتي شفيك تعبانه لا يكون جاك شي؟
هيام وهي ضايقه ما تدري ليه: ابد
مروان: لا تكذبيني تراك بنتي واعرفك وبعد ذيك المجنونه سمعت انها مدت يدها عليك
هيام: بس كفختها انا اكثر معليك وانا بنتك
ابتسم مروان ونطق: يلا يا بنتي ما اطول عليك
هيام: مع السلامه
مروان: مع السلامه
قفلت وانسدحت على السرير تنثر شعرها كله تحسه اصعب واكبر قرار اتخذته واسرع قرار انسدحت تستغفر حتى سمعت اذان العشا فزت توضت وصلت ونزلت عند البنات تكمل معهم تخطيطاتهم للملكه وتتجاهل دلال الي جالسه على جوالها واضح انها منقهر

ملس الرجال:-
مروان بصوت عالي: هاشم
هاشم: سم
مروان وهو مبتسم: البنت ردة الخبر
تركي حس بطاقه ايجابيه من ابتسامت مروان وشد على يده يسمع الرد
هاشم: وش شور البنت
مروان: موافقه وعلى طلبكم النضره الشرعيه بكرا اخر الليل بعد الملكه
تركي حاول يتحكم بردة فعله قدام الرجاجيل عشان ما يقولو عنه خفيف ابتسم شديد الابتسامه مو قادر يوصف سعادته بهل وقت ومو قادر يصبر من تفكير انها بتصير له وبتصير حلاله وبتصير حرمه وحبه الاول والاخير
نطق: الحمدالله يارب
مروان: لا اوصيكم على بناتي صونوهم وعطوهم حقهم وحقوقهم وحبوهم ورحموهم انا واثق بالله ثم فيكم انكم رجال اولاد رجال وقبايل
تركي: ما طلبت شي هذا منا وفينا بنصونهم ونحبهم وكل الي تبي هذول بنات مروان
وافي: والله ان ما كنت لها سند من يكون وان شاءالله ما تشوفون فينا الا كل خير وكل حب
هاشم وابو وافي ابتسمو وجلسو يسولفون وبعدها اذن العشا وراحو المسجد يصلون ويرجعون كل واحد بيته ينام معدا العيال
سلطان طول وقته فاهي فيها ومو قادر يطلعها من راسه يعرف روح بنت ابو روح وما عندهم الا هي
وافي: اسمعو الحين الساعه عشره خلونا نروح ننام بنصحى بدري ونكرف للملكه
اوس: ايي والله نروح ننام ونصحى بدري
تركي: تم
رجعو كلهم غرفهم

(اللهم لا تجعل روايتي تشغل عبادك عن ذكرك)