هيام مو مصدقه :لا لا ولا شي
تركي: وردك على كلامي؟
هيام : بما انك قلتي لي وتاسفت سامحتك لكن خلني اوضح لك شي
تعرف اني بنت رجال وتعرف اني بنت مروان ليه ما تتاكد اني من ذي النوعيات وبعد عبدالله جبته عشان البنت الي معي نتكلم بموضوعها ونتناقش لا اقل ولا اكثرر
ما يعرف ليه ارتاح من سمع هل كلام منها وحس نفسه نقيه الحين من الافكار السلبيه تجاها وتجاه عبدالله
من حس يدينها الناعمه على كتوفه تنزل التيشرت وتنطق:يلا توكل قدام وصلني البيت تاخرت
نزلت وهو مبتسم وركب وصلها البيت ورجع بيته
وصلت بيتهاا واخذت شور حار ولبست بجامه وراحت تنام
جلست تفكر بتركي كيف هو كفو وساعدهاا وكيف دافع عنها قدام كل الرجل الي هناك وكلمته الي ما نستها(اقسم بمن احل القسم ان تلمس شعره وحده منها ما تشوف خير وتتمنى الموت وما اكون تركي ال خليفه ) جلست تفكر وتتعمق بتفكير حتى فكرت بلغلط بجماله تهمس(ما انكر انه يجنن وان عنده عضلات وجمال ملامحه وهيبته لكن تدرين هيام عنده شي خايس وهو عصبيته) ضربت نفسها هيام اقول نامي ونامت
صباح اليوم الثاني:-
وصلت المستشفى
من جتها الطفله الي سوت لها تحليل وفتحت مستندات التحليل
وطلع عندها سرطان بدم وتحتاج انها تتنوم وان احد يتبرع لها بدم هيام بحزن شديد: لو سمحتي ابيك لحالك عطي الطفله ابوها
الام خافت وهزت راسها بل ايجاب ودتها لابوها ورجعت وجلست
هيام:البنوته لازم تتنوم ولازم احد يتبرعه لها بدم
الام:وش فيها بنتي
هيام بحزن:قضاء الله وقدره ربي اذا احب عبد ابتلاه بنتك عندها سرطان والعياذ بالله
الام تمسك على صدرها وتشهق وتبكي بهمس :بنتي وحيدتي اخخ
هيام من قامت تحضنها وتصبرهاا وتنطق:باذن الله نقدر نساعدها الحين انتي لازم تتقوين وتقومين باحسن طاقه لبنت بنتك تحتاجك تمام
الام بعد مواساتها حست صدق لازم تتقوى وقفت ومسحت دموعها وطبطبت على كتف هيام وطلعت لبنتها وهي تضحك
واخذتها وعلمت ابوها وجهزو غرفه لها تتنوم فيها
المركز :-
داوم مروق ومستناس ومسويه له وسن شاهي نعناع يروق عليه وركب سيارته وصور لوسن الشاهي ويده وارسله وداوم دوام طيبعي من دخل وافي عليه
وافي: الله الله وش سبب ذا الروقان يا تركيي واضح من وجهك بدون تعلم
تركي: ولا شي الانسان ما يروق يعني
وافي: اكيد في شي خلاك تروق يرجال انت ما تروق الا بسبب
تركي: طيب خلاص في سبب
وافي وهو مبتسم: انطق علمني بسبب اروق معك
تركي: لا لا مو لازم تروق معي بسببي
وافي وهو يسكر عيونه شويي ويناضره: يل حسود ادري مخبي شي
تركي: اقول الحين برجع البيت خلص دوامي وتعال عندنا مناسبه اليوم تمام وخذ اهلك لا تقول ما قلتها انتظرك انت وهم
وافي: يصير خير
بيت ال خليفه :-
وصل تركيي البيت وهو مروق ويشوف كل الي بلبيت يجهزون والعاملات ينضفون والبيت تعمه النضافه دخل الصاله شافهم متجمعين وراح وسلم عليهم: السلام عليكم
ردو كلهم:وعليكم السلام
شيماء: ياهلا بوليدي واضح وجهك فيه نور اليوم يارب دوم
وسن بابتسامه:الله صار لي زمان ما شفت تروكيي مروق وش السر مين قدر عليك
من سمعها تقول (مين قدر عليك) جلس يفكر هي منجد قدرت عليه شلون وكيف ما يدري من نطق: افا يعني لازم يروق الانسان بسبب؟!
هاشم: والله شف انا ما كنت اروق الا لما امك تسوي شي يعجبني فا اكيد انت وراك سبب
تركي: دام متاكدين في سبب خلوه لي
وسن بابتسامه:ما تخبي علي شي صح؟!
هز راسه بنفي من نطق ابوه: يا تركيي رح لبيت ابو هيام واعزمهم اليوم وبدق عليهم بعد اللزم الا يجن نبيهم اليوم ما يكمل يومنا الا فيهم
صار المغرب وجهز ولبس ثوبه الاسود الي خلا هيبته تزيد ولبس ساعته الغاليه والفخمه والكبك وتعطر واخذ يبخر شماغه البيضاء ويلبسها وينزل لهم بشموخ وثقه في مشيته وهو يعدل ازار ثوبه
من ودعهم وهم صافنين بجماله قائل: يلا استاذنكم بروح لبيت ابو هيام
وراح البيت ودخل الحوش الي فيه رجال من سمع صوتها ودق قلبه بسرعه كبيره ينصت لصوتها الولهان عليه ينصت لكلامها
هيام: روح تخيلي امس وش صار
روح: هيامي انتي امس كله اكشن من الصباح حتى الليل والله ما اتخطى
هيام: ايي والله لكن صار شي بل مستشفى
روح : وش انطقي
هيام:تخيلي واحد مريض ساعدته من الموت وسالته سوال واحد وقام خنقني بل جدار وعطاني كف ويجلس يتلفض علي وانا جلست اصيح وخايفه ما قدرت اسوي شي ابي يساعدني احد دعيت ربي ينقذني منه احد وانا خايفه تخيلي من جا
روح: وافي؟
هيام : لا وش يجيبه من المركز عندي
روح: اجل يا عبدالله يا تركيي
فز من سمع عبدالله وشد على يده بقهر وغيره عليها ويعرف انها من النوع الخفيف لو يسوي لها شي حبته ورس على سنونه ويعدل شماغه وينصت
هيام: عبدالله جا وساعدني وجلس يقول والله لو تلمس شعره منها ما تسلم والله لا ارفع عليك قضيه لا اشوف تغلط عليها اديك بداهيه واحمد ربك انها انقذتك تخيلي طرده وجا يقول انتي بخير جاك شي وانا متوتره منه اكثر من ذاك قال يلا اروح مكتبي ارتاح واستاذن واروح وبعدها دق علي وافي وطلعت وبس والله
روح:شكله يحبك عاد تراه مزيون
هيام :تخيلي انه يحبني منجد
روح: والله توقعيي
هيام :شعلينا الحين المهم بقوم اكشخ لن عند ام وسن مناسبه وعزمتنا بروح ابسط معهم
سمع كلامها عن عبدالله وسمع كلام روح وخاف انه يخسرها ولو يفكر يخطبها يعرف ميه بل ميه انها راح ترفضه وعصب وحاول ما يبين من راح لااوس وكلمه:اوس اليوم ابوي عازمكم وقال اجيكم ولا تتاخرون وحلف الا تجون كلكم
اوس:ان شاءالله
ركب سيارته ورجع البيت يفكر فيها رغم انه سوا نفس عبدالله واكثر ليه ما تشوفه هو شد على يده مسرع للبيت وصل البيت وراح غرفته يهدي على نفسه ويتصنع الروقان عشان ما يخوب على اهله شي
YOU ARE READING
ماينسيني صبري وشقاي الا شوفتك
Romanceجفـاك الجـمـر والصـبـر فــي بـعـدك الصـاجـه وطــبــع حــبــك بـقـلـبـي والايــــام ماتـمـحـيـه (البارتات جداً قصيره لا يغركم العدد)
