وراحت ايلا تنطق للديجي تشغل عشان يرقصون
شغلت مصري
وقامو روح وهيام يربطون على خصرهم بطرحاتهم ويهزون والبنات يصفقون والحاضرين لفتت الانتابه هيام وتفاعلو معها واجد ويصفقون منبهرين بهزها الجميل خلصت الاغنيه وصفقو البنات صفقه اخيره ويبتسمون
وسن بابتسامه: والله انك موت حمر مالوم اخوي
شوق وهي توقف: يحظه فيها بس الكل يتمناها وفاز فيها
وسن بفخر بابتسامه: يستاهل اخوي
ابتسمت هيام ، تنطق شوق: بقوم اقهوي الحاضرين الي ما راحو يتعشون
البنات: تم
وقفت شوق بكامل زينتها تروح تضيف الحضور وترجع تجلس وتناضر البنات يرقصون فزت من سحبتها اريام ترقص معها ويضحكون ويرقصون
عند الرجال:-
حسام بضحك: ههههه يرجال بطني بيعضل خلاص
نواف بضحك : وازيدك الشعر بيت سواها على نفسه من الخرشه هههه
اوس بضهك وهو يمسك بطنه: وربي بطني عضل انا هههههه
سلطان يضحك: ههه ماتوقعت لذي الدرجه من الخوف يسويها
تركي وهو مبتسم: عجبتني انت وهيبتك
نواف غمز ينطق: اعجبك شفت
حسام: الله يعين اختي من الضحك
نواف: شتقصد
حسام: اقصد بتجلس تضحك طول الوقت
نواف: امم
قدم لهم القهونجي شاهي واخذتهم السوالف والضحكات الي تعم المجلس وحسام رجع ضهره على ورا يفتح جواله ينزل تغريده مكتوب فيها
تراني ليا شفتك اسج الفكر واشقيه
واشوف القمر واقول عندي قمر ثاني
غلاتك بقلبي شي يطفى على التشبيه
كيف اوصفك بالوصف والوصف يعجز عنه لساني
ابتسم ينشرهاا ويكمل يسولف معهم
عند الحريم:-
وصلها اشعار انه نزل تغريده فتحت جوالها تشوف التغريده
وقراءتها احبت اللابيات ولكن لا تدي اي اهتمام تقفل جوالها وتتركه وترجع تكلم سوالف مع البنات
هيام: بما انه تاخر الليل وبدو يروحون المعازيم شرايكم بجلست سوالف وسط الصاله
مها: ياخي جويي هيامي
هيام ابتسمت تنطق: يلا بروح اسوي لنا شاهي نعناع
شوق وقفت معها تنطق: بجي معك اجهز الفطاير
هيام: تم ونتم بنات جهزو الجلسه حتى نجي
البنات: تم
راحت هيام وشوق المطبخ وبدو يسولفون على بال ما يجهز الشاي
نطقت شوق : هيام بسالك
هيام: اسالي
شوق: لو وحده تحبك بس تحسين مالك مشاعر واجد لها بس امتنان وشكر وش تسوين " تقصد حسام بس حطته مؤنثى عشان هيام ما تشك""
هيام: مو تحبني بعطيها حقها بل حب حتى لو ما احبها
شوق قاعده تفكر : بقول لك قصتي
هيام فكت النافذه الي تطل على الحوش وتنطق: ايي قولي وربي اني حاسه وراك قصه بس مو قاعده تتكلمي
شوق ابتسمت تنط تجلس فوق الطاوله وانطق: من البدايه اعترف كنت احب احد بس ما كان بينا نصيب او بدون تشفير ما كان يحبني كان حبي من طرف واحد المهم هو ولد جارتنا مادري وش المميز فيه صراحه بس كنت احس اني اميل له
هيام بتركيز: ايوه
شوق لفت سمعت شي عند النافذه تنطق لهيام: سمعتي شي؟!
هيام: مو مهم كملي
كملت شوق كلامها تنطق: المهم كنت احس اني اميل له واجد بعد كنت اتحمس وقت امه توصيه يجيب الاكل لنا والصواني حقنا المهم كانو يشبكون بينا
،،حسام كان عند النافذه توه طالع من حمامات حوش ابو جمانه وسمع كلام شوق وميز صوتها شد على يده بغيره وبقهر وبكسر كبير بقلبه من كلامه يكمل يسمعها
شوق: المهم يقولون دايم ان يوسف لي وانا ليوسف يوسف كان يطنش عشان ما يضايقني يعرف اني احبه وهو يتضايق كان يطلع من البيت المهم قدر الله ونقلو السنه الي راحت وامها وماما باقي يتواصلون مع بعض وانا مدري احسني باقي اميل له ومن ناحيه احس اني تخطيته
مشى حسام للمجلس يبي يستاذنهم لكن ما يقدر لانها اخته العروسه سكت ورجع يطلع لسيارته يرتاح فيها مايبي احد يشوفه معصب ومنقهر والكسر في قلبه،،،
هيام بحزن على شوق تنطق: اسمعيني سا شوشو الحين ربي مو كاتب بينكم نصيب وقدر وتعرفين ربي اذا مكتوبه له بيزوجك ياه واذا مو مكتوبه له محا يزوجك ياه الحين ربي ابعده عنك اكيد لان مو نصيبك ولانه مو الشخص المناسب لك اكيد في شخص تستاهليه واحسن منه منتضرك بل مستقبل
شوق ارتاحت من قالت لها ومن كلام هيام تنطق: احبك هياميي ارتحت بقول لك من الحين كل شي
هيام ابتسمت تفتح يدينها دليل انها تبي تحضنها راحت شوق تحضنها ودخلت امجاد تشوفهم وتكتف تنطق: خير لنا ساعه ننتضر ونتم رومنسيات
هيام مسكت خد شوق تنطق: بكيفنا
امجاد تكتف تنطق: المفروض تحضنوني بعد يلكريهين مو تقولون كذا
فز لها شوق وهيام يحضنونها ويضحكون ،،وشوق تشيل الفطاير وهيام الشاي ويروحون
عند حسام:-
فتح جواله يشد عليه يرسل بقروب العيال
حسام: يعيال جاني شغل ضروري ورحت له وبتاخر اشوفكم بكرا باذن الله
تركي بذي المواضيع يفهم وواجد لانه اكثر انسان يطبقها وعارف ان حسام صاير معه شي وماله خلق لاحد كتب رد لحسام: خذ راحتك ولا تتعب نفسك واجد وباذن الله لنا لقى بكرا
الباقي من العيال: الله يوفقك
ما رد حسام على احد يكتب لابوه: يبه جاني شغل ضروري ورحت له اعذروني
ابو حسام: معذور يولدي واساساً مابقي الا العيال وعمانك
ما رد حسامياخذ اشياءه ويدخل البيت من الباب الخلفي يروح غرفته ويسكر الباب ويتوجهه لسرير مباشره،،يرمي الشماغ على وجهه ،، وحط يد تحت راسه ويد على صدر، كان جداً حزين ومعصب ومكتئب وغيران يفكر انه ضحى بنفسه اكثر من مرا لروحها وساعدها وحبها وش بقى ما سوا انكسر كسر محد يقدر يجبره رعم انه متوقع انها ما تحبه وبتصير تحبه بس ما توقع انها تحب احد ثانيه وتجهل حبه يحاول ينام ينسى همه وكسره ومو قادر فتح جواله يشوف اخر تغريده له ماردت عليها من حسابها الوهمي ياخذ ويكتب
" ما هو ضروري التفت وأدورك بين الجموع
من لذة الطعنة عرفت إيدك وأنا ما شفتها "
ارسلها ورما جواله يرجع شماغه على وجهه يمسك ضيقته وقلبه المكسور ويحاول ينام
عند البنات:-
ارسل تركي لوسن يكتب: وسونتي
وسن ابتسمت من شافت رسالته تكتب: عيون وسن
تركي ابتسم يكتب: صار شي عندكم منا مناك
وسن عقدة حواجبها تستغرب تكتب: لا ابد كل شي سالم
تركي استغرب يكتب: اوكك
وسن: ليه؟
تركي: ابد واحد من العيال متضايق وطلع قلت اسال بس اكيد يمكن عشان الشغل
استغربت وسن بفضول من المتضايق تكتب: الله يفرج همه
تركي: امين يارب
فقلو المحادثه رفعت وسن تكمل سوالف معهم ،، سمعت رساله بجواله تفتح تشوفه منزل تغريده كانت بتسحب عليها لكن لمحت بداية الجمله تفتحها بفضول تشوف العباره
" ما هو ضروري التفت وأدورك بين الجموع
من لذة الطعنة عرفت إيدك وأنا ما شفتها "
عقدة حواجبها تستغرب تغريدته الي عكس عن كل التغريدات
قفلت جواله وهي تفكر ترفع نضرها للبنات وتسمع سوالفهم
.
.
بعد عدة دقائق فكرت انو لو يكون الي كان عند النافذه عند المطبخ وانه سمعها تفكر انه سمع انها قالت انها تحب يوسف تهمس: لا لا يشوق اكيد لا
طنشت تفكيرها ونطقت ام شوق وام امجاد وام ايلاف وام هيام وام روح وام وسن ينطقون : يلا تجهزو بنرجع الفله تاخر الوقت
غرام لفت باحباط تنطق: كنت متحمسه نسهر لصباح
جمانه: ايي بنات ترا عرسي بعد عرس اريامي ب ٦ ايام
(اللهم لا تجعل روايتي تشغل عبادك عن ذكرك)
YOU ARE READING
ماينسيني صبري وشقاي الا شوفتك
Romanceجفـاك الجـمـر والصـبـر فــي بـعـدك الصـاجـه وطــبــع حــبــك بـقـلـبـي والايــــام ماتـمـحـيـه (البارتات جداً قصيره لا يغركم العدد)
