ماينسيني صبري وشقاي الا شوفتك

83

حرك ومشى للخط يفكر فهيام يعرف هيام مو من ذا النوع لنه يثق فيها وبشخصيتها لكن عنده شك كبير من ناحية محمد يخاف يسوي لها شي منجد وخايف بعد ان هيام ما تحبه وتحب صدق محمد من كلام دلال ما يبي ينصدم تعوذ من الشيطان وركز على الطريق

عند دلال:-
دلال: ليالي
ليالي: هلا
دلال: كلمتي محمد
ليالي: ايي بس لازم تعرفين لي متى بتروح هيام المستشفى
دلال: اخخ الحين كيف اعرفف
ليالي: معد ناقصنا الا ذا دبري امرك وارسليه لي
دلال : تمام يلا
ارتاحت دلال لكن عندها هم كيف بتعرف

عند البنات بل فله:-
المحادثه:-
وسن: بنات احس بنام حتى العصر واقوم تعب
روح: وانا والله احس بنام بس ابي اطمن على هيامي قبل
شوق: قالت لنا يمكن تصول كذا ٥ المغرب
اريام: نامي يروح وبتطمن عليها انا اذا وصلت دقيت عليك
روح: ونتي اريامي
اريام: احس ما فيني نوم بقوم اسوي لي قهوه وحلا وتقهوى انا واوسي
روح: اجل حلو تم
وسن: بايي
الكل : بايي
راحت اريام المطبخ تطبخ قهوه وتسوي حلا سوت حلا الاوريو وسوت قهوه ودخلت الصاله تجلس وتدق على اوس يجيها يتقهوى معها رد
اوس وهو يناضر وافي : هلا اريامي
وافي عقد حواجبه تنطق اريام: اوسيي تعال سويت قهوه وحلا نسولف ونتقهوى
اوس فز بوناسه: الحين اجيك مفحط
اريام بضحك: هههه يلا
قفل اوس ومسك يده وافي ينطق: على وين؟
اوس: شدخلك امم صح تذكرت لك دخل المهم رايح عند اختي اتقهوى معها واسولف
وافي نزل يده وراسه: تم
راح اوس ودخل الصاله وراح ركض بجانب اريام ينطق: الله الله وش ذا السنع
اريام: كذا طقتني سناعه
اوس وهو ياكل لقمة حلا: والله لو تشوفين وجهه وافي يوم قلت بجيك عزمتيني تضحكين هههه
اريام بضحك: ههه ليه شفيه وجهه
اوس: حس بغدره انك ما عزمتيه هههه وحقد علي هههه
اريام: ههههه حرام طيب قله يجي يتقهوى معنا اجل
اوس يشرب قهوه: الحين اناديه بس كنت ابيه يحس بغدره شويي
اريام: حمار ههه
دق اوس على وافي وحطه سبيكر
رد وافي ينطق: شتبي؟! تقهرني!
اوس ضحك: هههه لا تعال ارياميييي عزمتك بعد
فز وافي ينطق مذهول ومستانس: احلف؟!!!!
شد اوس على كلمة ارياميي عشان وافي يغار وصدق غار بس سكت لنه اخوها ما يقدر يسوي شي
اوس: ايي تعال اخلص بس ابتقهوى
وافي :الحين اجيك
قفل وكمل سوالف مع اخته حتى يجي وافي

بعد ثلاث ساعات الساعه ٤:٠٠:-
وصلت المطار طلبت اوبر للبيت عشان تتجهز ويمدي ترتاح حتى الساعه ٨:٠٠ العشا لنه وقت دوامها
كانت جالسه في احدى مقاعد المطار تنتظر الاوبر وتلعب بجوالها قررت تدور فستان لعرس اختها الي ما تدري اي يوم هو بحثت في اكثر من حساب في الانستا وما لقت قررت تروح التيك فتحته وتدور بل حسابات عقدة حواجبها من تسمع صراخ بجانبها قاطع تسوقها طفل انخنق باكل وصار لونه ازرق مسود
فز ترمي كل شي فوقها من شنطتها وجوالها تفز لطفل وتاخذه من يد امه وتطبق له الاسعافات الاوليه كل ذا تحت انضار ناس واجد الاب مصدوم وحالة انيهار على ابنه ومو قادر يسوي شي طلع الاكل من فمه ولكنه بقى مخنوق مدته على الارض تطبق الاسعافات الاوليه حتى فز الطفل من الاغماء يبكي شالته هيام تحتظنه وتسمي عليه وتنطق:خلاص يروحي راح اهدى راح
هدا الطفل من حضنها وامه طايحه بل ارض تبكي تقرب منها هيام وتحط يدها على فكها تنطق: يروحيي خلاص ولدك ما جاه شي مجرد اختناق
فزت امه تحضن هيام وتحضنه وتشكرها وصولو الاسعاف يدورون على الطفل وعلمهم ابوه ان هيام انقذته وطلبوها معلومتها لن اشياء كاذ تسويها ترفع مستواها بشغلها عطتهم معلوماتها وصلتها رساله من الابر( انا برا)
لفت تستاذنهم ولكن اوقفتها يد الام تنطق: ماقدر اوفيك بحقك ولكن اشكرك من قلبي والله انك شي عضيم وجداً كبير بهل مجتمع اتمنى تلاقي احد ينقذك من صعوباتك ويفهمك بكل شي. ويساعدك يارب
ابتسمت هيام تنطق: امين وياك يارب
راحت وركبت الاوبر ورجعها البيت وصلت البيت الساعه ٦:٠٠ بسبب مساعدتها

عند تركي:-
تركي: تركيي اصبر باقي ساعتين وتوصل اكيد باقي ما داومت
كل مرا يحاول يهدي نفسه ويتعوذ من الشيظان من الافكو الي تجيه بس كل الي يتمناه ما ينصدم لف نضره يشوف البنزين بيخلص وقف بحدى المحطات ونزل يصلي المغرب ويعبي بنزين
عبا بنزين وركب السياره وحركك وطول الوقت يدعي ربه

عند جمانه:-
جمانه: حساميي
حسام: ههه
جمانه: شفيك تهوجس من الطريق حتى هنا
حسام: ما اهوجس افكر بشغل بس
جمانه: لا تكذب ترا اعرفكك تراني متربيه معك وعرفك حق المعرفه
حسام: طيب صدق افكر بشغل
جمانه: تم بكيفك هو بعرف كان اليوم او بعدين
حسام: ليه مصره في شي
جمانه: لن حتى شوق مو طبيعيه طول الوقت تفكر وبعد قايله لي شي
حسام عقد حواجبه: اكيد بتصير مو طبيعيه وهي كانت بتحترق
جمانه: لا اعرف في شي ثاني
حسام: ليه وش تعرفين
جمانه: حسامم لا تستغبيني ترا قالت شوق صار شي وتحس بتموت حيا منك
انخرش حسام لنها تذكرت شوق الي صار وتوتر نطق: ا ا اكيد بتستحي لني شلتها وطلعتها
جمانه: ماقتنعت بس تم المهم بنام ورايا دوام بكرا للجامعه
راحت غرفتها تنام

عند ام ايلاف:-
ام ايلاف: نواف ولدي
نواف: امريني يمه
ام ايلاف: بطلبك طلب ولا تردني هل مرا تكفى
نواف توتر لنه يعرف مواضيع امه هذي وكل مرا يرد طلبها وهل مرا قلبه بيوجعه له فتره منها وبيرد طلبها: امريني يا يمه ما يصير الا الي تبين
ام ايلاف ابتسمت: ياولدي دايم اخطب لك وترفضني وترد لكن هل مرا لا تردني لقيت بك بنتن تناسبك
نوافي توهق: يا يمه تعرفيني مالي بزواج ولا احبه ولاني متجهز نفسياً
ام ايلاف تمثل الحزن ونزلت راسها: يولدي طلبتك لا تردني وربي انها بنتن تستحقك وتستحقها
نواف بحزن وعدم توضيحه: ما عاش من يحزنك وما عاش من يرفضك ابشري بلي يبيه قلبك
ايلاف فزت: يمه من تبين له
ام ايلاف: جمانه اخت حسام
نواف بذهول: اخت حسام؟؟؟؟؟؟
ام ايلاف: ايي يولدي ليكون غيرت رايك تراك وعدتني
نوافي بتوتر ما يبي: ا ا لاا لا الي تبيه
ايلاف بحماس: والله يماما طحتي بوحده واوو كفوو
ام ايلاف تغمز لبنتها: لعبتي هذيي
نواف: متى تبين نروح نخطبها
ام ايلاف: وقت ترجع هيام من الرياض
ايلاف: ايي وقتها احسن
نواف اكتئب وهز راسه بل ايجاب ودخل غرفته مهموم ما يبي يتزوج

عند هيام:-
بعد ما علمت اهلها انها وصلت ونامت صحت على المنبه الساعه ٧:٣٠ تنطق: يمه متى نمت خير
فزت ترتب اغراضها وتلبس البالطوو حقها وتتجهز وتلبس عبايتها ونغابها وتحط شوية ميكب عشان اذا قابلت صاحباتها الي بشغل
ركبت السياره تتوجه للمستشفى دخلت المستشفى تروح مكتبها ترسل بقروبها هي والبنات
هيام: بنات لحد يرسل لي او يدق وصلت المستشفى وبدخل بعد ساعه العمليات
البنات: تمام
روح : انتبهي على نفسك
الواقع:-
فزت دلال من قرت الرساله تنطق: جت بوقتها
حددت الرساله وحولتها ل ليالي وارسلت ليالي: حلو الحين اقول له
دخلت هيام تسند على كرسيها وتناضر جوالها
دق الباب احد وتنطق هيام: تفضل
محمد: السلام عليكم
هيام: وعليكم السلام تفضل
محمد: انا محمد جديد هنا المدير قال اجيك وتعرف عليك وبعد تعطيني دورات
هيام: ما كلمني المدير؟!
محمد: اقول له يكلمك عادي ترا!
هيام: لا لا خلاص انا بكلمه بعدين بس وش متاسس فيه انت
ابتسم ابتسامت خبث ولاكن هيام ما تفرق اذا خبث او لا نطق: يعني اقول الصراحه داخل واسطه

(اللهم لا تجعل روايتي تشغل عبادك عن ذكرك)