Unicode
" ဤကမ္ဘာ၏နှောင်ကြိုး " (5)
အခန်း_၅(လွမ်းဆွတ်ခြင်းတွေ အရိုးထဲစွဲလာတဲ့အခါ ကုရာနတ္တိဆေးမရှိ )
"ယိချူးဆိုတာ မင်းလား
မင်းက ရန်ယိကွမ်းရဲ့သမီးငယ်ဆိုတာပေါ့ "
" မှန်ပါတယ် "
သူမအားခြေဆုံးခေါင်းဆုံးကြည့်လျက်မေးမြန်လာသော ဖန်းမိဖုရားအား
ယိချူးသည်လည်းခြေဆုံးခေါင်းဆုံးတစ်ကိုယ်လုံးပါ သေချာစွာပြူးပြဲ၍ပြန်ကြည့်လိုက်လေသည်။
[ ဘုရင့်အချစ်ဆုံးမိဖုရားဆိုလို့ အလှပဂေးလားဘာလားထင်နေတာ
မြင်လိုက်ရတော့လည်းဘာမှမဟုတ်ပါလား
အသက်ကြီးသွားလို့များလား?]
" ရာရာစစ..ရိုင်းလိုက်တာ
မိဖုရားကိုတွေ့တာတောင်ဒူးမထောက်ပဲ
စူးစူးရဲရဲကြည့်နေသေးတယ် "
ထိုအထိန်းတော်ကြီး၏စကားအား
ယိချူးကဟာသပြက်လုံးတစ်ခုကိုကြားလိုက်ရသည့်အလား မထိတရိရယ်မောလိုက်လေသည်။
" ဟက်..! ဒူးထောက်ရအောင် ကျွန်မက
ရှင်တို့မိဖုရားကို ဂါဝရပြုဖို့လာတာမဟုတ်ဘူးလေ
သတိပေးဖို့လာတာ "
" နင်..!
အထိန်းတော်ကြီးနှင့်အပျိုတော်တစ်ယောက်မှ ယိချူးအားဖမ်းချုပ်ရန်ပြင်လိုက်ကြလေသည်။
" ရပ်လိုက်.! သူက ကျန်းမာရေးကောင်းတာမဟုတ်ဘူး
ဒီတိုင်းပြောပါစေ
ပြောပါ ငါ့ကိုတွေ့ပြီးဘာပြောချင်တာလဲ "
ယိချူးမှာ ဆယ်ယောက်နီးပါးခန့်ရှိသည့်
ရံရွှေတော်အုပ်စုဘက်မျက်စပြစ်လိုက်ရင်းဆိုလိုက်လေသည်။
" နှစ်ယောက်တည်းပြောချင်တာပါ "
ဖန်းမိဖုရားမှာ အတတ်နိုင်ဆုံးစိတ်လျှော့လျက် သူမ၏လူတွေအားအမိန့်ပေးလိုက်လေသည်။
" ကောင်းပြီ
မင်းတို့တွေအပြင်ထွက်နေကြ "
ယိချူး၏ခြိမ်းခြောက်မှု့အောင်မြင်ပါသည်။
ဖန်းမိဖုရားမှာ ရန်မိသားစုအား
နောက်နောက်ပြဿနာမရှာတော့ပါဟူသော
အပေးအယူဖြင့် သူမ၏လျှို့ဝှက်ချက်အား
ထိန်းသိမ်းစေခဲ့သည်။
ယိချူးကား ဖန်းမိဖုရား၏နန်းတော်ထဲမှ အောင်ပွဲရစစ်သူကြီးတစ်ယောက်၏ဂုဏ်ယူဝံ့ကြွားမှုမျိုးဖြင့် ပြန်ထွက်လာလေသည်။
သူမနောက်မှာကျန်ရစ်ခဲ့သော ဖန်းမိဖုရားမှာမူ သွေးတက်ကာကျန်ရစ်ခဲ့လေသည်။
ထိုအခါ နန်းတော်တစ်ခုလုံးပျာယာခတ်သွားကြပြန်တော့သည်။
ဖန်းအမတ်ချုပ်မှာ သမီးဖြစ်သူ မကြာခဏ
မေ့မျောနေသည့်အတွက်လာရောက်တွေ့ဆုံကာ အကြောင်းအရင်းအားမေးမြန်းလေသည်။
YOU ARE READING
" ဤကမ္ဘာ၏နှောင်ကြိုး "(Completed)
Historical Fictionယန်ယိချူးတစ်ယောက် သူငယ်ချင်းရဲ့သစ္စာဖောက်ခံလိုက်ရပြီးနောက် ကားတိုက်ခံရပြီး ရှေးခေတ်ထဲကိုဝိညာဉ်ကူးပြောင်းသွားခဲ့ပါတယ်။ သူမရဲ့နောက်ဆုံးဆန္ဒက သစ္စာဖောက်တဲ့သူငယ်ချင်းမရဲ့အသဲကိုခွဲဖိူ့ပါ။ တာ့စုန့်ခေတ်မှာ သူမဟာ သစ္စာဖောက်သူငယ်ချင်းမနှင့်အတူ သူမရဲ့ crush က...
