فـراغ الجـحيم

الحـلقة الرابـعة 🔱.

. قراءة مُمتعة .

للكاتبة|| يــاقــُوت  ..
ــــــــــــــــــــ[٤]ـــــــــــــــــــ

خنگه صارت وضلام دامس تشنـج جسمي  .. اصيح وصوتي ميطلع حاولت اكـوم ماكدر  .. سواد حاوط راسي واتجـه ناحيت رجلي جرنـي جـر خليت ايـدي على وجهي اسـد عيوني شكل الي يجر رجلي شـكله مرعب !! صرخت بكل قوتي  ..

:- روح  .. يياعللللللييييي الغوثثثثثثثثث ييمههههه   ..
وفـزيت  !! جان جاثوم  !!
كضيت راسي وتفحصت جسمي سليم بس عركانـه وعشطانه  .. باوعت الغرفه فارغه حتى ابوي ماكو شفت ساعه الوقت جان  ٨ : ٩ الصبـح  ، كمت رتبت الغرفه وادور على ابـوي طبيت مطبخ غسل وجهي ورحت ناحيت الممر اريد اطلع شفت ابوي بلحديقه ماطلعت رجعت المكاني وكضيت الورقه اريد اوديها الوالدي  ..
قبل لا اطلع دك تلفوني والرقم جدو رحت فتحت الخط  ..

:- روح  .. هلا جدو
:- فؤاد .. هلا بنيتي بويه شو ماجيتي دكيت كومه عليج وين جنتي  .
:-روح  .. اسـفه جدو جنت نايمه هسه ابدل واجي بس حاجي بابا يجي ماريده يضل وحده فدوه ..  جنت احجي ويا وخوفي على والدي هليام قوي العب باصابعي واحجي  ..
:- فؤاد  .. والله ياروح ياجدو حجيت ويا البارحه من وصلتج كلبي لعب كلت خلروح اطب احجي ويا كم كلمه وتعمدت أتاخر علمود اتنامين وماضوجج وانتِ منا تعبانه ياحبيبتي  .. على كُلن جدو ابوج مايقبل يجي يمنه بدلي واني ثوان واجيج  ..

:-روح  .. صار جدو  .
كمت طبيت سبحت وطلعت علسريع واكلت خياره ورحت لبوي  .. بست راسه منوره ورحت ناحيته كضيت ادي وبستهن شميتهن شم  ..

:- روح  .. احبك يبعد عيوني بويه  .. انته شمعتي الاولى والاخيرة  .. انته هسه امي ابوي ناسي هلي كلشي بلنسبه الي ماريدك تتعب فد يوم ولايوم واحد اريد ربي يحفظك الي  .. يلي اخر شي ضل من ريحت امي .
ضليت صافنه بعيونه شون حمر وميته مابيها كل حياه تقربت بست عيونه  .

:- روح  .. بابا واحد بلفاتحه البارحه من ردت اروح البيت جدو وكفني وانطاني هاي الورقه اسمه ((العميد اركان)) وكال خلي الوالد يتصل بيه ..

:-جهاد .. جيبي تلفون  ..
:- روح  .. صار  .. ركضت جبت التلفون وانطيته اله كعدت كباله وحاطه ايدي بحلكي اريد اعرف شنو سالفت الرقم ..

:- جهاد  .. السلام عليكم  ..
:-اركان  .. وعليكم السلام عاش من سمع حسك  .. شني عمي ناسينه  .. البقيه بحياتك بعد كلبي ابو روح  ..
:-جهاد  .. حياتك الباقيه  ..
:-اركان  .. يابو روح الغالي  .. والدي الله يحفظه ويسلمه كلي عليك وحاجاني عليك  .. انته اطلبه فلوس وابوي عنده كاع تقبل بلكاع بدل الفلوس  ؟؟.

:-جهاد  ..  الله كريم الكلشي  .. يلا اودعناك  ..
جان  سلوب بابا جامد وهادئ ..
:-روح  .. بابا خوما صاير شي..
:- جهاد.. لا ماكو شي  ..
دك الباب عرفته جدو فتحت الباب وسلمت علي دخل سلم على بابا وكعدو يسولفون اخر شي اخذاني للفاتحه  .. اليوم اخر يوم عزاء امي استمر عزائها ٣  ايـام  .. صح صعب محد يتحمل لو بمكانـي  ..