فـراغ الجـحيم

الحـلقة السـادسة 🔱.

. قراءة مُمتعة.

للگاتبة || يــاقــُوت  ..
ـــــــــــــــــــ[٦]ــــــــــــــــ

نسمات الهوة البارد تلفح وجهي وراي غبره من الكوابيس الدم محاوط رجلي اثار الدم تطبع وراي اركض بلهفه وبجزع وبضياع  .. بطني توجعني اثر الضغط والاستمرار بلركض  .. الناس تباوع بستغراب عجيب بت جهاد تركض حافيه وبلا شال ورجلي عباره عن دم  !!  ..
واخيراً وحسبت روحي نجيت لمحت بيت حوراء  .. وصلت ودكيت الباب ضربات متعدده وانازع وابجي  .. انفتح بابهم ولاكيت حسين  ..
شافني بحاله يرثا لها  ..

:- حسين  .. دخيلك ربي طبي جوه طبي  .. طببني وباوع وراي خاف احد وياي سد الباب ودخلني للبيت جانو يتعشون شافوني ونصدمو بيه كلها شهقت رحت الابو حوراء وتوسلت بي  ..

:- روح  .. عمو اخذني للمستشفى ابوي عمو ابوي  ..
:- احمد  .. كولي يالله عمو اخذج شكو شبي ابوج اكعدي اشرحي  .. انطوها مي ليش صافنينن  .. كعدت اشرحله ابوي شبي .. شربت المي واني جسمي كله يرجف  ..
:- روح  .. ابوي تعب ودو للمستشفى وشاف جدو الدوه الي يشربه وطلع دوه ينوم ساعات متواصله  .. وراح جدو علمود يبلغ الدكاتره يشوفون حل قبل لايصير شي وبعدين  .. ماكدرت الفضها صعبه  .. دنكت راسي وستمريت ابجي اجت حوراء حضنتني منوره وحاجتني بصوت ناصي قرب اذني  ..
:- حوراء  .. لاتبجين احجي كلشي ابوي يمج يلا يروحي  .. اشجعت رفعت راسي وكملت
ابوي عمو رايد يرجع ماراضي يضل بلمستشفى والسياره الي بيها هوه متهشمه ويا روحت جدو عارف السياره مالت جيرانه ابو امير متهشمه وقبل لايوصل ويشوف الحادثه ابو امير كال الجدي راح انرجع جهاد للبيت  .. وصار الي صار.. اريد تاخذني عمو للمستشفى ابوس ايدك  ..
:- احمد  .. خلي حوراء سوي رجلج واني اخذج اني عمو لاضوجين  ..
:- روح  .. لا امشي عوف رجلي هسه البسلي شي بس امشي  .. ماعاندوني كبل لبست شي الرجلي منيمهم وكبل صعدت بلسياره وحوراء تباوع وتبجي على حالي  .. مشت سياره واني اردد كل الادعيه مايصير شي  ..

:- احمد  .. هيه وين بيا مستشفى عمو .. 
:- روح  .. مدينه الطب بشارع ****  ..
وصلنه وفتحت باب السياره ونزلت واني الهزيمه مالت خوفي سابقه طولي  .. لزم ايدي ابو حوراء وطمني انو هوه يمي  .. ودخلنه .. سئلنه الاستعلامات الخاصه  ..

:- احمد  .. المريض
"جهاد حسن علي"
وين طابقه  ؟؟  .. هوه سئلها وخفت تكول طلع قبل كم ساعه بس صار العكس  ..
" بلطابق الثالث رقم الغرفه ٩ "
ماتحملت هوه بعده جوه وموجود وعايش طحت من طولي جسمي ميعيني اكوم اسمع صوتهم واحس بحركتهم واني داخلي مو فرحان بس مطمن انو والدي عايش عايش حطوني بلسديه ويحطون مغذي واحس بكلشي بس ما اكوم  ..

،،،،،،،،،،،،،،،،،،،،،،،،،،،،،،،،،،،،،،،،

فتحت عيوني على خفيف وجنت عطشانه درت وجهي محد يمي استعدلت كعدتي وضليت صافنه استرجع كلشي مر عليه وخرت الغطه وشلت الكانونه جانت بس وحده بيدي واتجهت ناحيت الباب فتحته ولاكيت ابو حوراء واجاني بسرعه  ..

:- احمد  .. شطلعج ياعمو مايصير ارجعي يلا تعاي  ..
:- روح  .. وديني عمو الابوي فدوه  .. باوعلي بحيره واصر عليه ارجع احط المغذي بس ماقبلت خلص صبره وصعدني لطابق  "٩"  امشي وطبول كلبي تهل من الوجع  ..

:- احمد  .. مايقبلون احد يدخل شوفي منا  .. مارتاحيت اله اطب بس محد يقبل والسبب ماعرف باوعت علي من الجامه وخليت ايدي على الجام اسند روحي اشوف حاله واشوف شكله شكد تعبان وكل المغذيات علي  ..
:- روح  .. شوصلك لهنا ماتخاف عليه اضل وحدي ماتكول عندي روح تريدني مو مال تسوي بروحك شي واني يمك  .. بويه انه روح انه بنتك وروحك مو جنت تكلي روح جهاد انتِ مو جنت تكول روح لُبابه انتِ  .. روح بحاجتك هسه لاتعوفها امي عافتني لاسويها والله اخاف  .. اكتافي تهتز برهاوة فرغت كل البداخلي حته عيوني تعبن كد مافرغت هواي دموع  ..

:- احمد  .. عمو لاتعبين نفسج هيج بعدج كلشي ماتعرفين ولاشايفه شي مو يعني دخل ابوج للمستشفى يعني يصير شي مو زين لا حبيبتي لا ياعمو يلا اخذج يم حوراء واجيب بيبيتج يمنه ولاضوجين والحجي من ترجعين راح يفهمنه سالفت هلسياره التهشمت يلا الزمي ايدي وامشي  .. انطاني ايده واني اباوع على ايده وارجع على وجهه لزمت ايده ومشينه وعيوني على ابوي ماكدر اوخرهن  .. حاجه الاستعلامات يطلعني ما احتاج مغذي واخذ ادويه اليه وصعدنه سياره وطول الطريق ساكته حايره بكلشي  ..

:- روح  .. عمو اخذني البيت بيبي ماريد اتأخر عليها طلعت ومادرت وين اروح رجعني  .
:- احمد  .. لاعمو اتصلت على بيبيتج وكتلها انتِ يمي وهسه هيه بيتي بعد لاتعيديها وطلعين وحدج خوش بويه  ؟؟  .
:- روح  .. بس عمو جنت بحاله صعبه من خوفي على بابا هيج سويت  .
:- احمد  .. صح يابويه بس لاتعيديها خوش؟.
:- روح  .. خوش  . ضحكت نهايت كلامي جان ابو حوراء لطيف وياي وحسيته كلش قريب على كلبي وكفته وياي ماتنسي  . وصلنه ونزلنه دكيت الباب ولاكتني حوراء حضنتها وهيه تبوس بوجهي ونضحك  .

:- حوراء  .. جنت خايفه عليج الحمدلله على السلامة روح  .
:- روح  .. الله يسلمج يروحي لاتخافين يمج اني هسه  . حضنتني حيل كسرت ضلوعي صحت بضحكه  .
:- روح  .. كافي ولج  . تعاي دوري احضنج  . خنكتها وميتات ضحك  . صاح اخوها والتفتنه ثنينه  .
:- حسين  .. لواكه بطلنها طبن جوه وانتِ روح بيبيتج تريدج يلا  .. غلسنه على رزاله ودخلنه وتلكتني بيبي تحضن بيه وتبجي من خوفها وضلت تسئل على ابوي .

:- ورود  .. شكالولكم على ابوج يمه؟؟.
:- روح  .. ماعرف بيبي حاجي عمو احمد شوفي شيكول  .
:- ورود  .. ليش مو جنتي هناك ماسمعتي شي  .
:-روح  .. لا والله ماعرف، زين جدو وينه  ، دنكت راسها وتعكر وجها وغيرت الموضوع ماعرفت شبيها حته ماسئلت  . ضليت لازمه ايدها وساكتين  ، صار صوت صريخ ورمي وعياط وسب وكفر بطرمه البيت  ، حضنتني بيبي وحطتني على صدرها وصيح روح نضيفه  ، جنت ماعرف شصاير وشكو وشنو اني نضيفه وعليمن هل حجي الحد مانكسر باب الستقبال بضربه فزعتنه كلنا  ، اجاني مثل ثور هايج جرني من شعري وعتاني عت لو ما هل ايد الضربته ودفعته جان راسي انقلع من جسمي اثر جر شعري  ..