فـراغ الجـحيم

الحـلقة الثـانية🔱 .

          . قراءة مُمتعة .

للكاتبة||  يــاقــُوت  .. 
ـــــــــــــــــــــــ[٢]ـــــــــــــــــــــــ

گعدت وراسيِ يون،، البيت هادئ،، أَستغربت ونزلت 
ماگو أحد  ،، حجيت بيني وبين نفسي هَم عادوها عافونيِ وطلعو،، ميكولون عدهم بت تخاف حتىٰ من ضلها.. تأفأفت وسويت أكل وكمت سبحت ومشطت شعري،، وراجعت كَم درس،، تأخر الوقت ومحد اجه ولا احد دك..
خابرت حوراء  ..
:- روح.. هلو حوراء حبيبي شلونج 
:- حوراء.. الحمدلله يروحي انتِ شلونج شكو ماكو
:- روح.. تخيلي شنو 
:- حوراء.. شنو 
:- روح.. اهلي عايفيني وحدي واني چني أَبو الگميز والله اخاف فدوه تعالي يمي هسه حوحو حبابة  ،،
:- حوراء.. يمعوده اصلا مو بيتنه اني واليوم ماداوم ماعرف اهلي واهلج محسودين
:- روح  .. محسودين ليش يُمه؟
:- حوراء.. منخلص من المشاكل،، يوميه طلابه
:-روح.. وهسه ماراح تجين للدوام غير؟
:- حوراء.. اي ماجي
:- روح.. حتلو رتي الدروس ما انطي حجيتها بضحكه
:- حوراء.. لا انتِ لطيفه تنطين تنطين يلا باي..
:- روح.. والله شاخطة البنيه..
اجاني اتصال.. ضليت صافنه علي.. ياهو هذا
وفتحت الخط ،،
:- روح.. مَنو وياي..
:- علي.. اهخخ روح .. عرفته علي من نبره صوته حافظتها ارتبكت  ..

:- روح..  هـلا  ..
احجي ويا واحس كلبي يطلع من مكانه والرجفه متروح من صوتي ما أنكر احبه.. بس بسبب ضروف صرت ما أطيقه  ..

:-علي.. شـلونج  ؟؟  .
:-روح.. الحـمد لله..
:-علي .. مشتاقلج  ..

هوه كال مشتاقلج واني نزلت دمعه مني لا أرادي وخرت تلفون من وجهي ومسحت دموعي ورجعته وحجيت..
:- روح .. شكراً على اشتياقك اقدر الك هذا الشي  .. بس بعـد ماكو شي بيني وبينك واذا تريـد نتواصل خلي نتواصل بس بحدود لأن انتهى علي كلشي انتهى انته امسافر وامك تعرف كلش زين سوت بامي وبيبيتي ماكدر اضل وياك اسفـه بيباي.. جيت اسد الخط بس بجيته علي جمدتني
:- علي.. جاي تأذيني كافي كافي لج اني وياج من زمان نحب بعض مو هسه تكدرين بدوني اني ما اكدر تكدرين  ؟؟؟ احجيي لاسكتين جاوبييييي روحح احجييي..
جان يحجي بعصبيه خوفني وسديت التلفون وشمرته وضليت ابجي الحد ما تعبت..
.. كمت غسلت وجهي واباوع علىٰ الساعه صارت١٢.. وصار وقتي اروح للدوام،،
دخلت للمدرسه وجان كل واهس ماعندي.
حرت شسوي.. اجيبها منا واحطها منا الحد ماخلصت وقت الدوام بمعجزه..
وصلت للبيت دخلت لكيت جدو فؤاد وبيبي ورود
:- روح.. ياهلا نورتو البيت شونكم ،
محد رد سلام وجوهم مصفره لونهم مخطوف..
:-روح.. شكو  ؟.
خفت ماعرف افسر شكلهم شنو ما شنو،
:-فؤاد.. جدو اكعدي  ،،
:-روح.. كعدت وكلبي راد يوكف من الخوف،، خير جدو احجي شصاير؟؟..
:-فؤاد.. بنتي مثل متعرفين كلنا على طريق رب العالمين وكلنا نفس السير نسيره أَمر الله.. لازم يصير  ،، الله الكاتبه يصير بنتي  ،،
:- روح. جدو شنو مناسبه هذا الكلام احجي شصاير؟؟. الخوف بده يسيطر عليه.. وايدي ترجف وكلبي يدك بكل قوته.. واحس رجليه كامت ماتعيني..
:- فؤاد.. امج انطتج عمرها روح ولازم ترحين وياي تودعينها  ..
حسيت شي انكسر بحياتي اسودت حياتي.. انعميت واني اشوف،، الصدمه محتله وجهي.. امي تموت؟؟. لاماتموت يشاقون وياي.. اباوع جدو يبجي بيبي تبجي. واني مثل الصنم.. لاتعبير لابجي لارد  ،، حسيت غصن وكع من حيلي. حياتي تغيرت جذري بمجرد وگفتي هاي..