فـراغ الجـحيم

الحـلقة الثـالثـة🔱 .

                  .قراءة مُمتعة.

للگاتبة|| يــاقــُوت  ..
   ــــــــــــــــــــــــــ[٣]ــــــــــــــــــ

أَلفقدان شي صَعب .. وبلأخص فَقدان ألأم أو الأَب .. حياتك تتغير جذري بدونهم يصـير اعتـمادك عـلىٰ نـفسك بَـس  .. گلشي بدونهـم تعيـش تايـه ويـا ناس تقربلك .. تـحس بوحـشه كُل الوقت .. أَلفقدان يأذي ويوجع ونَقـص كُلش چبير يِـصير بـحياتك ..

أَحجـي وأَدردم يـم الجامه مالت غرفتـي نَـمت دقائـقُ مَـعدودة  .. أَنـام وأفـز  گمت فتحت گـنتوري طلعت لبسـه سوده حَـظرتهـا وطبيت سبحت  اليـوم يـوم ثاني من وفات اَمـي صارت بيت بيبيتي  .. خلصت طلعت بدلت كُـل هـل وقت أفتر بلبيت بحلك ساكت.. طبيت الغرفت اَمي  .. لگـيت أبوي نايـم وحاضن صورت زفافهُم لان امي حاطتها بطرف جربايتهم طول الوقت اباوع عليها.. الدمعه نزلت حاره بطرف خدي الخنكه طلعت من بلعومي وشهقت.. كضيت حلكي وسديت الباب وخليت ضهري علىٰ الباب.. نزل مستوىٰ جـسمي للگاع.. لميت رجليه وضليت ابجي بكُـل حرگه.. الـوم روحـي  .. يمهه.. رحتي وماشفتي شي سويته زين.. مافرحتج ابد أَسـفة يمه.. اريدج وياي بعدني طفلة احتاجج بوقتي الحرج هذا..والدنيا تخوف تدرين بيه اخاف حته انام وحدي وعفتيني..جنت انطيج الدوه بنفس الوقت ليش تكليلي اصير زينه ليش تكليلي اكوم على حيلي  ..ليششش عفتيينيييي  ..  امي حنينه  امي  تعاملني معامله الصديقه تخاف عليه تحافظ عليه تنصحني تضحكني حنيتها عليه وعلى ابوي نحتاجها حالياً كسرت ابوي عليها تأذيني..

كمت ورحت البابا كعدت بابا..
:- روح..  بويِـه كوم الفاتحه منصوبه وانتَ نايم كوم  .. مايرد كضيت راسه ولفت وجهه عليه..
:- روح.. بويِـه اكعد وهزيته هز كلش قوي خفت ماعرف شصابني خفت علي.. واخيراً فتح عيونه ولونهم حُمر دم...
:- روح.. كوم يروحي كوم اسبح واخذك البيت جدو عيب ضل هنا يلا..
:- جهاد.. روحي انتِ بويه
:- روح.. ميصير كلها تريدك بست ايده  .. كوم بابا يلا..
:- جهاد  .. لاتعاندين كافي.. ماضغطت علي عفته وطلعت بره الغرفه... وصلت البيت جدو  قبل لا اطب صاح رجال عمره متوسط وطويل  .. اتجه ناحيتي.. وضليت نفس وكفتي

:- سالم .. انتِ بنت جهاد  ؟؟
:- روح  .. اي عمو 
:- سالم  .. راح انطيج رقم وصلي للوالد كليله  .. دزه الك العميد اركان ابوج ماشفته هلايام همزين شفتج انتِ  .. انطاني الورقه وراح.. جان شكله غريب ملثم وبي ضربه بعينه ونص وجهه ماكدرت اشوفه ولا اعرف طول الضربه لوين واصل الضربه طابه جوه الثام  .. فتحت الورقه وجان مكتوب (( العميد اركان ))
والرقم نفس مكال موجود

وشفت بيبي.. سلمت عليها وهيه ضلت تبوس وتحضن بيـه.. ابتسمت بوجها وكلت بيبي اريد شغله اسويها ضايجه  ..
:- ورود.. خالتج مينا اجت وخلصت كل شغل البيت وابنها اجه علي روحي اذا رايده سلمي عليها خطيه.. تفاجأت بيها
..
:- روح.. اني رايحه الها طبي انتِ بيبي..
طبيت ضلت ادور بلغرف لكيتها كاعده
:- روح.. شلونج خاله
:- مينا.. هلا حبيبتي شونج خاله تعالي يمي
:- روح.. الحمدلله لا هيج احسن خليني واكفه شوي واروح ما اضل.. باوعت الي بطرف عينها وتفر بأيدها..
:- روح.. شفتها وجاهلتها
:-مينا..اي صدك خاله تعيشين بيت بيبيتج لو بيتكم..ها صدك چا هوه ابوج يكدر يكوم..ضلي بيت جدج احسن.. استهضمت وباوعت عليها بحركت كلب وعيون شايطه قهر غوشت عيوني وطلعت من الغرفه ونضربت بصدر علي..
:- روح.. وخر.. حجيتها ورفعت عيوني علي وجانت غاركه بلدموع  ..
:- علي. احرك يومه البجه هلعيون احرك يومه ومحمد
:- روح.. كافي  .. وخر يلا
:- علي.. منو بجاج  ؟؟ احجيي جرني اله وكض وجهي مايريدني اجذب
:- روح.. امك علي امك  .. دفعته وطلعت  ونص الوقت سمعت صريخ امه وعلي

غسلت كم ماعون وعزلت هواي شغلات مشمره ولكيت الكل نايم وتعبان رحت الجدي يوديني الابوي وداني وسلمت علي وسديت الباب وطبيت وشفت ابوي  .. دنيت علي وحجيت

:-روح  .. بابا اسويلك اكل رايد شي احجي يروحي عفتك وقت طويل اعرف بيبي اجت الك وكالتلك تعال اكل اعرف بيك تستحي منها هسه اجيت اني كوم يروحي يلا  .. مارد عليه طبكت اديه وضليت اباوع علي بسته وخليت الفراش مالتي بصف الجربايه ونمت
ــــــــــــــــــــــــــــــــــــــــــــــــــــــــــــــــــــــــ
         . أَلساعه الحـادي عَشـر لـيلاً .

فزيت على صوت شهقات بصفي.. درت وجهي لكيت ابوي جَسمه يتحرك على كيف  .. يبجي بحركه كلب يبجي بضياع بقَهر يلوم نـفسه  ..متت واني اشوفه يتأذه هيج
:-روح.. والله لو اكدر اخفف عنك بـويِه جان ماقصرت احجي بگلبي.. ابوي من يبجي اعرف السالفه مو هينه.. صعب اشوفه بهل حـاله..
گملت نومـتي ما أَريـد أَحرجـه  ..
الـهلوسات تكـثر بأَحلامـي.. مرات صريخ مرات ضرب مرات صوت بجي.. هلـيومين الهلوسات تزعـجني  .. كمت من نوم مختنكه صرخت وسديت حلكي بأيدي وكمت للحمام..
طبيت اغسل بوجهي اوخر الكوابـيس..
رفعت وجهي على المرايـه.. اباوع الشـكلي شگد تعبان  .. تعـوذت مـن الشيطان..  وطاحت مني ورقه دنكت وفتحتها جانت ورقه الرجال
:- روح .. ياا باع شون نسيت انطي البابا يلا عود باچر انطي..
طلعت افتر بلحديقه اشم هوة..
حطيت راسي علىٰ الحايط واباوع علىٰ القمر..
:- روح .. شكد شكلك لطيف.. هممم هوه صدك الموته تصعد فوك.. اذكرت امي من تلعب وياي وسلوبها وياي عبالك صديقات مو أم وبنت حنينة امي  !! حياتنه سوه جانت تخبل.. انقـهرت.. لان هيه مو يمي بعدني طفلة وراي طريق طويل اريدها يمي تفتح عيني على هلدنية  .. دنيتنة وحشيـه وتخوف  .. سمعت صوت بزازين تتعارك خفت وطبيت للغرفه حطيت الورقه بصفي حرت شسوي ماكدر انام اذكر مواقف تخبل ويا اهلي كلت النفسي لازم انام طول اليوم كاعده .. اتجهت على جهت اليسار  ..
:- روح  .. حياتي عاديه يا انام يا ادرس ماكو شي  .. نحلن عيوني وغفيت

ـــــــــــــــــــــــــــــــــــــــــــــــــــــــــــــــــــــــــــ