فـراغ الجـحيم

الحـلقة الثانـي عـَشر 🔱.

.  قراءة مُمتعة .

للگاتبة  || يــاقــُوت  ..
ـــــــــــــــــــ[١٢]ـــــــــــــــــــــ

اسـَمع بس الصياح والبچي  ، غواش بعيوني قوي وصياح امي بصفي  ، دك على صدرها ورجليها  ،

:- حنان  . كووممم يممههه   ، حوراءء اطلعيي بره صيحي احد يشيل اخوج لايروح منيي لايروح   ، دك على راسها اني اباوع ماكدر اكوم وهيه تصيح عليه اكوم اصيح احد  ، جامده ضليت كمت طبيت جوه صعدت فوك جريت تلفوني من الميز دكيت على ابوي وضليت ابجي وهوه يصيح شكو  ،

:- حوراء  . بابا  ، ماكدر احجي ولااكول شي وخرت الجهاز من وجهي ضليت ابجي وارجف  ، وهوه يريدني احجي  اسمعه يصيح عليه  ،
:- احمد  . كولي بويه حوراء  ، اركان اجاكم مو  .. تفاجئت يعرف رجعت احجي
:- حوراء  . اي وضرب حسين موته تموت ضرب حته امي وضربني شمدريك بي جان يمنه هااا  ؟؟  . جنت اسئله واني خافيه وارجف  ،
:- احمد  . اجه للمستشفى وكلي شوف زلمتك بيتك شصاير بي  ، بويه دقايق واني يمكم  ،
سد الاتصال بوجهي ذبيت تلفون من ايدي وضليت ابجي على روح وحسين  ، ابوي شمسوي ويسكتله ويطب يضربني ويضرب امي ويضرب حسين وراضي  ، شصاير غربه بكلشي غربه  ،

:- حوراء  . سوده عليه روح وينج هسه   ، ضليت ابجي رفعت راسي لكيت امي بصف الباب خوفتني  ، جانت تبجي تقربت عليها بستها وحضنتها

:- حوراء  . لاتبجين عليج الله  ، نبلغ الشرطه علي تردين  ؟؟
:- حنان  . ابوج يروح بيها وهوه يطلع  ، سكتت وماعرفت شتحجي عكرت شكلي ضليت صافنه  ،
:- حوراء  . ماما شتحجين  ،
:- حنان  . كافي حوراء  . طببت اخوج جوه لغرفته سدي السالفه ماريد هوسه  ، جيبيلي طاسه بيها مي دافي تعاي يمي للغرفه تلكين فوك ثلاجه صندوك جيبي  ، حجت كلامها وراحت مثل صنم ضليت نزلت جوه جبت الاغراض مثل ماكالت طبيت للغرفه شفتها تدهن بجسم اخوي حطيت الاغراض يمها وكالتلي اجيب مي  ، نزلت هم جبت مي  ، دكيت على ابوي واني اعبي مي ميرد عليه  ، سديت المي ضميت جهاز بجيبي وصعدت لكيت اخوي فاتح عيونه على خفيف اول ماشافني حجه وجمدني اني وامي  ،

:- حسين  . روح وين  ، ضلينه نباوع اني وامي بعيون بعض مانعرف شنحجي امي غيرت السالفه واصر يريدها  ،

:- حنان  . يمه هسه انته تعبان  ، عوفك  ،
:- حسين  . احجي  ، وخرت ايدها منه وحتارت شتحجي  ،
:- حنان  . خابرتها حوراء  ، كالتلها روح معليج بيه اني وين ماوين  ، وبس شمدرينه احنه  ، كرصتني امي اكول اي واني هزيت براسي اي بس مو بأرادتي عفتهم وطلعت ماكدر بعد اجذب  ،

:- حسين  . روح متحجي هيج يمه 
:- حنان  . بياحال وتحجي هيج كافي 
:- حسين  . يمه روح يتيمه تكسر كلبي والله 

:- حنان  . يمه شفت شصار بيك وبيه وبختك  ، طلعت مو هينه البت عدها اهل وناس وعمام واقارب سد سالفه  ، وهذا اركان انسى لاتحجي بي  ،
:- حسين  . يخوفكم  ؟؟ هذا لاعمها ولا احد يقرب الها هذا غريب يمه  ،
:- حنان  . وشتريد اسوي مثلا  ، سد موضوعها  ، شوف حالك راسك حلكك عيونك كوه شلتك من جوه  ، وكله من منو؟؟  منوره روحح  ، عوفوهااا مو خاليهههه  ، ذبت الجيس بلكاع وطلعت وعافتني  ، متوجع من كل جهة من وجهي وجسمي  ، صح بسببها والشي تافه بس اعتبرها اختي صغيره اريد احافظ عليها  ، ماكدر ضليت افكر بيها  ، اريد اعرف شبيها هسه ويا منو هسه  ، ومرات افطن النفسي لحيت بيها  ،