فـراغ الجـحيم

الحـلقة الأَولىٰ🔱 .

            . قراءة مُمتعة .
       

للكاتبة||  يــاقــُوت  ..
ـــــــــــــــــــــــ[١]ـــــــــــــــــــــ

. كومي ماما اجه الخط وبعدج نايمه خلتني اكمز من مكاني واباوع على الساعه بعدهي٥ الفجر، باوعت عليها
. يمه لسويها مره ثانيه،، لا گلبي يطلع والله 

. شلعتي كلبي البارحه،، ماكعدتي راح احاجي ابوج على درجاتج الزفت،، هم كسوله وهم صيحين عليه،، من ياطينه ماتكليلي  ؟؟؟

. اسفه يلا،، راح ابدل ومن هسه اصير شاطره وعد،

. خلي الوعد الج،، اخر سنه ضل الها بس عشرت، ايام وجيبين شهاده بكل شهر حمره،، عوزها زفه،

. اوفف راح انزل قبلج ،،
" شفت بابا لا كاعد ولا احد بس الاكل جاهز،، وملابسي جاهزه.،

. يمه لعد بابا وين  ؟؟  .
. عنده شغله طلع من ساعه٤  .
. اها تعالي اكلي وياي
. اجيت يلا اكلي اباوع لوجهه واضحك وهيه مسويه نفسها متعصبه اضحك بصوت ناصي وهيه مغلسه

. خلصت بدلت واجه الخط، صعدت وما اسمع اله صرخه بأسمي،، كضيت كلبي وكلت خير درت وجهي،، لكيت امي جايبه جنطتي ناسيتها  .

."روَح" اذا مره ثانيه تنسين شي شعرج اشيله والله
. صار يمه دطيني وبيباي .،،

لكيت حوراء وطرت من الفرحه،، احبها احسها اختي احسها كلشي الي .. اني ماعشت شعور الاخت ولا شعور الاخ ربيت وحدي بس حور وياي من الصغر . 

. حضنتها وكلت  .. شتاقيتلج چلبة
:-حوراء  .. واني هم حيوانه .
شلونج ولج  صارلي سبوع مشايفتج خابرتج اخر شي مارديتي كلت يمكن صاير شي بس طلعتي رايحة ويا اهلج الاربيل .
:- روح  .. اي صح وتلفوني اصلا انكسر اجيت اصور الج كلشي بس الوضع ميسمح كامرتي صارت وجهي وجهج وصخ ،،.

دخلنا لصف واخذنا التحاضير وطلعنا . 
وقت يملل واليوم نفس الشي ينعاد
:- روح  . اكلج بما انو تعرفين احب ابن خالتي صح  ؟؟.
:- حوراء  .. اي ادري بيكم صاير شي جديد  ؟؟.

:- روح .. لا بس سمعت من ماما راح يهاجرون للخارج وبعد مايرجعون اريد اودعه بس ماعرف شون امي متقبل اروح ولا ابوي .
:- حوراء  .. وتردين اطيرج واوديج اله اسكتي واكعدي اذا يسافر خارج البلد انسي وزين صدك ليش سافر صاير شي  ؟؟.
:- روح  .. اي صاير مشاكل ويا بيبي وخالتي ماعرف شجاهن خالتي ولا تعذر بيبيتي ماتكول مره جبيره واداريها من قبل طماعه ومن قبل تريد بس نفسها  ..
:- حوراء  .. وعلى شنو اختاريتي علي  ؟؟  امه وموزينه

:- روح  .. شعليه بأمه احبه من جنه اطفال يلا سدي السيره،، اصلا راح يشوف خارج العراق هواي بنات اشكال والوان  ..

:- حوراء  .. اوكِ يلا يولي يلا حياتي وصلنه،، سلميلي على خاله" لبابا " بوسيها الي اذا اجيكم اشمر روحي عليها  ..
روح  .. صار اوصل سلامج وشمرتج الامي يلا باي
طبيت البيت ورجلي متخلخله من المشي مسافه طويله