#هدى_عاشـور .
بقلم: نور _الجبوري
رابط قناة التلي)
(https://t.me/DA_hh_SF)
رابط قناة التلي
رح ننشر بيها جزء من يوميات ابطالنه
وكذالك صوتيات وصور وفيديوهات تخص الابطال..
____________________
يڪَول احمد عاشور :
اعذرني وداعتك مابيه شي يسوه
شتسوي ببشر ينشاف بـ الڪَوة
شتسوي ببشر من حِچوا عنه وغاب
محد ظل ورا بالليل يتچوة
مرات اليحب من ينلچم يرتاح
چا هيه الجروح الفاهيه شتسوه ؟
چا هيه العيون الماتفز باليل
وتبچي اعله النسوه عيون موحلوه
وانه مشتاگلك بس لازم اتناساك
عرفتلها وبعد ماروحلك فدوة
مشكلتي من احب تصغر بعيني الناس
ومشكلتك ثنين ثنين من تهوة ..
____________________
بنت الهدى:::- رميت على ايدها، وگع المسدس وبقيت ارجف باوعت من بعيد شفت عاشور اجه يركض، شاف البنيه باوعلي وعاط بيه:- هااااي شسويتييي؟؟؟
خزرته وگلتله:- من ورااااااااككك
البنيه لازمه ايدها وتبجي هو اخذها فتح الباب ودخلها جوه باوعت للبنيه خزرتني وگالت:- مجررررمه
:- انچبي اني مو مجرمه !!
باوعلي عاشور عض شفته وهز راسه مستغفر، گالي:- رح اخذها للحجيه
:- شطلعت الحجيه بكلشي ونروحلها منو گال تعرف تداويها؟؟
:- دكتوره متقاعده هي
فتحت عيوني بصدمه فزيت ع صوت البنيه صرخت متوجعه من ايدها دعت عليه:- الله لا يووفقجججج يا مجرمهه ان شاء الله تتعذبين بنار جهنم كلكم مجرميييييين ان شاء الله تجربييين شعور هالوجع
تفلت بوجها وگلتلها:- مجربتههه ومجربه اكثرر منه خوووووش لاتدعين عليه هيج لاتدعييين اني مو مجرمه عاشوور اني مو مجرمه والله
عاط عاشور يسكتنه اخذها وطلعو، بقيت گاعده جسمي يرجف اباوع ع الدم رحت لزمته ايدي انتسرت دم، لزمت ايدي گامت توجعني بقيت ازلغ بوجهي لان سويت هيج
بقيت استغفر شنو اسوي
رحت سبحت وزلغت جسمي بالليفه واردد اني مو مجرمه لا اني ما اسوي هيج، رحت اتوضيت جنت قاطعه عن الصلاة وحييل مستحيه من رب العالمين
صليت رغم ماكو سجاده ولا تربه بس لفيت شال واني لابسه دشداشه
بقيت ابجي بنص الصلاة واصيح:- لا اني مووو مجرمه هااااي مو اني، ياربيييي كرهتني هسه؟ بعد متريدني زعلت مني، يالله اغفرلي مو انييي مو انيييييييي ما ادري شنو جان بعقلي من سويت هيج يالله سامحنييي، اروح وارجعلك واني منكسره ومظلومه وهسه اجيتك واني ظالمه
شنو فائدة الندم هسه؟ صرت مجرمه
رح ادخل السجن لااااا ما ارييد ما ارييييد يالله خليني نظيفه ما اريد اتلوث وانشمر بالسجون يالله ساعدنييييي يارحمن يارحيم
JE LEEST
هدى عاشور
Actieتقول الشاعرة ريتا عودة : أنا امرأة تقرأ وتكتب وتتذوّق سفرَ الكلمة فوق آفاق اللغة الثائرة : أنا امرأةٌ أخرى مجبولة من طين الأرض مولودة من براكين التعب ووجع الأحلام التائهة قلبي أنا زورقُ كبرياء حينَ تشتدّ العاصفة قلبي أنا نداءٌ متواصل للقلوب ال...
