هدى_عاشـور .
بقلم: نور _الجبوري
رابط قناة التلي)
(https://t.me/DA_hh_SF)
رابط قناة التلي
رح ننشر بيها جزء من يوميات ابطالنه
وكذالك صوتيات وصور وفيديوهات تخص الابطال..
__________________________
كلههَ جذبهَ .
النَاس والدنيا وضَحكتك
ليش وكت العوز كلههَ بعازتك ؟
باچر يضحكون فوگ جنازتك .
وين تروح وتسافر ؟
هو اليوم نفسهَ
ونفس أمس باچر .
أبعد يا گلب هاجر .
شنو نفعك عشت كَاروك عِند عاجر ؟!
__________________________
بنت الهدى:::-شالت وسمطت الشيره ع ايدي، اني اكو مناطق دائما اسويها بس ايدي ورجلي وظهري ممسويتهن .
بقت كلما تشيل الشيره اصيح واون من الوجع .
خلتها ع رجلي، بقت تحجي وياي تلهيني وهي تحجي شالتها بسرعه وگالت:- يايمه ردت اوگع .
واني صرخت صرخه لدرجة اجه عاشور دگ باب الحمام:- شبييچ هدى افتحي الباااب .
بقى يدفر بالباب عاطت بيه الحجيه:- ولكك لاتتسودن مرتك جاي اسويلهه شيره وتتنعوص مابيها شي لاتخاف بس روح خبصتنه .
بقى ساكت يريد يستوعب شحجت الحجيه، واني بقيت مصدومه ومتفشله كلششش من عاشور اكيد هسه اتخيل اشلون جاي تسويلي شيره ووين .
گال بهدوئ:- حجيه عوفيها جاي تتأذه لاتسويلها .
غمضت عيوني متفشله لو بيدي هسه ارزل الحجيه بس عيب مريه جبيره، گالتله وهي تصيح:- ولكك يماا مرتك تتنعوص شني وين اكو تتوجع من ورا شيره، بس رووح خليني اكملها رح تبرد الشيره .
گالي:- هدى، ليش متحجين .
:- ها، ماكو شي لايضل بالك .
:- خوش
گالها وراح، رجعت تسويلي واني حاولت ما اصيح هو الخوف يخليني اصيح اما الوجع ينحمل،
بدت تسبحني خلتلي شامبو ريحته طيبه، ليفتلي جسمي واخر شي جابت المكيف خلته الشعري وگالت هسه اجيج عود افتحي الدوش
راحت واني ماسويت شي حتى الدوش مافتحته الا لمن اجتي هيه فتحت الدوش غسلتلي راسي واحس شعري صار مي من گدما سرح..
راحت ع صفحه مدري شتسوي وفزيت ع صوت وراي انداريت شفته عاشور جان باب الحمام مفتوح وهو واگف يم الباب جان صافن ع ظهري، انصدمت لميت رجلي لصدري، جنت منطيته ظهري
رأسا هو انتبه لروحه وگال:- اعتذر والله مو قصدي .
رأسا گالت الحجيه:- شني يمه واذا هيه غير مرتك،
يحجي ومنزل راسه:- حجيه مو گلتيلي خلصنه سبح وبدلتلها ومتقبل تغيريلها اللفاف مال خياط؟ چا شو بعدكم .
YOU ARE READING
هدى عاشور
Actionتقول الشاعرة ريتا عودة : أنا امرأة تقرأ وتكتب وتتذوّق سفرَ الكلمة فوق آفاق اللغة الثائرة : أنا امرأةٌ أخرى مجبولة من طين الأرض مولودة من براكين التعب ووجع الأحلام التائهة قلبي أنا زورقُ كبرياء حينَ تشتدّ العاصفة قلبي أنا نداءٌ متواصل للقلوب ال...
