#هدى_عاشـور .
بقلم: نور _الجبوري
رابط قناة التلي)
(https://t.me/DA_hh_SF)
رابط قناة التلي
رح ننشر بيها جزء من يوميات ابطالنه
وكذالك صوتيات وصور وفيديوهات تخص الابطال..
__________________________
حطب شفتك تلمني وكلت مشتاق
ولا مشتاك اثاري تريد تحركني
عشت مفتاح طبعي وما اصح للغير
يل شص طبعك انتة بكل حلك تدني
__________________________
بنت الهدى:::- بقى ساكت واني هم، اشوي وغفيت، فزيت بنص الليل عطشانه، مالگيته، نزلت من الجربايه، عبالي رح الگا بالمطبخ بس مالگيته
رحت شربت مي باوعت باب المطبخ مفتوح اكيد بره، رحت للغرفه اخذت شالي خليته ع راسي ولبست نعالي الاحمر وطلعت
الجو باارد وعواصف خفيفه، باوعت عليه لگيته گاعد ع صبه ويدخن .
رحت گعدت يمه بس شافني طفه الجكاره وگالي:- شگعدچ؟
:- فزيت عطشانه وطلعت اشوي مختنگه من البيت .
بقينا ساكتين، گالي:- هدى .
:- ها
بقى ساكت اشوي وگال:- شنو هذا الأثر يلي بظهرج؟
سكتت اتذكرت كلشي گلتله:- هيج وگعت وبقى الأثر .
:- امم ما اصدگ گولي شنو هذا الأثر جاي بالطول؟
بقيت ساكته غمضت عيوني قوي وگلتله:- ما اگدر اگول .
:- خلص براحتچ .
:- اشلون شفته؟
:- من جنتي تسبحين بس ظهرج شفت .
خلاني ارجع اخجل، اتذكرت البزازين لعبت نفسي گمت اريد اتقيء
باوعلي مستغرب:- شبيج؟
:- ارييد اتقيء .
وگف لزمني وگالي:- شبيج هدى .
احس روحي رح تطلع دخلني جوه، اتقيئت بالحمام وبقيت ابجي، بقى يغسل بحلگي ويگلي مضمضي،
:- شبيج فهميني ليش فجأه ردتي تتقيئن؟
:- مختنگه خل نطلع حباب .
رجع طلعني بره گعدت ع الصبه وهو راح فتح البوري وخلى الصونده وبقى يرش بالگاع
اجه گعد يمي وهو يرش، ريحة التراب طيبه احبها غمضت عيوني قوي الجو بارد والعواصف الخفيفه رأسا نزعت شالي وشعري بدا يطير
باوعلي عاشور وابتسم، گلتله:- بارده
:- ندخل جوه؟
:- لا ابد مختنگه من البيت، راح دخل جوه جابلي قمصلته شكبرها لبسنياها وسألني ع ايدي گلتله:- لا الحمد لله احسن .
أنت تقرأ
هدى عاشور
Actionتقول الشاعرة ريتا عودة : أنا امرأة تقرأ وتكتب وتتذوّق سفرَ الكلمة فوق آفاق اللغة الثائرة : أنا امرأةٌ أخرى مجبولة من طين الأرض مولودة من براكين التعب ووجع الأحلام التائهة قلبي أنا زورقُ كبرياء حينَ تشتدّ العاصفة قلبي أنا نداءٌ متواصل للقلوب ال...
