هدى عاشور

بارت 13

هدى_عاشـور  .

بقلم: نور _الجبوري 

رابط قناة التلي)
(https://t.me/DA_hh_SF)

رابط قناة التلي  
رح ننشر بيها جزء من يوميات ابطالنه
وكذالك صوتيات وصور وفيديوهات تخص الابطال..
__________________________

- وهَي هَيچ  
- الوحَشة ، مَوضوع إلليّالي
- بَلاية عَينك
- ليشِ خليّت  الغريَب  يكُلي وَينك
- وأنت تدِري الغرُبة
- مِو بسَ أليسافِر
- الغرُبة مِن تعَيش بيَن اهَلك
- وحَيد وتُبقى حَاير ،
- الغرُبة مَن تَستاحِش ،
- وَ جوّه التحَبهُم ،
- الغرُبة مِن تعِرف وحِدتك
- مِو ذنبهُم .

__________________________

قَبس:::::- بقينه ساكتين وگاعدين، حجت نور گالت:- اتخيلن اصير ام

ضحكت من كل گلبها وگالت:- مجاي اتخييل اني الزعطوطه اصير ام هو اني اريد ام تربيني مو نوب اربي طفل، لا لا اتخيلووو شريف يصير أب، بووويه والعباس كلما اتخيل افطس ضحك، هيج ويصيح للطفل تعال بابا،

تحجي وميته ضحك والدمعه بعيونها، واحنه ع ضحكتها نضحك

فززنه صوت مسج من موبايلها، رفعته اول ما فتحته الابتسامه شگت حلگها

باوعتلنه وگالت:- راسلني گال ضحكتچ ترد الي روحي اضحكي دوم يابعد هالروح الماتريد غيرچ  .

هي تحجي ووجها طماطه من الخجل

گالتلها ندى:- دزيله قلوب صيري ثگيله  .

اختفت الابتسامه من وجهها:-ما گلتي من البدايه بعد رديت عليه ورحت  .

ندى الريحان:- شرديتي؟

:- ها مو اخاف بيها لواگه غلسي

ندى الريحان:- بله شوفيني..

دارت الموبايل علينه جانت كاتبه "تدلل باباتي دوم اضحكلك شعندي غيرك اني احبل اجيب"

وهو دازلها ضحكات، طلع يكتب رأسا فزينه وگلنالها ديكتبب، هي هم رأسا دارت الموبايل عليها

گالت بصوت عالي:- تعالن اگعدن يمي علمني شنو ارد

التمينه يمها ثلاثتنه، دزلها "بنيتي وحق العباس مشتاقلج تعالي بالصاله بس احضنج واشوف ضحكتج وارجعي يمهن"

هي رأسا كتبت واني هم مشتاقتلك بعدها دتكتب وعاطت ندى:- لا ولج صيري صيري ثگيييله

نور:- يعني شنو اگله ما اجي؟؟

ندى الريحان:- ايي ثگيله احلى، گوليله ما اگدر گاعده يم البنات بعدين تشبع مني  .

صبا:- لا لا ولج غير رجلج خطيه روحيله

گلتلها:- ايي روحي خل يحضنج يبوسج بالحلال قابل بايگين  .

فتحن عيونهن مصدومات من كلامي ضحكت ع ردة فعلهن رجعت گالت نور:- هسه شنوو اسويي حيرتني