هدى عاشور

بارت 1

#هـدى_عاشـور  .

بقلم:- نور_الجبوري

رابط قناة التلي)
(https://t.me/DA_hh_SF)

رابط قناة التلي  
رح ننشر بيها جزء من يوميات ابطالنه
وكذالك صوتيات وصور وفيديوهات تخص الابطال..

________________________

مازلتَ تسكنُ في عيوني
وأضمُّ روحك بالدعاءْ
وأخافُ يا قدَري الذي أحببتهُ
ورسمتهُ حُلمًا بريئًا
فوق أهدابِ السماءْ
يومًا يموتُ على الطريقِ
لأنّهُ قد كان حُلمًا من هباءْ

يا من ملكتَ الروح رِفقًا
فأنا الذي لاقيتُ مِن ألمِ الجوى
قلبي بحُبكَ صادقٌ
ولكُلّ قلبٍ ما نوى
يا غيمةً نامتْ بحضُنِ مشاعري
هلّا سكبتَ الغيثَ حُبًا
يرتوي منهُ الفؤاد وما حوى

أعطني منك اهتمامًا واحتواءْ
ثم خُذ من بعد ذلكَ ما تشاءْ
فإذا طلبتَ العُمر هانْ
وإذا طلبتَ القلبَ كانْ
نهرًا يصُبُّ مشاعري
حدّ الرضا والارتواءْ
________________________

:- يلا بنوته اجه ابو الخط

صحت:- ايي جايه جايه  .

نزلت بسرعه لگيت ندى الريحان واگفه هي وشهلاء گلت واني اضحك:- عبالك زوج نعال  .

شهلاء عاطت وهي ضايجه:- ترا اگول لامي دائما تعيبين علينه  .

ضحكت عليها جانن لابسات بنفس الصداري والقمصان ومسويات بنفس التسريحه عود تؤام   .

اخذنه مصرف من امي وطلعنه
رحنه للمدرسه اني صف سادس علمي
وندى الريحان صف رابع علمي
وشهلاء كذالك سادس مثلي بس الفرق هي تاركه سنتين ورجعت تدرس سادس  .

جان الدرس الرابع ضايجه ماكو المُدرسه مالتنه جانت مجايه، اجت يمي صديقتي گامت تسولف عن حبيبها وهاي السوالف المكروهه .

دخلت طالبه بسرعه گالت بصوت عالي:- اكوو طالبه اهنا اسمها بنت الهدى؟

وگفت متوتره:- ايي نعم اني بنت الهدى  .

:- اختچ اسمها ندى الريحان؟؟

:- ايي ليش؟؟

:- اختچ مريضه كلش بالاداره دزت عليج اتخربطت .

هيه گالت هيج لو احس روحي انشالت وانرگعت بالگاع  .
عفت صديقتي وحدها تسولف مشيت بسرعه  .

:- ووينها؟؟

:- بالاداره  .

رحت بسرعه دخلت للاداره دگيت الباب
شفتها مخليها ع القنفه وهيه منتهيه رحت گعدت. يمها بسرعه وكلت:- ندى شبيج حبيبتيي شيوجعچ؟؟؟

بچت وگالت:- بطني موتتني  .

لزمت ايدها وگلت للمعاونه:- ست اتصلي ع اهلي يجي واحد ياخذها البنيه منتهيه، هي امتحنت .