☘️ Immortal Plant
☘️ Chapter 1.1
နံနက်စောစော၌ သေးငယ်သည့်မီးခိုးရောင်ငှက် ကလေးတစ်ကောင်သည် အဝေးမှပျံသန်းလာပြီးပြတင်းပေါက်ဘောင်ပေါ်ဆင်းသက်လာခဲ့သည်။
ပြတင်းပေါက်ပေါ်တွင် အစိမ်းရောင်အပင်လေးတစ်ပင်သည် အိုးတစ်လုံးထဲတွင်ငြိမ်သက်စွာအိပ်စက်နေလေသည်။
အစိမ်းရောင်အပင်သည်စိမ်းစိုတောက်ပနေပြီး ၎င်း ၏နုနယ်သော အစိမ်းရောင်အရွက်များ၏ထိပ်ဖျားများသည်ကြည်လင်ပြတ်သားလျက်သည်။ ၎င်းတို့ သည် ပင်စည်မှဆန့်ထွက်ကာ လေထဲတွင်အနည်း ငယ်ငြိမ့်ညောင်းစွာလှုပ်ယမ်းသွားကြသည်။ ပန်းဖူးသေးသေးလေးသည် စိမ်းစိုသောအပင်၏ထိပ်တွင်ပန်းပွင့်လေးတစ်ပွင့်ကဲ့သို့ သေးသွယ်သောအရွက်များအောက်၀ယ် ရှက်ကိုးရှက်ကန်းပုန်းအောင်းနေသကဲ့သို့ ပျင်းရိမှုအားအရိပ်အမြွက်လှစ်ဟလျက်ရှိသည်။
မီးခိုးရောင်စာငှက်ကလေးသည် ပန်းအိုးအစွန်းသို့ခုန်တက်သွားသည်။ ခြံအပြင်ဘက်ရှိလူများထံမှ အသံရုတ်တရက်ထွက်ပေါ်လာသဖြင့် ၎င်း၏သေးငယ်သောနှုတ်သီးသည် အစိမ်းရောင်ပျိုးပင်၏ အရွက်များကိုထိတော့မည်ဖြစ်သည်။
မီးခိုးရောင်စာငှက်ကလေးသည် လန့်ဖျပ်သွားပြီး အခန်း၏တံစက်မြိတ်ဆီသို့ အတောင်များဖြန့်ကာပျံသန်းသွားသည်။
အစေခံမိန်းကလေးနှစ်ယောက်အနက် တစ်ယောက်မှာအရပ်ရှည်ပြီး ကျန်တစ်ယောက်သည်အရပ်ပုသည်။ နှစ်ယောက်သား ခြံဝင်းထဲလမ်းလျှောက်လာရင်း တိုးတိုးလေးအတင်းတုတ်နေကြသည်။
“ပြောစမ်းပါဦး၊ ငါတို့မင်းသားလေးက ဘာတွေဖြစ်နေရတာလဲ ? သူက အမည်မသိနောက်ခံရှိတဲ့သူနဲ့ လက်ထပ်ချင်နေတာ၊ ကြည့်လေ မင်းသမီးဘယ် လောက်တောင် စိတ်ဆိုးနေလိုက်သလဲ ?"
“မသိပါဘူးဟယ်၊ ယောက်ျားလေးလို့ကြားတယ်၊ သူ ဘယ်လိုပုံစံလဲဆိုတာ ဘယ်သူမှမသိကြဘူး၊ ဒါပေမယ့် မင်းသားလေးကိုတောင်မှ အုတ်အော် သောင်းနင်းဖြစ်ပြီး ဆန့်ကျင်ရတဲ့အထိဆိုမှတော့ ထိပ်တန်းအဆင့်အလှလေးပဲဖြစ်ရမယ်။”
आप पढ़ रहे हैं
အရှင် အရှင်ရဲ့ အင်မော်တယ်အပင်လေး ထပ်ပြီးထွက်ပြေးသွားပြန်ပြီ
ऐतिहासिक साहित्यIntro ရီကျစ်သည် နန်းတွင်းတိုက်ခိုက်သည့်ဝတ္ထုထဲသို့ ကူး ပြောင်းသွားပြီး ရည်မှန်းချက်ကြီးသောဗီလိန်မင်းသား ၏အိမ်တော်တွင် အင်မော်တယ်အပင်အဖြစ်ကူးပြောင်းလာခဲ့သည်။ မင်းသားကူးယန်သည် ပါရမီရှင်၊ သီးသန့်ဆန်ကာလျှို့ ဝှက်ပြီး၊ သွေးအေးကာရက်စက်ကြမ်းကြုတ်သည်။ အာဏာ...
