အန္တရာယ်ရှိသော စရိုက် - ဘာသာပြန်

Chapter 59- အရူးလက်ထဲမှာ တစ်ခုခုရှိနေတာပဲ

ချီချင်းက ‌တည်ငြိမ်စွာ ပြန်ဖြေသည်။
" အလုပ်ပြောင်းလိုက်တာ"

"...."
သူ့လောကက အကျယ်ကြီးပဲကို...

ချီချင်း : " ခင်ဗျားမှာ အရေးတကြီး မေးစရာမရှိရင် ကျေး‌ဇူးပြုပြီး တိတ်တိတ်နေပေးပါ"

သူတို့နှစ်ယောက် ဖော်ရွေစွာ စကားအပြန်အလှန်ပြောနေကြချိန် လမ်းအခြေအနေက ရုတ်တရက် ပြောင်းလာသည်။ ရှဲ့လင်မှာ GPS လမ်းကြောင်းအတိုင်း သွားနေသော်လဲ လမ်းအကွေ့တစ်နေရာရောက်တော့ လမ်းတစ်ဖက်တွင် ဆိုင်အပြည့်ရှိနေသော်လဲ ကျန်တစ်ဖက်တွင် ရေကန်တစ်ကန်သာ ရှိသည်။ သို့သော် လမ်းကွေ့ကွေ့ချင်း နောက်ကြည့်မှန်မှ အရာတစ်ခုကို သတိထားမိသွားသည်။ လမ်းဆုံမှ ကမူးရှုးထိုး ထွက်လာသော အနက်ရောက်ဗန်ကားတစ်စီးကို တွေ့လိုက်ရ၏။ အဆိုပါ ဗန်ကားမှာ ထွက်လာသည်နှင့် အရှိန်ပြင်းစွာနှင့် သူတို့ကားနားရောက်လာခဲ့သည်။

" နှစ်ယောက်လုံး ခါးပတ်သေချာပတ်ထားလား"
ပုံမှန်အတိုင်းဆို အဆိုပါအခြေ‌အနေမျိုးတွင် ကြောက်လန့်ကြမည်ဆိုသော်လဲ ရှဲ့လင်က တည်ငြိမ်စွာနှင့် အရှိန်မြှင့်လိုက်သည်။

ထိုသူ : " သေချာပတ်ထား..."

လမ်းတစ်ဖက်တွင် ရေကန်သာရှိနေသောကြောင့် ပြန်ဆုတ်ရန် မဖြစ်နိုင်။ အနက်ရောင်ဗန်က အသေအချာ ပြင်ဆင်ထားပုံရသည်။ ရှေ့တည့်တည့်တွင်လဲ ကားတစ်စီးရှိနေ၍ ထွက်ပေါက် ပိတ်နေကာ ရေကန်သို့သာ သွားစရာလမ်းရှိနေသည်။ သို့သော် ရှဲ့လင်က ချက်ချင်း ကားကို ဘရိတ်နင်းကာ ဆွဲကွေ့လိုက်သည့်အတွက် ကားလမ်းပေါ် ကားဘီးရာ အထင်းသားကျန်ခဲ့သည်။ သူ ကားလမ်းကြောင်းပြောင်းလိုက်သည့်အတွက် အရှေ့မှ ကားရော သူ့နောက်မှ ကားပါ အချင်းချင်း တိုက်မိမလို ဖြစ်သွား၏။

ထို့နောက် ချက်ချင်းပင် ရှဲ့လင်က လီဗာ ဆက်နင်း၏။
" မြဲမြဲကိုင်ထား"

ထိုသူမှာ အသံတုန်တုန်နှင့် "ကိုင်ထားတယ်" ဟု ပြန်ဖြေချင်သော်လဲ ကားအရှိန်ကြောင့် ပါးစပ်မှ "အား!!!" ဟုသာ ထွက်သွားနိုင်ခဲ့သည်။

သို့သော် ကားထဲတွင် လူသုံးယောက်ရှိသည့်အနက် သူတစ်ယောက်ထဲသာ တအားအားနှင့် အော်နေခြင်းဖြစ်၏။