My Lovely Bride - Belle & Gene | ELIZABETH MCBRIDE

11

Chapter Eleven

DAHAN-DAHANG iminulat ni Belle ang mga

mata. Pagkuwa'y iginala niya ang paningin sa

paligid. Naroroon siya sa isang hospital suite at

nakahiga sa puting kama.

Nakatayo sa kanang bahagi niya si Jaye. Sa

kaliwang bahagi ay nasumpungan niya si Gene,

nakaupo sa stool at hawak-hawak ang palad niya.

‚B-Belle!‛ napangiting saad nito nang makitang

nagmulat na siya ng mga mata.

‚How do you feel?‛ nakangiti ring tanong ni

Jaye.

Hindi siya sumagot. Nang tangkain niyang

bumangon ay mabilis siyang inalalayan ni Gene.

‚Careful,‛ anito. ‚Baka kung mapa'no ang

baby ko.‛

Masuyo nitong kinapa ang tiyan niya.

‚Baby mo?‛ nakataas-kilay na tanong niya.

‚Oy, bruha, pretend ka pang 'di mo alam!‛

nakangiting saad ni Jaye. ‚Kaya pala madalas

kang mahilo... dahil buntis ka na!‛

Natigilan siya. Alam niyang magtatatlong

buwan nang nag-cease ang monthly period niya.

Madalas siyang mahilo at maduwal. May kutob

siyang nagdadalantao na pero ayaw niyang

magpatingin sa doktor dahil natatakot

siyang makompirma ang hinala.

‚So what?‛ pagkuwa'y mabilis niyang sagot.

‚Problema ko 'to.‛

‚Problema nating dalawa,‛ sabi ni Gene at

hinagkan ang kanyang palad. ‚Dahil ako ang

ama ng batang nasa sinapupunan mo.‛

‚Paano kang nakasiguro?‛

‚Because I am the one you love.‛

‚Jaye!‛ Nanlalaki ang mga matang binalingan

niya ang kaibigan sa pag-aakalang ibinuking siya

nito.

‚Oy, wala akong sinasabi, ha!‛ paingos nitong

sagot. ‚He discovered it by himself.‛

‚Nagtapat na sa akin si Jeff na binasted mo

siya,‛ muling saad ni Gene. ‚Sinabi na rin niya sa

akin na walang namagitan sa inyo sa motel dahil

nagalit ka sa kanya at siya lang ang may

kagustuhan na pumunta kayo roon. Besides,

isang lalaki lang ang pinagbigyan mo ng iyong

sarili... Naturalmente, ako iyon.

‚Noon ko pa gustong sabihin sa 'yo na hindi ko

mahal si Margarette pero naisip kong baka hindi

mo naman ako gusto. And you know that I'm just

going to marry a woman if I love her. Biglaan ang

nangyari sa amin ni Margarette. And it's too late

bago ko na-realize that we weren't in love with

each other at all. Hindi ko lang alam kung paano

sasabihin sa kanya dahil akala ko, masasaktan

siya.

‚Isa lang ang babaeng gusto kong pakasalan,

ang babaeng gusto kong makasama sa buong-

buhay ko... and that's you. I love you, Belle.‛

Hindi niya napigilan ang paglalandas ng luha

sa kanyang mga pisngi, hindi niya mapaniwalaan

ang narinig.

Ipinikit niya ang mga mata at muling iminulat

upang tiyaking hindi siya nananaginip.

No, she wasn't dreaming.

Not anymore.

Malinaw na malinaw na nasa tabi niya si Gene

at ipinagtatapat ang saloobin nito. Dinig na dinig

ng kanyang dalawang tainga ang sinabi nitong

mahal siya nito.

Isang matamis na ngiti ang sumilay sa mga labi

niya nang yakapin niya ito nang mahigpit.

‚I love you, too, Gene. Very much.‛

And they kissed with so much passion, tulak

ng kaligayahang nag-uumapaw sa kanilang mga

puso.

‚Haay, nakakainggit!‛ kinikilig na bulalas ni

Jaye bago tinungo ang pinto upang iwanan sila.

‚Sana magka-boyfriend na rin ang beauty ko!‛