My Lovely Bride - Belle & Gene | ELIZABETH MCBRIDE

07

Chapter Seven

HOW LONG have you and Belle been best

friends?‛

Sinulyapan ni Gene ang lalaking nagsalita. Si

Jeff, ang lalaking kasama niya kanina sa shop ni

Belle upang magpasukat. Naroroon na sila sa

building sa Ortigas na siya nilang gagawing law

office.

At kanina pa ito tanong nang tanong ng

tungkol sa dalaga...

‚Fifteen years, more or less,‛ pormal niyang

sagot.

‚That's impressive,‛ anito. ‚How is she as a

friend?‛

Hindi siya sumagot. Bahagya niyang

ipinahalata na nababagot na siya sa paksa at

nagsasawa nang sumagot sa mga tanong nito.

‚Don't answer,‛ pagkuwa'y nakangiting sabi

nito. ‚Let me discover it for myself. I want to be

her friend, too.‛

Napakunot-noo siya. The way he feels it, hindi

pakikipagkaibigan ang totoong intensyon nito.

This man wanted Belle. Mukhang binabalak

nitong ibilang ang dalaga sa mga babaeng

pinaluha na.

Kilala niya ito sa pagiging playboy. Kaya

natural lang na makadama siya ng animosity...

lalo na't binabalak pa nitong biktimahin ang

inosenteng si Belle!

Siya ang unang makakalaban ni Jeff kung

sakali, kahit pa alam niyang malaki ang

maitutulong nito sa kanyang law office. Sa

koneksyon ay talo siya nito dahil sa Pilipinas ito

nakilala bilang abogado.

SABADO. Birthday ni Jaye. Inimbitahan nito sina

Belle, Gene, Margarette, at Jeff sa condo unit para

sa isang simpleng salo-salo.

Habang kumakain sa harap ng square dining

table, pasulyap-sulyap si Gene kay Jeff na noon ay

hindi na naman mapuknat ang mga mata kay

Belle. Parang gusto tuloy niyang pagalitan si Jaye

sa ginawang pag-imbita sa kasosyo niya.

Mayamaya'y biglang nag-ring ang cellphone ni

Margarette.

‚Excuse me,‛ sabi nito at pansamantalang

nagtungo sa patio upang kausapin ang tumawag.

Hindi na ito muling naupo nang bumalik sa

komedor. ‚I-I'm sorry, Guys, I have to leave.‛