My Lovely Bride - Belle & Gene | ELIZABETH MCBRIDE

09

Chapter Nine

NAKATULALA na naman si Belle kinabukasan

habang nakaupo sa harap ng kanyang desk.

Kanina pa siya kinakausap ni Jaye, ngunit hindi

niya ito pinapansin. Kaya minabuti nitong iwanan

na lang siya.

Hanggang sa mga sandaling iyon, hindi

mawala sa isip niya ang nangyari kagabi.

Tinupad naman ni Jeff ang pangakong ihahatid na

siya sa bahay at abut-abot ang paghingi nito ng

paumanhin.

Subalit hindi iyon ang tumimo sa kanyang utak

kundi ang nakitang si Margarette kasama ang

lalaking hindi niya kilala. Ayaw niyang isiping

nagtataksil ito kay Gene, ngunit malinaw na

patungo ito sa motel at may kasamang lalaki.

Nakaramdam siya ng habag kay Gene. Hindi

lang

pala

ito

ina-under

ni

Margarette,

pinagtataksilan pa.

Napatiim-bagang siya sa naisip.

Mayamaya'y bumukas ang pinto ng opisina at

napakislot siya nang makitang si Gene ang

pumasok. Pormal ito at hindi niya maintindihan

ang nais ipahiwatig ng mga mata.

‚G-Gene,‛ sambit niya at saka lamang naalala

ang sinabi ni Jaye na galing ito roon kahapon at

hinahanap siya.

Marahil ay pakikiusapan siya nitong huwag

babanggitin kay Margarette ang nangyari sa

kanila.

Marahil ay hihingi na naman ito ng

paumanhin.

Marahil ay...

‚Where did you go last night?‛ Naputol ang

pagbuo niya nang mga haka-haka nang marinig

ang malagom na tinig nito. ‚At kasama mo pa si

Jeff!‛

‚Hindi ba sinabi ni Jeff sa 'yo na nanood lang

kami ng concert?‛

‚Sa motel?‛

Napamaang siya sa pagkagulat. Dalawang tao

lang ang puwedeng magsabi niyon. Si Jeff... o si

Margarette. Subalit batid niyang hindi iyon

gagawin ni Jeff dahil alam nitong ikagagalit iyon

ni Gene.

Ano'ng karapatan ni Margarette ang sabihin

iyon kung gayon? Para iligtas ang sarili nito sa