ကျိမင်ရွေ့ တစ်ယောက်ထဲ စကားပြောနေတုန်း မော့ကြည့်လိုက်တော့ ချီချင်း မရှိတော့။
လက်အိတ်အမည်းတစ်ဖက်က မှန်တံခါးကိုဖွင့်၍ အပြင်ထွက်သွားသည်။
" ဒီမှာ တအားဆူတယ်"
ချီချင်း နားထဲမှ ဆူညံသံများက အဆက်ပြတ်သည်မရှိ။
" ငါ ပြန်တော့မယ်"ကျိမင်ရွေ့က သူ့အမြင်ကို စောင့်ကြည့်ခန်းထဲမှ လူများရှေ့တွင် ပြောပြလိုက်တော့ သူတို့အားလုံး ခေတ္တခဏ တိတ်ဆိတ်သွားကြသည်။ ထိုတိတ်ဆိတ်မှုကြောင့် ကျိမင်ရွေ့လဲ မပြောသင့်သည့်စကားကို ပြောမိသည်အထင်နှင့် ကြောက်လန့်သွား၏။
" ဟို.. ကျွန်တော်က ဒီအတိုင်း ပြောကြည့်တာပါ.. ကျွန်တော် အတွေးလွန်သွားတာ ဖြစ်နိုင်တယ်.. အခုတလော လျှောက်တွေးလွန်းလို့.. ပင်းကော ကျွန်တော့်ကို ဦးနှောက်မရှိဘူးလို့ ထပ်ဆူဦးမှာလားဟင်.. ဟုတ်ကဲ့ပါ... ကျွန်တော် ရုံးပြန်ပြီးတော့ ဦးနှောက်မရှိသလိုပဲ နေပါ့မယ်.. ဒီနေ့ ကျွန်တော် ဒီကိုမလာခဲ့ဘူးလို့ပဲ ..."သတ်မှတ်လိုက်ပါ ဟူသော စကားပင် ဆုံးအောင်မပြောလိုက်ရ။
ဝူကျီပင်းက ကျိမင်ရွေ့ကို ပခုံးပုတ်၍ ပြုံးရွှင်စွာ ပြောလိုက်သည်။
" မင်း တော်တော်လေးတိုးတက်လာတာပဲ"ပါးစပ်အဟောင်းသားနှင့် ကျိမင်ရွေ့ : "ဗျာ"
" ငါတို့ အခုပဲ ဒီအကြောင်းကို ဆွေးနွေးနေတာ"
ဝူကျီပင်းမှာ အသစ်လေးများကို သဘောမတွေ့ရင် မတွေ့သလို ဆူပူကြိမ်းမောင်းတတ်သော်လဲ တိုးတက်မှုအရိပ်အယောင်ကို တွေ့ရသည့်အခါတွင် ချီးကျူးရန် ဝန်မလေး။
" ရွှယ်မေ့ရဲ့ Weibo အကောင့်မှာ သူ့ကိုတစ်ယောက်ယောက် အမြဲစောင့်ကြည့်နေသလို ခံစားရတယ်လို့ ရေးထားတာတွေ့လို့"နောက်ဆုံးတော့ ဝူကျီပင်း အမိန့်ပေးလိုက်သည်။
" သူ့ကို အချုပ်ထဲ ထည့်ထား.. မင်းတို့နှစ်ယောက် ငါနဲ့လိုက်ခဲ့.. မှုခင်းဖြစ်ခဲ့တဲ့နေရာကို ပြန်သွားစစ်ရမယ်... ငါတို့ ဘာတွေလွတ်ခဲ့လဲ ပြန်ကြည့်ရအောင်"ကျိမင်ရွေ့လဲ ချီးကျူးခံရသောကြောင့် နားရွက်များရဲနေရင်းမှ ပြန်ဖြေသည်။
" ဟုတ်ကဲ့ပါ ပင်းကော"
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...
Chapter 32- ချောင်းကြည့်ခြင်း
Start from the beginning