Chapter 13
ငါ့ကိုယုံ... ငါပြောတာ အမှန်တွေချည်းပဲ
ယွီနျန်မှာ အမြဲတမ်းလိုလိုပင် ကိုယ့်ကိုယ်ကို စည်းကမ်းတင်းကျပ်တတ်သူ ဖြစ်သည်။ နောက်တစ်ရက်တွင် ကုမ္ပဏီသို့ အချိန်မှန် ရောက်သွားခဲ့ပါသော်လည်း မုန့်ယွမ် ဖျားနေကြောင်း ရှစ်ရော့က ပြောလာခဲ့သည်။
လတ်လတ်ဆတ်ဆတ် ညှစ်ထားသော အသီးဖျော်ရည်ဘူးကို ကိုင်ထားရင်းဖြင့် သူ မျက်မှောင်ကြုတ်ကာ ပြန်တွေးကြည့်လိုက်သည်။ "အစ်ကိုမုန့်က ဘာဖြစ်တာလဲ... မနေ့ညက ရိုက်ကူးရေး လုပ်တုန်းကတောင် အကောင်းကြီးပါ"
ရှစ်ရော့က သေသေချာချာ ပြောပြနေသည်။ "မနေ့ညတုန်းက အစ်ကိုမုန့်က အစ်မတို့နဲ့ သီချင်းဆိုဖို့ လိုက်မလာခဲ့ဘူးလေ... ဒါရိုက်တာဟယ်နဲ့ ဘာဘီကျူးသွားစားခဲ့တာ... ဘာဖြစ်သွားလဲ မသိပါဘူး... ဒါရိုက်တာဟယ်က ဒီနေ့ အဆင်ပြေနေပေမယ့် အစ်ကိုမုန့်ကတော့ အန်ပြီး ဝမ်းလျှောနေတယ်... အဖျားတွေလည်း တက်နေတာ"
ယွီနျန်မှာ ငိုရမလား ရယ်ရမလားပင် မသိတော့။ "အစ်ကိုမုန့်က အရင်တုန်းက သူထိပ်ပြောင်မှာစိုးလို့ ကျန်းမာရေး လိုက်စားတယ်လို့ ပြောခဲ့တာ မဟုတ်ဘူးလား... ညစောစောအိပ်ပြီး ညနက်ပိုင်းရောက်ရင် သရေစာတွေလည်း ရှောင်တယ်ဆို" ယွီနျန် စိုးရိမ်သွားလေသည်။ "အစ်ကိုမုန့်အိမ်မှာ သူ့ကို ဂရုစိုက်ပေးမယ့်သူ ရှိလား"
"ရှိလောက်မှာပါ" ရှစ်ရော့၏ အသံက အနည်းငယ် တိုးဖျသွားသည်။ "အစတုန်းက မုန့်ကောက လူလွတ်လေ... ဒါပေမယ့် နောက်ပိုင်းကျ အချစ်စစ်နဲ့ တွေ့ပြီး လဝက်အတွင်း လက်ထပ်လိုက်တာ... အဲ့အချိန်တုန်းကဆို လူတွေ တအားရှောခ့်ရသွားကြတာနော်... နောက်ပိုင်းကျ နှစ်ယောက်သား အဆင်မပြေကြလို့ ထင်ပါရဲ့... ကွာရှင်းလိုက်ကြတာလေ"
"ဟုတ်လား" ယွီနျန်က တုံ့ဆိုင်းမနေတော့ဘဲ အသီးဖျော်ရည်ခွက်ကို ချလိုက်သည်။ "နေ့လည်ကျရင် ဆရာမကျောက်ရှီရဲ့ အတန်းကို ခွင့်ယူပြီး အစ်ကိုမုန့်ကို သွားကြည့်လိုက်ဦးမယ်... အစ်မရော လိုက်မလား"
ရှစ်ရော့ ခေါင်းငြိမ့်ပြလိုက်သည်။ "ဒါဆို အစ်မ တစ်ခုခု သွားဝယ်လိုက်မယ်"
YOU ARE READING
ကျွန်တော်ကဆင်းရဲတယ်လို့ကြားမိတယ်
RomancePaid GP နဲ့ သိလိုသမျှကို wallထဲက About မှာတင်ပေးထားတဲ့ IQ team page messengerလေးကနေ မေးပေးပါရှင့်
