မမဇွန်စိတ်ထဲ၌သခင့်ကိုစိတ်မကွက်စေချင်ပါ။ ပြီးတော့ သခင်ကလည်းတကယ်ပဲ ကိုယ်နဲ့အတူမစားချင်ခဲ့တာပါ။
"မမဇွန်သူနဲ့စကားပြောမှကိုဖြစ်တော့မယ်...ဟိုနေ့ကလည်းနွယ်ကလေးကိုပြောတာတွေမမဇွန်ကြားတယ်...သူက နွယ်ကလေးအပေါ်ကိုအတော့်ကိုရင့်သီးလွန်းတယ်လို့ထင်တယ်"
"ဘာမှမပြောပါနဲ့ မမဇွန်ရယ်...သခင်ကလင်းကိုအကြောင်းမဲ့မုန်းနေတာမဟုတ်ပါဘူး...လင်းဘက်ကအပြစ်လုပ်ထားလို့ပါ"
"မပြောနဲ့ဆိုလည်းမပြောတော့ပါဘူး..ဒါပေမဲ့ဒီထက်လွန်လာရင်တော့ ဝင်ပြောမိတော့မှာနော်"
"မမဇွန် ကြာဆံသုပ်ကစားကောင်းတယ်"
"စကားလွှဲမနေပါနဲ့ မသိတာကျလို့"
"ဟီး"
မမဇွန်သည်လည်း အကင်းပါတဲ့သူပဲ။
***
"ဟဲလို..ဖေဖေ "
ဖေဖေ့ဆီဖုန်းဆက်လိုက်သည်။
ကားမောင်းသင်ခိုင်းမယ်ဆိုတဲ့ ရည်ရွယ်ချက်ဖြင့်သာ။
"အေး သမီးလေး"
"သမီးကိုကားမောင်းသင်ပေးပါလားဖေဖေ"
"သမီးကားမောင်းသင်ချင်လို့လား"
"အင်းပေါ့ဖေဖေရဲ့"
"ဖေဖေ အားတဲ့နေ့တွေကျရင်သင်ပေးမယ်လေသမီးလေး "
"ဟုတ်ဖေဖေ "
"သမီးမမနဲ့ရောအဆင်ပြေရဲ့လား"
ခဏတော့အသံတိတ်သွားမိသည်။
"သခင်နဲ့ကအဆင်ပြေပါတယ်"
"သမီးလေး သမီးမမနဲ့ကွာရှင်းချင်လား"
ဖေဖေ့ဆီကမျှော်လင့်မထားတဲ့စကားကြောင့်အမှန်ပင်အံ့ဩရသည်။ဖေဖေကိုယ်တိုင်ပဲ သခင်နဲ့အတင်းလက်ထပ်ပေးခဲ့တာမဟုတ်လား။အခုကဘာကြောင့်များဒီစကားမျိုးပြောနေပါလိမ့်မယ်။
"ဖေဖေကလည်းသခင်နဲ့ဘာလို့ကွာရှင်းရမှာလဲ..ဖေဖေကိုယ်တိုင်ပဲလက်ထပ်ပေးပြီးတော့"
"သမီးလေးနဲ့သူအဆင်ပြေရဲ့လား သမီးကိုသမီးမမကစိတ်ဆင်းရဲရအောင်လုပ်လား"
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
အပိုင်း(၁၆)
Start from the beginning
