أسرار شمس

التحدى 11

لم تستطيع شمس ان تبقى وسط الموجودين بعد كلام حازم وخرحت من الشرفة على حجرتها فورا ,لم يحظ أحد فقط امها فدخلت خلفها وجدتها تبكى بشدة على سريرها

جلست بجوارها تربت على ظهرها : مالك ياشمس؟ مالك يابنتى؟؟؟ إيه اللى جرى تانى؟

لم تجبها شمس وإستمرت فى البكاء فجذبتها أمها لترفعها ونظرت لوجهها الباكى وضمتها بقوة :إتكلمى..

حازم ياماما بيهددنى يآخد تمارا منى

يهددك يعنى إيه ؟وليه؟ مانتو هاتتجوزوا...

بيشترط اعيش معاه فى بيت خاله.

خاله!! إزاى؟ هو إتجنن؟؟

هو ده اللى حصل ومقدرتش أقول له حاجة, علشان تامى أنا مقدرش أعيش من غيرها ياماما..

ولإمتى يابنتى هاتتحملى الذل ده؟؟

نظرت لها شمس بحيرة وسالت دموعها أكثر فقالت: إمسحى دموعك قومى إغسلى وشك..النهاردة عيد ميلاد تامى ولازم تكونى جنب بنتك..

إتجهت إحسان للباب فسألتها شمس: هاتعملى إيه؟

لو فاكر إن مفيش حد وراكى يدافع عنك ..يبقى غلطان...أنا هاعرفه يعنى إيه يهددك ويذلك بالشكل ده...

خرجت إحسان من حجرة شمس وبحثت بعيونها عن حازم, كان وجهها غاضب جدا ونظر لها عبد الحميد بإبتسامة خبيثة لقد بدأت خطته فى النجاح وسيحصل على حفيدته وحازم لن يتزوج بشمس..

إقتربت إحسان من حازم ,كان يلعب مع تمارا قالت: حازم بيه عايزاك...

وضع حازم تمارا على الأرض ووقف وهو يبتسم : تحت أمرك فيه حاجة؟؟

تعالى معايا..

إتجهت به لحجرة تمارا ودخلو, اغلقت الباب وقالت: إسمع بقى, انا لما وافقت إنك تتجوز شمس كنت متأكدة إنك بتحبها.

وباحبها فعلا و..

متقاطعنيش...

نظر لوجهها الغاضب وقوتها وأكملت: دلوقتى أنا إتأكدت إنك لابتحبها ولامهتم بيها والبنت هى اللى إنت بترسم علشانها وإقتنعت إن شمس معاها حق وإن كل الى حصل ده خطة تتعرف على شمس بيها علشان خاطر تمارا

طبعا لأ ...

أكيد صح...وصدقنى دلوقتى بس ندمت لما رفضت خطتها فى الهروب منكم ...... أنا مش هاسمح لك تذل بنتى وتكسرها اكتر من كده... ودموعها دى هادفعك تمنها غالى قوى ياحازم بيه...

ظر التأثر على وجه حازم, كان يعلم بأنه كلمها بقسوة ولكنه مضطر ,لم يكن ينوى أبد أن يأخذ منها تامى.....

أنا مش ناوى أبدا آخد تمارا منها و...

من ساعة ماكلمتها وهى مموتة نفسها من العياط ومقهورة.. وصلت بيك القسوة إن تهددها ........ الخلاصة , إتفاقى معاك ملغى.. مفيش جواز؟؟