حبست شمس نفسها فى حجرتها ,أظلمت الدنيا فى عينيها وإستسلمت لحزنها ,لقد إنتهى كل شئ والآن سيطالب عبد الحميد بحفيدته ولن يتركها لها , كان هذا أسوأ كابوس تعيشه شمس, أذا اخذو تمارا منها سيأخذون قلبها معها , رن هاتفها وأجابت: ماما....
أنا ياماما..
تامى حبيبتى, عاملة إيه؟
إنتى هاتيجى إمتى؟
كتمت شمس بكاؤها وحاولت ان لايبدو صوتها باكيا وقالت :هاروح الشغل ياحبيبتى وآجى لك على طول وهاجيب لك كل حاجة بتحبيها... إدينى تيتا..
إنتى فين ياشمس مش قلتى هاتيجى؟
معلش ياماما حصلت حاجات كتير ... أنا هانزل المحل ولما آجى هاحكى لك على كل حاجة.. عايزة منى حاجة؟
لأ يابنتى متتأخريش علينا.
حاضر...
أغمضت شمس عيوها لتمنع الدموع الحارة من التساقط, يجب أن تتماسك حتى تستطيع ان تفكر فى خطوتها القادمة .
ظل حازم فى حجرة تمارا لوقت طويل يشاهد ألبومات صورها ورأى مراحل نموها وبعد فترة دخلت شمس وفى يدها اللاب وقالت: دى فيديوهات صورتها لها من يوم مابقت معايا, علشانها وعلشان لو أبوها عرف مكانها..
وضعت اللاب أمامه نظر لها فقالت: إتفرج براحتك , أنا رايحة المحل عندى شغل مهم؟
شمس...
توقفت فقال: خليكى معايا. لسه فيه كلام كتير بينا.
إلتفتت له وقالت بحزن: معدش فيه كلام خلاص, إنت عرفت إن تمارا بنتك وإنتهت الحكاية...
لأ لازم اعرف...
عايز تعرف إيه؟
ليه مسبتيش بيرى فى المستشفى قصدى تمارا؟؟
لما سألت قالو لى هايودوها ملجأ ومراتك مكانش معاها أى ورق يثبت شخصيتها ,خفت على البنت تتبهدل وأخدتها معايا البيت .
وبعدين؟
وبعدين كنت كل يوم أروح المستشفى أسأل إذا كان فيه حد سأل على منى؟ وبعد شهر , إكتفيت وقررت أربيها أنا وعملت لها شهادة ميلاد .. وعاشت معايا من يومها...
لو كنتى سبتيها يمكن كنت ألااقيها ...
أنا عارفة إنك بتلومنى ...ويمكن معاك حق لكن هو ده اللى فكرت فيه وقتها.. أنا نازلة المحل.. خليك هنا براحتك..
خرجت وتركته ,عبس حازم لأن شمس تبدو حزينة جدا بسببه وبسبب خاله , جلس يفكر, كان فى عقله الكثير من الأمور الغامضة, إحتفاظ شمس بتمارا بدلا من أن تتركها فى المستشفى او تبلغ الشرطة؟ إتهام نفسها بعلاقة مع رجل؟ هل تعلقت بتمارا لدرجة ان تخفيها وتبعدها , تنهد ونظر للاب وبدأ فى مشاهدة كل الفيديوهات الخاصة بإبنته, لقد خسر الكثير من الوقت معها ,لم يكن موجود وهى تخطو خطواتها الأولى أو تتكلم ,, شعر بالغضب من شمس مرة أخرى ربما لو كانت تركتها فى المستشفى كان يمكن ان يجدها لو لم تخفى هى أثرها...
أنت تقرأ
أسرار شمس
العاطفيةحب الأم أعظم حب فى الدنيا ولايعادله اى حب وشمس ضحت بكل شئ من أجل إبنتها الصغيرة التى تعشقها
