وقفت شمس تنظر لحازم فى صمت, كان وجهه غاضبا وهو ينظر نحوها , نظرت حولها لعاملين لم تكن تريد ان تتكلم فى وجودهم طبعا وقال حازم: ممكن نتكلم فى المكتب؟؟
أشارت له فى صمت ودخلت معه, وفور إغلاقها للباب قالت: جاى ليه؟ تتهمنى بإيه المرة دى؟
نظراته الغاضبة ادهشتها , هى الغاضبة من كلامه ومن غتهامه لها لماذا ينظر لها بهذه الطريقة ,إقترب منها حازم وقال: أنا جاى أسألك على حاجة واحدة بس...
اخرج الورق من جيبه ووضعه أمام وجهها : فسرى لى الورقة ده.
أمسكت ورقة موثقة من السجل المدنى والمكتوب فيها بأنها لم تتزوج ,إرتعشت يدها وسألته بصوت متحشرج: جبت دى منين؟؟
جاوبينى إنت... إنت فعلا متجوزتيش ؟؟ ردى ياشمس.. إتجوزتى وإلا لأ....
كان هذا آخر شئ تتوقعه أن يعلم حازم بأنها لم تتزوج وقالت: إنت دورت ورايا؟؟
مش انا اللى دورت, خالى هو اللى دور وسأل علشان يبعدنى عنك... وإتفاجئت لما جاب لى الورقة دى.. جاوبينى إتجوزتى وإلا لأ.؟؟؟؟
تنفست شمس بقوة وقالت: لأ متجوزتش خالص
وكدبتى على ليه؟؟ خبيتى ليه؟
لأن عندى بنت بس انا لسه .... ..
كانت ستقول آنسة ولكنه قاطعها بغضب: وكنت ناوية تقولى لى وإلا تفضلى مخبية على لحد مانتجوز واعرف لوحدى.
أنا مكنتش هاخدعك وطلبت أقابلك علشان أقول لك الحقيقة وإنت الى أجلت ميعادنا..
يعنى فعلا خلفتى بنتك من غير جواز؟
تانى هاتكرر نفس الكلام تانى, هو ده ظنك فى ياحازم؟
أمال تبقى بنتك إزاى؟
أرادت أن تتكلم ولكنه قال: آخر حاجة كنت أتوقعها,,إحنا إتكلمنا فى كل حاجة وحكيت لك كل حاجة وإنت تخبى عنى غلطتك.
غلطتى؟؟
هى أكيد كانت غلطة وإنت صغيرة بس كان لازم تقول لى , تصارحينى قبل مانآخد خطوة للخطوبة والجواز؟؟
إنت فاهم الموضوع غلط ياحازم ... إسمعنى أنا هاقول لك كل حاجة .. إستنى بس...
مش عايز أسمع حاجة دلوقتى لحد ماستوعب اللى عرفته.
نظر لها بصدمة وكان سيخرج لحقت به وأمسكت ذراعه ولكنه نزعه بقوة وكادت أن تقع ,أمسكها بسرعة قبل أن تسقط ولمعت سلسلة فى عنقها ,كانت على شكل قمر دائرى , تجمد حازم فى مكانه وهو ينظر للسلسلة قالت: انا هاقول لك الحقيقة و...
وجهه المكفهر جعلها تسكت , كانت عيونه تعلقت بالسلسلة فى عنقها وضربت كل الذكريات فى عقله فجأة ,أشار حازم للسلسلة بيد مرتعشة وسألها : السلسلة دى.. .. جبتيها منين؟؟
YOU ARE READING
أسرار شمس
Romanceحب الأم أعظم حب فى الدنيا ولايعادله اى حب وشمس ضحت بكل شئ من أجل إبنتها الصغيرة التى تعشقها
