جَرح الأيهم

"الجُــرح السابع و خمسين"

مُلاذ : أيهم حتى انا ما صدكت بالبداية

كمم حلگي بـ ايده يسكتني
نزلت دمعته ، يهز راسه بـ رفض و يهمس

أيهم : اشش

وخرت ايده من حلگي

مُلاذ : أيهم اسمعني الله يخليك اسمعني
لا تصعبها عليه فوك ما هي صعبه

أيهم : لا تسوين بيه هيج مُلاذ لا توجعين گلبي
لا توجعين گلبي فوك وجعه لا تفجعي بيج

مُلاذ : عدت التحليل ما صدكت و الله ما صدكت
أيهم عدت التحليل بس التحليل صحيح
أيهم الله يخليك اسمعني و افهمني

مُلاذ : انا صارلي فوك الشهر هيج
انا صارلي فوك الشهر مريضة
تعبت كلش تعبت لا انت و لا اهلي تدرون
جسمي و كل شي بيه جاي ينهار كل لحظة

رجع يكمم حلكي و دموعه تنزل
ما يقبل يصدگني و يهز راسه بـ رفض
سندت كصتي على كصته ، لزمت ايديه اثبتهم

أيهم : ما بيج شي انتِ

مُلاذ : بيه هواي بيه أيهم
لذتك تعبانه كلش و جسمها منهار
استوعب الي حجيته الله يخليك و ساعدني
مالي غيرك امي و ملاك رح ينهارن
محد غيرك رح يكدر يسندني و يساعدني

بجى مقهور و يحضنني كل قوته

أيهم : مُلاذ لا تجذبين عليه لا توجعين گلبي

مُلاذ : انا اخر وحده تريد توجع گلبك النظيف
بس أيهم بعد ما اكدر اضم اكثر

شدد لزمته عليه يبجي منهار
و انا ما اعرف شسوي بس اريده يستوعب
و هو يكرر "انتِ مو مريضة ما بيج شي انتِ"