Unicode
သူအိမ်တော်ကို သွားပြီး အဖေနဲ့တွေ့သည်ဟု ကြားပြီးနောက် ဒီအိုရဲ့ အတွေးတို့အမှောင်ထဲကျသွားသည်။ ပြဇာတ်တစ်ခု၏ ကောင်းခန်းကို ရုတ်တရက် မီးတွေပိတ်ချခံလိုက်ရသကဲ့သို့ အခန်းထဲဝင်ခွေနေသည်။အလုပ်တွေအကြောင်းလည်း ခေါင်းထဲကနေပျောက်ကွယ်ကုန်သည်ထိ ကင်ဂျုံအင်းကို ကြောက်နေသည်။
'မင်းတစ်ခုခု လုပ်မှာကိုကြောက်တာမဟုတ်ဘူး။အမှန်တရားကိုသာသိသွားရင် ငါကမ်းခဲ့တဲ့လက်တွေကို ညစ်ပတ်တယ်လို့ သိမ်းကြုံးမှတ်ယူသွားမှာကိုကြောက်တယ်။အစတည်းက တကယ်မချစ်ဘဲ ပြိုင်ဘက်လိုသဘောထားနေတဲ့ ကောင်ငယ်လေးကိုနောက်ထပ်ကောင်းပေးရင်တောင် အဆိုးဘက်ကပဲ မြင်သွားတော့မယ်။ငါပြောတာတွေကို လိမ္မာနာခံတော့မှာမဟုတ်ဘူး'
ထင်ထားသည်နှင့်တော့ အနည်းငယ်ကွာခြားခဲ့သည်။ဒိုဒီအိုမွေးခဲ့သော ကင်ဂျုံအင်းက ထပ်ထိတွေ့ဖို့ ဝန်မလေးဘဲ ပို၍ရဲတင်းလာသည်။ဒီအိုအတွက် အိပ်ယာထက်မှကိစ္စများကို တခြားသူနှင့်ဆိုလျှင် သာမန်အပျော်တမ်းအားကစားလောက်သာသတ်မှတ်ထားသည်။ကင်ဂျုံအင်းနှင့် ဆိုလျှင်တော့ မတူပေ။ချစ်သူ၊လင်မယား၊ရင်းနှီးသောမိသားစုဝင်ဟူသော ခံစားချက်ကိုရသည်။ကင်ဂျုံအင်းက ထူးခြားသည်။တခြားသူများလို money boy မလုပ်ပေ။ငွေယူပြီးဇိမ်မခံပေ။
အလုပ်တွေကိုပါ စိတ်ဝင်တစားသင်ယူသည်။
ဒီအို၏အနာဂတ်ပြိုင်ဘက်ဖြစ်လာမည့်သူလိုပင်။သူအလုပ်လုပ်တိုင်း ဂျုံအင်းကိုထည့်စဥ်းစားရသည်အထိ စိုးမိုးသည်။ငယ်ငယ်လေးနှင့် ကားကုမ္ပဏီကို ကိုယ်တိုင်မော်ဒယ်လုပ်ပြီး ပရိုမိုးရှင်းဆင်းသည်။ဒီအိုထက် ငွေကိုငမ်းငမ်းတက်နေသည့်သူလိုဖြစ်နေသည်။ဒီအိုကလည်း ထိုလူမျိုးဆို ကြိတ်သဘောကျတတ်သည်။
ဒီအိုသည် အိပ်ပျော်နေသောသူ့ကို ကြည့်နေမိသည်။ဆံပင်တို့ကိုပွတ်သပ်မိစဥ် သူနိုးသွားမှာစိုးသဖြင့် ရပ်လိုက်သည်။
"အခုတော့ အိပ်နေရင်းတောင် ငါ့ကိုထိန်းချုပ်နေပြီ"တီးတိုးရယ်သွမ်းကာ ပြောလိုက်သည်။သူ့ခန္ဓာကိုယ်တစ်ခုလုံး အဆင်မပြေဖြစ်နေသည့်ပြင် စိတ်ကလည်းပျော်ရွှင်မှုကိုဆုံးရှုံးခဲ့သည့်ခံစားချက်ရသည်။မနေ့မတိုင်ခင်က သူနှင့်ဂျုံအင်းဘဝသာယာနေသေးသည်။သူစောင့်နေသောဝဋ်ပြန်လည်မည့် အချိန်က ပိုမြန်စွာရောက်လာခဲ့ပြီ။
ВИ ЧИТАЄТЕ
ရေစက်ဆိုးတစ်ခု ဖန်တီးခြင်း
Фанфікиလူတစ်ယောက်ရဲ့ပိုင်ဆိုင်မှုဖြစ်ရတာ မုန်းဖို့ကောင်းတယ်။တစ်ယောက်ကတော့ အသုံးချခံရတဲ့ခံစားချက်မှာသာယာနေပြီဖြစ်တယ်