أسرار شمس

السر الكبير 6

السلسلة؟؟؟ دى بتاعتى؟؟

أمسكها من ذراعها بقسوة: بتاعتك يعنى إيه؟ مستحيل... قولى الحقيقة جبتيها منين؟

أى ؟؟ سيب دراعى ياحازم... إنت جرى لك إيه؟

جاوبى..جبتيها منين؟

إندهشت لأنه نسى كل شئ ويسأل على سلسلة ترتديها فقالت: واحدة صاحبتى إدتها لى...

صاحبتك مين, إسمها إيه؟

واحدة إتعرفت عليها من كام سنة ,إسمها منى.

ترك حازم ذراع شمس, إهتز وشحب وجهه وبدا عليه الإضطراب ,إختفاء اللون من وجهه جعلها تنظر له بقلق: حازم؟؟؟ فيه إيه؟

أمسك ذراعها مرة أخرى ورأت فكه يتحرك بغضب وقال: قابلتيها فين؟ وإزاى إتعرفتى عليها..

بتسأل ليه؟

ردى على قابلتيها فين؟؟

إندهشت من إهتمامه فجاة بهذا الموضوع وقالت: قابلتها مرة فى المواصلات وإتصاحبنا وبعدين ....

قاطعها حازم : يبقى هى... هى.... ميرنا ...

نظرت له بدهشة: ميرنا؟؟؟؟ بأقولك إسمها منى..

جذب السلسلة من عنقها فصرخت: إنت إتجننت ...

لم يهتم حازم, كان كل مايفكر فيه هو هذه السلسلة التى كانت ترتديها إبنته فى عنقها, امسك القمر وفتحه وأغمض عينيه بقوة وزفر براحة: آه .. .هى.. هى....ميرنا , مش معقول,,

أنا مش فاهمة حاجة؟ فيه إيه؟ هات السلسلة..

أبعد حازم يده ورأت نظراته الغريبة وقال: إنتى شفتى الصور اللى فيها؟

أيوه صورة منى صاحبتى و...

أكمل عنها قائلا: وجوزها.......

أيوه هى قالت لى إنه جوزها و...

جوزها يعنى أنا....

إنت إزاى؟؟؟ ده.... مش إنت لأ...

أنا... عمرى كان 18 سنة وهى كانت بتحب الصورة دى علشان كده حطتها.

إنسحب اللون من وجه شمس وهى تتأمل وجهه وهمست: يعنى ميرنا هى منى .. مراتك اللى ماتت...

أيوه.. هى ... بنت خالى ومراتى وأم بنتى , كنا ساعات بنناديها منى..

جذبت السلسلة من يده ونظرت فيها وقارنت , كان الشبه كبير ولكن طبعا بإختلاف شاب عمره 18 عام مختلف عن الرجل الواقف امامها ...

تعلقت عيناها به وتسارعت نبضات قلبها وشعرت وكان أحد سكب عليها ماء بارد وإرتجفت اوصالها , ماهذه الصدفة الغريبة بعد كل هذه السنوات تلتقى بزوج منى ووالد تمارا ,الرجل الذى وقعت فى حبه هو والد الطفلة التى تربيها , إلتفت إليها وسألها: البنت فين؟