في فيلة ابو الياس
قام الياس ودخل الحمام (الله يكرمكم ) غسل وجهه ونزل تحت قال للخادمه تحط له اي شي موجود عشان يفطر قبل يطلع عند امه
جهزو له الفطور وجلس ياكل وبعد ماخلص قال للخادمه تشيل الاكل وتسوي له قهوه عشان يصحصح بعد ماخلصو وسو له القهوه خرج وركب السياره وتوجه للمستشفى يشوف امه ويشوف اذا صحيت
وصل ونزل وراح لدكتور يشوف وضع امه وقال له الدكتور
الدكتور : امك صحيت الحمدلله ونقلناها غرفه ثانيه
الياس : جد ي دكتور
الدكتور : اي وهي بخير
الياس : الحمدلله اقدر اخليها تخرج
الدكتور : اي تقدر تسوي لها خروج
راح الياس عند امه يشوفها وفرحان ان امه صحيت دخل عندها
الياس : الحمدلله على السلامه يمه
ام الياس : الله يسلمك
الياس : الدكتور سوا لك خروج يقول صرتي بخير
ام الياس : الحمدلله
الياس : باروح اسوي لك خروج
راح الياس يسوي لامه خروج وبس خلص اخذها وراحو لسياره وركبو وهو اتصل عليهم عشان يحهزون لها الغرفه قبل تيجي
الياس بفرح : تبين اجيب لك شي يمه
ام الياس : تسلم
وقف الياس عند محل عصير وجاب له ولامه عصير عشان امه تصحصح بعد ماكانت بالمستشفى
ام الياس : تسلم ي ولدي
الياس : الله يسلمك
وصلو الفيله ونزل ساعد امه عشان تنزل ودخلو وجلسه شوي على الكنب
ام الياس : خل يجيبون لي شي اكله
الياس : ابشري
كلمهم يجيبون اكل لامه وجلس يسولف معاها ومستانس ان امه رجعت له رسل رساله لهتاف وكتب
الياس : هتاف امي خرجت من المستشفى الحمدلله وهي الحين عندي وجالس معاها
بعد مده ردت عليه وقالت
هتاف : الحمدلله والف الحمدلله على سلامتها
ماكان منتبه ان هتاف ردت عليه من فرحته بأمه نسى امر الجوال بعد مارسل لها
بس كان ناقصهم وجود العنود بينهم وتكتمل فرحتهم
.
في الديره عند العنود
كانت العنود كل يوم تصحى وتنام وهي تشتغل عندهم اليوم استغربت بينها وبين نفسها انو ليش هي تشتغل وكأنها خدامه وهم بس جالسين ويتأمرون عليها راحت لهم العنود وقالت
العنود بحزن : ليه تخلوني اشتغل انا بس مو عساس انا بنتكم
ام روان : انت تسوين اللي نقول عليه وبس من غير ولا كلام
العنود : حرام عليكم
ام روان : روحي رتبي مكان اللي برا وشيلي منه الاوساخ
خرجت العنود وهي مكسوره ماتدري ليه كذا يعاملونها رغم انه ابو روان قال لها انه ابوها وهي ترتب المكان وتشيل الاوساخ طاحت ونجرحت وصار ينزل دم ماحد كان منتبه لها بالصدفه الولد شافها وشاف كيف الجرح عميق شالها واخذها اقرب مستشفى بالديره
شافوها وعقمو الجرح وكتبو لهم على المرهم الي لازم تستخدمه وبعد ماخلصو اخذها يبي يرجعها
بالصدفه خرجت روان تبي تشوفها مالقتها استغربت جلست تدور عليها ماحصلتها رجعت عند اهلها تخبرهم
روان : يبه مالقيت المها دورتها بكل مكان ماحصلتها
ابو روان : ليكون هربت
روان : مدري
طلع ابو روان يدور عليها ومالقاها فجأة شاف وحده جايه ومعاها واحد استغرب ومسكها اعطاها كف
الولد حاول يتفاهم معاه مو راضي مسك العنود وضربها ودخلها داخل
الولد بخوف : ياويلي ذا مجنون كيف يضرب البنت
راح الولد لان مو بيده يسوي شي والعنود جلست تبكي وتترجاه يبعد عنها ويفهم منها
ابو روان : وش تسوين معاها ي قليلة الادب
العنود : والله ماسويت شي كنا بالمستشفى
ابو روان : كذابه قولي الحقيقه
ورجع ضربها بعد مده تركها وهي من التعب نامت من غير ماتحس
ابو روان : لاحد يتكلم معاها لين تعترف وين كانت
ام روان : تمام تستاهل اللي جاها عشان لاعاد تسوي شي من ورانا
روان حسيت ان العنود صادقه لان لمحت رجلها بس تعرف لاتكلمت ابوها بيقلب عليها الحين فقررت بس يهدا تعلمه
.
في قصر ابو سلطان
كانت اسيل بالغرفه وجالسه قالت لهم يسون لها قهوه اللي تحبها وبعد مده جابوها لها وكانت تقلب بالجوال بصدفه وهي تقلب دخلت على سناب المشهور ناصر واستغربت ان راكان موجود من ضمن السنابات اللي منزلهم اسيل بينها وبين نفسها قالت
اسيل : هذا كيف قدر يوصل للمشهور ذا بس واضح يعلن له عشان شغل
رجعت للسنابه ثاني وفجأة بس شافت راكان ابتسمت من غير ماتحس والابتسامه كانت شاقه وجهها الا فجأة يدق الباب قفلت جوالها عشان ماحد يحس وقالت
اسيل : ادخل
الخادمه : اسيل سلطان تعبان
اسيل : وش فيه
الخادمه : سلطان في طيح برا بالحديقه
انجنت اسيل وقامت مسرعه عنده تحت وهي تصرخ
اسيل بخوف : سلطان قوم سلطان
كان سلطان من شدت الحراره مو قادر يتحرك ويهلوس في اسم العنود
نادت واحد من الحراس يشيل سلطان عشان يروحون المستشفى يشوفون وش فيه
بعد ماوصلو نزلو وجو الممرضات اخذو سلطان بالسرير وشافه الدكتور لاحظ انه كل شوي يقول العنود بعد ماخلص طلع وراح
اسيل : دكتور وش فيه سلطان
الدكتور : حرارته مرتفعه واضح بسبب صدمه بس لاحظت كل شوي يقول العنود مين العنود شكله يحب والحب متعبه انتبهو له
اسيل توترت : ان شاء الله اقدر اشوفه
الدكتور : اي بس شوي لان قلت لهم ينقولونه غرفه ثانيه وبيجلس كم يوم عندنا
بعد مانقلو سلطان راحت عنده وهي خايفه عليه دخلت لقته برضه يقول العنود
حز بخاطرها ونزلت دمعتها لان ماتدري شي عن العنود واخوها له ايام تعبان ويفكر كثير بالعنود
باست راسه وجلست عنده لين يصحى لانه غفى وهو يردد اسم العنود
#وكأنها_بالهجر_أخطأت
YOU ARE READING
#وكأنها_بالهجر_أخطأت
Actionسلطان الشاعر اللي يقصد بإشعاره عن حبيبته المتوفيه ويكره بنت اكبر تاجر مخدرات لانه قتل ابوه وحبيبته ولما يتوفى ابو البنت يسكنها بقصرهم ويعيشها بقن الدجاج ويحرجها بالكلام وينتقم منها ولكن
