#وكأنها_بالهجر_أخطأت

P:23

في فيلة ابو لؤي
وصلو لؤي وريماس ونزلو الاغراض وسلمو على ام لؤي وابو لؤي وبعدها طلعو الشقه حقتهم يرتاحون بعدين ينزلون عندهم
صار المغرب والدنيا تمطر قامت ريماس بحماس تصحي لؤي
ريماس : لؤي قوم قوم
لؤي : ايش في 
ريماس : ابغى انزل تحت المطر جالسه تمطر
لؤي بخوف : لا راح تمرضين
ريماس بحماس : تكفى خلينا ننزل ونتمشى بالسياره تحت المطر
لؤي ما حب يكسر خاطرها قال
لؤي : روحي البسي يلا 
راحت ريماس لبست ولبست العبايه ونزلو وهي تجري تبي تلحق المطر قبل يوقف
ام لؤي : شفيها ذي تجري كذا
لؤي ابتسم : تبي تلحق المطر
طلع لؤي وراها وهي مبسوطه وشغل السياره و ركبو شغلت المطقع اللي يقول علشان خاطري ي ليل طول
وتصور وهي مبسوطه نزلت بالسناب وكتبت الليل انا اسعد انسانه وتصرخ من الفرح ولؤي مبسوط عشانها فرحانه
ريماس بفرح : مبسوطه ي لؤي احب المطر
لؤي ابتسم : وانا احبك انت جعلك دوم مستانسه
ريماس استحت وماردت وهو مسك يدها وشد عليها وكمل يسوق وهي مبسوطه على اليوم ذا عشانها تحت المطر ومع حبيبها
.
.
.
في شقة ابو هتاف
كانت جالسه هتاف مع امها وابوها لسه بالمستشفى عشانه لازم يكون تحت الاجهزه لان حالته شوي صعبه بسبب الاكسجين
ام هتاف : وش صار معاك قبلوك بالشغل
هتاف : ايه قالي بكرا تعالي
ام هتاف : الله يوفقك يارب ويسر لك يارب
هتاف بحزن : يمه احس كل شي صعب جالس يصير معي
ام هتاف بحزن على بنتها : لاتقولي كذا ربي اذا احب عبداً ابتلاه
هتاف وتحس نفسها مكسوره
هتاف بضيقه : يمه احس مكسوره مالي حدا بعد ابوي
ام هتاف حزنت على بنتها وماتدري وش تقول لها اكتفت انها تحضنها وتخفف عنها
ام هتاف : لاتبكي كل شي محلول يمكن خيره اللي صار معانا بكرا حياتنا تتغير من شغلك
هتاف : ان شاء الله
ام هتاف : جيعانه
هتاف : اي بسوي شي اكله تبين معي يمه
ام هتاف : اي شوفي وش عندنا وجيبي تاكل
كان وضعهم شوي صعب بسبب ان ابو هتاف انشل ومرض وهو بالمستشفى ومافي احد يشتغل حاليا عندهم وبكرا هتاف بتبلش الشغل
ام هتاف بعد ماراحت هتاف المطبخ
ام هتاف : الله يحفظك ويردك لي يارب بخير وتكون لي سند بعد كل شي صار معانا
.
في قصر ابو سلطان
عند اسيل كانت بالغرفه جالسه وتذاكر عشان كان عندها اختبار صعب وتحس ماهي فاهمه وماتقدر سلمى عشان متزاعلين وماعندها احد تكلمه يشرح لها
اسيل بعصبيه : الله ياخذ الماده ذي صعبه اف ايش ذا الله يقلع الدكتوره كمان
حاولت اسيل اذاكر وتفهم عشان تقدر تحل في الاختبار وفجأة جا في بالها كلام راكان
اسيل : الله ياخذه ذا الثاني اليوم زي الزق من اختبار من كل شي  
قامت ونزلت الحديقه تغير مود شوي وبعدين اكمل مذاكره 
اسيل وهي تكلم نفسها : ايش ذا اليوم المعفن بكرا عندي اختبار صعب وكلام راكان كل شوي يجي في بالي ايش ناوي عليه ذا
شافت العنود تناديها راحت لها
اسيل : ايش تبغي انتي كمان
العنود : ابغى اطلع من هنا ابي الحمام ( الله يكرمكم )
اسيل بنرفزه : مالي دخل فيك
العنود : تكفين محتاجه اطلع
اسيل خرجتها الحمام ( الله يكرمكم ) وبعد ماخلصت رجعتها عشان سلطان مايعصب عليها بس طبعا اسيل ما انتبهت انها قفلت الباب والعنود مادخلت
اسيل : اف اف اعوذ بالله وش فيني اليوم
حاولت اسيل تهدي نفسها عشان تقدر ترجع الغرفه وتذاكر وتركز لان بكرا الاختبار وماعندها وقت
راحت المطبخ اكلت لها شي واخذت قهوه معاها للغرفه وراحت تكمل مذاكره
جا سلطان من برا وشاف العنود واقفه برا القن عصب
سلطان بعصبيه : ليش منتي جوا
العنود بخوف : طلبت من اسيل تخرجني اروح الحمام ( الله يكرمكم )
سلطان : حسابكم معي وانتي انقلعي ادخلي جوا
دخلت العنود جوا القن وهو راح عند اسيل معصب
سلطان : من سمح لك تخرجينها
اسيل : سلطان ماني فاضيه لك عندي اختبار بكرا
سلطان بعصبيه : ماشي حسابك معي بعدين
رجع عند العنود والشرار طالع من عيونه وضربها كف عشان الي صار
العنود : ايش دخلني تضربني بس عشان احتاج الحمام ( الله يكرمكم)
سلطان : تبين شي تنتظرين ارجع من الدوام
العنود بنرفزه : لا والله افرض طولت
سلطان : انطمي
راح سلطان الغرفه ياخذ شور ويبدل ملابسه وينزل ياكل له شي لان جيعان
.

في فيلة ابو الياس
كالعاده صحي الياس ولبس ملابس الدوام ورش من عطره ولبس السعاده ونزل تحت عند امه يتطمن
الياس بابتسامه : صباح الخير يمه
ام الياس بابتسامه : صباح النور صاحي بدري اليوم
الياس : ايه يمه في موظفه جديده بتيجي ولازم اقول لها كل شي عن اعرف تطبعي
ام الياس : الله يوفقك ي ولدي
الياس : امين افطرتي يمه  
ام الياس : لسه جالسين يجهزون لي الفطور عشان اقدر اخذ الدواء 
الياس : تمام اليوم اذا خلصت بدري بطلع معك
ام الياس : اي ي ولدي طفشت من البيت
الياس بفرح : من عيوني ياخذك وين ماتبين
ام الياس : تبغاني اكون فرحانه
الياس : ايه
ام الياس : تزوج
الياس : ان شاء الله بس اكون مستعد باجي اقول لك بنفسي
افطرو وخلصت والياس ركب السياره وحرك للشركه ونزل
الياس : صباح الخير
السكرتير : صباح النور
الياس : جات الموظفه الجديده
السكرتير : لسه انت قايل لها وقت محدد
الياس : ادري انا جاي بدري اذا جات خل تكلمني
جات هتاف للشركه ودخلت وراحت عند مكتب الياس عشان تكلمه لان طلبها دق الباب
الياس : تفضل
هتاف : هلا استاذ طالبني
الياس : كلمت سمير انك انت بداله وهو بيمسك شي ثاني ابي الانتظام بالمواعيد وتعرفين اذا في اجتماعات ومتى ولي اقوله يتنفذ واسرار الشركة ممنوع تطلع برا
هتاف : اكيد وان شاء الله اكون عند حسن ظنك
الياس : بنسبه لراتب كل ماشفتك تشتغلين احسن كل مازدت الراتب حقك وانت المسؤله حتى عن مكتبي في غيابي وخليهم يعطونك رقمي عشان ايش ماصار بغيابي تكلميني
هتاف : ان شاء الله
الياس : روحي لشغلك
راحت هتاف لشغلها وقالت
هتاف بينها وبين نفسها : طلباته كثيره بس بتحمل عشان نعيش انا وامي

#وكأنها_بالهجر_أخطأت