#وكأنها_بالهجر_أخطأت

P:26

في فيلة ابو الياس
كانت ام الياس جالسه وتنتظر ولدها يجي عشان قال لها مارح اتأخر باجي لك بدري نقضي وقتنا مع بعض
خافت وصارت قلقانه عشانه تأخر لان كلمها وقال لها انا في الطريق جاي
ام الياس قلبها نغزها : يمه ولدي لايكون فيه شي
ماعرفت ايش تسوي بس قررت تتصل عليه تشوف وينه وليش تأخر 
اتصلت مرا واثنين وثلاثه وماحد يرد وكان الياس تارك لها رقم الشركه عشان لو هو مارد اتصلت عليهم رد عليها سمير وعرف انها ام الياس
سمير : السلام عليكم ي خاله
ام الياس : وعليكم السلام وين الياس اتصل عليه مايرد
سمير : خرج من الشركة قال بيروح البيت
ام الياس بخوف : من الساعه ٨ وهو قايل لي انا بالطريق وماجا تكفى ي ولدي شوفه طمني عليه قلبي يقول صاير معاه شي 
سمير يحاول يطمنها : لاتخافين يمكن جاه شي ضروري راح يخلصه وبيجي لك
ام الياس : ان شاء الله بالله شوفه وطمني عليه
سمير : ابشري ي خاله
قفلو من بعض وهي تدعي ان ربي يحفظ لها ولدها الوحيد ومن كثر تفكيرها و خوفها عليه اغمى عليها
جات لها الخادمه وشافتها واتصلت على الاسعاف وجو اخذوها للمستشفى والخادمه برضه حاولت تتصل على الياس ماكان احد يرد وقررت تتصل على اخر رقم اتصلت عليه ام الياس
سمير: امري ي خاله
الخادمه : انا خادمة ام الياس
سمير : صاير شي
الخادمه : مدام ام الياس اغمى عليها واحنا الحين في المستشفى
سمير بخوف : اي مستشفى
قالت له وقرر يطلع يروح يشوفها ويوقف جمبها عشان الياس مايرد على احد حتى عليه راح لهم ودخل عندها بعد مده طويله صحيت وهي تبكي
سمير من الاحترام قال لها
سمير بحنان : يمه لاتبكين
ام الياس : تبون اكون بخير جيبو الياس اتطمن عليه
سمير : بإذن الله بيجي بنشوفه لك لاتبكين تتعبين زياده
ام الياس بحزن : ولدي صار له شي صار له حادث صح ومخبين عليا
سمير : لا اكيد هو بخير بس انشغل ماقدر يمسك الجوال
كتبو لام الياس خروج ووصاهم الدكتور انو ينتبهون لها عشان ماترجع تتعب ثاني
ووصلهم البيت ورسل لهتاف كل اللي صار ولي قالته ام الياس وانو للحين الياس مايرد على احد وقال لازم الحين ضروري نشوف بعض
.

في شقة ابو راكان
بعد ما راكان طلع اخواته من المدرسه وهم مستغربين ليش طلعو بدري اليوم رجعو البيت بدلو ملابس الدوام ولبسو شي مرتب عندهم وطلعو عند ام راكان ومستغربين ايش في
ريم : يمه
ام راكان : هلا
ريم : وش فيه راكان خرجنا بدري
ام راكان : مدري علمي علمكم 
ريف : احس مسوي لنا شي
ام راكان : الحين نشوف اصبرو
جا لهم راكان وهو شايل الاكياس وكل كيس فيه اغراض وحده منهم 
راكان : ادري مستغربين ليش طلعتكم بدري من المدرسه وايش عندي الحين بتكلم
ريف بحماس : يلا متحمسين
راكان انبسط على حماس خواته وقال
راكان : جبت لكم هدايه حبيت افرحكم جبت اللي عرفت اجيبه لان تدرون مو مرا اعرف في حاجاتكم
اعطى راكان كل واحد الكيس حقه وحضنو ريم وريف راكان وانبسطو على الاشياء اللي جابها لهم
راكان راح عند امه حضنها لان شافها تبكي
راكان : شفيك يمه
ام راكان بابتسامه : مافيني شي مبسوطه الله يخليك لنا
يلا البسو عبياتكم بنتغدا برا اليوم
ريم وريف مع بعض : الله
وراحو كلهم يلبسون عبياتهم وخرجو وركبو السياره وتجهو للمطعم
طلبو الاكل وبدو ياكلون وبعد ماخلصو حاسب راكان على الاكل وركبو السياره يتمشون شوي وبعدين يرجعون البيت
ريف بفرح : شكرا اليوم اسعد يوم في حياتي ي راكان
ريم : حتى انا الله يخليك لنا يارب
راكان : امين ويخليكم لي كلكم يارب
شغلو اغاني وريم وريف يصورون ويستهبلون مع بعض ومستانسين مرا ويصرخون من الوناسه
.

في الكافي
جو سمير وهتاف وجلسو على الطاوله عشان يتكلمون بالموضوع اللي جاين عشانه
هتاف : السلام عليكم
سمير : وعليكم السلام
هتاف : وش اللي صار مع ام الياس
سمير : تعبت وراحت المستشفى وتقول ولدي فيه شي شكله مسوي حادث واحنا نخبي عليها واتصل عليه مايرد يمكن اتصلت عليه حوالي ٢٠ مرا 
هتاف : انا بتكلم واقول كل شي اعرفه ووش صار كمان
سمير بخوف : استاذ الياس فيه شي
هتاف : لما كنت بالشركة انا جاني اتصال من جواله رديت قلت يمكن في شي ويبي يقوله لي عشان اقوله لك
سمير بتوتر : ايه 
هتاف : طلع واحد متصل من جواله يقول انه مسوي حادث وقالي انه بالمستشفى الفلانيه
سمير بصدمه : ايش تقولين
هتاف : اي وجات الشرطه تحقق معي تقول الصدمه اللي صارت واضح بفعلت فاعل
سمير : بس انا اعرف استاذ الياس ماله عداوة
هتاف : انا استغربت عشان كذا قلت اجي اقول لك لان انت تشتغل معاه اكثر مني
سمير : مدري بس مصدوم مدري وش نسوي وكيف بنقول لام الياس
هتاف : شوف بتقول مستحيل وايش تقولين بس انا فكرة فيها اكثر من مرا وانا في البيت قبل اشك
سمير : وش فكرتي فيه
هتاف : الحين ماحد كان يدري انه بيطلع بدري من الشغل غير اللي في الشركه وانا احس ان احد من اللي في الشركة راقبه لين طلع ولحقه وصار الحادث
سمير : ما اتوقع كل اللي في الشركة يحبونه
هتاف : لو نيجي بالمنطق انا اقدر ابين لاي احد اني احبه عشان اوصل للي ابيه وما اخليه يحس اني اكرهه وتصير كثير
سمير : نمشي الموضوع عادي ومانبين قدام الشركة ان شاكين في احد لين نعرف كل شي
هتاف : تمام
خلصو وحسابو وكل واحد رجع على بيته يفكر ايش ممكن يسوي ويكشف مين سبب اللي صار مع الياس

#وكأنها_بالهجر_أخطأت